Vhupangwa ha Babele.
Babiḽoni. Ḽi amba phiringano.
William Branham.Vhalani mulaedza...
Tshifhinga tsha Tshivhidzo tsha Peregamo.Babele ndi ḽone dzina ḽa mathomo ḽa Babiḽoni. Ḽi amba phiringano. Wo thomiwa nga Khushi, murwa wa Hamu, fhedzi wa itwa muḓi wa maanḓa na vhuhulu nga murwa wawe, Nimurodi, muzwimi wa muhali. U ya nga ha nyanḓadzo ire kha Genesi fumithihi na uya vho nga ha ḓivhazwakale I ḓivhaleaho, Nimurodi o ḓoliselwa u phetha zwithu zwiraru. O vha a tshi ṱoḓa u fhaṱa lushaka lwo khwaṱhaho. Izwi ndi zwe a zwi shuma. O vha a tshi ṱoḓa u alusa vhurereli hawe ene muṋe. O vha a tshi ṱoḓa u ḓiitela dzina, lune na zwone o zwi phetha. Zwe a phetha zwo sala zwi tshihumbudzo tsha muvhuso wa Babele we wav ha u tshi vhidzwa u pfi ṱhoho ya musuku vhukati ha miṅwe mivhuso yoṱhe ya ḽifhasini. Uri vhurereli hawe ho vha na bvumo zwi ṱanzielwa nga ngoho ya uri maṅwalo a u paṱekanya na Sathane lwa tshoṱhe kha Yesaya Ndima ya 14, na kha Nzumbululo Ndima dza 17-18. Nga Ḓivhazwakalevho ri a kona u zwi vhea khagala uri wo shoṱhela ḽifhasi nga vhuphara nahone ndi hone vhusendeko ha kuitele kuṅwe na kuṅwe kwa u rabela midzimu isili thero dza vhutenda zwi si zwone, naho madzina a midzimu ya hone a tshi fhambana uya nga ha dzikhethekanyo dza shango dzo fhambanaho uya nga nyambo dza vhathu. Uri o ḓiitela dzina na vhafunziwa vhawe a zwi vhi zwa vhudziswa, tenda fhedzi tshifhinga tshino tsha zwino tshi tshi endelela (u swika Yesu a tshi ḓidzumbulula ene muṋe kha vharathu vhawe) u ḓo rabelwa a hudzwa, naho hu nga fhasi ha dzina ḽo fhambanaho na ḽa Nimurodi, na thembeleni yo bvaho nyana kha ye a thoma u rendwa khayo.
Vhunga sa izwi Bivhili I sa tou bvisela ḓivhazwakale khagala nga vhuḓalo, zwi ḓo vha zwa vhuṱhogwa uri u ita tsedzuluso ya maṅwalwa ane a ṋea zwikhethwa samba uri ri wane phindulo yashu ya uri Peregamo zwo ḓisa hani uri hu vhe vhudzulo ha Vhurereli ha Vhusathane ha Babele.Zwiko zwa ndeme kha aya mafhungo hu ḓo vha maṅwalwa a mvelele dza Vhaegipita na vha Gerika. Muhumbulo wa izwi ndi uri Egipita ḽo ṱanganedza Saintsi yaḽo na Dzimbalo u bva Kaladea, ngeno Gerika dzawe o dzi ṱanganedza u bva Egipita.
Zwino vhunga sa izwi vho tshifhe vho vha vhe vhone vha lauli vha u gudiswa ha Saintsi nahone vhunga sa izwi idzi dzisaintsi dzo vha dzi tshi shumiswa sa tshipiḓa tsha vhurereli, ri vho ḓivha khoṋo ya uri ndi nga mini vhurereli ha Babele ho wana maanḓa kha aya mashango mavhili. Ndi ngoho uri shango ḽo vha ḽi tshi ri ḽo kunda ḽiṅwe, nga tshenetsho tshifhinga vhurereli ha shango ḽo kundaho hu mbo ḓi vha ha iḽo ḽo kundwaho. Zwi khou ḓihwa zwavhuḓivhuḓi uri Vhagerika vho vha vha tshi shumisa zwiga zwithihi zwa Zodiaka - zwiga zwa ṱaḓulu sa zwe Vhababele vha itisa zwone; nahone kha maṅwalwa a kale a Vhaegipita ho wanala uri Vhaegipita ndi vhone vhe vha fha Vhagerika nḓivho yavho ya u rabela midzimu. Ngauralo zwiphiri zwa Babele zwo ḓo ralo u phanḓalala u bva kha shango zwi tshi ya kha ḽiṅwe shango u swika zwi tshi yo vhonala Roma, China, India na ngei Devhula na Tshipembe ha Amerika hune ra wana mutheo wa vhurabeli uho huthihi.
Ḓivhazwakale dza kale dzi tendelana na Bivhili uri vhurereli uhu ha Babele a si hone he ha vha hu ha vhathu vha ḽifhasi vha u thoma. Ho vha hone ha u thoma u kheluwa kha luḽa lutendo lwa u thoma; fhedzi hone hu si hone ha u thoma. Vhaḓivhivhazwakale sa Vho Wilkinson na Vho Mallett vho zwi vhea khagala vha tshi phetha uri u bva kha maṅwalwa a kale uri hu na tshifhinga tshe vhathu vha ḽifhasi ḽoṱhe vho vha vha tshi tenda kha MUDZIMU MUTHIHI, wa ṱaḓuluṱaḓulu, wa linin a lini, a sa vhonaliho, we nga u ambwa ha maipfi a mulomo wawe a amba zwithu zwoṱhe zwa vha hone, na uri kha vhuthu hawe O vha o ḓala Lufuno na u vha wavhuḓi na u luga. Fhedzi vhunga Sathane a tshi tshinyadza tshiṅwe na tshiṅwe tshine a nga kona, ri wana a tshi khou tshinyadza mihumbulo na dzimbilu dza vhathu uri vha litshe ngoho. U ḓi dzulela u ṱoḓa u ṱanganedza nduvho vhunga ndi ene Mudzimu hu si mulanda na tshisikwa tsha Mudzimu, o kokodzela nduvho kha ene u bva kha Mudzimu uri i ḓe kha ene a hudziwe. O kona u phetha lutamo lwawe lwa u phaḓaladzela vhurereli hawe ḽifhasini nga vhuphara. Izwi zwo themendelwa nga Mudzimu kha bugu ya Vharoma: “Vha tshi ḓivha Mudzimu, a vho ngo mu hudza sa Mudzimu, u swika mihumbulo yavho i sa tsha dzhia zwavhuḓi nahone nga u swifhala ha mbilu vha ṱanganedza vhurereli ha vhupaṱi lune vho fhedza vha tshi rabela tshisikwa u fhira u rabela Musiki.”
Elelwani uri Sathane ndi tshisikwa tsha Mudzimu (Murwa wa Matsheloni). Ri wana uri ngoho yo vhuya ya phaḓaladzwa vhukati ha vhathu, nahone vhoṱhe vha farerela kha yeneyo ngoho nthihi, ngavhuya ha konou ḓa ḓuvha ḽe vhanzhi vha kheluwa Mudzimuni vha phaḓaladza kuluvhele kwa Mudzimu kwa Vhusathane ḽifhasini nga vhuphara. Ḓivhazwakale i zwi vhea khagala uri vha lushaka lwa Shemu vhe vha ima na ngoho i sa shandukiho vho vha vha tshi hanedzana na vha Ham vhe vha litsha ngoho vha ya mazwifhini a Sathane. A hu na tshifhinga tsha u dzhena theroni ya izwi; zwo sokou itwavho uri ni konou vhona uri ho vha hu na vhurereli huvhili nahone huvhili fhedzi huno huvhi ha fhalalela kha shango ḽoṱhe.
Vhurereli Ha Thenda Mudzimu Muthihi ho Shanduka Vhurereli Ha Thenda Midzimu. Mazwifhi a Sathane na zwiphiri zwa Sathane zwo bvelela zwa imedzana na ngoho ya Ipfi ḽa Mudzimu na zwiphiri zwa Mudzimu kha Muḓi uyo. Sathane muga o vha mudzimu wa ḽino shango a wana nduvho u bva kha avho vhe a kona u vha fhura, a vha ita uri vha tende ngangoho uri ndi ene Murena.
Vhurereli Ha Thenda Midzimu ha swina ho thoma nga pfunzo ya vhudzimuraruthihi. Izwo zwo itea murahurahu ngei kalekale lwe muhumbulo wa “Mudzimu muthihi kha vhathu vhararu” wo thoma u vha hone. Zwi a mangadza uri ndi nga mini vhagudelavhufunzi vha musalauno vha songo fara izwi; fhedzi naho vhuṱanzi vhukhagala ha uri vho fhurwa nga Sathane sa vhe vha thoma phanḓa havho, vha kha ḓi tenda kha vhathu vhararu kha Vhumudzimu. Kha ri ḓo sumbedzwa fhethu vhuthihi fhedzi kha maṅwalo hune ha vha na ndangulo ya pfunzo iyo. A zwi mangadzi na uri musi vhaḓuhulu vha Hamu vha tshi dzhia nḓila yavho ya nduvho ya Sathane ye ya katela na zwigudwa zwa midzimu miraru, lune a hu na na vhuṱala na vhuthihi ha vhaḓulu vha Shemu hune ra wana vha tshi tenda tshithu tsha u raloho kana hune ra wana vha vhurabeli hune ha katela mufuda wazwo? A zwi mangadzi uri Vhaheberu vho zwi tenda, “Ipfani, Isiraele, Murena Mudzimu waṋu ndi Mudzimu muthihi,” arali ho vha hu na vhathu vhararu kha Vhumudzimu? Aburahamu wa lushaka lwa Shemu, kha Genesi 18 o vhona Mudzimu MUTHIHI na vharuṅwa vhavhili.
Zwino vhudzimuraruthihi uhu ho vhonadzwa hani? Ho vhonadzwa nga nga khuḓatharu ndinganywa sa zwine tsha vhonadziswa zwone ngei Roma ṋamusi. Zwi a mangadza, Vhaheberu a vho ngo vha na tshigudwa tsha u ralo. Zwino a re na ngoho ndi nnyi? Ndi Vhaheberu kana ndi Vhababele? Ngei Asia muhumbulo wa Vhurereli Ha Thenda Midzimu miraru kha muthihi ho sumbedziswa nga tshifanyiso tshire na ṱhoho tharu kha mutumbu muthihi. U khou sumbedziswa sa maṱali mararu. Kha ḽa India, vho zwi wana dzimbiluni dzavho u mu vhonadza sa mudzimu muthihi a re na zwivhumbeo zwiraru. Zwino iyo ndi ngoho ya vhugudela Mudzimu ha musauno. Ngei Japan hu na Mubuddha muhulwane a re na ṱhoho tharu sa iḽa ye ra thoma ra i buletshedza.
Fhedzi tshine tsha mangadza u fhira zwoṱhe ndi tshiḽa tshe tsha vhewa uri tshibveledze tshigudwa tsha vhudzimuraruthihi nga tshivhumbeo tsha vhuraru ha 1: Ṱhoho ya mukalaha wa kale a tshi imela Mudzimu Khotsi. 2. Tshitendeledzi tshine kha zwiphiri tshi takulela nṱha “mbeu” ine nga huṅwe ya sumba Murwa. 3. Mapapa na mutshila wa tshiṋoni (ḽiivha). Afha yo vha I pfunzo ya Khotsi, Murwa na Muya Mukhethwa, vhathu vhararu kha Vhumudzimu, vhudzimuraruthihi vhukuma. Ni nga vhona zwithihi na ngei Roma. Zwino litshani ndi dovhe ndi vhudzise, a zwi mangadzi na uri Diabolo na vha murabelaho vho vha vho dzumbululelwa ngoho yo ingwaho u fhira khotsi ya lutendo (Aburahamu) na vhaḓuhulu vhawe? A zwi mangadzi na uri vharabelaho Sathane, vho ḓivha zwinzhi nga ha Mudzimu u fhira vhana vha Mudzimu? Ndi zwone zwine vhagudelavhufunzi vha musalauno vha vha vha tshi lingedza u ri vhudza musi vha tshi amba nga vhudzimuraruthihi. Elelwani hetshi tshithu tshithihi u bva zwino zwi tshi ya: Maṅwalwa aya ndi vhungoho na iyi ndi ngoho: Sathane ndi muzwifhi nahone ndi khotsi a mazwifhi, nahone a tshi ḓa na tshedza na tshifhio hu kha ḓi vha hu mazwifhi. Ndi phondi. Pfunzo yawe ya vhudzimuraruthihi yo lozwa magogo na magogo, nahone I ḓo lozwa u swika Yesu a tshi ḓa.
Uya nga ha ḓivhazwakale a zwo ngo dzhia tshifhinga uri tshanduko I itwe kha tshigudwa tsha Khotsi na Murwa na Muya Mukhethwa. Sathane o vha dzhia a fhirela nyana navho phanḓa a vha isa kule na ngoho. Pfunzo ye ya vho ḓo tendeleka ya Vhumudzimu yo vha yo no vha: Khotsi wa linini a lini. 2. Muya wa Mudzimu une wa dzula kha MUTHU ane a vha mme. (Izwo zwi a ita uri ni humbule na) 3. Murwa Mukhethwa, mutshelo wa huḽa u dzulwa nga Mudzimu (mbeu ya musadzi).
Fhedzi Sathane ho ngo takala. Ha athu phetha nduvho yawe ene muṋe zwazwino, nga nnḓa ha u zwi ita nga iṅwe nḓila i songo livhaho. Ngauralo u dzhia vhathu a vha isa kule na ngoho. Nga kha zwiphiri zwawe u dzumbululela vhathu uri vhunga sa izwi Mudzimu Khotsi a sa vhonaliho a sa ḓidini nga mafhungo a vhathu, fhedzi u sokou dzula o vha fhumulela, zwi a tevhelavho zwa uri na u rabelwa a nga ḓi rabelwa ho fhumulwa. Izwi zwi amba uri vhathu kha vha hangwe nga zwawe nga afho hune vha kona, arali vha sa koni u litsha tshoṱhe. Pfunzo iyi na yone yo mona na ḽifhasi na yonevho, na zwino ṋamusi ngei India ni a kona u vhona thembele khulu dza musiki muhulu, mudzimu o fhumulaho, ndi ṱhukhusa kha tshivhalo.
Vhunga sa izwi zwo vha zwi sa konei u luvha khotsimusiki, tsho salaho ho vha u sudzulusa nduvho ya ya kha “Mme na Ṅwana” sa zwithu zwa nduvho. Ngei Egipita ho vha hu na zwithihi zwa phaṱhekanyo ya mme na ṅwana ane a pfi Iris na Osiris. India ho vha hu na Isi na Iswara. (Lavhelesani na vhuthihi ha madzina a hone.) Asia ho vha hu Cybele na Deoius. Roma na Gerika zwo ḓi vha zwithihi, na China. Holuga, Edzanu elekanya u mangala he ha itwa nga vhafunzivharuṅwa vha Roma musi vha tshi dzhena China vha wana Madonna na ṅwana na masana a tshedza a tshi bva kha ṱhoho ya ṅwana. Tshifanyiso itshi a hushai tsho ḓo dzhia vhudzulo ha tshe tsha vha tshi ngei Vatican nga nnḓa ha phambano dza zwiṱaluli zwa khofheni.
Ndi khaedu yashu zwino uri ri tumbule mme wa mathomo na ṅwana. Mmemudzimukadzi wa mathomo wa Babele o vha e Semiramis we a vha a tshi pfi Rhea mashangoni a Vhubvaḓuvha. Zwanḓani zwawe o vha o fara murwa, we naho e ṅwana, o buletshedzwa sa mulapfu, a re na maanḓa, a lavheleseaho na a kungaho zwihuluhulu vhasadzi. Kha Hezekiele ya 8:14 o vha a tshi pfi Tammuz. Vhukati ha vhaṅwali vha bvumo o vha a tshi pfi Bacchus. Kha Vhababele o vha a tshi pfi Ninus. Ngoho ya uri u sumbedziswa sa ṅwana o takulwaho zwanḓani ngeno a tshi buletshedzwa sa munna wa maanḓa na muhali ndi nga uri u ḓihwa sa “Munna-ṅwana.” Tshiṅwe tsha zwinungo zwawe tsho vha hu “Munna wa Mme,” na uri India hune vhavhili avha vha ḓihwa sa Iswara na Isi, ene (munna) u sumbedziswa e ṅwana e kha ḓamu ḽa mufumakadzi wawe.
Vhalani mulaedza...
Tshifhinga tsha Tshivhidzo tsha Peregamo.
