Nzumbululo ya Yesu Khristo.
Tshiphiri tshihulwane tsha Vhudzimuraruthihi.
Yesu ndi Mudzimu.
William Branham.Vhalani mulaedza...
Nzumbululo ya Yesu Khristo.Nzumbululo 1:5,
Na kha Yesu Khristo, Ene ṱhanzi i fulufhedzeaho, Ene tanzhe kha vhafu, Ene Khosi ya mahosi a shangnio. Ene we a ri funa, a ri ṱanzwa zwivhi nga malofha Awe,Nzumbululo 1:8,
“Ndi nṋe Alfa na Omega,” Ndi nṋe wa u thoma na u khunyeledza, u ralo Muṋe washu Mudzimu Ramaanḓaoṱhe, Ene A RE HONE, we a vha e hone, ane akhou ḓa.Zwino maambiwa oṱhe haya, “Uyo a re hone,” “We a vha hone,” na “Ane a kha ḓi ḓo ḓa,” na “Ṱhanzi ya Fulufhelo,” na “Tanzhe u Bva Kha vho Faho,” na “Mukololo wa Mahosi a Ḽifhasi,” na “A na O,” na “Ramaanḓa Oṱhe,” ndi zwinungo na mbuletshedzo ya MUTHU MUTHIHI A FANAHO, ane a vha Yesu Khristo, We a ri ṱanzwa u bva zwivhini zwashu kha malofha awe.
Muya wa Mudzimu kha Yohane u zwi vhea nga ngona ya u takulela nṱha Vhumudzimu ha Yesu Khristo na u dzumbulula Vhudzimuraruthihi sa Mudzimu muthihi. Ṋamusi hu na vhukhakhi vhuhulwane. Ndi ha u pfi hu na Midzimu miraru nṱhani ha muthihi. Iyi nzumbululo uya nga heya fhiwa Yohane nga Yesu, Nga dzawe, u khakhulula vhukhakhi uho. A si uri hu na Midzimu miraru, fhedzi hu na Mudzimu muthihi are na ofisi tharu. Hu na Mudzimu muthihi a re na zwinungo zwiraru, Khotsi, Murwa, na Muya mukhethwa. Nzumbululo iyi ya Maanḓa ndi yone ye Tshivhidzo tsha mathomo tsha vha tshi nayo, nahone itea u vhuyedzedzwa ḓuvhani ḽino ḽa vhufhelo khathihi na kuitele vhukuma kwa ndovhedzo nga maḓi.
Zwino Vhafunzi Vhagudelavhurereli a vha nga tendelani na nṋe, ngauri a si zwi zwe zwa vha zwo ṅwalwa kha magazini khulwane ya Tshikhristo: “Uri u funza (ha Vhudzimuraruthihi) hu vhukati ha mbilu na vhudzivha ha Thestamende ya Kale. Zwitshi ḓi ngavho uri zwi vhukati ha mbilu na vhudzivha ha Thestamende Ntswa.Thestamende Ntswa i a hanedzana na Thestamende ya Kale u ya kha muhumbulo wauri hu na Midzimu minzhi u fhira muthihi. Hu na ḽa uri Thestamende Ntswa kha ufunza i zwi vhea khagala uri Khotsi ndi Mudzimu, na Murwa ndi Mudzimu, na Muyamukhethwa ndi Mudzimu, na uri hezwi zwiraru a si zwipiḓa zwa Muthu muthihi a fanaho, fhedzi ndi vhathu vhararu vho ima kha vhushaka vhuthihi nga tshavho. Henefho ri na pfunzo khulu ya Vhathu Vhararu fhedzi Mudzimu muthihi.”
Vha do vha hafhu vha amba uri: “U ya nga ha Bivhili, Mudzimu ha sokou vha muthu muthihi, fhedzi ndi vhathu vhararu kha Mudzimu muthihi. Itsho ndi tshiphiri tshihulwane tsha Vhudzimuraruthihi.”
U vha ngoho ndi ngoho! Vhathu vhararu vha ngavha hani kha Mudzimu muthihi? A si Bivhilini fhedzi hune zwi si wanale hone, huno zwi sumbedzavho ṱhahelelo ya ngelekanyo ishayaho vhuṱali. Vhathu vhararu nga dzavho, naho vha tshi fana nyitoni, vha ita vhadzimu vhararu, kana uri luambo lwo laṱetshelwa nga zwine lwa amba lwa tshoṱhe.
Dovhani ni thetshelese aya maipfi hafhu, “Ndinṋe Alfa na Omega, wa mathomo na wa magumo, uralo Murena, Uyo a re hone, na we a vha e hone, na ane a khou ḓa, ene Ramaanḓaoṱhe,” Uhu ndi Vhumudzimu. Uhu a si u sokou vha muphorofita zwawe, muthu zwawe. Hoyu ndi Mudzimu. Nahone a si nzumbululo ya vhadzimu vhararu, fhedzi ndi Mudzimu muthihi, Ramaanḓaoṱhe.
U rangani ha tshivhidzo a vho ngo tenda kha Midzimu miraru. Tshitendwa tsha u ralo ni nga si vhuye na tshiwana vhukati ha vhaaphostola. Ndi nga murahu ha tshifhinga tsha vhaaphostola he muhumbulo uyu wa dzhena wa itwa mafhungo na pfunzo khulwane Khoroni ya Nicaea. Pfunzo ya Vhumudzimu yo vhanga mabambukwa mavhili Nicaea. U bva kha bambukwa iḽo ho bvelela masia mavhili a sa dzhenelani. Ḽithihi ḽa dzhena kha vhurabela midzimu, vha tshi tenda kha Midzimu miraru, ngeno vhaṅwe vho dzhena kha Vhurabela mudzimu. Zwi a pfala uri zwo vha zwa tshifhinga nyana, fhedzi zwo itea, nahone ri nazwo ṋamusi. Huno Nzumbululo nga kha Yohane nga Muya kha zwivhidzo ho vha hu, “Ndi nṋe Murena Khristo Yesu, na uri zwoṱhe zwofhelela kha Nṋe. A hu tshena muṅwe Mudzimu nga nnḓa ha nṋe.” A vhea luswayo Lwawe kha Nzumbululo iyi.
Elekanyani izwi: Khotsi a Yesu ho vha hu nnyi? Mateo 1:18 i ri, “ O wanala e na ṅwana wa Muya Mukhethwa.”Fhedzi Yesu, nga dzawe, o zwi amba uri Mudzimu ndi khotsi awe. Mudzimu Khotsi na Mudzimu Muya Mukhethwa, vhunga ri tshi dzula ri tshi bula aya maipfi, zwi ita Khotsi na Muya tshithu tshithihi. Nga ngoho ndi zwithihi, kana zwa sa ralo zwiamba uri Yesu u na Vho-khotsi vhavhili. Ṱhogomelani zwa uri Yesu o ri ene na Khotsi Awe vha tshithu tshithihi, hu si vhavhili. Izwo zwi ri fha Muzimu muthihi.
Vhunga sa izwi lwa muya na lwa ḓivhazwakale iyi hu ngoho, vhathu vha khou mangala uri Midzimu miraru yobva ngafhi. Zwo itwa muteo wa pfunzo ngei Khoroni ya Nicea nga 325 ṅwahani wa Murena washu. Hovhu vhudzimuraruthihi (ipfi ḽine ḽi si wanale maṅwaloni lwa tshoṱhe) ho vha ho sendekwa kha midzimu minzhi ya Roma. Vharoma vho vha vhe na midzimu minzhi ye vha vha vha tshi I rabela. Vho vha vha tshi rabelavho na vhomakhulukuku sa vha sumeleli. Ḽo sokou vha ḽiga ḽa u fha madzina maswa kha midzimu ya kale, ngauralo, ri na vhakhethwa u zwi ita uri zwi ṋaṋe u vha zwa Bivhili. Huno, nṱhani ha Jupiter, Venasi, Mars, na miṅwe, ri na Paulo, Petro, Fatima, Christopher, na vhaṅwe. Vho vhona zwi sa itei uri vhurereli havho ha Vhupangwa hu shume nga Mudzimu muthihi, huno vho mupambula abva zwipiḓa zwiraru na u ita vhasumeleli nga vhakhethwa sa zwe vha ita vhasumeleli nga vhomakhulukuku vhavho.
U bva tshitshetsho vhathu vho kundwa u dzhiela nzhele uri hu na Mudzimu muthihi a re na ofisi tharu kana mbonalo. Vha a zwi ḓivha uri hu na Mudzimu muthihi uya nga ha maṅwalo, fhedzi vha lingedza u zwi ita uri zwi vhe muhumbulo une wa senengedza lune zwi tea upfala vhunga Mudzimu u nga sa tshiṱokola tsha nḓirivhe - vhathu vhararu vhane vha vha na Vhumudzimu vhuthihi hune ha kovhekanwa lwa ndinganyo nga vhoṱhe. Fhedzi zwo tou vhewa khagalakhagala hafha kha Nzumbululo uri Yesu ndi ene, “A re hone,” “Uyo we a vha e hone,” na “Uyo ane a khou ḓa.” Ndi ene “Alfa na Omega,” zwine zwa amba uri ndi ene “A uya kha Z” kana ane zwoṱhe zwa khunyelela khae. Uzwoṱhe, Ramaanḓaoṱhe. Ndi ene Volenga ḽa Sheroni, Ḽiluvha ḽa Govhani, ṊaledziPhenyi Nyamasase, Ḓadzwane Ḽivhuya, Khotsi, Murwa, na Muya Mukhethwa. U Mudzimu, Ramaanḓaoṱhe, Mudzimu Muthihi.
1Timoteo 3:16 iri, “A tshi hanedzei, ndi tshihulu tshiphiri tsha hafho huluvhiwaho Mudzimu: We a vhonadzwa ṋamani; o vhonala u luga hawe Muyani, ovhonwa nga vharuṅwa, o huwelelwa kha vhannḓa, o tendwa shangoni, a dovha a ṱanganedzwa vhurenani.” Izwi ndi zwine Bivhili ya amba zwone. A i ambi tshithu nga ha muthu wa u thoma kana wa vhuvhili kana wa vhuraru hafha. I ri Mudzimu o vhonadzwa ṋamani, Mudzimu muthihi. Honouḽa MUDZIMU MUTHIHI o vhonadzwa ṋamani. Hezwo zwi tea u zwi ita uri zwi ṱanganedzee. Mudzumu o ḓa e kha tshivhumbeo tsha muthu. Hezwo a zwo ngo mu ita MUṄWE MUDZIMU. O VHA E MUDZIMU, MUDZIMU ENE MUTHIHI. Zwo itwa nga nzumbululo misini iḽa, na zwino zwi itwa nga nzumbululo. Mudzimu Muthihi.
Kha ri humele murahu Bivhilini ri vhone uri o vha e mini u thomani u ya nga ha nzumbululo ye afha nga ha ene Muṋe. Yehova wa Mavhuthu o ḓisumbedza kha Isiraele nga kha Tshiunga tsha Mulilo. Sa Muruṅwa wa Mulanga o dzula kha itsho tshiunga tsha mulilo a ranga phanḓa Vhaisiraele misi nga misi. Thembeleni o ḓivhadza vhuhone hawe nga kha gole ḽihulu. Ndi hone nga ḽiṅwe ḓuvha a tshi vhonadzwa kha muvhili we wa bebwa nga musidzana we wa vha wo lugiselwa ene. Mudzimu we a vha a tshi dzula nṱha ha thumba dza Isiraele o vho ḓo ḓi wanela thumba ya ṋama a ḓi dzudza sa muthuvhukati ha vhathu. Fhedzi e honouḽa MUDZIMU MUTHIHI.
Bivhili I gudisa uri MUDZIMU O VHA E KHA KHRISTO. MUTUMBU wo vha u Yesu. Khae ho dzula Vhumudzimu nga vhuḓalo hoṱhe, ḼWA ṊAMA. A hu tshena ṱhalutshedzo ine ya nga zwivhea khagala u fhira afha. Tshiphiri, Ee! Fhedzi ndi ngoho vhukuma, zwi nga sivhe khagalesa u fhira afha. Zwino, arali o vha e si vhathu vhararu u thomani, Asi nga si vhe vhathu vhararu zwino. MUDZIMU MUTHIHI: na u ri Mudzimu honoyu muthihi o ḓa e kha ṋama.
Yesu ori, “Ndi bva ha Mudzimu nahone ndi humela ha Mudzimu.” Yohane 16:27-28. Ndi zwone kokotolo zwezwa itea. O ngalangala u bva shangoni nga kha lufu lwawe, mbulungo, mvuwo, na ugonya makoleni.
U bva afho ndi hone Paulo a tshi ṱangana nae e nḓilani ya u ya Damaseko a amba na Paulo a ri, “Saulo Saulo u ntovholelani?” Paulo a ri, “Ndi iwe nnyi Murena?” Ene a ri, “Ndi nṋe Yesu.” O vha a tshiunga tsha mulilo, tshedza tshi vaṱamedzaho. O vha o no humela murahu, zwe a amba kokotolo uri u ḓo zwi ita, murahu kha tshivhumbeo tshe a vha e kha tsho phanḓa ha misi a sa athu dzula kha thumba ya ṋama. Yohane o zwi vhona zwo tou kokotolo nga u tou ralo. Yohane 1:18 “Haho we a vhuyaho a vhona Mudzimu; Murwa Mubebwa e eṱhe are marumbini a khotsi, ndi ene o ri ṱalutshedzaho.” Dzhielani nzhele he Yohane a ri Yesu U HONE; Gopwani ḽa Khotsi
Luka2:11 iri,
“Ngauri ṋamusi no bebelwa mutshidzi, are Khristo Murena, muḓini wa Davida.” O bebwa e Khristo, nahone nga murahu ha maḓuvha a malo nga vhuya musi a tshi rubiswa O ḓo pfi Yesu, naho Muruṅwa ovha o no ḓi vha vhudza. Ndo bebwa ndi Branham. Musi ndi tshi bebwa vho mpha dzina ḽa William. Ene o vha KHRISTO fhedzi o fhiwa dzina fhano fhasi vhukati ha vhathu. Thumba iḽa ya nga nnḓa ye vhathu vha vha vha tshi i vhona yo vha i tshipfi Yesu. O vha Murena wa Vhugala, Ramaanḓaoṱhe a vhonadzwa e kha ṋama. Ndi Mudzimu Khotsi, Murwa na Muya Mukhethwa. Ndi ene zwoṱhe izwo.Vhalani mulaedza...
Nzumbululo ya Yesu Khristo.Download (English) Godhead Explained
