Makole a Ṱaḓulu.
O namela makole.
Pearry Green.Lukasi 21:25-27,
25 Hu ḓo vha na maṱula kha ḓuvha na kha ṅwedzi na ṋaledzi. Hu ḓo vha na u hanganea na u ḓaḓa ha dzitshakha fhano shangoni nga u ofha magabelo a lwanzhe na u unga halwo.
26 Vhanna vha ḓo ṋoka nga u ofha zwine zwa ḓo wela shango ḽoṱhe, ngauri zwi re lutomboni zwi ḓo thudziwa zwa bva nḓilani dzazwo.
27 Zwenezwo vha ḓo vhona Mubebwa-nga-muthu a tshi ḓa e kha gole e na maanḓa na vhugala vhuhulu.Dzenedzi ndimana dza maṅwalo dzo vhaliwa lwa miṅwaha ya maḓana. Tshifhinga tshoṱhe kha mihumbulo ya vhathu, u vhonala ha makole na u vhonala ha Yesu Kristo zwo vha zwo ṱumana. Na vhagudi vha zwa vhurereli vho funzeaho vhane vha tenda kha u vhuya ha Murena kha ḽifhasi, u dzhia muselwa wawe, vho vhumba vhushaka uhu mihumbuloni yavho. Naho zwo ralo vhenevha vhagudi vha vhurereli vha nga kha ḓi ṱutshela u ḓa hawe ha vhuvhili ngauri, naho vho ṋewa “maṱo a u vhona na nḓevhe dza u pfa” vha ḓo hana u zwi shumisa u ṱhogomela zwenezwo zwithu zwe Mudzimu a zwi fulufhedzisa kha ipfi ḽawe, zwo vha zwi tshi ḓo ranga phanḓa u ḓa ha vhuvhili ha Kristo.
Matiosi 24, u thoma kha ndimana ya vhu 23 na yone ndi ṱhanzi ya maḓuvha aya phanḓa ha u ḓa ha Kristo,
23 Zwenezwo arali ni tshi pfa muthu a tshi ri, ‘Vhonani Mesia khoyu!’ kana a tshi ri, ‘Vhonani khouḽaa!’ ni songo tenda.
24 Hu ḓo bvelela vhomesia vha khole-khole na vhaporofita vha khole-khole; vha ḓo ita maḓembe mahulu na zwimangadzo uri arali zwo vha zwi tshi konadzea vha xedze na vho nangwaho nga Mudzimu.(Ṱhogomelani uri Yesu ho ngo amba “Yesu wa mazwifhi” fhedzi o ri “vhaḓodzwa vha mazwifhi”, vhane vha vha na u ḓodzwa ha vhukuma, fhedzi vha tshi amba zwi si zwa ngoho, milomo ya mazwifhi.)
Yesu o vha a tshi khou sevha nga ha vhufhura musi a tshi vhuya lwa vhuvhili, fhedzi o fulufhedzisa uri vhakhethwa a vha nga ḓo fhurwa, vhane madzina avho o ṅwalwa kha bugu ya vhutshilo ya Ngwana u bva musi shango ḽi sa athu sikwa, nahone vho vhetshelwa hu tshee nga phanḓa uri vha fane na tshifanyiso tsha Yesu Kristo. Yesu o amba naho hu tshi ḓo vha na vhane vhathu vha ḓo ri nga havho “Muḓodzwa ndi uyu! Muṅwe a re na fhungo ndi fhano!” Kha Matiosi 24:25 o isa phanḓa nga uri,
25 Tenda ndo dzula ndo ni vhudza.
26 Izwo arali vha ni vhudza vha ri, ‘Mesia u henengei sogani!’ ni songo vhuya na ya u vhona. Arali vha ri, ‘Asuyu, u fhano pfamoni!’ ni songo vhuya na tenda;Vhukati ha dinomineisheni ṋamusi hu na vhane vha nga khetha u tenda lutendo lwo bebwaho nga dinomineisheni, kana pfunzothendwa u fhira Ipfi. Vha ḓadzisa luṅwalo ulwu, ngauri vha ri, “Ipfi ndi fhano, u ḓodzwa ndi fhano. Riṋe miraḓo ya khoro, vharangaphanḓa, ro ṱangana tshiphirini, ri tshi ṱoḓa Murena. Zwino ri bvela nnḓa ra ni vhudza uri Ipfi ndi ḽeneḽi.” Vha ṱoḓa nzumbululo ya tshiphirini nahone vha i kombetshedza kha vhatevheli vhavho. Humbulani uri ndi ene Ipfi. (Johanisi 1:1, 14) “U rangani ha zwoṱhe Ipfi o vha e hone, huno Ipfi o vha e na Mudzimu, nahone e Ene Mudzimu... Ipfi a vha muthu wa ṋama, a dzula na riṋe, ra vhona vhugala hawe,...”
Hu si na nzumbululo vha ṱalutshedza luṅwalo, u fana na Matiosi 24:27,
27 Mubebwa-nga-muthu a tshi vhuya u ḓo tou nga lupenyo lwa mvula lune lu tshi vhenge, lwa vhonetshela u bva vhubvaḓuvha u swika vhukovhela.
U bva kha lwonolu luṅwalo, vha lavhelela uri Yesu Kristo u ḓo fhufha a pfuka ṱaḓulu, a tshi khou vhidzelela u vhuya hawe u itela u dzhia muselwa wawe. Vhane vha funza zwenezwi vha hangwa luṅwalo lune a amba nga ho livhaho uri u vhuya hawe hu ḓo “nga mbava ya vhusiku.”
Sedzani vhubvo ha vhathu; ḽo vha ḽi tshi bva vhubvaḓuvha ḽi tshi ya vhukovhela. Sedzani Vhukriste, ho vha vhu tshi tshimbila u bva vhubvaḓuvha u ya vhukovhela. Sedza ḓuvha; u takuwa vhubvaḓuvha wa kovhela vhukovhela. Mudzimu o thoma mulaedza wa muḓinḓa muṅwe na muṅwe kha tshifhinga tshiṅwe na tshiṅwe tsha kereke vhubvaḓuvha nahone muḓinḓa wa u fhedzisela a bvelela vhukovhela, u ḓisa zwiphiri zwa Mudzimu kha vhufhelo, samusi zwo dzula zwo ambiwa kha Ndzumbululo 10:7.
Ngauralo arali zwithu zwi sa ḓivhei zwo vha zwi tshi ḓo bvelela kha vhathu vhane vha khou tshila maḓuvhani a u fhedzisela musi Murena a sa athu ḓa, zwenezwi zwithu zwo vha zwi tshi ḓo itea vhukovhela. Ngauri “sa lupenyo lu tshi bva vhubvaḓuvha,...u ya vhukovhela,” ngauralo Yesu Kristo o ḓidzumbulula u bva vhubvaḓuvha u ya vhukovhela nga avha vhaḓinḓa vha sumbe. Musi muṅwe na muṅwe a tshi ḓisa mulaedza wawe ngauralo nzumbululo ya bvela phanḓa, i tshi ṱanḓavhuwa na muṅwe na muṅwe: Luther we a ḓisa u ṱanganedzwa; Wesley, u khethwa, vhapentekoste, u wa ha Muya Mukhethwa mathomoni a tshikhathi itshi tsha Laodikea; nahone zwino ri tshi ya kha u ḓadzea nga mulaedza uyu kha muselwa hune zwiphiri izwi zwa ambiwa nga muḓinḓa uyu nahone zwiga zwo no vulea.
Matiosi 24:28,
28 “Hune ha vha na tshitumbu ndi hone hune maanga a kuvhangana hone.”Ngauralo vharuṅwa vhawe vha ḓo kuvhanganya goni, avho vha tshilaho kha ḽino ḽikhathi, ḽikhathi ḽa magoni. Goni ḽi ḽa ṋama ntswa, hu si u itela “u ṱanza” hune ha ḓo ḓadza “maṱafula” oṱhe a dinomineisheni (Yesaya 28:8), fhedzi u itela ṋama ntswa ya Ipfi. Ndi henefho hune goni ḽa ḓo kuvhangana hone. Musi iḽi Ipfi ḽi tshi bvelela, ngauralo vhathu vha kuvhanganya vhane vha ḓo zwi tenda, sa zwine Mudzimu a vha vhidza zwone.
Matiosi 24:29-30,
29 “Hu ḓo ri ayo maḓuvha a maṱhupho a tshi fhela, ḓuvha ḽa dzima na ṅwedzi wa swifhala, nga ngeno ṋaledzi dzi tshi khou wa, zwi re lutomboni zwa vilingana.
30 “Ndi hone tshiga tsha Mubebwa-nga-muthu tshi tshi ḓo vhonala lutomboni, tshakha dzoṱhe dza ḽifhasi dzi ḓo ṱavha mukosi nga nyofho dzi tshi vhona Mubebwa-nga-muthu a tshi ḓa o namela makole e na maanḓa na vhugala vhuhulu.Iṅwe ṱhalutshedzo ya u ḓa ha murwa wa muthu, ndi kha Daniele 7:13,
13 “Nde ndi tshi sedza mabono anga a vhusiku, nda vhona a no nga Mubebwa-nga-muthu a tshi khou ḓa o namela makole...
Daniele kha thestamennde ya kale o ita na u ṱanziela u ḓa ha murwa wa muthu sa zwine zwa ṱumana na makole. Nga nḓila i fanaho na Yesu, tshifhinga tshoṱhe musi a tshi amba nga ha u ḓa hawe lwa vhuvhili, o vha a tshi amba nga ha makole.
Kha ḽa Arizona, ngauralo kamara ya zwa vhubindudzi i ḓivhadza, phesenthe dza mahumi maṱanu na ṱhanu dza tshifhinga, a hu na makole lutomboni. Fhedzi nga dzi 28 dza Luhuhi 1963, ho mbo ḓi bvelela gole ḽi songo ḓoweleaho lutomboni lwa Arizona ḽe ḽa vha ḽo sumbedzwa na tshifanyiso, kha thero yo ṅwalwaho nga Dr James McDonald, muphurofesa wa fisika ya mupo ngei yunivesithi ya Arizona kha Magazini wa Saintsi, nga ḽa 19 Lambamai, 1963. Vhathu vho vha vho humbelwa uri vha rumele zwinepe zwine zwa vha hone kana maṅwe mafhungo ane a nga bvisela khagala vhubvo ha gole iḽi.
Ndi ngani dzangalelo ḽa gole ḽithihi? Nga mulandu fhedzi wa vhuhulwane hayo vhu mangadzaho na vhulapfu, zwo vhalelwa nga trigonometry ubva kha zwinepe zwa maḓana a fumalo zwine zwa vha uri azwi fani, sa zwine zwa vha na vhulapfu ha mimaila dza fumbili rathi, vhulapfu ha mimaila dza mahumi maṱanu na vhuphara ha mimaila dza furaru. Zwinepe zwo vha zwi tshi bva kha mimaila dza maḓana mavhili na mahumi maṱanu zwi tshi ya kha nḓila nthihi na vhanzhi kha dziṅwe nḓila vha tshi bva vhukule vhu fhiraho mimaila dza ḓana. Tshivhoni tshi penyaho tsha ḽeneḽi gole tsho vha tshi tshi dzula tsho vhonetshelwa nga tshedza tsha ḓuvha mimunithi ya fumbili-malo nga murahu ha musi ḓuvha ḽo no kovhela. Nṱha ha mupo [tshikhalani], nṱha ha siḽingini ya u fhufha ha zwiendedzi, nga nnḓa ha hune muṋu wa nga vhumbwa hone na u ṱangana, nahone zwi sa konadzei uri ḽo bva kha rokhethe nga vhunzhi ha muṋu une wa ḓo tea u vha nawo, gole ḽihulwane ḽi kha ḓi vha tshithu tshi sa pfali tsha saintsi.
Vhadzudzanyi vha magazini wa 'Vhutshilo' vho ṱangana na yeneyi thero kha ‘Saintsi’, nahone nga ḽa 17 Shundunthule, 1963, vha gandisa tshifanyiso tsha gole ḽi re na maipfi aya, “Gole ḽine ḽa vha nṱha vhukuma, nahone ḽi ḽihulwane vhukuma uri ḽi vhe ngoho, fhedzi naho zwo ralo, hetshi ndi tshinepe tshaḽo!” Ndo guda nga ha gole lwa u tou thoma kha ino khandiso ya 'Vhutshilo'. Musi ndi tshi humbula murahu, ndi ṱhogomela uri yeneyo thero yo vha i tshi takadza, naho zwo ralo a tho ngo i dzhiela nṱha nga nḓila yo khetheaho. Mushumeli wa mafhungo madifha o fhelelaho, o ḓalaho Muya Mukhethwa, ndo tenda uri ndi muraḓo wa muselwa wa Kristo, fhedzi nga tshenetsho tshifhinga ndo vha ndi sa athu vha muyani u itela u ṱhogomela uri Yesu Kristo o amba uri u vhuya hawe hu ḓo vha na makole. Zwi ḓiṱukufhadza lungafhani, musi ndi tshi humbula murahu, u ṱhogomela uri ndo vha ndi songo dzhiela nṱha zwithu zwi sa vhonali kha zwine zwa nga si kone u ṱalutshedzwa nga lwa nzulele nga saintsi. Ho vha hu nga 1964 musi ndi tshi pfa ngoho ya zwiitea zwi swayeaho zwe zwa itea musi ḽeneḽi gole ḽi tshi bvelela nṱha ha Arizona.
Nga dzi 22 dza Khubvumedzi, 1962, miṅwedzi mivhili yo fhelelaho phanḓa ha musi gole ḽi tshi bvelela, Mukomana Branham o wana bono musi o dzula ofisini yawe ngei Jeffersonville, Indiana, ḽiṅwe ḽa mabono a zwigidi e a vha o a vhona musi a tshi kha ḓi tshila. Nga ḽa 31 Khubvumedzi, 1962, o anetshela iḽi bono kha tshivhidzo tshawe ngei Thaberenakeḽeni ya Branham, ngei Jeffersonville. Maipfi awe o pfala nga vhathu vha ṱoḓaho u vha maḓana a rathi vhe vha vha vhe hone vhusiku honoho nahone a rekhodiwa kha theipi musi a tshi ḓisa thero yawe ine ya ri “Naa tshiga tsha vhufhelo ndi tshenetshi, Vhaṋe vhashu?”
O anetshela nḓila ye kha bono a vha e ngayo nga thungo ha thavha, a tshi khou bvisa cocklebur kha mulenzhe wa vhurukhu, musi nga u ṱavhanya a tshi tshuwiswa nga u thuthuba huhulwane, nga murahu a dalelwa nga vharuṅwa vha sumbe. O tenda tshivhidzoni uri o vha a sa ḓivhi zwine bono iḽi ḽa amba zwone. Bono ḽo mu vhilaedzisa vhukuma, nahone kha vhege dzo tevhelaho o amba na vhaṅwe uri khamusi ndivho ya Mudzimu vhutshiloni hawe yo ḓadzea nahone o vha a tshi ḓo vhulahwa nga u thuthuba. O vha a tshi ḓi vhudzisa uri avha vharuṅwa vha ḓo hwala tshitumbu tshawe vha tshi ṱuwa naa sa zwe zwa itelwa Mushe.
Nga murahunyana ha tshenzhelo iyi ya bono, o pfulutshela na muṱa wawe Tucson, Arizona nahone a dzula henefho. O huwelela thero dzi si gathi nahone a thoma u tendelana na vhutshilo ha tshenetshi tshitshavha tsha sogani, fhedzi naho zwo ralo bono ḽo vha ḽi tshi mu dina. Naa tshifhinga tshawe tshi ḓo fhela hu si kale? Zwi ḓo vha lini?
U ya nga mvelo yawe sa muthu wa nnḓa na muzwimi, o ḓiwana a tshi khou ḓiphina nga mutambo une a u funesa wa henefho fhethu, u zwima nguluvhe ya ḓaka ya sogani ine ya ḓivhiwa sa Javelina. Ndi tshifhingani tsha lwendo lwo raloho lwa u zwima he ḽeneḽi bono ḽi vhilaedzisaho ḽa ḓadzea.
Ḓuvha ḽo vha ḽi ḽa 7 Ṱhafamuhwe, 1963. Ho vha hu matsheloni nahone Murathu Branham o vha o no bva gammbani u itela u thusa vharathu vhawe na vhazwimi, Vharathu Fred Sothmann na Eugene Norman, u wana Javelina i sa wanali. Sa nga misi o vha o no bvelela kale kha u zwima tshifuwo tshawe. O gonya kha ṱhodzi, o no livhisa vhaṅwe nḓila ine vha fanela u i dzhia uri vha ṱangane na sambi ḽa nguluvhe ḽe a vha o ḽi vhona kale nahone a ḓo vha kombetshedza uri vha tse khavho. O fhumula nṱha ha tshikwara lwa tshifhinganyana, a ṱhogomela uri hu na cocklebur [mbeu] kha mulenzhe wa vhurukhu hawe. Nga murahunyana ha musi o no isa tshanḓa uri a i bvise, ho pfala phosho ya u thuthuba yo dzinginyisa thavha nahone musi mavu a tshi khou tetemela fhasi hawe, o mbo ḓi fhufha muyani, a sa ḓivhi uri ho itea mini kana u lavhelela mini nga murahu.
Henefho lutomboni nṱha hawe, ho vhonala madodo maṱuku a sumbe, a ngaho zwiendedzi zwa zwiendedzi. Nga murahu ha musi hu sa athu u bonya maṱo hedzi dothi dzo mbo ḓi bvelela phanḓa hawe - piramidi ya vharuṅwa ine ya vha na muruṅwa a re na maanḓa nṱha na vharuṅwa vhararu vhaṱuku fhasi kha sia ḽiṅwe na ḽiṅwe. Samusi Paulo o amba uri o takulelwa ṱaḓulu ḽa vhuraru, ngauralo Murathu Branham o anetshela uri o “takulelwa” vhukati ha tshigwada itshi tsha ṋaledzi dza vharuṅwa. Ndi nga tshenetshi tshifhinga he a ṋewa mushumo une wa ri: “Vhuyelela vhubvaḓuvha he wa bva hone nahone nga nzumbululo na bono, Mudzimu u ḓo vula mapfundo a sumbe e a vha o swaiwa nga tshiphiri u bva tshe Yohane mudzumbululi a zwi ṅwala buguni ya Nzumbululo!”
Vhahashu vhe vha vha vhe nae vho vha vha tshi ḓivha nga ha bono nahone vho vha vho no tshenzhela u dzinginyea ha thavha, fhedzi, nga nḓivho yanga, vho vha vha sa zwi ḓivhi uri hu na vharuṅwa. Mukomana Branham o vha laedza nga tshenetsho tshifhinga uri vha si vhudze muthu zwe vha zwi vhona na u zwi pfa. Vho ṱuwa Tucson nga ḽa 13 Ṱhafamuhwe 1963, vha vhuyelela Jeffersonville. U bva nga dzi 17 u swika nga dzi 24 dza ṅwedzi wa Ṱhafamuhwe, o thoma mutevhe wa thero dzo khetheaho vhukuma na dzi ṱanḓavhudzaho dze dza vhuya dza ḓivhiwa kerekeni.
U dzhia Tshiga vhusiku vhuṅwe na vhuṅwe, ene, nga nzumbululo yo livhaho na u hevhedzwa nga Muya Mukhethwa ḓuvha ḽiṅwe na ḽiṅwe, o vha a tshi huwelela zwiphiri zwa Mudzimu ine Mudzimu a fulufhedzisa Daniele uri a i nga ḓo dzumbululwa u swika tshifhinga tsha vhufhelo. Hetshi tsho vha tshi tshifhinga tshe ha ambiwa nga hatsho maṅwaloni, tshifhinga tsha vhufhelo, nahone Mudzimu o amba nga muporofita wawe sa zwe a vha a tshi dzulela u zwi ita, fhedzi nga hetshi tshifhinga Ipfi ḽo ḓa nga nḓila ya nzumbululo ye ya vha i sa athu vhuya ya ambiwa kha muthu. Muselwa o vha a tshi sumbedzwa uri zwithu zwinzhi zwe vha vha vha tshi khou zwi ṱoḓa zwo no fhira kale. Tsho vha tshi tshifhinga tsha uri muselwa a “ḓilugise.”
Arali na ṱolisisa tshinepe tsha gole ḽine ḽa kangayisa saintsi, ni nga vhona tshifhaṱuwo tsha Murena Yesu Kristo khaḽo, O sedza nahone o sedza vhubvaḓuvha, e na mavhudzi a ngaho dzudzu, sa zwe Yohane Mudzumbululi a vha o mu vhona zwone. O vha a sa vhonali sa muṱhannga sa zwe a vha e zwone musi a tshi lenga kha tshifhambano e na miṅwaha ya furaru-raru, fhedzi sa ene ane a vha muhaṱuli wa shango. Zwi nga konḓa uri vhaṅwe vhathu vha zwi ṱanganedze, fhedzi naa a zwo ngo ambiwa maṅwaloni fhethu hunzhi uri musi murwa-muthu a tshi dzumbululwa, musi a tshi bvelela, hu ḓo vha na makole?
-----
Ndi ḓivhadza vhathu vha tshifhinga tshino uri maṅwalo a fulufhedzisa uri hu ḓo vha na gole ḽo ṱumanaho na u bvelela ha murwa wa muthu kha ḽino ḽifhasi. Zwino ndi ni ḓisela mafhungo a mangadzaho a uri ho vha na gole ḽo raloho kha ḓana ḽa miṅwaha ḽino - gole ḽine ḽa nga si ṱalutshedzwe nga saintsi. Arali zwi tshi nga ṱalutshedzwa nga mulayo wa saintsi then I couldn’t believe zwine nda ita nga hazwo, fhedzi ahuna ṱhalutshedzo. Ndo vhudzwa nga munna ane nda tenda uri ndi muporofita wa Mudzimu wa tshino tshifhinga, Mukomana William Branham, uri vharuṅwa vha sumbe vho ḓa khae huno vha dzumbulula zwiphiri zwa bugu ya Nzumbululo, vha mu fara vha mu isa vhukati havho. A thi na tshiitisi tsha u timatima yeneyi ṱhalutshedzo. Gole ḽo vha ḽi ḽihulwane vhukuma, ḽi nnṱha vhukuma, nahone ḽo vha ḽi tshi ḓo fanela u vha na muṱavha munzhi vhukuma uri ḽi vhe ḽa vhukuma; fhedzi ngoho i kha ḓi vha hone - zwo vha zwi zwa vhukuma. Ho vha hu tshi fhira ha mvelo nahone Mudzimu o zwi rumela sa tshiga kha muselwa.Sudzulusa (Tshiisimane):
"Is this the sign of the end, Sir"Vhalani... "The Cloud" - Pearry Green.
