Ndovhedzo nga maḓi.
Nḓila ndi iyi. Tshimbilani inwi khayo.
Yesaya 55:6-7,
6 Ṱoḓani Muṋe washu a tshi kha ḓi wanala, mu rabeleni a tshee tsini.
7 Vhavhi nga vha litshe nḓila dzavho, vhatshinyi vha laṱe mihumbulo yavho mivhi, vha humele ha Muṋe washu, u ḓo vha khathutshela, Mudzimu washu u ḓo vha hangwela tshoṱhe.Ngauri roṱhe ri vhaitazwivhi.
Vharoma 3:23,
vhoṱhe vho tshinya, vho ḓikhaukanya na Mudzimu wa vhugala.Vharoma 3:10,
A hu na na muthihi zwawe a re muvhuya;Ri fanela u rembuluwa roṱhe.
Lukasi 13:3
Na kathihi! Ndi ri, na sa rembuluwa ni ḓo lovha noṱhe u fana navho.Mishumo 3:19,
Laṱani-ha vhuvhi haṋu ni rembulutshele ha Mudzimu uri a thuthe vhutshinyi haṋu,Na dzikereke dzi fanela u rembuluwa.
Nzumbululo 2:1,5,
Ṅwalela muḓinḓa a re tshivhidzoni tsha Efesa u ri,...
Edzonu vhona he na wa ni hone, uri ndi hungafhani. Zwino-ha shandukani ni dovhe ni ite zwe na vha ni tshi ita kale. Arali na sa shanduka ndi ḓo ḓa nda bvisa tshivheambone tshaṋu vhudzuloni hatsho.Nzumbululo 3:19,
Nṋe vhoṱhe vhane nda vha funa ndi ita ndi tshi vha kaidza na u vha nyambudza. Zwino-ha na inwi shandukani ni litshe mahodze ni vuse nungo.Ri fanela u lovhedzwa.
Markosi 16:16,
Ane a a tenda a lovhedzwa u ḓo tshidzwa. Ane a si a tende u ḓo laṱwa.1 Pitrosi 3:21,
Hezwo zwi fanyisedza ndovhedzo, ine inwi na tshidzwa ngayo zwino. Ndovhedzo a si u ṱanzwiwa tshika dza muvhili, hu tou vha u humbela Mudzimu uri ri ṱanzwiwe vhutshinyi, luvalo lwa sala lwo ṱamba. Hezwo zwi a konadzea nge Yesu Khristo a vuwa vhafuni.Nga u dzheniswa maḓini.
Johanisi 3:23,
Johanisi na ene o vha a tshi khou lovhedza Ainoni hune hu si vhe kule-kule na Salimu, ngauri ho vha ho ḓala maḓi henefho. Vhathu vho vha vha tshi khou ḓi ya khae henefho a tshi vha lovhedza.Mishumo 8:36-39,
36 Ha ri vha tshi khou ḓi tsa na gondo ḽeneḽo, vha swika huṅwe fhethu hu re na maḓi. Gota iḽo ḽa ri: “Maḓi ngea! Tshi nkundisaho u lovhedzwa ndi mini?”
37 Filipi a tshi mu fhindula a ri, “Vha nga ḓi lovhedzwa arali vha tshi fulufhela Yesu Khristo nga mbilu yavho yoṱhe.” Uyo a fhindula a ri, “Vhukuma, nṋe ndi a tenda uri Yesu Khristo ndi Murwa wa Mudzimu.”
38 Ndi hone uyo munna a tshi imisa gariki, ene na Filipi vha tsela maḓini, Filipi a mu lovhedza.
39 Musi vha tshi bva maḓini, Muya wa Muṋe washu a mbo ḓi hwala Filipi a ṱuwa nae, uyo munna a si tsha mu vhona; a ḓifarela nḓila yawe o takala.U ya nga phetheni ya Vhaapostola.
1 Samuele 15:22,
...U thetshelesa hu fhira tshiṱhavhelo, u tevhedza ndaela hu fhira nngu dzo nonaho.Lukasi 24:45-49,
45 A konou vha dzivhulusa uri vha ṱalukanye Maṅwalo.
46 A vha vhudza a ri, “Ndi zwone zwe zwa ṅwaliwa upfi Mesia o fanela u tambudzwa a vuwa vhafuni nga ḓuvha ḽa vhuraru.
47 A vha Ene ane a ni ruma u ḓivhadza tshakha dzoṱhe uri vha rembuluwe vha kone u hangwelwa vhutshinyi. Ni thome Jerusalema.
48 Ndi inwi vhane na fanela u ṱanzilela hezwi zwithu.
49 Huno Nṋe ndi ḓo ni rumela tshe Khotsi anga a ni fulufhedzisa. Zwino inwi ni dzule fhano Jerusalema ni vhuye ni ṋewe ayo maanḓa a bvaho ṱaḓulu.”Mishumo 2:36-39,
36 “Zwi ḓivheni-ha inwi noṱhe Vhaisraele uri vhukumakuma onoyo Yesu we na mu vhamba kha tshifhambano Mudzimu o mu ita Muṋe wa zwoṱhe, o mu ita Mesia.”
37 Vhathu vha tshi pfa zwenezwo zwa vha ṱhavha, vha vhudzisa Pitrosi na vhaḽa vhaṅwe vhaapostola vha ri, “Zwino ri iteni-ha?”
38 Pitrosi a fhindula a ri, “Rembuluwani, muṅwe na muṅwe a lovhedzwe nga dzina ḽa Yesu Khristo uri a hangwelwe vhutshinyi, ndi hone Mudzimu a tshi ḓo mu ṋea Muya Mukhethwa.
39 Ene Muya, Mudzimu o mu fulufhedzisa inwi na vhana vhaṋu, khathihi na vhoṱhe vha dzulaho mashangoni a kule, vhoṱhe vhane Mudzimu Muṋe washu a ḓo vha vhidza.”Vha songo lovhedzwaho nga Dzina ḽa ngoho,
vho laedzwa uri vha lovhedzwe hafhu.Mishumo 8:14-17,
14 Vhaapostola vha Jerusalema vha tshi pfa uri vhathu vha Samaria na vhone vho ṱanganedza ipfi ḽa Mudzimu, vha rumela Pitrosi na Johanisi khavho.
15 Vha tshi swika vha vha rabelela uri vha ṋewe Muya Mukhethwa;
16 ngauri Muya Mukhethwa o vha a sa athu tsela na kha muthihi wavho, vhó sokou lovhedzwa fhedzi uri vha vhe vha Muṋe washu Yesu.
17 Ndi hone Pitrosi na Johanisi vha tshi vha vhea zwanḓa, vha mbo ḓi ṱanganedza Muya Mukhethwa.Mishumo 19:1-6,
1 Musi Apolosi e Korinta, Paulo a buḓekanya shango nga matavhani, a swika Efesa. Henefho a wana vhaṅwe vhafunziwa.
2 A vha vhudzisa a ri, “Nṋa no vhuya na ṱanganedza Muya Mukhethwa musi ni tshi vha vhatendi naa?” Vhone vha fhindula vha ri, “Zwa Muya Mukhethwa a ri athu vhuya ra zwi pfa.”
3 Paulo a vhudzisa a ri, “Matsina no lovhedzwa nga ndovhedzo ya nnyi?” Vhone vha fhindula vha ri, “Nga ya Johanisi.”
4 Paulo a ri, “Johanisi o lovhedza vho rembuluwaho a tshi vhudza Vhaisraele uri vha fulufhele a no ḓo mu tevhela, a tshi amba Yesu.”
5 Vha tshi pfa Paulo a tshi ralo, vha lovhedzwa uri vha vhe vha Yesu Muṋe washu.
6 Paulo a vha vhea zwanḓa, Muya Mukhethwa a mbo ḓi tsela khavho, vha thoma u amba nga ndimi vha ita na u porofita.Mishumo 10:48,
48 Ndi hone a tshi ri vha lovhedzwe vha vhe vha Yesu Khristo...Ndi dinomineisheni ifhio ine nda fanela u i dzhena?
Ahuna na tshithihi. - U shumela Yesu Kristo.Johanisi 3:3,
3 Yesu a fhindula a ri, “Zwino kha vha pfe-ha: a hu na muthu ane a nga kona u vhona muvhuso wa Mudzimu arali a songo tou thoma a bebwa nga huswa, zwi tshi bva ṱaḓulu.”Vhagalata 1:8,
8 Hone naho hu nga vha riṋe kana muruṅwa a bvaho ṱaḓulu a ḓa a ni ḓivhadza mafhungo a sa anḓani na aḽa e ra ranga u ni ḓivhadza one, onoyo kha a vhe muteketelwa.Na muporofita ha faneli u hanedzana na luṅwalo.
1 Vhakorinta 14:37,
Ane a vhona unga u na mpho ya u ḓivhadza zwe Mudzimu a dzudzanya, kana iṅwe mpho ya Muya, onoyo u fanela u ḓivha uri zwine nda ni ṅwalela ndi ndaela ya Muṋe washu.Ri fanela u ṱanganedza Muya Mukhethwa.
Mishumo 1:4-5,
4 Ḽiṅwe ḓuvha a tshi khou ḽa navho a vha laya a ri, “Ni songo ṱuwa fhano Jerusalema; lindelani tshe Khotsi anga a ni fulufhedzisa - tshiḽa tshe nda ni vhudza.
5 Johanisi ene o vha a tshi lovhedza nga maḓi, hone inwi hu ḓo ri hu songo fhela maḓuvha manzhi na lovhedzwa nga Muya Mukhethwa.”Mishumo 5:32,
32 Riṋe ri ṱhanzi dza hezwi zwithu khathihi na Muya Mukhethwa we Mudzimu a mu ruma kha vhane vha mu thetshelesa.Johanisi 16:7-14,
7 Naho zwo ralo ndi ni vhudza ngoho ndi ri, u ṱuwa hanga ndi u ni tonda, ngauri nda sa ṱuwa, Mutiki ha nga ḓi kha inwi; fhedzi nda ṱuwa, ndi ḓo mu ruma.
8 Huno Ene a tshi ḓa u ḓo rovhedza shango a ḽi sumbedza uri vhutshinyi ndi mini, na uri vhuvhuya ndi mini na uri khaṱhulo ya Mudzimu ndi tshithu-ḓe.
9 U ḓo rovhedza shango vhutshinyi nga u ḽi sumbedza uri a ḽo ngo tenda Nṋe;
10 u ḓo sumbedza shango uri a re muvhuya ndi Nṋe ngauri ndi khou ya ha Khotsi, a ni tsha ḓo mmbona;
11 u ḓo vha rovhedza uri khaṱhulo ya Mudzimu ndi yone-yone nga u vha sumbedza uri muvhusi wa ḽino shango o no ḓi haṱulwa.
12 “Ndi tshee na zwinzhi zwine nda nga ni vhudza; ndi ro vhona uri a ni athu swika hune na nga zwi ṱalukanya.
13 Hone hu tshi ḓo ḓa Ene Muya Muḓivhadzangoho u ḓo ni dededza na ḓivha ngoho yoṱhe. Ha nga ambi zwawe; u ḓo amba zwenezwo zwine a ḓo vhudzwa, a ni vhudza na zwine zwa kha ḓi ḓa.
14 Ene u ḓo ita uri Nṋe ndi rendwe, ngauri zwoṱhe zwine a ḓo ni vhudza zwi ḓo vha zwi tshi bva kha Nṋe.Mishumo 1:8,
8 Inwi ni ḓo ṋewa maanḓa musi Muya Mukhethwa a tshi ḓa kha inwi, uri ni vhe ṱhanzi dzanga fhano Jerusalema na kha ḽoṱhe ḽa Judia na ḽa Samaria u vhuya u swika mugumoni wa ḽifhasi.Vharoma 8:9-11,
9 Hone inwi a ni tsha langwa nga tsiko yaṋu, ni vho langwa nga Muya wa Mudzimu, vhunga Ene Muya a tshi dzula kha inwi. Hafhu arali muthu a si na Muya wa Khristo, uyo a si wawe.
10 Hone arali Khristo e kha inwi, naho muvhili wo fa nga vhutshinyi, Ene Muya u ni fha vhutshilo nge na pfi vhavhuya.
11 Huno arali Muya wa o vusaho Yesu vhafuni a tshi dzula kha inwi, Ene o vusaho Khristo vhafuni, na mivhili yaṋu i faho u ḓo i ṋea vhutshilo nga Muya wawe a no dzula kha inwi.Mishumo 10:44-48,
44 Pitrosi a tshi kha ḓi amba, Muya Mukhethwa a tsela kha vhoṱhe vhe vha vha vha tshi khou thetshelesa mafhungo eneo.
45 Vhaḽa Vhakhriste vha Majuda vhe vha ḓa na Pitrosi vha tshi bva Jopa vha kanuka vha tshi vhona vhannḓa vho shululelwa-vho Muya Mukhethwa, tshifhiwa tsha Mudzimu,
46 ngauri vho pfa vha tshi amba na nga ndimi vha tshi khoḓa Mudzimu. Pitrosi a ri,
47 “Zwino ndi nnyi ane a nga kha ḓi hana vha tshi lovhedzwa nga maḓi? Hufha na vhone vho no ṱanganedza Muya Mukhethwa sa riṋe.”
48 Ndi hone a tshi ri vha lovhedzwe vha vhe vha Yesu Khristo...Ri fanela u Tshimbilani tshedzani tsha Ipfi.
1 Johanisi 1:5-7,
5 Zwino-ha ndaedzo ye ra pfa ngae, ine zwino ra ni ḓivhadza yone ngei: Mudzimu ndi tshedza, khae a hu na swiswi na kathihi.
6 Zwenezwo arali ri tshi ri ri vhathihi nae, hone ri tshi ḓi tshila swiswini, ndi mazwifhi fhedzi, ro no bva ngohoni.
7 Hone arali ri tshi tshila tshedzani unga Ene e tshedzani, ndi hone ri tshi ḓo vha na vhukonani nga tshashu, malofha a Yesu Murwa wawe a ri ṱanzwa vhutshinyi hoṱhe.Ḓilugiseni ni yo ṱangana na Mudzimu... Amusi 4:12
U bva kha tshibammbiri...
Nḓila ndi iyi. Tshimbilani inwi khayo.
ha S.E. Johnson.
