Muri wa Vhutshilo. Mbeu ya Ṋowa.
Muri wa Vhutshilo.
(Mbeu ya Ṋowa.)
William Branham.Vhalani mulaedza....
Tshifhinga tshaTshivhidzo tsha Efeso.Nzumbululo 2:7,
“...Ane a kunda ndi ḓo mu fha mukovhe kha muri wa vhutshilo, une wa vha vhukati ha paradiso ya Mudzimu”Iyi ndi pfufho ya ḽa matshelo ya vhakundi vhoṱhe kha zwifhinga zwoṱhe. Misi hu tshi itwa mbidzo ya mafhelo ya nndwa, musi tshiṱangu tshashu tsho no vhewa fhasi, ndi hone ri tshi ḓo awela paradisoni ya Mudzimu na mukovhe washu kha muri wa vhutshilo, lini na lini.
“Muri wa vhutshilo.” Itsho a si tshipiḓa tsha muambo tshavhuḓi na? Zwo bulwa luraru kha Bugu ya Genesi na luraru kha Bugu ya Nzumbululo. Vhuponi hoṱhe ha rathi ndi muri muthihi nahone u fanyisa tshithu tshithihi.
Fhedzi muri wa vhutshilo ndi mini? Holuga, Tsha u thoma ri tea u ḓivha uri wone muri wo imela mini. Kha Numeri 24:6, sa zwe Bileamu a buletshedza Isiraele, o ri vho vha vhe “miri ya ṱhaululo ye ya siṅwa nga Murena.” Miri maṅwaloni oṱhe i imela vhathu, sa kha Dziphisalema 1. Nguralo muri wa vhutshilo a hu shai u vha e Muthu wa Vhutshilo, nahone onoyo ndi Yesu.
Zwino ngei Tsimuni ya Edeni ho vha hu na miri mivhili yo imaho vhukati ha tsimu. Muthihi wo vha u Muri wa Vhutshilo, muṅwe u muri wa Nḓivho ya vhuḓi na Vhuvhi. Muthu o vha o pfi a tshile nga Muri wa vhutshilo; ngeno a sa tei u fara muri muṅwe ngauri u ḓo fa. Fhedzi muthu o fara muṅwe muri, a tshi ralo, lufu lwa dzhena khae nga tshivhi tshawe, a konou fhandekanywa na Mudzimu.
Zwino u ḽa muri murahu ngei Edeni, wo vha u tshiko tsha vhutshilo, wo vha u Yesu. Kha Yohane, ndima ya vhurarthi u fhira nga kha ya malo, Yesu o ḓi bvisela khagala sa tshiko tsha Vhutshilo vhu sa Fheliho. O ḓi vhidza uri ene u Vhuswa he ha ḓa hu tshi bva Ṱaḓulu. O amba nga u ḓiṋekedza na uri a ḽa Ene ha nga fi. O amba a ri u ḓivha Abraham na uri Abrahamu a sa athu vha hone, ene O VHA E HONE. O phorofita ari ene muṋe u ḓo vha fha maḓi a tshilaho ane muthu e o a nwa ha tsha ḓo dovha a pfa ḓora, fhedzi u ḓo tshila lini na lini. O ḓisumbedza sa ene MUHULWANE. Ndi ene vhuswa ha vhutshilo, tshisima tsha maḓi a vhutshilo, Wa Lini na lini, MURI WA VHUTSHILO. O vha e hone Edeni vhukati ha tsimu sa zwine a ḓo ḓi vhavho e vhukati ha paradiso ya Mudzimu.
Vhaṅwe vha na muhumbulo wa uri miri mivhili tsimuni ya Edeni yo vha i tshi ḓi sokou nga miri yoṱhe ye Mudzimu a vha o i isa henefho. Fhedzi vhagudiswa vha tshenzhemo, vha a ḓivha uri izwi a si zwone. Musi Yohane a tshi huwelela uri mbaḓo yo sendekwa tsindeni ḽa muri, o vha a sa khou amba miri yo ḓoweleaho ye ya sikwa, fhedzi o vha a tshi amba lwa muya. Huno zwino 1 Yohane 5:11 i ri: “Asuvhu vhuṱanzi: Mudzimu o ri fha u tshila tshoṱhe. Huno honoho vhutshilo vhu kha Murwa.” Yesu a ri kha Yohane 5:40, “A ni nga ḓi kha nṋe uri ni wane vhutshilo.” Vhuṱanzi ngovhu, Ipfi ḽa Mudzimu, ḽi tou zwi bula ḽa ri VHUTSHILO, VHUTSHILO VHU SA FHELIHO, vhu kha murwa. A si huṋwe fhethu. 1Yohane 5:12, “Uyo ane a vha na Murwa u na VHUTSHILO; uyo ha ane a si vhe na Murwa HA NA vhutshilo.” Zwino vhunga vhuṱanzi vhu sa shanduki, u ṱuswa khaho kana u engedzedzwa, vhuṱanzi vhu ri VHUTSHILO VHU KHA MURWA. Vhunga zwo tou ralo, MURI TSIMUNI YA EDENI U TEA U VHA E YESU.
Holuga. Arali Muri wa Vhutshila e muthu, a zwi hanedzei uri Muri wa Nḓivho ya Vhuḓi na Vhuvhi ndi muthuVHO. Zwi nga si vhi zwiṅwe. Izwi zwi amba uri Uyo O lugaho na muthu Muvhi vho ima tsini na tsini vhukati ha Tsimu ya Edeni. Hezekiele 28:13a “Wo vha (Sathane) u ngei Edeni, tsimu ya Mudzimu.”
Hune ra wana nzumbululo ya vhukuma ya “mbeu ya ṋowa.” Zwe zwa itea vhukuma Tsimuni ya Edeni a si zwi. Ipfi ḽi ri Efa o fhurwa nga ṋowa. Vhukuma ngoho ṋowa yo fhura Efa. I ri kha Genesi 3:1, “Zwino ṋowa yo vha yo thanya u fhira dziṅwe phukha dzoṱhe dze dza vha dzi tsimuni dze Murena Mudzimu a dzi ita.” Hei phukha yo vha i tsinisa na muthu (ngeno i phukha yo fhelelaho) ye ya vha i tshi elekanya na u amba. Yo vha i tshisikwa tsho imaho tswiti nahone i vhukati na vhukati ha Tshimpanzi na muthu, fhedzi yone i tsinisa na muthu. Yo vha i tsinisa na muthu lune mbeu yayo, yo tenda u ṱangana na ya musadzi ya mu ita uri a ḓihwale. Musi izwi zwi tshi itea, Mudzimu o teketela ṋowa. O shandula shambo Ḽiṅwe na ḽiṅwe muvhilini wayo lwe zwa ita uri i kokovhe sa ṋowa. Saintsi i nga linga zwoṱhe zwine ya kona, fhedzi a i nga wani vhuṱumanyi ho ngalangalaho; Mudzimu o tou ita uri zwi ralo. Muthu u na vhuṱali lune u a vhona u ṱangana ha phukha na muthu na u lingedza u vhea vhuṱanzi nga u Shanduka ha phukha dzi tshi ita vhathu. A hu na u Shanduka ha phukha i tshi ita muthu. Fhedzi muthu na phukha zwo ṱangana. Itshi ndi ndi tshiphiri tsha Mudzimu tshe tsha sala tsho dzumbama, fhedzi fhano tsho dzumbululwa; zwo itea murahu henengei vhukati ha Edeni musi Efa o shandukela vhutshilo a ṱanganedza Lufu.
Lavhelesani uri Mudzimu o ri mini khavho ngomu tsimuni. Genesi 3:15, “Ndi vhea vhuswina vhukati hau na musadzi, vhukati ha mbeu yau na mbeu yawe; mbeu yawe i ḓo u pwasha ṱhoho, iwe wa ḓo i luma tshirethe.” Arali ra tenda zwe Ipfi ḽa ri musadzi o vha na Mbeu, zwi amba uri vhukuma ngoho na ṋowa yo vhavho na mbeu. Arali Mbeu ya musadzi o vha ṅwana wa mutuka u bva kha munna, na mbeu ya ṋowa i tea u vha kha tshivhumbeo tshenetsho, huno muṅwe ṅwana wa mutuka u tea u bebwa hu si na tshishumiswa tshine tsha vha muthu. A hu na muvhali wa Bivhili a sa ḓivhi uri mbeu ya musadzi ndi Khristo, we a ḓa nga tshishumiswa tsha Mudzimu, hu songo itwa zwa vhudzekani. Zwi khou ḓivhiwavho zwavhuḓi uri mvumbo ya u huvhadziwa ha ṱhoho ya ṋowa ho vha tshi tshiphorofita tsha vhukuma tshikwamaho zwe Khristo a vha a tshi khou yo phetha zwi hanedzanaho na Sathane tshifhambanoni. Fhaḽa tshifhambanoni Khristo o vha a tshi ya u huvhadza Sathane ṱhoho, ngeno Sathane a tshi ḓo huvhadza tshirethe tsha Murena.
Tshino tshipiḓa tsha ḽiṅwalo ndi nzumbululo ya uri mbeu ya Sathane lwa ṋama yo zwalwa fhano shangoni, sa zwine zwa wanalisa zwone kha Ḽuka 1:26-35, hune ha ṱalutshedzwa uri mbeu ya musadzi yo swika he ya vhonadzwa ṋamani nga nḓilaḓe nga nnḓa ha tshishumiswa tshine tsha vha muthu wa munna. “Nga ṅwedzi wa vhurathi muruṅwa Gabariele o ruṅwa u bva ha Mudzimu a ḓa muḓini wa Galilea, une wa pfi Nazaretha, Kha musidzana we a vha o funa munna we a vha a tshi pfi Yosefa, wa nnḓu ya Dafitha; dzina ḽa musidzana uyo ndi Maria. Muruṅwa a ḓa khae, a ri, Ri a vusa, iwe u funeswaho, Murena u na iwe: wo fhaṱutshedzwa vhukati ha vhasadzi. Afho a tshi mu vhona, a dinalea nga fhungo ḽawe, a ḓi vhudzisa uri u reshwa ha u raliho hu amba mini. Muruṅwa a mu fhindula a ri, U songo ofha, Maria: And the angel said unto her, Fear not, Mary: for thou wo takalelwa nga Mudzimu u fhira vhaṅwe vhoṱhe. Vhona ha u ḓo vha muthu wa thovhela, wa vha na murwa, ane wa ḓo mu ira dzina ḽa YESU. U ḓo vha muhali, u ḓo vhidzwa nga ḽa Murwa wa wa ṱaḓuluṱaḓulu: Murena Mudzimu u kumedza khuluṋoni ya khotsi Dafitha khae: U ḓo vhusa nnḓu ya Yakopo linin a lini; nahone muvhuso wawe a u nga gumi. Maria a vhudza muruṅwa, a ri, izwi zwi ḓo itea hani ngeno ndi sa ḓivhi munna? Muruṅwa a mu fhindula a ri, Muya Mukhethwa u ḓo ḓa ha iwe, wa ḓadzwa nga maanḓa a wa ṱaḓulu: huno i tsho tshikhethwa tshine tsha ḓo bebwa nga iwe tshi ḓi pfi Murwa wa Mudzimu.”
Vhunga sa izwo mbeu ya musadzi ho vha hu Mudzimu a tshi khou ḓibveledza kha ṋama ya muthu, ngauralovho, mbeu ya ṋowa ndi nḓila ye ngayo Sathane lwa ṋama o kona u vulavho vothi ḽa u dzhena kha lushaka lwa vhathu. Zwo vha zwi sa konadzei uri Sathane (u sokou ḓivhela tshisikwa tsha muya tshe tsha tou SIKWA) a ḓibveledze nga nḓila ye Mudzimu a ḓibveledza nga yo; ngauralo vhuṱanzi ha Genesi vhu a sumba uri o bveledza hani mbeu yawe a thoma kana u ḓiita muthihi na lushaka lwa vhathu. Tshiṅwe hafhu elelwani uri Sathane u pfi “ṋowa.” Ndi mbeu yawe kana u ḓidzhenisa kha lushaka lwa vhathu zwine ra khou amba nga zwo.
Adamu a sa athu ḓivha Efa, Ṋowa yo wanala yo no ḓivha Efa kale phanḓa ha Adamu. We a bebwa nga tshiito itsho ndi Kaini. Kaini o vha e wa (o bebwa nga, e wa) u ḽa “Muvhi.” (1 Yohane 3:12). Muya Mukhethwa kha Yohane wo vha u si nga si kone na fhethu na huthihi u vhidza Adamu u ri, “Muvhi” (Izwo ndi zwone zwe a vha a tshi ḓo vha zwone arali hu ene o vhaho khotsi a Kaini) nahone huṅwe fhethu a vhidza Adamu uri “Murwa wa Mudzimu” zwe a vha e zwone nga tsiko. (Ḽuka 3:38). Zwiṱaluli zwa Kaini zwo mbo ḓi sumba uri khotsi awe ndi nnyi, muḓisa lufu. U hanedza hawe Mudzimu lwa tshoṱhe musi o lavhelesana na Ramaanḓaoṱhe kha Genesi 4:5, 9, 13, 14, zwi sumba tshoṱhe u sa vha hawe muthu nga kha zwiṱaluli zwi sa sumbi vhuthu, zwine zwa lavhelesea zwi tshi fhira mafhungo ane ra vha nao kha maṅwalo malugana na mulevho wa Mudzimu kha Sathane.
“Huno a si sedze Kaini na mudzimu tshawe Mudzimu. Nga zwenezwo Kaini a sinyuwa zwihulu; tshifhaṱuwo tshawe tsha sinyalala. Mudzimu a mbo amban a Kaini a ri Abele murtahu wau u ngafhi? Ene a ri a thi ḓivhi naan di nṋe mulisa wa murathu wanga? Kaini a amban a Mudzimu a ri mulandu wanga wo hula lwa u tsika. Ṋamusi u mpandela fhanoshangoni ḽino na phanḓa ha tshifhaṱuwo tshau. tshanga nga hu vhe u tendelekaho na u shavha shangoni ḽoṱhe, u ri ane a nngwana a mmbulahe”Ṱhogomelani nḓila vhukuma ye vhuṱanzi ha Mudzimu he a vhekanya mabebo a Kaini, Abele na Sethe.
Genesi 4:1-2,
“Adamu a ḓivha Efa mufumakadzi wawe; a ḓihwala, a wana Kaini, a ri ndo wana muthu u bva ha Murena. A do vha a beba murathu wawe Abele.”
Genesi 4:25,
“Adamu a ḓivha mufumakadzi wawe hafhu; a beba murwa, a mu vhidza uri ndi Sethe...”
Hu na vharwa VHARARU vhe vha bebwa u bva kha u ḓivhana lwa ṋama ha Adam e na mufumakadzi wawe. Vhu nga sa izwi Bivhili i vhuṱanzi kokotolo na Ipfi ḽa Mudzimu ḽo khunyelelaho, uvhu a si vhukhakhi fhedzi zwo itelwa uri ri fhaṱuwe. Vhunga ho bebwa vharwa VHARARU u bva kha zwiito ZWIVHILI zwa Adamu, ni a zwi ḓivha VHUKUMAKUMA uri MUTHIHI wa avho vhararu O VHA A SI murwa wa Adamu. Mudzimu izwi o zwi ṅwalela u ri sumbedza tshiṅwe tshithu. Ngoho ndi ya uri Efa o vha o ḓihwala nga vharwa VHAVHILI mbeboni yawe (mafhaṱa) u bva kha u ḓihwala nga vhanna vhavhili. O vha e na mafhaṱa, u ḓihwala ha Kaini ho thomela u ḓihwala ha Abele.Vhalani mulaedza....
Tshifhinga tshaTshivhidzo tsha Efeso.
