Zwifhinga zwa Tshivhidzo zwa Sumbe.
Mivhuso ya vhannḓa.
Kha Daniele 2, Mudzimu o ṋea Nebukadanetsara, khosi ya Babele muloro wa tshifanyiso tshi ofhisaho. Daniele o ṱalutshedza muloro uyu - Nebukadanetsara, o vha e ṱhoho ya musuku, Tshipiḓa tsha tshifuba tsho vha tshi tsha siliva, Muvhuso wa Meda na Peresia, zwirumbi zwa koporo, Muvhuso wa Gerika, na wa vhuṋa, Milenzhe ya tsimbi, wo vha u Muvhuso wa Roma. Milenzhe yo vha yo ṱangana na tsimbi na vumba. Ho vha hu si tshee na mivhuso. (a si wa Britain, Russia, USA, Tshaina). Ya vhuṋa yo ya hoṱhe u swika kha zwikunwane. Hezwi ndi tshiphiri. Tsimbi dzine dza shumiswa u imela mivhuso dzo vha dzi na zwivhumbeo zwa u fhungudzea ha ndeme, na u engedza u khwaṱha.
Yeneyi mivhuso yo vha i na mvelelo kha nḓila ine vhathu vha humbula ngayo. Vhababele, Vhaperesia, Vhagerika, na Vharoma vhoṱhe vho ri ṱuṱuwedza ṋamusi. Muvhuso wa vhuṋa wo ṱuwa nḓilani yoṱhe u swika Muvhuso wa Kristo u tshi vhewa, (Tombo ḽo ṱhavhiwaho thavhani), Zwo itea hani zwenezwi? Muvhuso wa Roma wa vhuhedeni wo mbo ḓi vha muvhuso wa Roma wa vhapapa.
Zwine zwa takadza, nga tshifhinga tsha nndwa ya vhuhali, vhanna vhavhili vho vha vha sa koni u tendelana kha UN. Iṅwe yo vha i ya Russia ‘Khrushchev’ zwine zwa amba vumba, inwe ya America ‘Eisenhower’, zwine zwa amba mushumi wa tsimbi. Tsimbi na vumba zwo vha zwi sa koni u ṱangana fhethu huthihi. Khrushchev a tshi bvisa tshienda tshawe u itela u rwa ṱafula ngeno a tshi khou ita mbuno. Ri milenzheni ya tshifanyiso, tsini na u ḓivhadzwa ha Muvhuso wa Mudzimu.
Mulaedza ya Daniele 9 (PDF Tshiisimane)
Gabriels instructions to Daniel Sixfold purpose of Gabriels visit to Daniel Daniel Seventieth week
Nzumbululo ya Yesu Khristo.
Mukomana Branham o funza uri Yesu Kristo ndi ene muṅwali wa bugu ya Nzumbululo. Yohane o sokou ṅwala zwe a zwi vhona kha mutevhe wa mabono e a ḓa khae nga miṅwaha ya 95-96 A.D. Nga tshenetsho tshifhinga, Yohane o vha o valelwa dzhele ngei Patimo, tshiṱangadzimeni tshiṱuku tshi re Lwanzheni lwa Aegean tsini na mukano vhukati ha Gerika ḽa musalauno na Turkey. Yohane o ri, “Ndo vha ndi Muyani nga duvha la Murena...” o talutshedza uri duvha la Murena kha nyimele iyi a li ambi duvha la vhusumbe la vhege. Nṱhani hazwo, Ḓuvha ḽa Murena ndi yeneyo mbuno kha ḓivhazwakale ya vhathu musi Yesu Kristo a tshi ḓa nahone a vhusa ḽino shango nga lwa ṋama, a tshi ḓadzisa Ndzumbululo 11:15, “Zwino ndi hone Muṋe washu na Mesia wawe vha tshi ḓo vhusa shango. U ḓo vhusa lini na lini.”
Kha bono ḽawe ḽa u thoma, Yohane, we a vha e mufunziwa wa Yesu, o vhona Yesu Kristo u fana na musi a sa athu vhuya a mu vhona. Yohane o vhona Yesu a tshi khou tshimbila vhukati ha mbone dza sumbe, nahone tshanḓani tshawe tsha u ḽa o vha o fara ṋaledzi dza sumbe. Mavhudzi awe matshena na tshifhaṱuwo zwo vha zwi tshi penya nga u penya ha vhukhethwa hawe, nahone lulimi lwawe lwo vha lu tshi nga banga nahone maṱo awe o vha a tshi fhisa mulilo. Yohane a wa nga nyofho musi a tshi Mu vhona. Mukomana Branham a ri, Ndi nzumbululo ya mini? Yesu Kristo. Ndi tshifhio tshithu tsha u thoma tshe a tshi dzumbulula nga ha Ene Muṋe? O dzumbulula uri ndi Mudzimu wa Ṱaḓulu - hu si mudzimu wa vhuraru, fhedzi ndi Mudzimu muthihi. Tshithu tsha u thoma tshine na fanela u tshi ḓivha ndi uri: Yesu ha sokou vha muporofita; a si mudzimu muṱuku; a si mudzimu wa vhuvhili - ndi Mudzimu! Ni ṱhogomele, Yohane. Inwi no no dzhena kha Muya. Hu na zwine zwa ḓo dzumbululelwa inwi. Ndi tshifhio? Nzumbululo ya u thoma kha dzoṱhe ndi, “Ndi Nṋe Alfa na Omega,” (Iwe muitazwivhi, gwadama, rembuluwa zwino tshifhinga tshi sa athu u lenga.) O thoma a ḓivhadza John uri ndi nnyi ane a khou sendela. Uyu khosi ndi Yesu? khosi Mudzimu? khosi Muya Mukhethwa? A ri, “Ndi nṋe zwoṱhe zwazwo. Ndi bva kha A u swika kha Z.” Ndi nne mathomo na magumo. Ndi nne a sa fi, wa lini na lini!”
Yo ṱalutshedzelwa u bva...
Supernatural Book 6. U bva... Owen Jorgensen
Zwifhinga zwa Tshivhidzo zwa Sumbe.
Nga murahu ha musi Yesu o no dzumbulula vhumudzimu hawe vhuhulwane, o vhudza Yohane uri mbone dza sumbe dzo vha dzi kereke dza sumbe, nahone ṋaledzi dza sumbe dze dza vha dzi tshanḓani tshawe dzo vha dzi vharuṅwa kha dzenedzo kereke. Nga murahu a ṅwalela kereke iṅwe na iṅwe vhurifhi. Dzenedzi dzo vha dzi kereke dza Vhannḓa ngei Asia Minor. Zwiimo kha dzenedzi kereke dzo khetheaho zwo vha zwi tshi ḓo tendelana na zwifhinga zwa sumbe zwo fhambanaho zwe Vhukriste ha vha vhu tshi ḓo fhira khazwo musi vhufhelo vhu sa athu swika. Nga ṅwambo wa zwenezwo, enea marifhi o porofita miṅwaha ya sumbe kha kereke ya Vhannḓa. Yesu o amba na vhatevheli vhawe kha miṅwaha iṅwe na iṅwe, a tshi vha ṱuṱuwedza na u vha sasaladza hune zwa ṱoḓea. O dovha a amba na vhathu vhe vha vha vhe kerekeni ya mazwifhi kha tshifhinga tshiṅwe na tshiṅwe, vhe vha vha vha tshi ḓiamba uri ndi Vhakriste fhedzi vha si Vhakriste.
Yesu o thoma dictation yawe nga u ri, “Kha muruṅwa wa tshivhidzo tsha Efeso, ṅwalelani...” Izwo zwo vha zwi tshi amba uri tshifhinga tshiṅwe na tshiṅwe tsha kereke tsho vha tshi na muruṅwa. Ipfi muruṅwa ḽi amba muḓinḓa. Vhenevha vho vha vhe si vhaḓinḓa vha ṱaḓulu. Yohane muporofita zwo vha zwi sa ḓo ṱoḓea uri a ṅwalele muruṅwa wa ṱaḓulu vhurifhi. Hai, avha vharuṅwa vho vha vhe vhathu, muḓinḓa muthihi wa tshikhathi tshiṅwe na tshiṅwe. Mukomana Branham o vhea miṅwaha ya kereke na vhaḓinḓa nga mutevhe wavho wa ḓivhazwakale:
1. Nzu. 2:1-7 Efeso A.D 53-170 Paulo 2. Nzu. 2:8-11 Simina A.D 170-312 Ireneo 3. Nzu. 2:12-17 Peregamo A.D 312-606 Martin 4. Nzu. 2:18-29 Thiathira A.D 606-1520 Kholumba 5. Nzu. 3:1-6 Saradisi A.D 1520-1750 Luther 6. Nzu. 3:7-13 Filadelefia A.D 1750-1906 Wesele 7. Nzu. 3:14-22 Laodikia A.D 1906-???? "Elia" Muḓinḓa wa tshifhinga tsha kereke ya u thoma o vha e Paulo. Nga u ṱavhanya nga murahu ha u rembuluwa hawe a vha Mukriste, Murena o amba nga ha Paulo a ri, “Iya, muthu uyo ndi muḓinḓa we nda ḓinangela uri a nnḓivhadze kha vhannḓa na mahosi avho...” Tsha u thoma Paulo o huwelela kha Vhayuda. Musi vha tshi landula mulaedza wawe, o ri, “Ho itwa zwo fanelaho, ipfi ḽa Mudzimu ḽi tshi thoma u ḓivhadzwa inwi. Zwino vhunga inwi no ḽi landula na ḓivhona ni songo fanelwa nga vhutshilo vhu sa fheli, ri khou ni ṱutshela ra ya kha vhannḓa; ngauri Muṋe washu o ri laya a ri, ‘Ndo u vhea uri u vhe tshedza kha vhannḓa, uri shango nga he ḽa guma ḽi kone u tshidzwa nga Iwe.’” Paulo o thoma kereke dza Vhannḓa kha ḽoṱhe ḽa Asia Minor. O dovha a ṱalusa lutendo lwa Vhukriste nga marifhi awe. Kha vhurifhi he a vhu ṅwalela Vharoma o ri, “Zwino ndi vhudza inwi vhannḓa, vhunga ndi muapostola we a rumiwa ha vhannḓa, ndi ri mushumo uyu wanga a thi tambi ngawo” Nga thabelo, na nga u guda ḓivhazwakale, Mukomana Branham o ṱalula vhaḓinḓa u ya kha miṅwe Zwifhinga zwa Tshivhidzo ya rathi.
Yo ṱalutshedzelwa u bva...
Supernatural Book 6. U bva... Owen Jorgensen
Miṅwaha yashu, Laodikea.
Yesu o kaidza tshifhinga tsha kereke ya Laodikea, a ri, “Zwino ngauri a ni fhisi, na u rothola a ni rotholi, ni tou dudela, ndi ḓo ṱuwa ndi tshi ni pfela kule na bva haṋwani hanga. ‘Ni ḓifhima na ri: Ro pfuma hani! A ro ngo pfuma zwone! A ri lili tshithu! Ni ro itwa nga u sa ḓivha uri ni a lilisa. Hufha ni vhashai. Hufha ni mabofu. Hufha no tou swoto, no sala fhedzi.” Tshikhathi tsha kereke ya vhusumbe tsho dzudzanywa nga nḓila yo khwaṱhaho lwe Yesu a Ḓisumbedza nga nnḓa, a tshi ṱoḓa u dzhena. “Ndi fhano, ndo ima muṋangoni, ndi khou khokhonya. Ane a pfa ipfi ḽanga a mmvulela, ndi dzhena nḓuni yawe ra dzula fhasi ra ḽa roṱhe.”
Laodikea ndi tshifhinga tsha kereke tsha u fhedzisela musi Yesu Kristo a sa athu vhuya kha ḽifhasi, tshifhinga hetshi kha khaṱulo. Mudzimu o amba nga Malaki a ri, “Vhonani, ndi ḓo ruma muporofita Elia a ḓa ha inwi, ḓuvha ḽanga iḽo ḽihulu ḽi ofhisaho ḽi sa athu ḓa. U ḓo dovha a pfumedzanya vhokhotsi na vhana vhavho, mbilu dza vhana dza livha kha vhokhotsi avho, vha sala vha tshi pfana ndi sa ḓo ḓa nda lozwa shango ḽoṱhe.” Ngauralo muḓinḓa u ya kha tshikhathi tsha tshivhidzo tsha vhusumbe u ḓo vha na muya wa Elia, u fana na zwe Yohane Mulovhedzi a ita.
Mukomana Branham o funza, “Musi uyu Elia muhulwane a tshi ḓa mafheloni a tshino tshikhathi, u ḓo vha a tshi khou dzhia mulaedza wa Pentekoste u rembulusa vhana kha lutendo lwa vhokhotsi. U ḓo vha a tshi khou kaidza Vhakriste vha Laodikea ngauri a vho ngo vhulunga lutendo lune lwa vha hone mathomoni.”
“Ndo vha ndi tshi anzela u ḓivhudzisa uri, ‘Naa hoyu munna u ḓo sokou vha muhuweleli, ngauralo?’ Elia o ita vhuṱolo hoṱhe nahone a si huwelele. Fhedzi musi muya wawe u kha Yohane, wo ita u huwelela hoṱhe nahone hu si na vhuṱolo. Ndi ngani? Yesu o vha a tshi ḓo mu tevhela nahone O vha a tshi ḓo ita vhuṱolo. Malaki a ri, “Hone inwi vhane na ofha dzina ḽanga ni ḓo penyelwa nga ḓuvha ḽi re u fulufhedzea, ḽa ni fhodza nga maṱalazaza aḽo. Ni ḓo khana unga ṋamana dzi tshi bva dangani.” Yohane o vha a si na ṱhoḓea ya u ita vhuṱolo; o ḓivhadza u ḓa ha Kristo.” Inference hafha ndi ya uri Elia tshifhingani tsha vhufhelo u do huwelela na u ita vhuṱolo.
Mukomana Branham o bvela phanḓa na u ṱanḓavhudza nga hae. “U fana na Yohane, hoyu Elia wa tshifhinga tsha vhufhelo u ḓo sa pfeseswa zwavhuḓi. U ḓo vha muthu muhulwane, wa maanḓa phanḓa ha Murena lune vhaṅwe vhathu vha ḓo mu khakhisa sa Messia.” Elia u do vha na mvelo ya hani? Tsha u thoma, u ḓo vha muporofita wa maanḓa ane a ḓo dzula o fulufhedzea kha Ipfi ḽa Mudzimu, ngauri Elia o vha e wa ngoho huno Yohane o vha e wa ngoho. U ita zwiga na zwimangadzo, u ḓo vhuyedzedza mbilu dza vhana kha lutendo lwa vhokhotsi avho vha Pentekoste. O do vhenga vhafumakadzi vha fancy. Elia o ita nga u ralo kha Isebele. Yohane o ita na Herodia. Avho vhanna vhavhili, vhaporofita vha re na muya muthihi, vho vha vha tshi vhenga vhurereli ho dzudzanywaho, u fana na idzi dinomineisheni dza Tshikhiresithe. Tshiṅwe tshithu mimuyani yavho tsho lila tshi lwa na tshenetsho tshithu.”
Yo ṱalutshedzelwa u bva...
Supernatural Book 6. U bva... Owen Jorgensen
