Tshiphiri tsha Kristo.
Kristo kha inwi.
Arali ro vha ri tshi nga ṱhogomela zwine ḽeneḽi Luṅwalo ḽa amba zwone: ‘A re kha inwi ndi muhulwane u fhira ane a vha shangoni.’ Ri a zwi ḓivha uri ndi ngoho, fhedzi vhukuma a ri zwi pfesesi. Ndi mini tshi re kha iwe tshihulwane? Ndi Kristo, muḓodzwa! Mudzimu we a vha e kha Khristo u kha inwi. Ngauralo, arali e kha inwi, zwenezwo a si inwi ane a kha ḓi tshila, ndi ene ane a khou tshila kha inwi.
Melkitsedeke.
Genesi 14 i amba nga ha nḓila ye muḓi wa Sodoma wa ṱangulwa ngayo nga khosi ya Elamu (Peresia). Loto na mufumakadzi wawe na vhana vhawe vha thubiwa vha hwalelwa tshipembe. Abrahamu a kuvhanganya mmbi ya vhanna vha 318 vhe vha pandamedza khosi ya Elamu vha i kunda nndwani. Nga zwenezwo, Abrahamu o vhofholola Loto ṅwana wa mukomana wawe vhupulini. Nga murahu ha nndwa, tshifhe ane a pfi Melkitsedeke o ḓa ha Abrahamu, a mu fhaṱutshedza, nahone nga murahu a ḽa vhurotho na u nwa nae waini. Nga u lifhedza, Abrahamu o ṋea Melkitsedeke tshafumi tsha thundu yawe.
Enea mafhungo o vha a tshi ḓo vha a sa pfali u bva kha mafhungo a Genesi fhedzi kha Vhaheberu 7 Paulo o ṅwala uri Melkizedeke ndi khosi ya mulalo na u luga, nahone o vha a si na khotsi kana mme, kana mathomo kana magumo a maḓuvha. Onoyu muthu a sa pfali ndi nnyi? Mukomana Branham o ṱalutshedza uri Melkitsedeke o tea u vha Mudzimu ene muṋe, ngauri ndi Ene fhedzi a si na mathomo. Melkitsedeke o vha e ‘theophany’ ya Mudzimu ye ya bvelela kha Abrahamu u itela u fanyisela Yesu Kristo. Ho vha hu si Yesu sa zwine ra mu vhona kha Thestamennde Ntswa, ngauri Yesu o vha e na khotsi na mme, huno hoyu munna o vha a si na na muthihi wavho. Yesu o vha e na mathomo; hoyu munna ha ngo zwi ita. Yesu o ṋekedza vhutshilo hawe; hoyu munna o vha a sa koni, ngauri o vha e vhutshilo.
Sudzulusa (PDF Tshiisimane)
Christ is the Mystery of God Revealed Who is this Melchisedec Christ is Revealed in His own Word
Murengululi Mashaka.
Vhaṱalutshedzeli musi vha tshi khou ṱanganya bugu dzi ḓivhiwaho sa Bivhili yashu, vho ṱoḓou sia bugu ya Ruthe. Ndi nganea ya lufuno, nahone yo naka vhukuma, fhedzi Mudzimu ha ambiwi nga maanḓa. Ndi yeneyi mbuno ye ya ita uri vha ṱoḓou landula yeneyi bugu sa yo hevhedzwaho. Naho zwo ralo i na kha ‘type’ mafhungo a murengululi mashaka, Yesu Kristo e ‘shaka ḽashu ḽa tsini’ ḽe ḽa kona u badela mutengo wa u rengulula Naumi (ane a imela kereke ya Vhayuda) nahone nga u ita nga u ralo a vhinga Ruthe (muselwa wa vhannḓa) ane a imela kereke ya Vhukriste. Ri livhuwe mudzimu uri ri na murengululi o raloho sa hoyu. Ho vha hu na shaka ḽa tsini (mvelo yashu ya kale) ḽe ḽa khetha u sa rengulula u itela u sa vha na tshiṱuhu tsha u vhingwa nga Ruthe. Hezwi zwo sia Buasi washu (Kristo) o vhofholowa u rengulula muselwa wawe. Ndi ngazwo Kristo o vha a tshi fanela u ‘bebwa nga musadzi’ uri a kone u vha shaka ḽashu.
Sudzulusa (PDF Tshiisimane) "Kinsman Redeemer"
Pulane ya Mudzimu.
Musi Mudzimu a tshi sika fhethu hoṱhe, o vha e na ndivho tharu muhumbuloni wawe. Tsha u thoma, o vha a tshi ṱoḓa u ḓidzumbulula kha vhathu nga u sumbedza pfaneleo dzawe. O vha a sa koni u ita hezwi sa Yehova Mudzimu, ane a kuvhatedza tshikhala tshoṱhe, tshifhinga, na vhutshilo vhu sa fheli. O dzika nahone ndi tshiphiri lwe a hu na muthu we a vha a tshi nga vhuya a mu pfesesa. Vho vha vha tshi nga pfesesa hani tshivhumbwa tshine tsha dzula tshi hone? Ngauralo, o sumbedza vhubebi hawe nga u vha murwa wa muthu. Ndi ngazwo Yesu o ḓivhidza “Murwa-muthu.” Mudzimu o vha a tshi ṱoḓa u ḓiṱalusa na vhathu nga u ḓidzumbulula kha Kristo.
Mudzimu o vha a tshi ṱoḓa u tshila kha vhathu, nahone nga zwenezwo a vha na vhuimo ha nṱha kha muvhili wa vhatendi vhane a vha vhidza muselwa wawe. Mathomoni o vha a tshi nga ita hezwi ngomu Adamu na Eva; fhedzi nga murahu tshivhi tsha vha fhandekanya na vhupo hawe. Ndi ngani Mudzimu a songo sokou ita uri Adamu na Eva vha dzule vho kuna? Arali o vha o ita nga u ralo, o vha a tshi ḓo vha a songo vhuya a sumbedza pfaneleo dzawe dzo fhelelaho. O vha e murwa, mutshidzi, na mufhodzi, zwe a vha a tshi nga zwi bvisela khagala nga Kristo fhedzi. Vhona? Zwithu zwoṱhe zwo ṱanganywa kha onoyo muthu muthihi, Yesu Kristo. Ndivho khulwane ya Mudzimu yo vha i tshi dzula i ya u ḓidzumbulula - tsha u thoma kha Kristo sa vhuḓalo ha Vhudzimu nga muvhili; nahone nga murahu kha vhathu vhane vha ḓo ṱanganedza Muya Mukhethwa wa Kristo. Havha vhathu vho khetheaho vha ḓo ita uri Yesu Kristo a vhe wa ndeme vhutshiloni havho. U bva mathomoni Mudzimu o shuma a sa neti u itela u swikelela tshenetshi tshipikwa, ngauralo a nga huliswa kha vhathu vhane vha ḓo ṋea Yesu Kristo vhuimo ha u thoma; ndi uri vhuimo vhu re nṱha ha vhaṅwe vhoṱhe kana phanḓa havho.
Tsha vhuraru, ndivho ya Mudzimu ndi u vhuyedzedza muvhuso wawe tsimuni ya Edeni, uri vhathu vhawe vha kone u tshimbila nae hafhu nga madekwana, sa zwe Adamu na Eva vha ita musi vha sa athu wa. U itela u swikelela zwenezwi, Mudzimu o ḓiṱahisa kha miṅwaha sa khotsi, murwa, na Muya Mukhethwa. Khotsi na Muya Mukhethwa ndi muya muthihi. Ni a zwi pfesesa? A si midzimu miraru; ndi Mudzimu muthihi ane a ḓiṱahisa nga pfaneleo tharu. Mudzimu o ḓiṱahisa kha Yesu Kristo, we a vha e khotsi, murwa, na Muya Mukhethwa - u ḓala ha Vhumudzimu nga muvhili. Zwino, u ḓala ha Vhudzimu nga muvhili hu dzula kerekeni yawe (mufumakadzi wawe), muselwa wawe mufha vhuimo ha u thoma. Zwoṱhe zwe Mudzimu a vha e zwone, o zwi shela kha Kristo; na zwoṱhe zwine Kristo a vha zwone, u zwi shululela kerekeni yawe (vhatendi nga muthihi nga muthihi).
Yesu - ipfi ḽo ambiwaho bebwa.
Yesu o vha e ṅwana wa maipfi a ambiwaho. O vha a songo bebwa nga nyito ya zwa vhudzekani, fhedzi nga ipfi ḽa Mudzimu ḽo ambiwaho. (Nga ngomu thumbuni ya Maria Mudzimu o sika mbumbelo na mbeu ine ya ṱanganya mbumbelo, nga lwa dzigene o vha e muthu nga ho fhelelaho, fhedzi vhubebi hawe ho vha vhu ha Mudzimu fhedzi.) Samusi a songo ḓa nga zwa vhudzekani, Yesu o vha a sa tei u fa; fhedzi o fa u itela u badela mulandu wa tshivhi tsha Adamu. Ndi yone nḓila nthihi fhedzi ye ya vha i tshi nga badelwa ngayo. A hu na muṅwe muthu we a vha a tshi nga zwi ita, ngauri muṅwe na muṅwe o bebwa nga zwa vhudzekani. U fana na Maria, avho vhathu vhe vha vhewa hu tshee nga phanḓa uri vha vhe tshipiḓa tsha muselwa o ṱanganelaho wa Yesu Kristo vha ḓo thoma vha ṱanganedza Ipfi mbumbeloni ya mihumbulo yavho.
Sudzulusa (PDF Tshiisimane) Mary's Belief
Mudzimu u na dzina ḽawe vhukuma.
Dzina ḽa Mudzimu ndi ḽifhio?Zwi tou vha khagala uri Mudzimu u na dzina ḽa vhukuma. Yesaya 42:8,
“Ndi pfi Yahavee, ndi ḽone dzina ḽanga! A thi kovhekani vhugala hanga na muṅwe mudzimu, thendo yanga a thi i kovhekani na zwifanyiso.
[Sedzani Hafhu Yesaya 45:3, Yesaya 54:5 ].Zwine dzina ḽawe ḽa amba zwone ndi “U ita uri zwi vhe hone.”
Vhagudi vha Vhaheberu vho vha vha tshi ṱhonifha vhukuma dzina ḽa Mudzimu, vho bvisa pfalandoṱhe dzoṱhe uri i sa kone u bulwa. Ngauralo a hu na muthu we a vha a tshi nga “Dzhia dzina Ḽawe mahandana.” (Dotoronomio 5:11).
Tetragirama.Hezwi zwo sia maḽeḓere a 4 “YHWH”, ane a tou ‘imela’ dzina ḽa Mudzimu. (Vhanwe vhathu vha shumisa “JHVH” kha hezwi, naho zwenezwi zwo khakhea.) Tshigwada itshi tsha maḽeḓere tshi vhidzwa “Tetragirama”, tshine, nga Lugerika tsha amba “maḽeḓere a 4”.
Maḽeḓere a pfalandoṱhe a Tshihevheru ya ipfi “Adonay” ḽine ḽa amba “Murena wanga”, dzo ṱanganyiswa na maḽeḓere aya u itela u ita ipfi “Yahavee”. A zwi ḓivhei uri ho vha hu tshi shumiswa pfalandoṱhe dzifhio zwa vhukuma. Humbulani hafhu uri nga Luheberu, a hu na ḽeḓere ‘J’.
Kha Bivhili ya King James Version ya Luisimane ho shumiswa ipfi “Yahavee” kana “MURENA” [maḽeḓere mahulwane oṱhe] he ha vha hu na Tetragirama. Hezwi zwi bvelela lu ṱoḓaho u vha zwigidi zwa sumbe Bivhilini yoṱhe. [Ipfi “Murena”, ḽi re na maḽeḓere maṱuku, a si ipfi ḽi fanaho.] Ipfi Yehova [Yahavee], nga zwenezwo ndi ‘vhuimeleli’ ha Luisimane ha dzina Ḽawe.
A thi ḓivhi ḽiṅwalo ḽiṅwe na ḽiṅwe [mipombo, kana maṅwalo a zwibammbiri, zwithu zwo vhumbiwaho] ḽa tshifhinga tsha thestamennde ya kale, ḽine ḽa sumbedza dzina ḽo fhelelaho ḽa Mudzimu. Dzi sumbedza fhedzi ḽeḓere ḽiṋa ḽa tetragirama.
Sa phindulo ya mbudziso yashu zwenezwo, i tea u bva kha IPFI; Ri vula kha Thestamennde Ntswa.
Muruṅwa a tshi amba na Maria o ri kha Lukasi 1:31,
U ḓo vha muthu wa thovhela wa beba ṅwana wa mutukana; u mu ire dzina ḽa Yesu.Kha Matiosi ndima ya 1 ndimana 21-23, ri wana uri Yesu u vhidzwa “Imanuele” zwine zwa amba uri “Mudzimu u na riṋe”.
21 Nazwino u ḓo beba ṅwana wa mutukana. U mu rine ḽa Yesu, a ngauri ndi Ene ane a ḓo tshidza vhathu vhawe vhutshinyini havho.”
22 Hezwi zwoṱhe zwo itea uri hu khunyelele ḽe Muṋe washu a amba nga muporofita a tshi ri,
23 “Musidzana u ḓo vha muthu wa thovhela a beba ṅwana wa mutukana. Onoyo u ḓo pfi Imanuele,” ḽine ḽa amba uri “Mudzimu u na riṋe.”“Jesus” [”Yesu”] ndi dzina la Tshiisimane la Murena washu. Nga Lugerika ndi “Iesous”. Nga Luheberu, dzina ḽawe ḽo vha ḽi tshi vhidzwa “Yehohshua”.
Kha Ndzumbululo ndima ya 1, Yohane o vhona bono ḽa Yesu o vuswaho vhafuni. Hezwi ndi zwa “Murwa-muthu” (ndimana ya 13) nahone Yesu o vha a tshi khou amba na Yohane uri “Ndi nṋe Alfa na Omega” (ndimana ya 8) [nahone hafhu nga Luisimane KJV, ndimana ya 11], “wa u thoma na wa u fhedzisela”, “Ramaanḓaoṱhe” nahone zwi sumbedza uri ndi Mudzimu khagala. O “vha o fa, fhedzi u khou tshila lini na lini u fhira”. Mavhudzi awe ndi matshena, hu si ngauri O no vha mulala, fhedzi ngauri ndi Muhaṱuli.
[Vhonani: Bono ḽa Phathimosi. siaṱari.]Evangeli ya Yohane i thoma nga haya maipfi, Johanisi 1:1-3,
1 U rangani ha zwoṱhe Ipfi o vha e hone, huno Ipfi o vha e na Mudzimu, nahone e Ene Mudzimu.
2 Ene o vha e na Mudzimu u rangani.
3 Zwithu zwoṱhe zwo vha hone ngae; a hu na na tshithihi tshe tshi si vhe hone ngae.Ndimana ya 14 i isa phanḓa...
14 Ipfi a vha muthu wa ṋama, a dzula na riṋe, ra vhona vhugala hawe, vhune Khotsi a ṋea Murwa wawe muthihi fhedzi, e na vhuthu vhuhulu, na u fulufhedzea tshoṱhe.Hafha ri vhona maṅwe madzina a Yesu, “musiki” na “ipfi” na “mubebwa e eṱhe wa Khotsi.”
[Vhonani: Nzumbululo ya Yesu Khristo. siaṱari.]
Vhuporofita ha Messia.
Yesaya o porofita nga ha Messia ane a khou ḓa kha Yesaya 9:6. Kha vhuporofita uhu Yesaya o ṋea Messia madzina a “Khotsi wa lini na lini” na “Mudzimu wa maanḓa”.
6 Ro bebelwa Ṅwana, ro ṋewa Mutuka. Muvhuso ndi wawe. U pfi Mueletshedzi a kanukisaho, Mudzimu Ramaanḓa, Khotsi wa lini na lini, Khosi ya mulalo.
