Atur naka Ekanisa loka Perugamo.

William Branham.

Naka oitabo...
Atur naka Ekanisa loka Perugamo.

Apukokinio 2:15,
“Ejaas jo da kwangin itunga luikamunito aisisianakin naka Inikolain, ngin na alait Eong.”

Iituni jo ebe abu eong ketolomu kotoma Atur naka Epeso ebe akirot, Inikolain elomunit kane ejaas akiro aarei Nuyonanin: Nikao naerai apolouke aipikor, ka Lao naerai apolouke lumam adoketait kokanisa. Nikolai apolouke, “aipikor lumam adoketait kokanisa.” Aso kanukinyo eraar na ibore yenerono noi? Erai naerono naarai mam Edeke ibwaikinit eKekanisa toma akanin nuka ikengarenok lueseunio aseun luelosete kede aomit naka acoa naka aipugat. Ibwaikinit Ngesi eKekanisa toma ayait naka ikiliok luedakakinit Edeke, luileleba Emoyo, luejarate k'Akirot luingarenikinete itunga kotoma aitanyam kes Akirot. Mam nges etiakatiakat itunga kotoma adoketa tetere atukosia eraasi nuingarenikinit esasedotene lokalaunan. Erai abeit ebe ibusakinit aingarenikinio korai nakalaunan, konye kereka atukot da kere ibusakinit korai kwangin. Aiyatakinit, emamei aibois kotoma Akirot ne ediekiata isasedotin arai ikejaanakinak arai luikote nen kiding Edeke ka itunga, emamei da aibois netiakitere kes kotoma aimakec Ejakait. Ekoto Edeke kere kominas ido kijaanakinete Nges nepepe. Einikolaine emudiari aicorakineta ngun kosodi do atiakar ikejaanakinak kaneejaasi itunga kosodi aitaraun ikengarenok ijaka lukapolok aibois naka ikejaanakinak.

Aso aisisianakin na kotenan abu kogeun kwape aswamisioit kotoma atur nasodit. Etakani bala kejai ationis toma akiro aarei 'imakio' (presbyters) ka 'ikaanyanarak' (bishops). Karaida itodunito Nuiwadikatai Obaibuli ebe ejaasi imakio luipu kangolikanisa, apotu ice kogeut (Ignatius ediopet kakesi) aisisianakin ebe aomisioit naka ekaanyanaran arai adiopet naka aingarenikin araibo ajaut ka apedor ka ayait imakio. Kwana abeit naka akiro nges na ebe akirot 'ekimat' itodunit ingai bo itunganan ngin, kosodi akirot 'ekaanyanaran' itodunit eyapesi loka etunganan kangopekangol. Ekimat nges etunganan. Ekaanyanaran nges eyapesi loka etunganan. Ekimat erai duc ido ebuni duc aitodiarit apakio nuka apolou naka itunganan kotoma Ejakait. Erai ngesi ekimat, mere naarai eseunitai nges arai edakakinitai nges, ka ace da, konye naarai ERAI ngesi LOEMOJONGIT AITELEKAR. Erai ngesi loitelekarit kationit, kaitutorio, mere ekeyuunan lo pac, lomunot kanuka aijen ka aitigogonget naka adaunit aojau ebwoi kotoma aijeneke kotoma Ekristayone.

Konye mam, mam ikaanyanarak kiminaikina neejaasi ibaluwan luka Paul, konye do apotu kesi koloto aimaraar nuka Paul nukapak naabu ngesi konyaraunia imakio luka Epeso kiton Mileto kotoma Aswamisio 20. Kotoma okokoro lo 17 ebala aitejenunet ebe, aponi konyaraunai “imakio” kosodi konyet kotoma okokoro lo 28 aponi kes konyarai ikaanyanarak (bishops). Ido ikaanyanarak lu, (komam abuonokin araasi lu aomitos nuka acoa naka aipugat ido kimielas adumun apedor) eketakina ebe adaunit Paul aijaikin apolou na ebe “ikaanyanarak” araasi luekeikina adepar ekimat loka atutubet loejaatar ka abwokon naka aijaanakin nakokanisake bon. Kamakec arai kwana do ekaanyanaran loajaatar kapedor naenyanyara neejaasi ikengarenok luka atutubeta luipu. Aomisioit nakepone kangol mam ajai toma Nuiwadikatai Obaibuli karaida akiro nueswamas kolosek, konye karaida ber etunganan loka adoketait naka Polycarp abu kogongara neejai aitemonokin kwa kangin.

Kwangin, ngin naabu kogeun kwape aswamisioit kotoma atur nasodit aponi kitaraunai aisisianakin na ejai cut ido ikoni nen lolo. Eroko bishops eomiara kapedor na ayait itunga ka aitwasam ngul kwape ipudatar kesi, aibwanakin kes nenidio kere neekotosi kesi kotoma aijaanakin. Engerit na aingarenikinio naka Emoyo Lokalaunan Loabala “Kogitakinai Paul ka Baranaba kanuka aswam naanyarakini kes.” Erai lo Lokasurup lokAkirot, ka lokasurup loka Kristo.
Mat. 20:25- 28,
“Konye Yesu konyarau kes, kotema atiar, Ijenete ebe ikayaitok luka atekerin eyaito kes kagogong, ejaas lukapolokokec kapedor mamakec. Konye mam ikote nen kamakus; konye nginitunganan yenekoto araut yenikapolon kamakus korau ikusikejaanakinan, Ngin da yenekoto araut yenisodit korau ikusibulesit, Kwape mam ebunitor Okoku loka etunganan aijaanakinio dimarai aijanakin, ka ainakin da aKeijar alakunia ikepuak.“
Mat. 23:8-9,
“Konye yes sirikinyaritai Rabi, naarai ejai yes ekesisianakinan ediopet nges Kristo, yes da kere iraasi iinacan. Sirikinyarata ediotunganan papa kakwap, naarai ejai yes Papakus ediopet, loejai toma akuj.”

Tetere aiyatakin aitacaun na noi, akoto eong aitetem Einikolaine koipone kalo. Iituni jo ebe kotoma Apu. 13:3 ebala ebe,
“Kesubit adiopet kakwesike bala ebelitai angole naka atwanare, konye kongaleu angoleke naka atwanare, kotupa akwap kere etiang eumokinit.”
Aso kijeni oni ebe akou naabelitai nges Ajakanut nakapirit nako Rome, apugan ngin napeti na erumit akwapin. Abu akou ngin konyou bobo kwape “ajakanut nakomoyo naka Roman Catholic.” Kwana kosesen na ejok. Inyo abu apugan nakapirit nako Rome kiswama yenarai esusut loka aitelekanarike? Abu ngesi “kotiakatiak kosodi aipikor.” Arai ngin ikinyomit yenika Rome - aitiak ka ipikori. Ikelake lusua acilete ka apoopo. Yenacilari ngesi ka apooroar mam bobo apedori aikeun kwape neamudiara ngesi Carthage kosodi acilicil nges kiton aitaraun abalang. Ecokat jepeje losuat asalit tomake neabu ngesi kojarunia kwape ekanisa loka aingal, ido eiswamaeke esalit koipone kangopckangol - aitiak ka aipikor. Ngin nges Einikolaine ido elait Edeke nges.

Kwana erai nakabeit naejena noi kakiro nueswamas kolosek ebe nealiaunia aibucar na toma okanisa apotu ikiliok kogeutu elagano kanuka eyapesi loka araut ekaanyanaran naabu kotupak do arai ebe adoketait do na arai naainakinio ikiliok ngul luetutoritai noi ido kokeriaka koboro ido koomito nuka aipugat. Aijen naka itunga ka aitemonokineta nuka aswam apotu kogeut airumiar aibois naka acoa naka Edeke ido mam bobo Emoyo Lokalaunan ayait. Arai na cut aronis naeyauni atwanare naarai apotu do bishops kogeutu aiketakin ebe mam bobo apodoi iponesio luecaete luka Ikristayot tetere ilimonokini Akirot arai bo nat tetere iswamai adio kaswamisio nukotoma okanisa naarai arai do iboro luitwasama nepepe ka aitolot asuban kes luapolok. Abu na kocamak ikiliok lukaronok (ikejodijodok) aicil esipan.

Kede kaisisianakin naapwakunete itunga naka aikeikinio naka ikaanyanarak toni adoketait namam kes ejaikinitai kotoma kaNuiwadikatai Obaibuli naatupakini arai akorakin adoketa nuka aitejenuneta nuetupanakina nuadukunos araut apugan naka edini; naarai katipet kojaunos ikaanyanarak lukapolok (archbishops) kuju naka ikaanyanarak kosodi lukapolok kakere (cardinals) kuju naka ikaanyanarak kalukapolok ido kapak naka Boniface lokiuniet ajai do ipaapa kuju kakere, e Pontiff.

Kede ka aisisianakin naka Inikolain ka ainyalinyalun naka Ekristayone kede Ebabuloniane nuatupakinete cut ajai araun nuabu Esekiel koany kotoma Esula 8:10,
“Kaloma, kaany; ido koany, aponi kinomitete aputosia nuka ngolipone loka lueliatos, ka itiang luketal, ka aputosia kere nuka ekek loka Isirael, toma arwatat kowaitin kere.”
Apu. 18:2,
“Kiworo keporoto loegogong ebe, Ebiror, ebiror Babulon lokapolon! Arau aibois naiboioto ajokin, Ka aidaris naka imoyon lueroko, Aidaris da naka nginikweny yenerono yenelaitai; Naarai ebiroros atekerin kere kanuka ebino loka adedeng naka adoteuke.”

Kwana aisisianakin na naka Inikolain, ekisil lo loaponi kisicatai kotoma okanisa mam abu kikamakin ejok kotunga luepu noi naarai apedorete kesi aisiom ebaluwa loka ikiyakia arai aicoreta nuekamunitos Akirot nukiwadikat icetunganan yen ayongit Edeke. Kwangin inyo do kereka abu ekanisa kiswama? Abu kirengea ikesisianakinak luadolitos kosodi aicwear anunuketa. Abalasi kesi ebe, “Ekoto aitutorio naerai nakepone loegelikina tetere aisiom ka amisiikin Akirot. Kanukinyo, karaida Petero abala ebe iboro luipu luewadikat Paul araasi luatioko amisiikin.” Akaulo naka alemar Akirot awai kaneejaasi itunga abu kodolok katipet itunga aipup bon nuajai asasedoti einer, ka aswam nualimokini ngesi kesi. Anyaritosi kesi ngun Edeke ka Akekirot nakalaunan. Apotu kesi kijoreosi aomit ka aijar naka itunga kosodete aitaraun kes ibulesin luka esasedotene loadedeng.

Kwana arai ikoto jo aitogogonget ebe ingisit Ekanisa loka Catholic aijar ka aomit naka itunga, kopupok caat ber ekisil loka Theodosius X. Ekisil losodit loka Theodosius.

Ekisil lo arai loetolomunio nape kedaun nges aibatis kOkanisa Losodit loka Rome. “Isio ikabakan luuni kikoto ebe kotupata ikositunga kainyikokinit edini loabu Petero Lokalaunan kisisianak Iromayon, lo da edari kamunonut kinonosio ido lo erai kwana loelimorit ipaapa (ePontiff), Damasus loko Rome, ka Petero ebishop loko Alegesanderia, etunganan loka alaunit naka eiyakiane kwape ejaar neejai aicorakinet naka ikiyakia, ka aisisianakin naka Akiro Nukajokak, keyuutu oni Eidekeone ediopet loka Papa, Okoku ka Emoyo Lokalaunan, lueriakas kapolou kotoma Teriniti Lokalaunan. Kicorakinit sio ebe ikatupitok luka aiyuun kana konyarai Ikristayon Lutulikin; kimaikini sio ikatupitok kere luka idinin luce ekiror ngol lokaronon loka luepaarito kaneejai abeit, ido kimikit airiamununetakec aitwasam ekiror loka ikanisan. Karaida ber kejai atubokinio naka adolit naka edeke, ekoto kes kokapakina adumun aiticanio naelangir naebuni apedorikosi, naingarenikinit acoa nakokuju aomit ebe ebeit ti ainakin...”

Ikisila itomon kakany luka aitisilar luabu ekabaka lo kitolomunun kotoma okar luepu apotu kodemasi lumam araasi Itulikin apedorosio kere nuka aitwasam edinikec, kirengearai kes kotoma oyapesin kere luka apugan, kosodete aitukurian kes kede igelito, angasio, airengeo ido kotoma aatenak ace, atwanare.

Konye ijeni kereka jo? Irai oni lukitebet ngipengina cut lolo.

Akelesia naka Roman Catholic enyaraikina alopet akelesia naerai Toto. Enyaraikina alopet akelesia nasodit arai nageunet. Erai ngin naedolit cut. Kerai nges Akelesia nageunet nako Rome naabu kobongo kau kosodi alosit toma adiakar. Nges arai nasodit naabu koduk erionget. Kotomake adumakinio aswamisio kosodi konyet aisisianakin naka Inikolain. Emamei idio yenebuni ainger ebe erai ngesi toto. Erai ngesi toto ido adau aurun idwe. Aso akoku elomuni kaneejai aberu. Aberu naenapit nekarengan ejai iboie korongan ikanykaarei luko Rome. Erai ngin naadote ido eurunit adwe. Adwe ngun kes ikanisan luka “Protestant” lukelomunete kamakeng kosodete konyet abongor kau cut toma orionget ka Einikolaine. Toto na naka adwe nukanisan erai naenyaritai naadote. Ngin nges aberu namam amunoono kotoma aiyaposioke nuka edukone. Arai ngin naadukokina kEdeke kosodi konyet alosit awai aelo kede Satan ido kotoma aeloke auru adwe nupe cut eputosi kanges. Aimorikikin na naka toto ka adwe erai nakasurup naka Akirot, nakasurup naka Emoyo ido kanukangun do nakasurup naka Kristo. Eebo, NAKASURUP NAKA KRISTO.

Kwana eroko eong kedolo neelwana noi akoto eong alimun ebe ikaanyanarak lu lukageunet aomitosi ebe araasi kesi luapolok adepar Akirot. Apotu kesi kolimokisi itunga ebe apedorete kesi aisioni adiakanaretakec naelimorere adiakanareta ngun. Mam cut ngin arai abeit apotu kesi kogeut aibatis imukerun kotoma okar luka akwatat nakiareit. Kotenan eswamaete kesi aibatisao naka aiteteun. Komam aumokin eraasi itunga luitolutoluno lolo. Arai etolutoluno kesi kwangin kapak kangin, na ayapiasi ka Pentekosit, kwana ejaasi do kesi toma ojautene loka amunaara cut koraas bala ikar 2000 luka aikunyar awai kama ejai abeit naageunet.

Wu, Ekanisa loka Edeke, ejai amuno adiope bon. Kobongosi kau neejai Akirot kosodete aiboienen kanges.

Naka oitabo... Atur naka Ekanisa loka Perugamo.

Ebala Ejakait ebe, Na ŋes aitutuket naetutuki kekek loka Isirael, Akaulo kapaarasia kaŋun; Epikakini ikakisila aomisiokec, Ewadikakini da otauonokec; Eoŋ da araun Ekecedeke, Kes da eraunos ikatuŋa.

Iburanian 8:10