Aturi ngina a Perigamo.

William Branham.

Tosiomete alo akirot...
Aturi ngina a Perigamo.

Apukokino 2:15,
“Eyiakasi kidding kus ngulu irumito akitatam ngina a Nginikolaitan, ibore ngini angerit ayong dang.”

Ipedorete iyes akiitun atemar abu ayong alotoma aturi ngina Epeso atolimoki iyes ebe ekiro ngolo ebekoi Nginikolaitan lo elomunit alotoma ngakiro ngarei nguna ka angajep a Ngigirik apolu keng Nikao apolou keng ebe akikamar; ka Lao apolou keng ebe esipan. Erai apolou a Nginikolaitan “Akikamar ngameskin.” Tokona nyobo ikoniata ngakiro nguna aronok nugu ne? Eroko anerai mam sek nyiwakinit Akuj ekanisa Keng nakan ka arikio a ngina erai ngitunga eseete ngulu elosete anaosou a ngina a politik. Iwakinit Inges Ekanisa Keng nakidario ngina a ngikiliok a ngulu ilelebakatar Ekuwam, ka ngikiliok ngulu eyiarete akiyiar ngina ka Akirot ngulu erikito ngitunga ka akitan ikes ka Akirot. Emam nyetiakatiaka inges ngitunga kiwanaki logurupo ikotere nai eriki esacardotiane ngolo asegan ngulu alalak kec. Iyokino ca atemar ebe ebeit esacardotiane torai ngolo asegan, ee robo asepic daadang iitana torai ngina asegan. Ka nabo emam akibois adio alotoma Akirot ngina ecamakinit Ngisacardot kori ngikejaanakinak kori kerai bo dang ngulu ebekoi eyiakasi kidding Akuj ka ngitunga anguna ka akilipanakin ngitunga, kori mam tar adiokiding ngina etiakakatar ikes anapaki a ngina ilipere Ekapolon. Ecamit Akuj ikes tominas inges daadang ka kijaanakis inges. Nai eranyu epite ngolo a Nginikolaitan ekijaanakine ngol akilo adau inges atiakar ngikejaanakinak aneni a ngitunga ido kitarau ngulu apolok nooi akilo arakau ngiketiyiak.

Tokona ageuni akitatam na ikwa ngiticisio anaturi a ngina esiaunan. Etakani esibit eyiakasi ngakiro loboro ngiarei: “ngikasikou” (ekimat) ka (ngibicopo). Ata bo kitodiunito Ngakigiret atemar elalak ngikasikou alotoma ngolo kanisa, apotu ngicekec (Iginecas ece alokiding kec) togeu akitatam ebe atametait ngina ke ekanyianaran ngin erai ebeitunganan ngini apolon ngini epolokinit ngikasikou.

Tokona nguna a kire ikes nu ebe ekiro ngolo ebekoi “ekasikout” lo itodiarit ekabila a itunganan a ngin, ido nabo ekiro ngolo a bicop itodiarit apis a itunganan a nginipei a ngin. Erai sek ekasikout tar dang erubari itodiarit ka apatanu aoyiau ngina ayaa itunganan alotoma Ekapolon. Mere inges ekasikout anguna aseunere kori enyonyoere, ka ngunace daadang, nai anguna ka ANGOROTONUT KENG. Erai inges etunganan ngolo eyeni idiobore, ngolo itatamitae, mere ekebelokinon ngolo kitete, ngolo ikinyoma anguna ka ayenut keng ka akiwa keng ngina aoyian aloyiare a ngolo ke ekiristayone.

Nai mam pa apotu ngibicopo kicata anabaruwae a Paulo, nai apotu toloto neni a Paulo apaki ngina anyaritor Paulo ngikasikou alo Epeso tar Miletas alotoma Ngiticisio 20. Alotoma ngulu cicik 17 ebasi nguna igiritae ebe, aponi tonyarae “ngikasikou” Alotoma ngulu cicik 28 enyaritae ikes ebe ngiketeok (ngibicopo). Ido ngibicopo lu anguna arakatar, (tomam angayangaya ngulu ayiakatar epolitik natameta kec ka kiburite apolou nooi) tokuruworos ebasi ebe apolou ngina ka Akirot a ngina alimunit Paulo ebe epolok ngiketeok akilo ekasikout edio ngolo a ekanisa ngolo eyiakatar apedor alotoma ekanisa keng bon. Aneni kec ebasi ikes kode erai ekanyianaran itunganan ngini epol nooi nginico epolokinit ngikarikok nguluce ngulu alalak. Enupitene ngol emam tar Anakigiret kori a loemuto, torai bo ngitunga ngulu ekote Polikap dang agongara lorionget.

A nen nguna apotu totakanut ikwa ngiticisio anaturi a ngina esiaunan abu jik torau akitatam ngina eleere ido eroko ikoni neni tar napakana. Eroko ngibicopo iitanito apolou ngina kipukaet ngikiliok nguluce ka akisitiyia ikes alopite a daadang a ngolo iitanito ikes ka akiwanakin ikes neni daadang ecamito ikes anakijaanakin. Itepegit ne arikio ngina ke Ekuwam a ngolo Akuangan a ngolo abala, “Totiakakinae ayong Paulo ka Baranaba anguna ke etic a ngolo anyaritor ayong ikes.” Erai nen akitidingit Akirot kori akitidingit Kristo.

Matayo 20:25-28,
Abu Yesu tonyarau ikes neni keng tema, “iyenete iyes atemar ngikapolok ngulu a Ngibukui ipukato ngitunga ka arienyao. Nai nyiitana kikote neni aneni kus: Nai inges ngini ecamit apoloor alokiding kus torau ekejaanakinan kus: ikwapei pa abunio Lokoku a Itunganan dang akijaanakino, nai akijaanakin ka akipotokin akekuwan araut etaci a ngulu alalak.”

Matayo 23:8-9,
“Nyiitanito ebe itonyarata iyes ngitunga ebe Rabbi: anerai eyiai Ekapolon kus epei bon, inges Kristo; ka irakasi iyes daadang ngikaitotoi. Ka nabo nyinyarata idiotunganan daadang alotoma akwap ebe Papa: anerai eyiai Papa kus epei bon, ngolo eyiai Nakuj.”

Anguna ka akitacaun nugu ejok, kimieki ejul Nginikolaitan alopite alo. Atami iitunito iyes alotoma Apukokino 13:3 neni ebala,
“abu ayong engolik akou keng apei ngina awanan akitodol natwanare; ido abu awanat keng ngin tongaleu: abu akawap daadang toumoki anguna a etiang.”
tokona ikiyeni iwon atemar awanat ngina anakou ngin erai ekilipe ngolo kapirit ngolo a ebuku a Roma, apedor ngina apolon ngina ka akwap ngin. Abu akou na toyiaru nabo ikwa “Ebuku ngolo a ekuwam ngolo a Roman Katolik.” Tokona tocoik nu ejok. Inyona abu apukan a Roma ngina kapirit kitiyia? Abu inges “totiakatiaka ido kikama” arai ngol arait ngina a Roma - akitiak ido kikama. Apotu ngikial keng ngulu suwa ngul kiranyut. Daadang ngini aciliciliari inges ido kiranyu pa apedorito nabo anyoun ikwangina eranyunia inges Kasej ido toeki inges nacumbi. Abu ekinyomit ngolo suwat ngol torubaki eyiai tooma keng tar ngina anyounio inges ikwa ekanisa ngolo aliokonon, ka arubakis ngipitesio keng ikote neni - akitiak ido kikama. Erai nen Enikolotiane ido engerit Akuj inges.

Tokona erai nu nguna eyenen nooi alotoma ngiemuto ebe, ngina alomunia adiakar na Lokanisa, togeunete ngikiliok akiwa ikotere apis ngina ke Ekanyianaran. Toyiai atametait na ebe einakinio apis na neni a ngulu esiomito nooi, kori ngulu ayiakatar idiobore ka ngitunga ngulu ayiakatar atametait ngina a politik. Togeuni nai aosou ngina a itunganan ka ngapurograma akikamar akibois ngina ka aosou ka Akuj ka topalikini nai Ekuwam ngolo Akuangan dang akipukat. Arai ne kire jik aronis ngina apolon nooi, anerai apotu ngibicopo torubakis ebasi ebe nyeroko nabo eyiare ngolo ileere ngolo a ekanupan emitakinitae anguna ka ainakin inges akiting Akirot kori ngiticisio ngidi alo kanisa anerai erai nooi epolot ngiboreborei ka ngasuban nguna apolok emitakinitae. Abu nai nen inaki ngikiliok ngulu (amodianak) iranyunete esipan.

Alotoma akitatam ngina a ngituna ngina ka akitopoloor Ekanyianaran nakibois ngina nyeinito ikes Ngakigiret, arai nai adoketait nginace epite ngolo totingite ngapision ngunace nguna eyeunete nai ekipukae ngolo erucokina alotoma ngadoketa; ka atipei apotu ngikaripiripak ngice toyiakaun ngulu enyaritae ebe Ngibicopo ngulu apolok apolokin nabo ngibicopo nguluce ka nabo toyiakaun Kadinols kidiama ngibicopo ngulu apolok ido alorwa a Bonipas ngolo a ngiuni abu Papa toyiakaun kidiama kec daadang, Papa.

Nyo mono tokona alotoma akitatam ngina a Nginikolaitan ka akimorikina ngina a Ekiristayone ka Ebabilone ngun eyiakaun ikes nguna abu Ezekiel kingolik alotoma 8:10,
“Aso abu ayong atoloma tooma ido engolik ekabila a nginibore eliat a daadang, ka ngitiang ngulu aronok, ka ngaputosia daadang nguna ka akai a Israel, iwakinitae narwatet daadang.”
Apukokino 18:2,
“abu tocelu a etoil a ngolo apolon ebala ebusokin Babilon ngolo apolon, ebusokin ido arau akibois ata Satan, ka adui ngina a ikeny a daadang a ngini nyeseg a ngini engeritoi. Anerai amata ngibukui daadang ngacwan nguna ka adedengu ka adoteu keng.”

Tokona akitatam ngina a Nginikolaitan na, ekisil lo ngolo aponi kiwakinae lokanisa lo pa abu topedo akijulakin ngitunga daadang anerai asiomete ikes dang Ngabaruwae ngace kori ngalimununueta a ngice alotoma Akirot ngina igirit idiotunganan ngini ekerit Akuj. Nyo abu ekanisa kitiyia? Abu togolo ngiketatamak ngulu eyokino ido kicunya ngibaibulio. Apotu ikes temasi ebe iitana asiomit ngina edolit ikotere epedori itunganan akisiom ka amisiun Akirot. Kotere nyo, tar Petero dang abu tema ebe ngakiro ngace nguna igirit Paulo etiono amisiikin.“ Kedaun tokona alemar Akirot alotunga, todoli apaki ngina arakar ngitunga akipup bon nguna ebala esacardot, ka akitiyia nguna ebala inges ikes. Apotu ikes tonyarito ngun ebe Akuj ka Akirot keng ngina asegan. Apotu ikes kikamasi ngatameta ka akiyiar a ngitunga ido kitaraut ikes ngiketiyiak ngulu a ngisacardot a ngulu aarak.

----
Enyara ekanisa ngolo a Katolik ngol ebe arai inges toto. Ebala inges ebe inges arai ekanisa ngolo esiaunan ngolo engarenon. Iyookino ngun cut. Erai inges ekanisa ngolo esiunan ngolo a Roma ngolo abu kibusokin ido toloma nakisec. Inges esiauni akidiniyor. Ayiakasi tooma keng ngiticisio ka akitatam ngina a Nginikolaitan. Mam ngini epegi atemar mere inges toto. Erai inges toto ido auruu kona ngapesur keng. Tokona ebuni apese kitoru naberu. Ibooi aberu ngina enapit ngilowi ngulu arengak alorongan a ngulu kankarei alo Roma. Erai inges amalaat ido auruu tokona ngapesur keng dang. Erai ngapesur ngun ngikanisae ngulu tokona itepegito inges ngulu alomunete aneni keng ido ekau tobongosi nabo toyeut ngiriongeta kec ka lopite ngolo a Nginikolaitane. Enyaritae toto ngina a ngikanisae na ebe amalaat. Erai ngin aberu ngina pa abu kiricite ngikisila ngulu a edukone. Adukokina sek inges neni ka Akuj nai abu toloma nadoteu ka Satan ido adau inges alotoma adoteu ngin auruun ngapesur ngunapei ikwaan ka inges. Akimorikina ngina a toto ka nakoku na erai ibore ngini itidingit Akirot, itidingit Ekuwam ka nabo dang itidingit - Kristo. Ee EKETIDINGAN A KRISTO.

Tokona eroko ayong nyeakara neni alwanan acamit ayong alimun atemar atamito ngibicopo ngulu ngorok lu atemar kode ikiyia ikes kidiama Akirot. Apotu ikes tolimokis ngitunga atemar ebe epedoritae ikes akision ngasecisia kus erai kelimor ngasecisia ngun. Nyiyokino ngun. Apotu ikes togeut akibatis ngidwe apaki ngina adolioto ngikaru ngamiae ngarei. Apotu dang kitiyianenete ebatisimu ece nabo. Tar tokona dang eroko ngitunga ingodiasi. Erai keponito ikes kingodiakin aneni eapi alorwa a Pentekost, inges atemar ayiakaun co tokona lopite ngolo aronon nooi, kedau tokona apaki akidol ngikaru 2000 ameun anakiyookino a ngina esiaunan.

Okoe, ekanisa ka Akuj, eyiai akigeno apei bon. Tobongosi Nakirot ido kicata aneni.

Tosiomete alo akirot... Aturi ngina a Perigamo.

Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.

Ngiburanian 8:10