Alosikinet naka Edeke.

<< abongor

ekaulo >>

  Aiyeyea naka Kristo egeuna.

Kristo nges aiyeyea naka Edeke epukoritai.


William Branham.

Naka oitabo...
Kristo nges aiyeyea naka Edeke epukoritai.

Koany, kejaatar Edeke kalosikinet naka atenak auni kotoma aiyeiyea napolon naemunonitai. Edeke, kotoma aiyeiyea Ke napolon naemunonitai nakejaatar Ngesi eringa akwapin kegeuna, ejaatar Ngesi kalosikinet nakatenak auni kotoma ke. Ido kopekwana nuipuda oni adolokin, atupuruc na, erai, ebe anyoin bo alosikinet ngin naka atenak auni? Ianyutu? Kwana, eyuunit eong, kengarakinite Edeke, Lo ejai, ido ebuni Ngesi aitodikin oni ngin. Kwana, arai abu ngesi kojaatar kalosikinet na naka atenak auni, kikoto oni ajenun ebe anyoin bo alosikinet na naka atenak auni.

Ibore yenisodit kerai ebe, akoto Edeke apukokin Elopet bon mama ejaasi itunga. Mam ti Nges kepedo aswam ngun korai kwape Yawe lokapolon Edeke Loarapiarit apak, ikar, ka Ikar Lumam Edaunos. Mam Ngesi ti kepedo. Erai Ngesi Loepol noi nemam ti kepedorere apukokin otunga, naarai ti ngun keraunos nuetiono ajenun. Ikwaikini ti ai Lokajaran ngol lokapolon lomam ageunet...ebe akaul na ijo alosit kitoni juwai naka airimokinet naka ikar akwat luka billions ka trillions ka trillions luka apak naka aica, ido koipone kangol kitoni nemam imarun, toma Apak ya Namam Edaun, Esubat da lokapolon lokerai ngun kere, eringa da erai.

Konye nuakoto Ngesi aswam, alelakinit Ngesi araut Papa, naarai kerai Ngesi Papa. Ido eipone ediopet bon loapedoria Ngesi aitodiar ngun nges lo araun Okoku loka etunganan. Arai kanukangun nges ecebokitor Yesu alimunun ebe, “Okoku loka etunganan.” Koany, mam kes kejenete nuenera Ngesi, luipu kakesi. Konye kwana iwanyutu yesi? Iany? Akoto Ngesi Elopet bon aitodiar. Kerai ngin, adiopet kotoma alosikineta Keng nukapolok nukeraasi auni, arai aitodiar Elopet bon, aitijenaar Elopet bon kede itunga, apukor Elopet bon kotoma Kristo.

Naiyareit, araun losodit kakere kotoma AkuanaKe naka ikeyuunak, nges atemar, AteraniKe, tetere Nges ejari kotoma otunga.

Kwana, apedori Ngesi aswam ngun kotoma Adam ka Keba, konye aronis abu kotiak kes, aso kanukangun kwana ebusakinit kojaun erot ecie lo inyakakinet ngin bobo. Oh, ikatuan! Oh, kwana, nu, erai ne abar, kamakang, aomoom ber da bon nuikamunitos ngun. Iany? Ianyut nukerai alosikinet naka Edeke? Kwana kanukinyo mam Nges abu kidaritor Adam ka Keba koipone kangol? Mam bo do ti Nges kepedo aitodiar ailelebaKe, atutubet Ke kaileleba. Naarai, ti Nges epedo araut Papa kangina, eraasi ngun abeit, konye da erai Ngesi Eketajaran. Itemari ijo atiar, “Ijenuni ijo biai ebe kerai Ngesi?” Erai Ngesi, naarai etoritor eong toma kangun. Iany? Iany? Erai Ngesi Eketajaran, ido ajai Nges aitodiar ngun. Ido ti nges iswamau ngun biai? Kerai bon kitorite mama ejai kristo. Ti Nges epedo biai araut Okoku? Kerai bon kitorite mama ejai Kristo. Ti Nges epedo biai araut Eketingaleunan? Kerai bon kitorite mama ejai Kristo. Koany, iboro kere iweniwenikina toma Otunganan ngol ediopet, Yesu Kristo. Oh, ikatuan!

Neaomooma eong nuikamunitos ngun, eong - aseseni cut eong idiinin etuboros awai kobore ilopet, ka nginibore ice kere cut elosi, koany, kaany eong apeleikinet naka Edeke nakapolon, epukor Elopet bon. Ido kojai, nasodit, apukor Elopet bon kotoma Kristo, “aileleba naka Eidekeone kotoma akuan.” Kosodi, konyet, ayangaun ngin “aileleba naka Eidekeon kotoma akuan” toma otunga, ebe kopedo Ngesi araun nusodit, ayait, aingarenikin.

Ace bobo, akuare ya, arai mam ijo ibu kodum ateep, abu eong kalimonok kane akuare adiopet, nuka Eenat loka Yesu Kristo. Paul, eenat! Iany? Kilemu Edeke ijo araun eenataKe, mam do ijo ipedori aswam imodiobore kere dimarai nu ebala Emoyo ebe kiswama. Paul, kede acoasineike kere nukapolok, abu Gamaliel kisisianakite nges araun esasedoti arai rabi lokapolon, kadiopeparan. Ido kejaatar ngol kawomisio nuewomiara. Kerai ngesi kanuikamunitosi apiirianut etunganan lokapolon, apedor nakapolon, etunganan lokapolon kotoma ateker. Konye ajai ngol aijal kanginibore kere yenekamunit ngin, koany, tetere eraun ewai loka Akirot, tetere itodiari Kristo. Ajeni ngol nukerai atemar atiar... Kejaatar ngesi kawomisioit na alosit atutubet ace, kenyaraaritos nges inacan ice, konye abu nges Emoyo kisimik aswam nuke bon. Oh, arai itunga lueraasi lukomoyo kotoma aipimasit naerai atutubet kopedosi aikamun ngin! Ianyutu? Aponi nges kimikai aswam nuke bon. Apedori bon ngesi... “Abu Emoyo kesimik eong.” Ianyutu? Kerai ngesi eenat mama ejai Kristo.

Kosodi konyet, ikadwaran yen adiopepaaran, yenabu ngesi kojeni, kejeni Paul ebe kejaatar ngesi kapedor naka airengianar ajokin, konye apedori bon ngesi aswam ngun kwape etojokanara Edeke. Nginipaaran atupit ya nges, komonyi kotupite nges, konye adiope paaran abu Emoyo kocamak nges. Kosodi konyet kiretak ngesi ngin, emoyo lokejai tomake. Ianyutu? Kejeni ngol ibore yenikerai araut eenat.

Musa, acoasineike, ajai nges atwaniar ngun tetere edumuni Kristo, tetere eraun eenat. Kosodi konyet kedau Edeke aiputar akwapin kere kotomakeng, ka eitungananeke kere lokerai lokagogong lokerai ngesi, kosodi aibwo kotoma Ajakut naka Epir ngol loka Akim kapaaran kangin, abu ngesi kodumun mam epedorit einer. Mam da nges abu, mam abu kopedo karaida einer, abala ngesi. Kojaunotor do Edeke keenat kapak kangin. Iany? Mam ijo itamakini akaul naka amootekon kilopet bon. Ajai bodo Edeke aitanap etunganan lo, aijaikin nges apedor nailosikina napedoria ngesi alosio kwap ngina. Ido kotema ngesi atiar, “Ejakait, abu eong kalimok Parao nu ibu ijo kiner, ido mam nges abu kocam aswam.”

Kobala Ngesi ebe, “Koyanga do lo, ebelakon,” Edeke nges enera, erai ngin Akirot naka Edeke, “koloma kinga ngina kosodi adodiar nges ari nako Kide, kosodi anyaraun icuc.” Kosodi kosubunai iduc, naarai kejaatar Ngesi keenat lomam Parao apedori agwel aitapaar kede idiobore. Kemamei imodiotunganan yenapedori aitapaar ngesi kemodioipone. Kerai ngesi eenat kaileleba kotoma orikoi luka Akirot naka Edeke, koenikina mama ejai bon INERA KWANATA EJAKAIT.

Okwe, arai Edeke kopedo adumakin Ngesi elopet ienan lukeipone kangol! Kwana, erai nen nges epedoria Ngesi aitodiar nueraas nusodit, koany ijo. Nges, adumu Ngesi ekiliokit, arai etunganan, tetere emamete nuejeni ngol dimarai Kristo. Ianyutu yesi nuabala eong? Mam ace. Erai ngin naiyareikini. Nasodit, aitodiar Elopet bon cut, Edeke kotoma Kristo. Naiyareit, tetere eraun nusodit, kitwasamai nu, kotoma Okanisa Ke, loerai AkuanaKe, nges Ateran, kiton nepedoria Ngesi adumun airumit araut losodit kanu aitodiaror Elopet bon kitorite nejaasi ngul. Mam ace.

Kosodi, naiunikini, ainyakakin Ajakanut aiboisike naebeit, na abu kibiror kanuka aronis kanuka Adam losodit, abongor laije ne alosio Ngesi kariripet naka atiibong, kede kitungaKe, kineras kakes, kidicasi kakes. Ido kwana abu adiakar ka atwanare kotiakarite kes kamaka Ajakut Ke ka aitijenaretaKe kere. Isiomete yesi ngin? Keringa epesikina apeteta nuka akwapin, tetere aitodiar kere iKewaitin, lukerai Ngesi.

Kanukangun, arai idio yen iyuunit Teriniti yenejai ne kocam ber alacakin adakika adiopet, ipedori ijo aanyun ebe Papa, Okoku, ka Emoyo Lokalaunan mam erai Idekesio iuni. Eraasi ngun iwaitin luka Edeke ngopengol. Koany, erai ngin aitodiaret. Papa, kerai Ngesi, akoto araun Papa. Kerai Ngesi Papa, kerai Ngesi Okoku, ido erai Ngesi Emoyo Lokalaunan. Ido Papa ka Emoyo Lokalaunan erai Emoyo ngopengol. Mam yes ianyunitos? Idumut yesi ngin? Mam erai idekesio iuni. Ajokin kes alimokinete yes iboro ngul, aitaraun yes ikamaak aputosia. Ianyut? Erai Edeke ediopet itodiaritai kowaitin auni. Araut Papa, araut Eketajaran, araut Okoku, araut Eketangaleunan, koany, nges aitodianaretaKe.

Akoto eong aitapatan ber mot tetere itunga da luepupete ateep epote aikamun aomisioit, luepedorete aanyun. Ti eyangaiki eong airimokin, airimokin esawa ngol, kanginidiope ber bon naka akiro nu nukisisia. Konye amuno eong ebe auta eong aitacaunit ngin nedolit tetere yes ipedorete aanyun nuajai eong adolokin. Ianyut?

Edeke, itodiara kotoma Yesu Kristo, Lo emoriarit araut Papa, Okoku, ka Emoyo Lokalauna, aileleba naka Eidekeone kakuan.“ Kwana ”aileleba naitekoro naka Eidekeone kakuan“ iboyei kotoma OkanisaKe, ngun nueyaitos. Kere nukerai Edeke, abu kobukok toma Kristo; ido kere nukerai Kristo, aponi kobukokinai toma Okanisa, ikeyuunak. Mam erai ediini! Kiponi oni adolokin ngun kodakikan idis, ido ebuni na alemar ngin awai kaomisiokon ikar kere, koany; aitodikin ijo ibore eyangaununei ngun, ketwasamaete agangat naka Edeke, arai bon kecamaki Ngesi oni ngin.

Anyoin kwana alosikineteKe? Aitodiar Elopet bon kwape Okoku, koany, kosodi, kwana, tetere kotomaKe ebuni “aileleba naka Eidekeone kotoma akuan” aiboienen. Eong, kijaar eong k'lkolosain eperete kane, cut ingareneka. Iany? Ebe, anatar Nuiwadikatai Obaibuli kere, ngin nges kerai apeleikinet naka Edeke.

Kosodido, ido kitorite Aijar na naka Okoku lo, emusalabaKe, “Aokot,” ebala kane, “nuka emusalabaKe,” ebe tetere Nges itupucikini mamaKeng Akuan, Ateran; nges Keba, Keba nakiyareit. Ido abu Edeke kijaik ngin kotoma aituput, kwa abu Ngesi kiswamaikina Musa kede luce kere. Ibore ngipengin abu Ngesi kiswama kotoma Adam ka Keba, aijaikinit aitupuset, ebe keraasi ngul Kristo kede Ateran. Ngesi nges Adam lokiyareit; Ekanisa nges Keba nakiyareit. Ido alemar bon naejaar Keba nakiyareit acamanar asurokinit Akirot, mam tope ngesi ejai aswam ibore yepe abu Keba nasodit kiswama? Atamit atemar, “Aso, keraasi ngun kanuka atur ace.” Ido kiponi oni adolokin ngun kotoma odakikan idis, arai tope abu Ngesi kinerite ebe eraasi ngun kanuka atur ace. Ikwaikini ai epedori araun atur ace, kwabo korai Ngesi nges “ngopengol bian, lolo, kiton ikar kere.”? Konye eneru Edeke ngun ido “ebwa ngun kakonyen nuka lukacoa ka luepiriaka, apukoki da mama ejaasi imukerun lukitebeikinitai” lukitebeikinitai aijaun ngun.

Naka oitabo...
Kristo nges aiyeyea naka Edeke epukoritai.

Da kiany...
Apukokinio naka Yesu Kristo.


Engatuny naka Yuda.

English Newsletter Site.

Oitabo loka Apukokinio egeuna.

Moru Sinai. Meriba.
- Archaeology.

Eliya enabi.

Aisisia loka Aisiiraret.

Akiro Nukajokak.
Kristo kotwana kanuka
adiakanaretawok.

Akipi Batisimu.

 
 

Edou naka kokuju.

Kepir loka Akim.

Sodom ka Gomora.

Alosikinet naka Edeke.
Eidekeone.

Ajarun egeuna.

Aipuceta nu
Akanykaarei

Apak Nakawasia
egeuna.

Aijar Akirot egeuna.

Ekristayot Alosit egeuna.
Edukone ka Elakit.
 

Ageun Adiakaret.
Ekitoi loka Aijar.

Awaragasia.
- naka Babulon.

Adepar aigalisit
naka apak.

Ateso Aisiiraret.

Ebaga egeuna.

   Abala Ebaibuli ebe...

Naarai kwape eraar akuan adiopet, ejaas da atutubeta nuipu, kwabo atutubeta kere nuka akuan kaŋin, karaida kipu, eraas akuan adiopet, kwape kwaŋin Kristo da.

Naarai aponi kibatisai oni kere kotoma emoyo ediopet araun akuan adiopet, karaida Iyudayan, karaida Iyonanin, karaida ibulesin, karaida luijakakaete-aponi oni kere kitamasi Emoyo ediopet.

1 Ikorinton 12:12-13


Click on an image to download PDFs or fullsize picture.


Acts of the Prophet

(PDFs English)

Edukone ka Elakit.

(PDF)

William Branham
Life Story.

(PDF English)

Eipone Loabunio
Emalaika Mamakang...

(PDF)



 


Aisiiraret hub... Aijaar - Aisiiranareta naka Onac Branham.