“Lo ŋes erot, kitoroto kotoma”

Isaia 55:6-7,
6 Komoata EJAKAIT kapak naepedoror adumun, Kiwoneete ŋes kapak naeapiar.
7 Kojal ikaronon ekerot, yenimam adolit da akeomisio: Koboŋu mama ejai EJAKAIT, itimi ŋes; Mama ejai Edekewok, naarai isionie noi.

Naarai adiakasi kere.

Iromayon 3:23,
naarai adiakasi kere, komam edolokinito aibuses naka Edeke,

Iromayon 3:10,
...“Emamei ikadoliton, karaida idiopet;”

Kitoronikinos...

Luka 13:3
...konye arai mam yes itoronikinos, imudiaros kere kwape kwaŋin,

Aswamisio 3:19,
Aso do kitoronikinos, kibelokinos, komwatarai akusidiakanareta, tetere edolete apakio nuka aisikwarunio nuepote kama ejai Ejakait,

Ekanisa kitoronikinos.

Apukokinio 2:1,5,
Kiwadikak emalaika loka ekanisa lokotoma Epeso ebe:...
Aso kiitu nekibirunor, kitoronikin, kiswama da aswamisio nusodit. Konye arai mam iswamai kwaŋin, abuni mamakon, alemari da epirikon lokatala kaiboisike, dimikito kitoronikin.

Apukokinio 3:19,
Etoroni eoŋ ŋul kere luamina, alecori da; aso kodunyak, kitoronikin da.

Kibatisaunos...

Marako 16:16,
Yeniyuuni kibatisai, itajario; konye yenimam iyuuni itelekarete akiro.

1 Petero 3:21,
Eputosi akiro ŋun kaibatisao, naitajari yes kwana, mere alemar elos loka akuan, dimarai einer kaomisio nuejok mama ejai Edeke, kanuka ajarun naka Yesu Kristo,

Yokana 3:23,
Kibatisai Yokana da kAenon naeapias ka Salim, naarai kejaas akipi nuipu nen; kolosenenete ituŋa mamakeŋ kibatisai,

Aswamisio 8:36-39,
36 Napelosete korot, kodoloto neajaas akip; kotema ebwacit atiar, “Koany, akipi nu; inyo ca kesimikit eoŋ aibatisao?”
37 Kotema Pilip atiar, “Arai iyuunit kekonitau kere, epedoros.” Koboŋok ebe, “Eyuunit ebe Erai Yesu Kristo Okoku loka Edeke.”
38 Kicorak agali aibwo; kijesaros kesi iarei akipi, Pilip ka ebwacit, kibatisa ŋes,
39 Kedaut adokun kakipi abu Emoyo loka Ejakait kourupo Pilip; mam bobo ebwacit eanyuna, konye kiyatak akelosit iyalama.

Arimar itelekarit asubanit.

1 Samuel 15:22,
...Koany, arimar itelekarit asubanit, Ka aipup da edeparit asiepai nuka imerekekin.

Luka 24:45-49,
45 Kosodi kikujok akececoa ajenun nukiwadikatai.
46 Kotema kes atiar, “Kwaŋin iwadikatai ebe ibusakinit Kristo aiticanio, ka ajarun da kotoma okatwak kapaaran nakiwuniet.
47 Ebe da elimonokinio atekerin kere kokirorike aitoronikin ka aisionio naka adiakanareta, agear ko Yerusalem,
48 iraas yesi da ikajenak luka akiro kaŋun.
49 Ido koany, kejukakini yes aisumunet naka Papaka; konye kiboikinos ore, aitodol nekitanapere yes apedor naebuni kokuiu.”

Aswamisio 2:36-39,
36 Aso kojen ekek kere loka Isirael kabeit ebe etarau Edeke ŋes Ejakait ka Kristo da, ŋes Yesu loipotu kibubukis.”
37 Nakiirariata ŋun koditasi ikecetauon, kobalas Petero ka ikiyakia ice ebe, “Kekonakis ai, iinacan?”
38 Kotema Petero atiar, “Kitoronikinos, kibatisaunos, ŋinituŋanan kayesi, kokiror loka Yesu Kristo, kanuka aisionio naka adiakanaretakus; kiinakinio ainakinet naka Emoyo Lokalaunan,
39 Naarai aisumunet erai kanukus ka ikusidwe da, ka ituŋa kere luelwaka, kere luenyarauni Ejakait Edekewok mamakeŋ.”

Batisimu. Kokiror loka Yesu Kristo.
Ali bo ekiror lokibatisatere ijo?

Aswamisio 8:14-17,
14 Kosodete nakiirariata ikiyakia lukejaas Yerusalem ebe eyuu Samaria akirot naka Edeke, kiyakiasi Petero ka Yokana mama ejaas,
15 lukijesaros kilipakis kes, tetere edumunete Emoyo Lokalaunan:
16 naarai mam ber kedoikinit idio kakesi, konye ebatisatai ber kokiror loka Ejakait Yesu,
17 Kosodete kidokokis kes akecekanin, kodumut do Emoyo Lokalaunan,

Aswamisio 19:1-6,
1 Nakejaar Apolo Korinto, kitor Paul akwap naimukurur, kodol Epeso. Kodum ikesisiak ice kaŋina,
2 Kiŋit kes atiar, “Ipotu kereka ko dumut Emoyo Lokalaunan nakiyuuniata?” Kobalas ebe, “Mam, karaida aiirarit ebe ejai Emoyo Lokalaunan.”
3 Kotema atiar, “Aso kibatisatai yes aibatis anyoin?” Kotemasi atiar, “Aibatis naka Yokana.”
4 Kotema Paul atiar, “Abu Yokana kibatis kaibatis naka aitoronikin, elimonokin ituŋa aiyuun loebunit kokaukeŋ ŋes Yesu.”
5 Nakiirariata ŋun, kibatisaunos kokiror loka Ejakait Yesu.
6 Kosodi nakedaunia Paul aidokokin kes akekanin, kodoik kes Emoyo Lokalaunan; kinerata kaŋajepa, ka aidwar.

Aswamisio 10:48,
Kicorak kes aibatisao kokiror loka Yesu Kristo...

Kiyuu Ejakait Yesu.

Yokana 3:3,
Koboŋok Yesu kotema ŋes atiar, “Abeit, abeit, katemari jo atiar, Arai mam ituŋanan eurio nakiareit, mam epedori aanyun ajakanut naka Edeke.”

Igalatian 1:8,
Konye arai sio da arai emalaika loebuni kotoma akuj, kilimonok yes Akiro Nukajokak nuegelara ka ŋun nukipou kalimonokisi yes, korau loikenitoi.

1 Ikorinton 14:37,
Arai eomit ituŋanan ebe erai enabi, arai bo yenikemoyo, koŋic ŋun nuewadikakinit yes, ebe, eraas aicorakinet naka Ejakait.

Kiinakinio ainakinet naka Emoyo Lokalaunan.

Aswamisio 1:4-5,
4 Nakiriamunotor kakes kicorak kinyeis anyoun koYerusalem, konye kidarata aisumunet naka Papa. Kobala ebe, “Ipotu kiirasi ŋun kamakaŋ;
5 naarai abu Yokana kibatis kakip, konye yes kibatisao kEmoyo Lokalaunan eriŋa etuboro apaarasia nuipu.”

Aswamisio 5:32,
Kirai isio ikajenak luka akiro kaŋun, nepepe ka Emoyo Lokalaunan, loainak Edeke kere luerimasi ŋes.

Yokana 16:7-14,
7 Konye eoŋ kalimokini yes abeit; ejok kamakus arai kalot eoŋ, naarai arai mam alosi mam ebuni Ekayuunan mama ijaas; konye arai alosi ejukuni ŋes mamakus.
8 Kebu ŋol, ilepilepi ŋesi akwapin kanuka aronis ka adolit, ka etube da,
9 Aronis, naarai mam keyuunito eoŋ;
10 adolit, naarai alosi mama ejai Papa, mam bobo kianyunete;
11 ka etube da, naarai adaun lokapolon loka akwapin kanu atubokinio.
12 “Eroko ejaas eoŋ nuipu alimokin yes, konye mam ipedorete atitiŋikin kwana.
13 Kebu je, Emoyo loka abeit, kiŋarenikini yes kabeit kere; naarai mam inera nuke bon, konye inera kere nuepupuni, kitejenuni da yes akiro nuepote.
14 Ketopoloori ŋesi eoŋ, naarai elemuni nueraas nukaŋ kitejenuni yes,

Aswamisio 1:8,
Konye idumunete agogoŋ kedau Emoyo Lokalaunan adoikin yes; iraunete yesi ikakajenak kotoma Yerusalem, ka Yudaya kere, ka Samaria, kiton osaŋe da loka akwap.

Iromayon 8:9-11,
9 Konye arai iboie Emoyo loka Edeke kotomakus, mam ijaas toma akuan dimarai toma Omoyo. Arai da emamei ituŋanan Emoyo loka Kristo, mam ŋin erai yenike.
10 Konye arai ejai Kristo kotomakus, atwakata awatekus kanuka adiakar, konye ejarete ikusimoyon kanuka adolit.
11 Konye arai iboie Emoyo loka ŋol lokitajaruni Yesu kokatwak kotomakus, ŋol lokitajaruni Kristo Yesu kokatwak einakini da akusiwat nuetwakete aijar kanuka Ekemoyo loiboie kotomakus.

Aswamisio 10:44-48,
44 Naperiŋa Petero inera ŋun, kodoik Emoyo Lokalaunan kere lukiirarete akirot.
45 Koumokis lukiyuunito lukekepitai lukeupunos ka Petero, naarai abukokin Imo da ainakinet naka Emoyo Lokalaunan.
46 Naarai kiirasi kes ineras kaŋajepa ka aitopoloor Edeke. Kosodi Koboŋok Petero ebe,
47 “Epedori kereka ituŋanan aisimik akipi nuka aibatis ituŋa lu, luainakin Emoyo Lokalaunan kwape kaoni?”
48 Kicorak kes aibatisao kokiror loka Yesu Kristo...

Kilosenenei kotoma aica naka Akirot.

1 Yokana 1:5-7,
5 Na ŋes aitejenunet nakipou kapuput kamakeŋ, nakilimonokini yes, ebe, Erai Edeke aica, ido kotomakeŋ emamei cut adiomuton.
6 Arai kinera ebe kidica kaŋes, kalosenenete da kotoma amuton, kiŋala bonik, komam kiswamai nukabeit.
7 Konye arai kilosenenei kotoma aica, kwape ejaar ŋesi toma aica, kidicenena bonik ka bonik, ido kitesegarete oni aokot nuka Yesu Okokuke kama kadiakar kere.

Kitemokin aisiriama Ekonideke! Amos 4:12

naka oitabo... “Lo ŋes erot, kitoroto kotoma”
naka S.E. Johnson.

Kwabo emamei aitajar kotoma ece kere: naarai emamei ecekiror kokwap kakuj loeinakinitai ituŋa, loibusakinitor oni aitajario.

Aswamisio 4:12