Ajarun egeuna.
<< abongor
ekaulo >>
Ajarun - Obaibuli. Adepar aigalisit naka apak. Kaparan Kangin Kotoma Kalvari.
Ajarun - Obaibuli.
David Shearer.Adwarasit naka Ajarun.
Aswamisio 2:25-27.
25 Naarai inerit Daudi kanukeŋ ebe, ‘Abu kaanyununei Ejakait kakonyeneka, Naarai ejaenena akanika nakoteten, Kenyek airiaŋiriaŋa.
26 Ŋes iyalamikinor ekatau, elakanari da akaŋajep; Bobo da iboie akakuan kotoma amun.
27 Naarai mam jo inyeini ekatau kokatwak, Karaida aijaikin Lokalaunanikon aibos.Aswamisio 2:31.
31 abu ŋesi kogeik aanyun kinera da nuka ajarun naka Kristo ebe, mam aponi kinyeinai Okatwak, karaida akekuan aibos.Yesu adwarasit ngesi ajarun.
Matayo 16:21
21 Ameun kapak kaŋin kogeu Yesu aikwenyar ikekesisiak ebe ibusakinit ŋes alosit Yerusalem, aiticanio da nuipu kama ka imakio ka isasedotin lupeti ka ikewadikak, ka aario, ka ajarun kapaaran nakiwuniet.Matayo 17:22-23
22 Nakiboioto koGalilaya, kotema Yesu kes atiar, “Elosi Okoku loka etuŋanan ainakinio akanin nuka ituŋa,
23 earete ŋes, apaaran nakiwuniet ejaruni.” Kokadakis kes noi.Luka 9:22
22 Kobala ebe, “Ibusakinit Okoku loka etuŋanan aiticanio nuipu, egirete da imakio ka isasedotin lupeti ka ikewadikak, ka aiar, kapaaran da nakiwuniet ejaruni.”Marako 9:9
9 Napedokunete koroŋat, kicor kes kinyeis alimokin idiotuŋanan kere nuaanyut, aitodol naejarunia Okoku loka etuŋanan kotoma okatwak,Aingiset loka Yesu...
Matayo 22:23,28.
23 Kapaaran kaŋin kopotu Isadukayon mamakeŋ, luebalas ebe emamei ajarun; kiŋita ŋes,...
28 Aso, kotoma ajarun, eraun ŋin aberu naka ŋai kakwi kalukanykaarei? Naarai kere apotu kojaas kaŋes.”Abongokinet naka Yesu...
Matayo 22:30-32.
30 Naarai kotoma ajarun mam emanyete karaida adukokinio, konye eraas bala imalaikan kotoma akuj.
31 Bobo da kakiro nuka ajarun kokatwak, mam isiomito akirot nakinerit Edeke ebe,
32 ‘Arai eoŋ Edeke loka Aburaam, Edeke loka Isaak, ka Edeke loka Yakob da’? Mam ŋes erai Edeke loka lukatwak, konye loka lukaiarak.”Luka 20:37.
37 Konye ebe itaiarunio lukatwak, abu Musa da kitodik, kotoma owai laka Ekiyot, nakelimoria Ejakait araut Edeke laka Aburaam, ka Edeke laka Isaak, ka Edeke loka Yakob da.Arai mam aiyuun Akirot...
Luka 16:31.
31 Kotema ŋes atiar, ‘Arai mam iirarete Musa ka inabin, mam ecamunete karaida kejaru ituŋanan kokatwak.’Aswamisio 1:22.
22 ameun kaibatis naka Yokana, kiton apaaran naayaŋarere kamawok alosit toma akuj, ibusakinit ediopet kakesi araun ekajenan loka ajarunike nepepe kaoni.Aswamisio 2:30-33.
30 Aso kanu keraar enabi, kojeni ebe iyapoikinit Edeke aiyaposit ebe, kotoma aurike edakakini ediopet oicoloŋoke,
31 abu ŋesi kogeik aanyun kinera da nuka ajarun naka Kristo ebe, mam aponi kinyeinai Okatwak, karaida akekuan aibos.
33 Yesu ŋol abu Edeke kitajaru, kirai isio kere ikajenakake.
34 Aso kedaun aitodokaar kiton akan nakoteten naka Edeke, ka ainakinio kama ejai Papa aisumunet naka Emoyo Lokalaunan, abuku lo loianyunete loipupete da.Aswamisio 17:32.
32 Kosodi nakiirariata nuka ajarun naka ikatwak, kokienatar ice; konye kobalas ice ebe, “Kiirari bobo jo kakiro kaŋun.”Paul aiyuun kotama ajaran.
Aswamisio 23:6.
6 Konye nakejenunia Paul ebe atutubet adiopet kerai naka Isadukayon, ka nace da naka Iparisayon, kiworo kaurianet ebe, “Ikiliok iinacan, arai eoŋ Eparisayot, okoku loka Iparisayon; katubokinitai eoŋ kanuka amun naka ajarun naka ikatwak.”Aswamisio 23:8.
8 Naarai ebalas Isadukayon ebe emamei ajarun, karaida emalaika, karaida emoyo; konye ecamunito Iparisayon ŋun kere.Aswamisio 24:21.
21 dimarai akirot na adiopet bon nakeworoi kabwoi kokidiŋikec ebe, ‘Kanuka ajarun naka ikatwak katubokinio lolo kakonyenekus.’Ajarun kotama Akiro Nukajokak.
Luka 7:15.
15 Kiboikin lokatwan kogeu einer. Koinak ŋes totoke,Matayo 11:5.
5 Ekwenyunete imudukiok, elosete iŋwalasik, iswagio lukatapon, epupete ikimiŋiok, itajario lukatwak, elimonokinio da lukican akiro nukajokak.Luka 7:22.
22 Koboŋok kotema kes atiar, “Koloto, kolimokis Yokana ŋun nuianyut ka nuiirarito da; ekwenyunete imudukiok, elosete iŋwalasik, iswagio lukatapon, epupete ikimiŋiok, itajario lukatwak, elimonokinio da lukican akiro nukajokak.Aswamisio 4:2.
2 ekadakinito noi naarai isisianakinete ituŋa, ka alimono kin ajarun naka Iukatwak kotoma Yesu.Aswamisio 4:33.
33 Kitejenut ikiyakia ajarun naka Ejakait Yesu kapedor naepol, kojai asianut naepol mamakec kere.Aswamisio 17:18-19.
18 Ice luka ikaminak acoa luka Ipikurean ka Isitoikin kiriamunos kaŋes, Kobalas ice ebe, “Ekoto kereka ekenerat lo einer anyoika?” Kobalas ice ebe, “Etakani bala elimonokini akiro nuka idekesio lumo.” Naarai kelimonokini Yesu ka ajarun.
19 Kikamut ŋes koyaŋaasi Areopago, kobalas ebe, “Kipedori kereka isio ajenun anyoin aisisianakin na nakitetet nainera ijo?Iromayon 1:4.
4 loedakakinitai araut Okoku loka Edeke kapedor kwape ejaar Emoyo loka Alaunit, kanuka ajarun kokatwak,Aswamisio 2:24.
24 Konye kitajaru ŋes Edeke, kolaca ariebo naka atwanare; naarai mam epedoro aikamunit ŋes,Amuno...
Iromayon 6:5.
5 Naarai arai kirotakinitai kaŋes kotoma aput naka atwanareke, kwape kwaŋin kirotakinio kotoma aput naka ajarunike.Aswamisio 24:15.
15 amunokina Edeke, ŋol loecamunito kesi da ikulepek, ebe ejaun ajarun naka luedolito ka lumam edolito da.1 Petero 1:3.
3 Kituritete Edeke ka Papa loka Ejakaitiwok Yesu Kristo! Kwape ejaar akeitim naepol abu kouri oni irwan nakiareit, tetere kija kamun naejari, kanuka ajarun naka Yesu Kristo kokatwak,1 Isesalonikan 4:13-14.
13 Konye iinacan, mam kikoto yes aolit nuka ŋul kaluejotoete, tetere mam itururwete kwape ice luemamei amun. 14 Naarai arai kiyuunit ebe abu Yesu kotwana, kojaru da, kwape kwaŋin kanuka Yesu eyauni Edeke nepepe kaŋes ŋul luejotoete.Konye arai emamei ajarun erai akusiiyuun atitai.
1 Ikorinton 15:12-13.
12 Konye arai elimonokinio Kristo ebe aponi kitajarunai kokatwak, inerasi biai ice kayesi ebe emamei ajarun naka ikatwak?
13 Konye arai emamei ajarun naka ikatwak, mam Kristo da itajarunitai.1 Ikorinton 15:16-19.
16 Naarai arai mam ikatwak itajarunio, Kristo da mam itajarunitai.
17 Ido arai mam Kristo itajarunitai, erai akusiiyuun atitai, isalakinito toma adiakanaretakus.
18 Ido ŋul da lukejotooros kotoma Kristo aoliosi.
19 Arai kimunokina Kristo kotoma aijar kana bon, kirai lukitimitoi adepar ituŋa kere.Original sin is the reason why Christ was raised.
1 Ikorinton 15:21.
21 Naarai kwape ajaunia atwanare kanuka etuŋanan, kwape kwaŋin ajau da ajarun naka lukatwak kanuka etuŋanan,1 Ikorinton 15:42-43.
42 Ikoni nen ajarun naka Iukatwak,
43 Eyeio komamei aibuses; itajarunio kaibuses; eyeio kakalanyanut; itajarunio kapedor.Philippians 3:10-11.
10 tetere ajenuni ŋes, ka apedor naka ajarunike, ka aimor kaŋes arieboke, ketuputoritere katwanareke,
11 tetere arai apedori, adolokini ajarun nakokatwak,The resurrection is a principle doctrine.
Iburanian 6:1-3.
1 Kanuka ŋun kenyeis einer akiro nusodit nuka Kristo, keyatakinos apoloor; kenyeis bobo aipet apetetait naka aitoronikin kanuka aswamisio nuetwakito, ka aiyuun Edeke,
2 aisisianakin naka aibatis, ka aidokokinio akanin, ka ajarun naka lukatwak, ka atubokinio da naka ikar kere,
3 Kiswamai da kwaŋin arai ekoto Edeke.Iburanian 11:35.
35 Apotu aŋor kodumut lukatwakakec kotoma aitajarunio, konye ice aponi kisiriebai kaibworit, komam ecamunete ayuunio, tetere edumunete aitajarunio naejok adepar.Matayo 27:52-53.
52 koŋaanaros atesin; kitonyounoi awat nuipu nuka lukalaunak kalukolo keiotooros;
53 kedau Yesu ajarun kolomut katesin, kolomasi ore lokalaunan, kitakanikinos luipu.Marita aiyuun kotama ajaran.
Yokana 11:24-27.
24 Kotema Marita ŋes atiar, “Ajeni ebe ejaruni kotoma ajarun naka apaaran nakawasia.”
25 Kotema Yesu ŋes atiar, “Arai eoŋ ajarun ka aijar da; ŋin yenikeyuuni eoŋ, karaida ketwana, ejari.
26 Ŋin da yenejari yenikeyuuni eoŋ mam etwani ikar kere. Iyuunit kereka ijo ŋun?”
27 Kotema ŋes atiar, “Eebo, Ejakait; eyuunit eoŋ ebe irai ijo Kristo, Okoku loka Edeke, loebunit akwapin.”Ajarun naka Lasaro.
Yokana 12:1.
1 Kosodi esalito apaarasia akanykape eriŋa edoluno Aleleŋ, kobu Yesu Betaniya, nekejai Lasaro, lokitajaruni Yesu kotoma okatwak.Yokana 12:9.
9 Kosodete kejenut luipu koYudayan ebe ejai ŋina; kopotu kesi, mere kanuka Yesu bon, dimarai aanyun Lasaro da, lokitajaruni ŋesi kotoma okatwak.Yokana 12:17.
17 Kitejen ekodet lokejai kaŋes nakenyaraunia Lasaro alomun kates, kitajaru da ŋes kokatwak.Batisimu = Ajarun.
1 Petero 3:21.
21 Eputosi akiro ŋun kaibatisao, naitajari yes kwana, mere alemar elos loka akuan, dimarai einer kaomisio nuejok mama ejai Edeke, kanuka ajarun naka Yesu Kristo,2 Timoteo 2:18.
18 luapaasi kotoma aiyuun, kinerasi ebe adau ajarun ajaun, itotolikinete da aiyuun naka ituŋa ice.Luka 14:14.
14 kwaŋin kisirereŋitoi; naarai emameete ŋul lukitacakiniata; naarai kitacakinio kotoma ajarun naka luedolito.Luka 20:35-36.
35 konye ŋul luimaritai araut luibusakinito adolokin akwap ya ka ajarun kokatwak, mam emanyete, karaida amanyio.
36 Naarai mam epedorete atwakare bobo: naarai eriakakinos ka imalaikan; kes da eraas idwe luka Edeke, kanu eraatar idwe luka ajarun.Yokana 5:29.
29 elomunete; ŋul luiswamato nuejok mama ejai ajarun naka aijar; ka ŋul da luiswamato nueroko, mama ejai ajarun naka atubokinio.Apukokinio 20:5-6.
5 Luasalete luka lukatwak mam apotu kojara aitodol naedaunotor ikar elukumit. Ŋin ŋes ajarun nasodit.
6 Isirereŋitoi, ido erai yenikalaunan, yenejai akorakinet kotoma ajarun nasodit! Emamei atwanare nakiareit apolou kamakec, konye eraunos isasedotin luka Edeke ka luka Kristo, ido irumete nepepe kaŋes ikar elukumit.
Edukone ka Elakit.
