Ekabaka Loengeritai.

William Branham.

Naka oitabo... Ekabaka Loengeritai.

Atuptruc naka asabiiti kaya, ajai eong, akwenyunit eong sek. Arai ngin naemukaaga, atapoet na. Nae... Akuriana duc eong, aomoomoenenei duc eong nuka atwanare. Ngin, kwape karaar eong loka ikar akaisakany, erai, mam akapak... mam eong aomit ebe eoja noi. Kasodi aomoom nuabuni ti eong araun kotoma akuan kangin namam etwani, akuan nakotoma Akuj. “Epedori kereka korai ebe abuni eong aanyun ikapapero luketiai kasodi, atemar ebe, elisina loakwangan ejai atubor, kasodi atemar ebe, ”Onac Neville ngol,' arai, mam nges apedori atemar ebe, “Helo, Onac Branham Branham'? Ido neebunio Yesu, abuni do bobo eong araun etunganan.” Edila eong aomoomoenen ngun.

Erujai eong ebe ajai eong laije To. Ido ajai eong abunore etorite aiboisit najaas ikito, ido ajai akaberu kede eong, ido apotu isio kajaas aikam agaria nunyaman. Kasodi eong apalar kasodi-kasodi aikiar erute. Ido kolai akuj noi. Mam aputosi bala ka ejaar kane aditot. Eraas nubululu, ka adouon lualaete luakwangak. Kasodi eong alomokin aberu ebe, abu eong atema, “Ebusakinit ti oni ajaut kinga ne, apak kau, awiinyi.” Ebala ebe, “kanu idwe, ti oni ijai ne, Billy.” Katemri eong ebe, “Erai ngin...”

Kasodi eong akwenyun.
Abu eong aomoom, “Erujai eong noi! Mam eong ajeni kanukinyo.” Kasodi eong ailur kwap, ido aperi ngesi kosiepika. Kasodi eong anyoun aboikin apiloka, kwape kiswamatotor yesi itunga luipu ngin. Aidokokin akakou kuju naka-naka abao naongeren naka etaada, kasodi abwaikin akakanin kauka. Ido aperi eong kangina kwana. Kasodi eong atemar ebe, “Ijeni jo, mam eong ajeni nuibuni araun, kalaije. Adau eong adolore ikar akaisakany, ido emamei ibore yeneswamat eong ber. Korai bon eong epedori aswam icebore aingarakina Ejakait, naarai ajeni eong ebe mam eong abuni araut loajari apaarasia kere. Atutubet naka aijaraka adaun, ber, arai adepar atutubet. Arai ajar eong kiton amojong kwape kitungaka, edauna atutubet naka aijaraka kwapekwangin.” Kasodi eong angolongol. Ido aperi eong kangina, etemonikin anyoun. Arai nepetai osawa ediopet. Abu eong katema, “Acamunit eong ebe, abuni eong alosit okanisa, atupuruc na. Arai aororikinit eong abuni akot airar Onac Neville elimonokini.”

Kwangin abu eong atema, “Ijo ikwenyi, awiinyi?” Ido ajotoi ngesi noi.
Ido mam eong akoto ijo atwaniar na. Ejulaki eong. Mam eong apedori araun Onac Branham ngopengol loabu eong arai.

Ido mam eong akoto ijo atwaniar na. Ejulaki eong. Mam eong apedori araun Onac Branham ngopengol loabu eong arai. Kasodi eong asesen. Kasodi eong airar icebore, inyikokinit atemanar ebe, “Ijai ijo ageun ageun. Inyikok aiketakin ejie. Inyikok aiketakin.”
Abu eong ejangijang akakou apak edit. Aomit eong ebe, “Eebo aticepak aomoomoi eong aomoom kwana.” Ijeni ijo, epedori etunganan ajaun kede aceinomanareta. Kasodi eong atemar ebe, “Aticepak aomoomot eong ngun aomoom.”
Ebala ebe, “Iketak ejie. Kinyikok alosit. Kinyikok alosit.”
Abala eong ebe, “Aticepak alimunit eong ngin.” Kasodi eong akonyakin akakituk okelaka, kasodi arapakin akakanin akitukuka. Kanen obuni bobo, ebala, “Kinyikok aiketakin. Korai bon ijo kojeni nuejaas angeset naka erot!”
Ido asubit bala apupi eong Graham Snelling, arai icetungana, loawoi ekosio ngol kwanata (idakokinitos akecekanin ne, AnnaMae ka yesi kere.):

Adeka kanu alosit ore ka ne meri, ido akoto eong aanyun Yesu. Akoto eong airar aruo naejijim naka ikedei kngul Ti kitacau ekarot kasodi alemar akurian kere. Ejakait, koinakinai eong asesen adepar aigalisit naka apak.

Kiiraritotor yesi ngol ewoio kane kokanisa. Kasodi airar icebore etemari ebe, “Ijo ikoto aanyun adepar aigalisit naka apak?” Abu eong katema ebe, “Tikengarak eong noi.”
Kasodi eong angoliar. Kotoma apak naedit, eong- aiyengaret adiopet adaunite eong adolore toma aboisit ace naejululei. Abu eong angolia kau, ido ajai eong ngina, aperi koitaada. Kasodi eong atemar, “Erai yenibore yenitegelikina.”

Kwana, mam ti eong akoto ainyogokin na. Erai na koingaren naka ekakanisa, arai akamerekekin nuecokei eong. Arai kotoma, arai ajai eong akuan na arai kinga, arai toma aijulakinio, mam arai kwape ka aitapoet najaunanatar eong. Apedori eong asesen Ngina, ido apedori eong asesen ne. Ido neadolio aiboisit ngin, mam eong aanyunitor itunga luipu ekerunete, kiworoete, “Oo, onacekosi loketiai!”
Kasodi eong asesen. Kosodi aberu nadit, bala kotoma okaruke akaisarei, itomon ka ikanykauni kiton akaisarei, kotunanarete eong, ido iluluete, “Oo, onacekosi loketiai!”
Kobuni etelepat, kotoma agogong naka ekiliokit loedit. Iliacaete akecekonye ido kosubitos bala kwape kacer kotoma akuar nakitumutoritai. Okwangak ikecekel kwape kilulun. Ido iluluete kesi, ido kiriitos eong, ido liluluete, “Oo, onacekosi loketiai!
Kosodi eong abwoun, kasodi angoliar. Adite eong. Kasodi eong angoliar kau nejai akakuan eperi kangina, kede akakanin kokau naka akakou. Kasodi eong atemar ebe, “Mam eong amisiikinit nu.”
Kosodi apese na naabu katuna eong.

Kwana, amisiikinit eong ebe erai lo asipan loinyalinyala, ido alimuni eong na kede ajijim ka awiwiny naka Emoyo. Ikiliok mam epedorete atunanar angor komameete asubanakineta nuka akuan; konye amameete Kangina. Amamei bian karaida moi. Mam kes apasi. Araas kesi... mam eong aanyunitor aberu naibus kwangin kotoma aijaraka kere. Ajaatatar kesi ikecetim cut kiton kwap angabetekec, isikaatin luaojak kiton kwap akejenekec. Ido atunanarete kesi eong. Mam arai atun naeputosi karaida kede naka inacika obe, iboie kangina, ti aitun eong. Mam kes ajaas ainu eong, ido mam eong ajai ainu kes. Arai icebore yenimam-yenimam eong aduminit a-angajep nalimunet,, mam eong adumunit akiro nutetemunet. “Aitekoora” mam eong apedori atiror “Abokara” mam eong apedori karaida atiror, nenice kere. Arai ibore yenimam eong... Ekoto ijo ajaun Ngina ajaun.

Abu eong asesen lailo, ka laije. Ido ajaas abunore, kolukumin. Kasodi eong atemar, “Mam eong amisiikinit nu.” Abu atema, “ijeni ijo kes... Kasodi Hope abunore. Narai akaberu nasodit. Abu koker, ido mam abu kolim ebe, “Okilenika.” Abu ngesi kotema ebe, “Onaceka loketiai ido naketunia ngesi eong, ajai aceberu nabwoi kanen, naabu kotunite eong, kosodi Hope atunar aberu na; ka nginidiope. Kasodi eong aomoom,” Oo, ekoto na korai ibore yenitegelikina. Mam epedori araun... ejai icebore... “abu eong aomoom,” Oo, abuni cut eong akotokin abongor nejai akuan angin bobo?
Abu eong angolongol do. Abu eong aomoom ebe, “Inyobo yen?” Ido atakani eong, ajai ejok noi. “Ido eong-abu eong atema, eong-mam eong apedori amisiikin na.” Konye asubit Hope bala, oo, naepoloikinit apej. Mam nges etegelikina, konye bon kwape naepoloikinit apej.

Abu keira eporoto do luabu kinereta ka eong, loajai agoola, ebala ebe, “Lo nges abu ijo kolimonok nuarai Emoyo Lokaluanan. Erai na amin naitekoora. Ido emamei ibore yenepedori alomun ne emamei ngin.” Ainakina eong noi, adepar nelem kotoma aijaraka, ebe eyangaikina amin naitekoora, kanu alomar Ngina. Amamei enyeko. Amamei epasone. Amamei atwanare. Mam adek apedori cut, kotoma Kangina. Araut loitwani; mam-mam apedori aitomojong ijo. Ido e... mam apedorete aimony. Arai aiyalama adiopet bon. “Oo, onaceka loketiai” Kosodete ayangar eong kuju, kosodete aisiboikin eong kuju aiboisit naapolon nati kikiara. Abu eong aomoom, “Mam eong erujai. Mam eong aseseni kau nejai-nejai akuanaka naaperi kane kotaada.” Kosodete aisiboikin eong kuju ngina. Kasodi eong atemar, “Oo, mam ebeit eong aiboi kokuju kane.” Kasodete angor abunore ka ikiliok, kosiepon kere, kotoma alibilibikec naka atumun, iluluete. Ido ojai aberu adiopet ebwoi kanen, kosodi kiluluk, “Oo, onaceka loketiai! Oo, iyalama isio noi aanyun ijo kane.” Abu eong atema ebe, “Mam eong amisiikinit nu.”

Kosodi do eporoto ngol loenera, kokujuka, atemar, “Ijeni ijo ebe, iwadikatai toma Obaibuli ebe apotu inabin kotukokinos kede ikecetunga.” Kasodi eong atemar, “Eebo eitunit eong ngin kotoma kanuiwadikaere.” Ebala “Aso, ne ngesi ibunio ijo atukokin kede ikonitunga.” Katemari eong ebe, “Epute kesi araut itunga cut lukabeit, ido apedori eong atiror kes.” “Oo, eebo.” Abu eong katema ebe, “Konye ejaas imilionin. Emameete luka Branham luipu.” Kosodi eporoto atemar ebe, “Mam kes eraas luka Branham. Eraas kesi luabu ijo kibelok. Ngul kes luabu ijo ingarenik mama ejai Ejakait.” Kosodi atemar ice kotoma angor kangun kangina, nuiomit ijo ebe ibusiak, adeparitos ikar akaisakany kaongon luka apolou nekingarenikina ijo kes mama ejai Ejakait. Komam abuonokin iluluete ebe, “Onacekosi loketiai!”' Kosodete kesi eluluikin, kere irwanatipet, ebalas ebe, “Korai mam ijo olosite, ti mam isio ijai ne.”

Angolengol eong. Kasodi aomoom, “Eebo, mam eong amisiikinit.” Abu eong katema ebe, “Oo, aibo ejai Yesu? Akoto eong aanyun Nges, erono noi.” Kosodete atemar ebe, “Kwana, ejai Ngesi kuju mot, kuju cut ngina.” ebala, “adiopepaaran ebuni Ngesi mamakon.” Itei jo? Ebala ebe, “Aponi ijukun ijo, kwape engarenon. Ido ebuni Edeke abunore. Ido kebu Ngesi, abuni atubokin ijo kwape kisisianakinitor ijo kes, ber, arai elomarete kesi toma arai mam. Ibuni isio alomar toma kwape kejaar akonisisianakin.” Abu eong atema ebe, “Oo, eyalama eong noi. Paul abu, ngesi da ebeit aibwo kwana? Ipetero da ebeit aibwo kwangin.” “Eebo.” Abu eong atema ebe, “Alimonokinit bodo eong kanginikirot naabu ngesi kolimonok. Mam eong abu epacar kanejai ngin kosiep ediopet kiton nejai loce. Neapotu kesi kibatisatar Kokiror loka Ejakait Yesu Kristo, abu eong abatisa. Neapotu kisisianakinatar itunga nuka aibatisao naka Emoyo Lokalaunan, abu eong da keswama, nuapotu kesi isisianakisi, abu eong esisiianak.”

Kosodete itunga ngul elulu, ido kobalas ebe, “ijeni isio ngun. Ido ijeni isio ilosi isio kede ijo adiopepaaran, abongor akwap.” Ebalas “Ebuni Yesu, ido ibunio ijo atubokin kotupitete Akirot nabu ijo kolimonok mamakosi. Ido arai kicamun ijo kotoma apak kangin, neibunio ijo atereikin,” Kosodete atemar ebe, “aso ibuni do ijo aitodiar isio nejai Ngesi, kwape ikopoi luka aijaanakinikon.” ebalas ebe, ibuni ijo aingarenikin isio neKeng, ido, kere nepepe, “Ibongori toma akwap, aiboi ikar ka ikar.”
Abu eong alim ebe, “Eong ebeit abongor kwapekwana?”
“Eebo. Konye kinyikok aiketakin ngaren.”

Abu eong asesen. Ido apedori eong asesen itunga, kolwaka kwape kapedoria eong asesen, oroko epote, kidaritos aitun eong, iluluete, “Onacekosi loketiai!” Kotemari do eporoto ebe, “kere luimina lem jo, ka kere luaminasi lem jo, ainaki jo Edeke kane.” kasodi eong aiteluor. Ido kobuni ekakingok lomojong, obuni elosi aikeun kuju. Obuni bobo asigiriaka da, idokokini akekou okeperika, kosodi amonyakin. Ebala ebe, “kere luimina lem jo , ka kere luaminasi lem jo, ainaki Edeke akaninikon, kotoma aijanakinikon.

Apupuni do eong akakuan enyouni Aboisit kangin kana elai. Esirimori do eong akongu. Atemari eong ebe, “Ijo ikwenyi, awiinyi?” Aroko ngesi ejotoi. Ageuni do eong aomoom ebe, “O Edeke! Oo, ingarak eong, O Edeke. Mam icamakini eong aiar kede adioKirot. Akoto eong asalakin cut Akirot ngin, kasodi alimonokin ngin. Mam eong apodo nuepote ka nuelosete, kanuiswai idiotunganan; Luka Saul imwas ai luka... odwe luka Kis luelomunete, imwas ail lu ka kwi, arai kaluce. Akoto eong, Ejakait ainyikokin kiton aboisit Aiboisit angin.”

Akuriau na atwanare kere... Akoto eong atemar nu, kede Ebaibulika koingarenika, atupuruc na. Ejai eong ikoku isapat yenikar iongon, yenebeit aitopolounio. Ejai eong ipese yenikar ikanykaongon; ka yenejai aijulakin araun atumunan, lueyalamar eong, luebelokinos atupaar erot loka Ejakait. Edeke, akoto eong aijar, kanu aitoploun kes kotoma aicorio naka Ejakait. Ido kakere, esubit akwap kere bala ikariei neka, amakio ka ipolok luikar akaisakanykaongon, ka luegelegela, kobalas ebe, “Korai mam jo olosite, ti mam isio ijai ne.” Ido, Ejakait, akoto eong ainyikokin ojie. Konye edol atwanare, mam eong arai enaman akiro. Ti eraun aiyalama, ti eraun ibore yenejok, alomar, kotoma aibos na ka asiles. Arai apedori eong, kokuju kangina, amairon nuedolitos ariita akwatat kuju, kotoma aiboisit na ariakasi iwaitin kere, ido nges Amin naitekoora, kongol lamaret lailo, kodidingar, kiton neidolunia kwap nekwana ijai oni ne. Ti do eraun ilimakinet yenetorube lokaibos, iborengin yenididi apipun kasodete amisiikin ebe ejai icebore nenice. Mam oni ijeni nuerai ngesi.

Oo, ipaperoka luetiai, luminanika, luminan noi kotoma Akiro nukajokak, ikadwe luteluna mama ejai Edeke, kopukisi eong, ecokonikus. Yesi ba, korai ojai eipone ece loapedoria Eong aitetemikin yes ngin. Emameete akiro; mam eong adumunit; emameete kanenice kere. Konye owaije loka iyengunet yenawasia, erai ibore aibuses kakere yen... Emamei eipone loebeitor aitetemun nges. Emamei eipone. Mam cut eong apedori. Konye kotoma kanuiswami jo kere, opapero, adapak awai nginibore kere kiton neidumuna jo Amina naitekoora. Odolok aiboisit naipedoria jo amin nginitunganan kere, lokasurup kere, kanginibore kere. Aipejoikinet adiopet ngin bon etarau eong etunganan loetegelikina. Mam cut cut cut bobo eong araun Onac Branham losek arai eong.

W. Branham.

Naka oitabo...   Ekabaka Loengeritai.

(PDF English) Beyond the Curtain of Time.

Ido kwape itemokinitere ituŋa atwanare irwan atipet, kosodi akaulo kaŋin atubokinio,

kwape kwaŋin Kristo da, nakeinakinere irwan atipet aibwok adiakanareta nuka ikepuak, etakanuni irwan nakiareit komamei adiakar mama kaŋul luidareto ŋes kanuka aitaiario,

Iburanian 9:27,28