ekaulo >>

Engatuny naka Yuda.

Ingaibo Melukisadek Lo?

Ekalakunan Lopajan.

Apukorio naka Yesu.

Ingai bo ibusakinit?

William Branham.

Naka oitabo...
Apak Nakokiding Aturio Akanykaarei nuka Ekanisa & Aipuceta Nukanykaarei.

Apukokinio 5:2-4,
2 Abu kaany da emalaika loegogoŋ elimokini keporoto loepol ebe, “Iŋai bo ibusakinit apukor eitabo, ka aibil da aipucetake?”
3 Kwabo emamei ituŋanan kotoma akuj, karaida kakwap, karaida kokwap kakwap, yenepedori apukor eitabo ŋol karaida asesen tomake.
4 Abu kamony noi, naarai mam edumuna yenibusakinit apukor eitabo, karaida asesen tomake.

Aso, kosodi Emalaika loegogong... Aso, ekokoro lokiyareit, Emalaika ngol loegogong iworoi keporoto loepol, “Ingai bo ibusakinit?” Ibusakinit bo inyo? “Ingai bo ibusakinit alemun Eitabo ngol?” Kwana do, kidumuni oni ebe... Aibo kwana ejai Eitabo?- neejai Elope logeunet, naarai abu loarai okoku kojal nges, okoku losodit loka Edeke kotoma ateker naka itunga. Ido na ajalia ngesi akepedorosio tetere apupokin Satan, abu ngesi kopal... Inyo kereka abu ngesi kiswama? Abu ngesi kocam acoa naka Satan aibois naka Akirot naka Edeke.

-----
Aiworotoi naka Emalaika kangol kerai aiworotoi na tetere Ekalakunan loerai Epajan etakanuni. Abu Edeke kotema atiar, “Ajaatar Eong kekisil, Ekalakunan loerai Epajan epedori araut aisiecakinet.” Aibo ejai Ekalakunan ngol loerai Epajan? Ingai bo epedori alemun nges?
Ido abu ngin kobu ameun kaneajai Adam, erot ape aitorun okiyakia kere, ka inabin, ka nginibore ice kere, ido amamei yenaponi kodumunai. Aso, do bo do biai ngun? Mam idiotunganan kotoma Akuj, mam idiotunganan kakwap, mam idiotunganan ngin yen iiritor aijar. Abwoi Eliya kanen. Abwoi Musa kanen. Ikiyakia kere abwoete kanen. Kere ngul lukepotu kotwakitos- itunga kere ngul lukalaunak ka Yob ka lukacoa. Nginitunganan abwoi kanen, kwabo amamei idiotunganan yen ebusakinit karaida ber asesen Eitabo, komam ber alimun nuka alemun nges ka aibil da Aipuceta!
Aso, aibo do ejai ipaapa ka lu da kere aibo elomunitotor? Aibo do ejai e bishop kon? Aibo do ejai aibusakinitewok? Mam oni kirai imodiobore, erai ngin nakabeit.

-----
Konye, abu Yokana komony. Enuta nuaomit eong ebe apotu kijaikis nges emonyi... naarai arai kemameuna idiotunganan yenikibusakinit ido tikepedo apukor Eitabo lo loka Alakunio, isuban do kere amudiara. Erai ngol ekisil loka Edeke Elope, ido mam Nges epedori amunar Ekekisil- mam epedori aimwang Ekekisil, bala ti. Koany, akoto Edeke Ekalakunan loerai Epajan lo da ebusakinit, loapedori aswam ngun, lokejaatar kibore tetere aiswama ngun. Kosodi Emalaika atemar atiar, “Kwana do ekoto kikuny Ekalakunan ngol loerai Epajan ingaren.”
Kosodi Yokana airere, ido abu ngesi kirere akwap kere; abu ngesi kirere kwap kakwap, kwabo amamei idiotunganan. Isubanakec ka nginibore kere araasi do luaolioritos. Idelelei aidelel ebe, abu Yokana komony; nginibore kere arai yenaoliorit. Mam akeimony abu kodau aojau kilema ipak yenadit. Kosodi konyet do kanen kobwo ediopet kotoma omakio kotema atiar, “Sirikimony, Yokana.” Oo, ikatunganan! Mam akeimony abu kodau aojau dimarai ipak yenadit.
Abu Yokana koomoom, “Oo ikatunganan, aibo ejai etunganan ngol? Inabin ngul ebwoete kanen lupe euritai koipone lope euritere eong. Kanen ebwoete lukacoa; kanen ebwoete... Okwe, emamei kereka idiotunganan kane?”

-----
Ido Engatuny lo loka ateker naka Yuda abu kipiko. Abala ngesi, “Sirikimony, Yokana, naarai Engatuny lokateker naka Yuda, Aliasit naka Daudi adau aipikor; edaunit sek Ngesi aitelekar. Edaunit Ngesi aiswama ngin; edauna ngin, Yokana!” Oo, ikatunganan. Abu Ngesi kitolom e bleach loijukari adiakar ape abongor akanin numadak nepepe ka akecoa naamunari ngin- yenikajaran yenitunganan. Eebo.

Konye nakibelokinor Yokana tetere aanyun, abu ngesi koany Imerekek. Aitegelikina nanyoin kama ka Engatuny. Abala ngesi “Epiko Engatuny.” Koanyutu, apedori bobo eong aitwasam ngin kanen: Edeke Engopit kotoma Apatanu. Abala ngesi, “Erai Ngesi engatuny.” (ngol nges ekabaka loka itiang) Adau Engatuny aipikor. Ibore yenegogong aitelekar kakere yenejai nges engatuny.

Aperitor eong kinga toma amagoron ko Afrika kasodi aiirar ikorio ibwololotos ka etom loepol lokagogong iledeori akanike kuju apak, “Wii, wii, wii,” ka apupun ikadedengak luka amoding ilulukinete aiworoetakec nuketasuro, ka ikolonyen elosete... Ido Billy Paul ka eong kiperi kotoma ibois yenimojong yenipetai yeneswapitai kakito kasodete aiirar kane elwana engatuny egata, ido nginibore kamoding ililinguni. Karaida ikolonyen epalarete aruo. Inera ekabaka. Oo, ikatunganan. Kalimokini eong yes atiar, erai kapak kangin nges naibirokinotor idiinin ka nukabuonokin da kwap. Nginibore ililingi nainerar Ekabaka. Ido lo nges Ekabaka. Ngin nges Akekirot.

-----
Aso, abala Ngesi, “Engatuny lokateker naka Yuda.” Kanukinyo? Alomun ko Yuda- oo, Yuda! “Mam ekayaiton elosi eringa arai da kokiding kakejeneke aitodol neebunio Silo”; konye ebuni ngesi aitorun Yuda. Ido Engatuny (ejenunet loka ateker naka Yuda) adau aipikor; eteleka Ngesi.

Ido nakengolengoleo ngesi tetere aanyun neajai Engatuny ngol, abu ngesi koany Imerekek- itegelikina. Amoot aanyun engatuny ido aanyun imerekek. Abu ekimat konyara Nges Engatuny, konye naangolekinio Yokana, abu ngesi koany Imerekek- Imerekek esubit bala kearitai ameun kapetetait naka akwap; Imerekek, akaulo nakedaunere aiar-kerai bo inyo ngin? Kerai bo Imerekek ngin inyo? Emodumoduna aokot, kimusungitai-Imerekek yenikeponi koaritete, konye ajari bobo; ido emodumoduna aokot. Oo ikatunganan! Biai ipedoriata yesi asesen ngin, ikatunga, kosodi asalakinit irai ikadiakanaran?

Abu Imerekek kikeun- abala ekimat, “Adau Engatuny aitelekar, Engatuny lokateker naka Yuda. Ido abu Yokana kongolik tetere aanyun Engatuny, kwabo kanen kobuni do Imerekek, emarani, ejaas aokot akuanaKe, amusungun- kedaunit Ngesi aipikor. Ipedori ti jo ajenun ebe kerai Ngesi lokejauna ojie. Keponi koaritete Nges, konye ajari do bobo Ngesi.

Mam Yokana sek keanyunit Imerekek yen, ijenete yesi kane. Mam sek Ngesi kelimoritai. Emamei nenidio, mam sek kelimoritai. Mam Yokana abu koany Ngin, airikun akuj kere kwape ajaar ngesi emoot, konye kane abu ngin kolomu. Koany, nekelomunia Ngin- aibo nekebunio Ngin? Kebuni Ngin Koicolong loka Papa ne sek kiboio Ngesi ageun nakearere Ngesi kosodi ajarun bobo. Abu Ngesi kojaru kosodi aiboikin akan naka Edeke nakoteten-ejari ikaru kere apuronokin. Amen. Ikeunitai kanen lolo kwape Ekapuron kede kaKeokot Obe tetere apuronokin kanuka amamus aijen naka itunga. Aso, Ngol nges loagongakina eong mamake. Aringa erapiara kede e bleach- e bleach loka aisionio naka adiakar.

-----
Kwana, kosesen ejok noi. Erai yen ibore yenibusakinit jo komisiik. Aso, kejai ber Ngesi sek iswamai aKeswam naka aidiek apuronokin kanuka ikeyuunan. Adaun ikar ilukumin iyarei erai lem Ngesi kokau kanen, Imerekek. Kwana do, elomuni Ngesi abunore kamaka Nemam Edaun, tetere alemun Eitabo loka aiwadikaet naka apedorosio nuka araut ilope ibore ka aibil da Aipuceta kosodi apukor nukaiyeiyea. Iwori bo ejaar ngin? Kapak naka awasia. Imisikis yesi ngin? Mam ace. Kiyatakini bo do oni alosit. Aso kwana, aibil Aipuceta kosodi alacakin nukaiyeiyea mamakec, mama ejai Emalaika Lokikanyetekaarei loerai Akeisiiraret nges epukori kere nukaiyeiyea nuka Edeke. Nukaiyeiyea nuka Edeke eperete kotoma Aipuceta nu Akanykaarei, ianyutu? Ngun kes nuabala Ngesi kane. Kere nukaiyeiyea eperete kotoma Aipuceta nu Akanykaarei.

Ido elomuni kwana Imerekek abunore kamaka araut Ekadiekan kiding itunga ka Edeke; erauni Ngesi Engatuny. Ido naeraunor Ngesi Engatuny, elemuni do Nges Eitabo; ngun kes aKepedorosio. Kitingit lem Edeke ngin, aiyeiyea ngin, konye kwana do ebuni Imerekek. Amamei idiotunganan yen tikepedo alemun Eitabo. Eringa ejai akanin nuka Edeke. Emamei ipaapa edio, esasedoti, karaida kerai inyo, mam kes epedorete alemun...Eitabo. Mam Aipuceta Nukanykaarei Epukoritai. Ianyutu? Konye Ekadiekan, naedaunor aKeswam kwape Ekapuron, ebuni do Ngesi alomun ido Yokana, abala ekimat, “Erai Ngesi Engatuny,” ido ebuni do Ngesi alomun. Kosesen Ngol. Oo ikatunganan!

Ebuni Ngesi alomun tetere alemun Eitabo, (kwana koanyutu) tetere apukor nukaiyeiyea nuka Edeke nuapotu luce kodwarata aidwar kotoma aturio nu kere nuka idiinin. Koanyutu konyet, Emalaika Lokikanyetekaarei... Arai Eitabo lo, nukaiyeiyea, erai Akirot naka Edeke, ejai bo do Emalaika Lokikanyetekaarei araut enabi tetere Akirot naka Edeke ebunokini. Mam isasedotin, lukipaapa, arai imodiobore ice epedori amisiikin ngin. Mam Akirot ebuni neejaas kwa kangul. Akirot naka Edeke ebunenei neejai enabi bon- duc.

Isumunit Malaki 4 kwa kangol. Ido naebunio Ngol atakanun, ebuni alemun nukaiyeiyea nuka Edeke, kaneabu ekanisa kere kikamaror toma abuonokin kotoma odiinin lu kere, kosodi ainyakakin aiyuun naka idwe mama ejai naka lukapapa; kosodi konyet ebuni atubokinio naka akwapin ainom, ido ebuni akwap aicweario, kosodete konyet ikadolitok alosit kinga icakacakaete ekurwon loka ikaronok kotoma Apugan naka Ikar Elukumit. Imisiikis kereka yesi ngin kwana? Mam ace.

Kepotu luce kodwarata aidwar kotoma atur naka idiinin, konye koanyutu, iburai nges korai etunganan lo, Emalaika Lokikanyetekaarei lokotoma Apukokinio 10:1-4 erai e... Emalaika Lokikanyetekaarei nges ejaatar ka nukaiyeiyea nuka Edeke einakinitai nges ido edauni kere nukaiyeiyea nuaponi kojalakinai kawai kokwap kotoma aturio nuka idiinin.

Aso kwana, ipedorete do yesi aanyun kanukinyo mam eong enomonoma ikainacan lukotoma odinin. Erai eiswamae loka edini! Mam kes iswamaete... emamei eipud kanukec aitam ti ajenun ngin, naarai mam tikepedor apukokin ngin. Erai ngin kwape ejaar kotoma Akirot. Kepotu kesi kodwarata ngin aidwar, kiyuunitos ebe ajai ngin nen, ido kanuka aiyuun apotu kolototo kanuka ngin, konye kwana do erai ngin naetogogongi kotakani. Amen! Oo, ikatunganan, Naiwadikatai Obaibuli naikoni bo lolo ai na!

-----
Kipudasi ikisila luka Edeke... (Nges ngol loitingit ngin). Ekisil loka Edeke kekoto Ekalakunan loerai Epajan, ido abu Imerekek kobu katiting. “Eong nges Ekecepajan! Eong nges Ekalakunanikec! Boboda kwana adau eong apuronokin kanukec, ido abunit do Eong kwana aiburaun apedorosio ngun kanukec.” Amen! Amen! “Abunit Eong aiburaun apedorosio ngun. Kotoma kangin kejaatar kesi kapedor mama ejai nginibore yenabu kotwania kotoma aibiror ya, ido adau Eong aitac etiai.” Oo, onac! Mam kereka ngin kiijaikinit ijo aipup aiyalama komoyo? Mere kanuka aswamisio nukajokak nukiswamat oni, konye kanuka aitimiKe. Oo, kidareu apak edit! Kosodete imakio ngul ka nginibore kere ice ageun acakanar akecebokoi awai, lukapolou da kosodete ageun aibironokin kwap.

Amamei idiotunganan, amamei yenitikepedo aiswamaun ngin. Ido elosi Ngesi cut adokar akan nakoteten naka Edeke kosodi alemun Eitabo kakaniKe ka aiburaun do apedorosioKe. “Adau Eong atwanare kanukec. Arai Ekalakunanikec loerai Epajan. Eong nges Ekadiekan. Aponi aKaokot kobukoroi. Adau Eong araun etunganan, ido abu Eong keswamau na tetere ainyakun bobo Ekanisa ngol- ngol loabu eong kaany sek eringa apetetait naka akwap. Adaunit Eong alosikin ido abu kener ebuni ngin ajaut nen, ido amamei idiotunganan abu kopedo alemun ngin, konye abu Eong kalot kwap kasodi aiswamaun ngin Eong Elopet. Arai Eong lokatekerikec! Abu Eong karaun lokatekerikec.” Kolemuni Ngesi Eitabo. Amen!
Oo, Ingai kereka idaret eong kangina akuare na? Ingai bo Ngol, Ekanisa, loidarit kangina? Inyo nat bobo tikepedo aidarit ijo kangina?- Ekalakunan ngol loerai Epajan. Oo, ikatunganan! Aswamisioit arai alimunet naedokarit bo lolo biai.

Kwana, ejaatar do Ngesi ka Aiwadikaet naka Araut Elope alakunio. Ejaatar Ngesi kangin kotoma akaniKe; adaun do kwana ediekit. Ejaatar Ngesi kangin kotoma akaniKe. Kiitutu, ajai ngin lem akan naka Edeke apak kere, konye do kwana ejai ngin akan naka Imerekek.
Kwana, koany, Aiwadikaet naka Araut Elope alakunio naka isuban kere ejai akaniKe, ido ebunit Ngesi aiburaun ngin ainyakun kanu ateker naka itunga. Mere aiburaun ngin ainyakakin Imalaikan- aiburaun ngin ainyakakin itunga na da ejaikinitai kanu tetere aitaraunia bobo odwe ka adwe nuka Edeke. Ainyakun ngin araun Emanikor loka Eden- nginibore yenapotu kesi kotwakiasi: isuban kere, ikito, aijar naka itiang, kanginibore ice. Oo, ikatunganan! Mam kereka ngin kiinakinit ijo aipup aiyalama?

Naka oitabo...
Apak Nakokiding Aturio Akanykaarei nuka Ekanisa & Aipuceta Nukanykaarei.

Emalaika da loabu kaany ebwoi kaŋolol ka akwap da, kikeu akekan nakoteten mama ejai akuj,

kiyapo kolimite ŋol loejari ikar ka ikar, lokesubi akuj; ka luejaas toma, ka akwap da, ka luejaas toma, ka aŋolol da, ka luejaas toma, ebe mam bobo ejaun apak,

konye toma apaarasia nuka eporoto loka emalaika lokikanyetekaarei, naekotor aikut akerupepe, kosodi aiyeiyea naka Edeke aitodolikinio, kwape ejaatar akiro nukajokak nuabu kolimonok ibulesinike inabin,

Apukokinio 10:5-7