Aijar Akirot egeuna.
<< abongor
ekaulo >>
Kominanaros, aitelekaar nginibore kere.
Kristo nges aiyeyea naka Edeke epukoritai.
Naka oitabo...
Kristo nges aiyeyea naka Edeke epukoritai.
William Branham.Kominanaros, aitelekaar nginibore kere. Kominanaros. Siri... Komam! apodokit nuetamit Satan einer! Kopekwana iraasi yesi egurupu ediopet loepol loajijiman kopekwana, konye kiitutu aikwenyareteka. Koany, mam Satan ebuni aiteikin ngun esalitos koipone kangol. Mam, cut. Ebuni ngesi agumunun nginibore kere, arai keraun nges ayaun icetunganan toma aitaraun neipimat ngesi. Ebuni ngesi aitolomun toma itunganan yenemoromoroi arai yenimam iyuunit, kosodi aisiboikin ngin kwap, kosodi ainakin ges aidicakin kayes kokwap naka aiyamakina ka ace da, kosodi konyet ebuni ngesi aigum ekesangol kede keipone ece loka ibore yenerai aisorit, ido ebuni ngol aitor okanisa kede ibore ngin. Siri yesi kiseasi ewai kibore ngin. Siri yesi kiswamaros kimodiobore bobo ice kere. Kosalakisi yesi cut cut iminanara ido koraasi luijokuka ka luisiaka da mama ejai idiopet kayenicie. Kilipanakinete etunganan ngol, ebe kitajarai ngesi da, arai aberu ngin, arai kere yepe erai, bon ilipanakisi kes. Ido kiminaikinos idiope kayenicie. Ido kosalitosi kede epasita kus. Koany, ngol nges ecokon, ido yes da kijaikitos nges ayongio. Ingarenikini ngol yes angetakin, ido, naarai icorakinit Edeke ngol aswam kwangin.
Kwana iitunitos tope yesi ngun? Lokasurup ebuni. Ido kebu ngesi, kiyatakisi bon kwangin adongakin nepepe. Kosodi je loitosomai ajokit kwape loasurup ebuni arai alomar kinga arai alomun toma kosodi araun idiopet kayesi. Kesi ngun bon. Siri cut kidukutu erionget kotoma ediopet, arai einer kosodete aitaraun bonik lukiriongeta. Kirai oni idiopet.
Mam eong ti apedo atemar, “Ijo akan nakokediany, anyunyurikinit eong ijo, alosi eong alemar ijo awai naarai mam ijo irai akan nakoteten.” Erai ngesi akanika nakokediany. Akoto eong ngesi kosalite nen. Karaida itutubet yenikawasia yenikibokoritika yenikakan, akoto eong kosalite nepenen, kanginitutubet yenicici yenikakuanaka kosalakite nepenen. Ido ekoto Edeke oni, kwape akuan naka ikeyuunak, asalite cut becebec idiope kayenicie, cut idiope kayenicie.
Aso kwana ijaatatar yesi kateepun kanuikamunitos ngun. Ijaatatar yesi kateepun kanuikamunitos nuiyuunit oni. Ijaatatar yesi kateepun kanuikamunitos iponesio kotoma okanisa, eipone loebeitor oni aidaritor iponesiowok kotoma okanisa loka Edeke, eipone ibusakinitor oni abunore ne nepepe kasodete aiboikin nepepe kaiboisio nuk'Akuj. Siri kisalak ore. Arai ejai Edeke otaukon, mam ijo ipedori atitingikin aidar kiton ne engaarere ikekia ngul kanen, tetere ilomuni toma ne kanu ajaun oidicane kede inacanakon. Arai mam ijo, mam ipupi koipone kangol, alimokini do eong ijo, na nges apak ijo ajaun toma ailip. Naarai kija oni toma aparasia nukawasia, ne abu Ebaibuli kitopoloritor... arai kisinyikoikinite oni, “Keyatakinito noi kwape kianyunia apaaran ngin eyapunit adolun,” amin nginidiope kayenicie kede kamin naka Ekristayone ka amin naka Edeke,“ atukonokin bonik nepepe toma aiboisio nuka Akuj kede Kristo Yesu,” ka aminanara. Kana nges ejenunatar itunga kere ebe iraas yesi ikesisiaka Ka, neijaatar iminanara nginidiope kayenicie.“ Abeit ngun. Kosalitos cut nepepe.
Arai Onac, iwomit ijo ebe ibucarit ngesi motimot, arai inac, kotema, “Ejakait, sirikicamak eong cut ajaun kede aliasit naka adwaris elomuni, naarai ebuni ngin aijangakin nges, ido ebuni ngin alemar Kristo kinga cut naka aijaraka.” Aisoorito ngun nueraasi asids [acids] nuka adwaris, ka ekokote, ka elait, ngun epote cut alemar awai Emoyo Lokalaunan kamakon. Ebuni ngin airengiar Nges awai anyoun ko Tabernacle kane. Ebuni ngin aiyar Emoyo Loka Edeke, arai airengiar Ngol awai aitonyoun kane aitipipil ijo ecokon. Ebuni ngin aiswamaun nginibore kere. Iany? Siri ijo kiswamau ngun. Kimorikikinos bon yesi ainicakin nepepe adepar. Kinomutu e... Kolemutu aenet naka arokoba, kwa enerar onac ajenanut, ekejaanakinan loanepekane kakuare kaya, kanu ikamunitos ajaut kede aenet naka arokoba aanyunit ngin kotoma aitapoet. Na eenit lujiis kere luka Edeke. Kiriu abore ngin, kiketak, kisukuny cut kinicakinos nginidiope kanace. Kominanaros nginidiope kayenicie, kejaasi acieda. Kinerata nuajokak nuikamunitos ngidiope kayenicie, kinerata akiro nuajokak nuikamunitos nginidiope kayenicie, kosodi konyet Edeke aisirereng yes.
Naka oitabo... Kristo nges aiyeyea naka Edeke epukoritai.
Ekisil loka aur naka Edeke.
Naka oitabo...
Atur naka Ekanisa loka Perugamo.
William Branham.Enuta nuatamit eong alimokin yes. Ekisil loka aur erai ebe kanginibila euruni yeikeiponeke ilopet, kwape ejaar kotoma Age. 1:11, “Kobala Edeke ebe, Kobwang akwap anya, koraata ikui icok, kora ekitoi loka araito araito koponeke, nuejaas icokokec, kotoma akwap.” Emodioipone loka aijar nakejai toma ocokat abu kolomu araun iraasit kosodi kanen toma araito. Ekisil ngopengol iswamai kaneejai akeresia (ekanisa) lolo. Emodiocokat lokegeuni akeresia ebuni alomun kosodi aputor ecokat lokageunet naarai erai ecokat ngol nges jepeje. Kotoma apaarasia nu nukawasia Akeresia naerai Ateran nakabeit (ecokat loka Kristo) ebuni neejai Amoru Nakapolon, ido ebuni ngesi araut akeresia naikiara, ateker naikiara, nape eyapikini ngesi Ngol. Kesi lukotoma ateran epote aputor Ngol noi kiton ebe eraunos da kesi asimaKe obe. Erai na tetere imorikikinos nepepe ka Nges. Epote kesi araut idiopet. Epote kesi araut aitodiaret obe naka Akirot naka Edeke lokajaran. Mam iriongeta epedorete aitolomun na (ecokat lokaronon). Epote kesi aitolomun akeceisisianakineta nuka itunga ka nuecamunitos iriongetakec, kinyalal nepepe ka Akirot. Ainyalinyal na itolomuni yenerai yen inyaluna.
Okoku losodit (Adam) kerai ecokat loka Akirot naalimuno naka Edeke. Aponi nges koinakinai ateran tetere euriaror elopet. Kanuka ngun nges ainakinere nges ateran, tetere nges auriaror, aurun okoku ece loka Edeke. Konye abu ngin kibiror. Abu akesa ya kibiror kanuka ainyalinyal. Abu do ngesi kidupo ngol etwani.
Okoku lokiareit (Yesu), kerai Ngesi da Ecokat loka Akirot naalimuno naka Edeke aponi koinakinai ateran kwape sek ejaikinitere Adam. Konye eroko Ngesi kedukokina ngin, abu ngin da kodaunite aibiror. Ngin da, kwape kaberu naka Adam, aponi kibwaikinai aitemio arai abuni ngesi aiyuun Akirot naka Edeke kosodi aijar araibo abuni abuonokin Kosodi atwanare. Abu ngin kobuonokin. Abu ngin kinyekik Akirot. Kotwana do ngesi.
Kama ejai ikodet yenedit yenika aur nakabeit naka Akirot, ebuni Edeke akorakin Kristo ateran naminat. Erai ngesi abekot naka Akekirot. Erai ngin abekot naarai mam nges ejeni adio aisisianakin naiswamaunitos itunga arai nuecamunitos itunga. Kanuka ido kotoma atutubeta nuka ateran eponio ailelebikin ngun kere nukisumunit Edeke aitodiar kotoma abekot.
Abu akirot naka aisumunet kobu neejai abekot Mariam. Konye Akirot ngin nakaisumunet kerai Nges, ngesi Elopet, aitodiario. Abu Edeke kitodiar. Ngesi, nges Elopet, abu kiswama kapak kangin kosodi ailelebikin AkirotoKe Kelopet naka aisumunet kotoma abekot. Kerai emalaika nges kebu koinu ngin aisiiraret. Konye aisiiraret ngin naka emalaika kerai Akirot naka Edeke. Is. 9:6. Abu Ngesi kapak kangin kitodolik ngun kere nukiwadikatai kanuKeng naarai abu ngin kocam Akekirot nekeng.
Atutubeta nukaateran nabekot epote amin Ngol, ido enot kesi ajaut kede aKegogongusio, naaraierai Ngesi akecekou, ido apedor kere erai naKeng. Eraasi kesi luenonokikitos Nges kwa da enonokikitotor atutubeta nuka awatewok awokokwes.Koany acamanara naka Papa ka Okoku. Mam Yesu kiswamai imodiobore aitodol Papa aisiaun ber aitodikin nges Yokana 5:19. Aupanara na erai naebeit kwana do ajakut kiding Eteran ka Aketeran. Itodianakini Ngol ngin Akekirot naka aijar. Ijaununei ya ngin. Mam ngesebuonokin cut. Kanukangun, mam ibore yenepedori aimusung nges, karaida atwanare. Naarai arai kiraikin ecokat, epote akipi aitopoloun nges bobo. Enata aiyeiyea naka ngin. Ejai Akirot toma ateran (kwape ajaar toma kaMariam). Ejaatar ateran kede aomit naka Kristo naarai ejeni akesa ya nuekoto Ngesikiswamai kAkirot. Iswamai ngin aicorakinet naka Akirot kotoma OkiroriKe naarai ejaatar ngesi kede, “ebala Ejakait kwanata.” Kosodi do konyet Emoyo ainakin Akirot aijar kosodi do ngin aitodolikin. Bala ecokat loiraikinio kosodete aicokicok, edolokini adwenyio naileleba, ebuni da aswam nualosikinitere nges.
Ngul lukotoma ateran iswamaete akoteKe bon. Mam yenepedori ainakin kes aswam nuitegelikina. Ejaatar kesi kede 'ebala Ejakait kwanata' arai mam ejai kes aililing. Ejenete kesi ebe ibusakinit korai Edeke kotomakec iswamai aswamisio, aitodolonokin AkirotoKe Elopet. Mam nges abu kongetak aswamuKe kere naringar ejai aijaanakiniKe nakakwap kwangin ejai kwana do Ngesi iswamai kotoma ido kitorite ateran. Ejeni ngin ngun, naarai keroko ber apak kanu Nges aswam icieboro luebeit Nges aswam kwana. Konye ebuni Ngesi kwana angetakin kaneejai ateran aswam ngin naabu Ngesi kideu kanuka apak kanapekana.
Kwana kabwaata oni da kwape Yosua ka Kaleb. Akwapuwok naka aisumunet eyapiei atakanun kwape da abu nakec. Aso Yosua apolouke nges “Yawe-Eketajaran”, ido ebwoikinit ngesi ekengarenon loka apak nakawasia ngol loebuni neejai ekanisa kwape da abu Paul kobunio kwape ekengarenon logeunet. Kaleb ebwoikinit ngul luapotu kosalakis eraas lukabeit nepepe ka Yosua.
Naka oitabo...
Atur naka Ekanisa loka Perugamo.
Edukone ka Elakit.
