Aisisianakin naka Balaam.

William Branham.

Naka oitabo...
Atur naka Ekanisa loka Perugamo.

Apukokinio 2:14,
“Konye ejai Eong akiro nuikidioko kajo, naarai ejaas jo itunga luikamunito aisisianakin naka Balaam, loesisianakini Balak acakakin aitiguikinet akonyen nuka idwe luka Isirael, ainyam nueinakinio aputosia, ka adotear da.”

Kwana mam jo cut ipedori ajakut kede eiswamae loka Inikolain kotoma okanisa kosodi komam ejaun aisisianakin nace da na alomun toma. Koany jo arai kilema jo Akirot naka Edeke ka eiswamae loka Emoyo kwape eipone lomaet (ngul lukamaete Eong ibusakinit kamaata Eong kotoma Omoyo ka abeit) ejai bodo jo ainakin itunga eipone ece loka aima kwape aisiecakinet, ido aisiecakinet ngin enyaritai Balaamism (aisianakin naka Balaam).

Arai kilosi oni amisiikin inyo erai aisisianakin naka Balaam kotoma okanisa loka Aitutuket Nakitetet itelekarit oni kabongosi kau kasodete aanyun nukerai ngesi kotoma okanisa loka Akitutuket Namojong kasodete aibwaikin toma atur ngin nakiuniet kasodete ayangaun nges kiton nakwana.

Akiro ngun eraasi nuedumakinio toma Aimario Osulai 22 kiton 25. Aso kijeni oni ebe arai Isirael itunga luseuna luka Edeke. Araasi kesi Ipentekotin luka apaaranikec. Kepotu kesi kodumunito amecis kokwap naka aokot, kes kere adaunitai aibatis kAngolol Nakarengan ido apotu kodokutu kakipi ewoete kotoma Omoyo ido kikosiete kanuka agogong naka Emoyo Lokalaunan, koboliai Miriam, anabi isimanake. Eebo, akaulo naka alosit adaun apak apotu idwe lu luka Isirael kodolokis Moab. Kiitu ingai bo kerai Moab. Kerai ngol okoku loka Lot loauruni ngesi kadiopet kadweke, ido Lot da arai okooke konaceke k'Aburaam, kwangin araas do Isirael ka Moab ipajan. Akoto eong jo aanyun ngin. Ajenete Imoabin abeit, arai kejarete kesi kotupitos ngin arai mam.

Kwangin kodolu do Isirael kiton oikorwon luka Moab kosodete aijukar lueyakiario neejai ekabaka kobalas, “Kirai oni iinacan. Kocamakisi sio katuboros kakwapukus. Arai ikositunga arai ikositiang kenyama arai aimat idiobore kere, kiponi sio aitac kanukeng kaiyalama.” Konye abu Ekabaka Balak kodakun noi. Akou ngin naka ekodet ngol loka Inikolain arai lomam akoto nepecep da acamakin ekanisa atubor kede aanyunetake ka nukaumokinike ka aitodianareta nuka Emoyo Lokalaunan, kikec ireetin luecaete kaibuses naka Edeke. Arai naapedori aikangas noi, naarai kacepak ti nges ketwania ice lukokodeteke. Kanukangun abu Balak konger acamakin Isirael atubor. Kabeit, apol noi akurianuke kanukec, ne da abu ngesi kolosio neejai enabi loeropio loanyaritai Balaam kosodi aingainga ngol aidiek kidingike ka Edeke ka aingainga Lokapedor kere aiken Isirael kosodi ainakin kes akolipanar. Kosodi Balaam, loeburakit ayangar ewai kotoma akiro nuka apugan ka araun etunganan loapolon, abu kiyalamikin noi ti aiswamaun ngin. Konye kesesen ebe ajai nges adolokin neejai ka adumun aiirar kaneejai Edeke tetere ikeni itunga kwape mam nges elopet apedori aswam kanukeng, abu ngesi kolot aingitun Edeke arai apedori adumun acamakineteKe alosit. Kwana mam kereka ngin eputosi cut ka Inikolain lukija kaoni lolo? Ikenete kesi nginitunganan yenimam eupakinos kakes.

Neabu Balaam kingisia Edeke kanu acamakinio alosit, abu Edeke kongerok nges. Ikatuan koswala ngin! Konye abu Balak kinyikokite, isumunikite ngol iropito ka aitopolorio naeyatakina da aitelekar. Kwangin abu Balaam kobongo neejai Edeke. Aso adiope abongokinet kaneejai Edeke ti erai naedaunit. Konye mam ekoni nen kaneejai Balaam loakoto nuke bon. Keanyu Edeke apaariteke, abu Ngesi kolimok ngol anyoun kosodi alosit. Katipet abu kodokik asigiria kosodi aiwonyar alosit. Ti nges ejenunit ebe arai na bon akote naka Edeke naacamakina ido mam ti nges kepedo aiken kes karaida kerai nges ti alosit irwan akaisaare kosodi atamatam irwan akaisaarei. Eipone loeputotor itunga ka Balaam lolo! Iyuunitos kesi idekesio iuni, edumunete aibatisao kaitejenuneta aibois naka EKIROR, ido ca ebuni Edeke aijukun Emoyo mamakec kwape abu kiswamaikinia Balaam, ido epote kesi aiyatakinit ebe edolitos kesi cuticut, kwabo kane eraasi kesi kotenan Ibalaamin obe. Koany aisisianakin naka Balaam. Kolot iingaren kwapekwangin. Kiswama koipone kon. Ebalas kesi, “Eeca, adau Edeke aisirereng sio. Ibusakinit korai naedolit.” Ajeni bo eong ebe esirereng Ngesi yes. Mam eong angerit ngin. Konye erai erot jepeje loka iriongeta loabu Balaam kitor. Erai aitepeg cut Akirot naka Edeke. Erai aisisianakin naka aingal.

Kwangin abu do Balaam kolot enangitoi korot aitodol Emalaika loabunit kama ajai Edeke aibwo kotoma orotoke. Konye enabi ngol (ebishop, e kadinol, apolon keicong, epresident ka archbishop) arai loamudukana kwangin neejaasi iboro luka emoyo kanuka aomisioit naka aitopolorio ka aibuses ka apesan aitodol ne mam abu kopedoria aanyun emalaika ebwoi ekapit ekileng. Kanen abu ngesi kobwo airebokin enabi loekerepikinit. Isigiria yenididi abu koany nges kosodi aiganakin kau ka lailo aitodol kangetakinet abu kogirisik akeju naka Balaam arwatat naka amoru. Abu asigiria kopaik ido mam akoto aiyatakin alosit ingaren. Mam nges apedori. Kwangin abu do Balaam kosomun kosodi ageun acaracar nges. Kogeuni do asigiria einer neejai Balaam. Abu Edeke kocamak asigiria ngin einer kotoma angajep. Mam asigiria ngin arai nainyalal, arai ngesi ikinyomit yenigeunet. Abu ngin kolimok enabi loetumudakitai, kobala ebe, “Mere kereka eong akonisigiria, ido mam kereka eong kebwokenenetor ijo kamunonut?” Kobongok Balaam kobala “Eebo, eebo, irai jo akasigiria ido ibwokenen ijo eong kamunonut aitodol kwapekwana ido arai mam eong apedori alosio jo ejai do eong aiar jo ... ho! inyobo yen, einer kede asigira? Erai ngin naitwekeni, aomit eong bala abu eong kapup asigiria inera ido auta eong abongonokin.”

Edeke inera due kotoma angajep. Abu kiner kopucit loka Belesasar kosodi ko Pentekosit. Iswamai Ngesi ngin lolo bobo. Erai aikwenyaret naka etube loebunit katipet.

Kitakanikinete do emalaika neejai Balaam. Abu ngesi kolimok Balaam ebe dimarai kanuka asigiria ti nges ketwana karaida kopekwana kanuka acodun Edeke. Konye neesumunio Balaam abongor, aponi nges kijukarai kede aicorakinet einer bon nuabuni Edeke ainakin nges.

Kwangin abu Balaam kijesar alosit kosodi aitemokin itemwan ikanykaarei kanuka itiang luelaete luka asuban. Abu ngesi koar emerekek loetodiarit abunore naka Mesia. Ajeni ngesi nukiswama tetere adolokin Edeke. Ajaatar ngesi keipone lokiswamaet loadolit cut; kwabo mere nepepe kaisinyikoikinet; eputosi kwape lolo. Mam kereka yes Inikolain ipedoritos aanyun ngin? Ajai Isirael kwap ngina aditot euta ainakin asubanit nape ekoni nepenen, iswamaete iboro lupe eputosi konye luce bon ajaatar kaanyuneta etupitos. Luce bon ajaatar ka Edeke kokidingikec. Eiswamae mam kitodoli jo nenidio. Mam epedori aiya aiboisit naka aitodianar naka Emoyo. Ngin nges naabu kiswamaun ko Nicaea. Apotu kesi kitopolosi aisisianakin naka Balaam, kwabo mere aisisianakin naka Edeke. Ido apotu kesi kitiguikinos; eebo apotu kesi kibiroros. Koraut kesi itunga lukatwak.

Akaulo naka aswam asubanit, ajai Balaam ekapakina aidwar. Konye abu Edeke kowen akengajep ido mam nges abu kopedo aiken kes. Abu ngesi kisirereng kes.

Konyunyurikin Balak noi konye amamei ibore yenapedori Balaam aswam kanuekamunitos adwarasit. Adaunitai einer kOmoyo Lokalaunan. Kwangin abu Balak kolimok Balaam aijesar kwap, toma aditot kosodi asesen ipurianakec kaanyun arai amamei diat edio erot lo tikepedoria ngesi aiken kes. Icoasinei ngul luetwasamai Balak kes icoasinei lupe itwasamaete kesi lolo. Emenitos iriongeta lukapolok ikodeta ludidik ido idiobore yen eanyunete kesi kama ejaasi ngul tetere amoromoro kes, ejai kes aikeun kuju kosodete aikalalator ngin. Arai iboiete lukatinen - kwana kotoma adiakar, mam yenelimuni imodiobore yenikamunit ngin, konye kinyek idiopet kaluseuna kodum ationis ido kanginipupetait nakiyemuto ejai aisiarakin ngun anatar akwap. Eebo, ajaatar bo Isirael kipurianakec (nukakuan). Ajaatar kesi kewaikec lomam adolit aiturit; konye karaida ajaas numam aitekorokec, kanuka alosikinet naka Edeke naiswamai kotoma aseunio, kanuka asianut kwabo mere kanuka aswamisio, AJAATAR KESI KEDOU PAARAN KA EPIR LOKA AKIM KUARE, AJAATAR KESI KA ATIIDA NAENOMITAI, EMUN LOKA AISINIT KA AANYUNETA KA NUKAUMOKIN. Araasi kesi luetodiaritai - mere kotomakec bonik, konye kotoma Edeke.

Naka oitabo... Atur naka Ekanisa loka Perugamo.

Hear, O Israel: The LORD our God is one LORD:

Deuteronomy 6:4