Apak Nakawasia
egeuna.

<< abongor

ekaulo >>

Na Erai Kereka Aanyunet Naka Awasia, Ipa?

Aibubukinio naiareit naka Yesu Kristo.

Anyoun Nakiuniet.

Edeke loka atur kana nakaronon.

Aisiraret naka Alomar anaka akolong.

Aibunget naka Imalaikan.

William Branham.

Asiomio eitabo...
Na Erai Kereka Aanyunet Naka Awasia, Ipa?

Apukokinio 10:7,
7 konye toma apaarasia nuka eporoto loka emalaika lokikanyetekaarei, naekotor aikut akerupepe, kosodi aiyeiyea naka Edeke aitodolikinio, kwape ejaatar akiro nukajokak nuabu kolimonok ibulesinike inabin,

Kwana, erot kere, kwap Kotoma alosit, ajaasi iboro luatakanutos, lumam eong apedori amisiikin. Ido idiope Kotoma oboro lumam eong apedori amisiikin, arai nearar eong itelepat yenididi ido kes aitapoeta abunere mamaka. Ido apedori eong aanyun kes ido alimokin iuriak ka iboro lualosete atakanun. Koomitos kesi ebe abu eong karieng. Konye, ibore yenetegelikina, kobu kotakan cut koipone kaloalimunitor Ngesi. Ibala ijo, “Arai nen koroko ijo ibelokina?” Eebo.
“Ainakineta ka anyaraunineta emamei aitoronokin kotoma,” ebala Ebaibuli. Iurikinitai ijo toma akwap na kanu acelosikinet. Ido mam ijo... Aitoronokin kon mam eyauni ainakakineta; einakinitai kes sek neijai jo. Kwana, Kotoma orot, ido nearar eong itelepat yenididi, akainekit arai... mam eong eyalama Kotoma akwap najaria eong Kotoma. Enekit eong, koipone ece, alosit too.

-----
Akoto korai isawan iwongon kotoma apaaran, neatamitor aberuka alomar toma agola, kosodete ngun atakanun. Alomari eong toma aitapoet atupuruc ngin, ido eong nepetai... Kwana, kiitute, mam arai airujasit. Ejai atiaketait kidding airujasia keda aitapoeta. Airujasia erai nailosio ijo ajo. Aitapoeta, nemam ijo ijoto. Iuruno oni koipone kangon. Etunganan, nairuja ngesi, ejai toma amamus aijen ke. Ido amamus aijen ejai awai nelwana kanejai ngesi. Aijeneke nges isomai, bon ebe ejai ngesi toma aijeneke losodit. Toma aijen na, ijo, isomai iboro kere ejok; iseseni ijo, aiir, atiror, aingu, aipup. Konye neijaar ijo toma amamus aijenekon, ajo, mam jo araida asesen, aiir, atiror, aingu, arai aipup. Konye ejai icebore, nairuja jo, ebe ibongori ijo kau toma aijen na. Ejai aijen, ebe iituni ijo icebore yenirujai nuke, ikar kau. Etunganan erai eipone ngon. Konye naeseunia Edeke icebore, amamus aijen na mam ejai awai nalwana anyoun kane, kotoma onabi, konye kere aijen ejai cut nepepe. Ido enabi, kotoma aitapoet, mam elosi toma ajo. Esali ngesi toma aijeneke, ido eseseni kes.

-----
Kwana, Kotoma aitapoet, arai kwape ajaar eong einer, asesen eong kasodi aanyun ibore yenitegelikina. Kwana, asubit bala ebe okooka yenididi, Yosepu, ajai osiep ka. Ajai eong einer keda anges. Kwana, arai ipedori ijo asesen aitapoet ejok, ianyuni ijo kanukinyo abwoia Yosepu kangina. Ido asesen eong, ido kojai ekitui loepol. Ido Kotoma okitui lo, kotoma aibunget naka ikweny, ikweny ludidik, nepetai atutubet naka inc awojau, ka atutubet naka inc kuju. Araasi kesi ludidik luakusiaritos. Akapir kes ludidik adotoro cut. Ido kojaasi nepetai aarei arai auni kokuju naka abebenok, akanyape arai akanyauni kotoma abebenok naetupakit, ido atomon akany arai akaisaarei kotoma abebenok naetupakini; ajesun kwap kotoma aputo naka epiramid. Ido ikesa ngun didik, iyakia ludidik, ido araasi kesi luadauna cut. Ido kes asesen ari naka kotoo.

Ido ajai eong Tucson, Arizona, Kotoma aitapoet, naarai ngun isomauna kesi keda alosikinet ebe mam Nges akoto eong akurokin aanyun neajaasi kesi. Ajai eong alemar a sand burr awai kaneka, kotoma amoding. Kasodi eong atemar, “Kwana, ajeni eong erai na aitapoet, ido ajeni eong ebe ajai eong Tucson. Kosodi ajeni eong ebe ikweny ngun ludidik ebwoikinitos icebore.” Kosodi asesenete kesi ari naka kotoo. Ido katipet kodakunos kesi kanu aporor, ido ape kolosete kesi ari naka kotoo.

Ido nape enyounete kesi, kobuni aibunget naka akweny nuapolok. Aputosi kesi bala aijeleik, abebenoka nueitak, kosubitos bala ejese lopiar, kowasiara ejese mot adepar nuaraasi iyakia ludidik lusodit. Ido ajaasi kesi abunere ari naka kotoo, katipet. Ido nape ewoliorete kesi akonyen ka, ebelokin bobo eong asesen ari naka kotoo, ido kotakanunete ngun kangina. Kojaun aduor naobu kijangak akwap kere. Kwana, siri kitwania nu. Ido ijo, loipupi ateep, koany ebe imisiikini ijo nu ejok. Nasodit, aduor. Kasodi eong aomoom ngun eruunitos kwape aruo naigalioritai, mam eong ajeni nuinyarai ijo ngun naetuboror edege kanejai aruo, ido aruo abongun kau toma akwap. Abu kijangak, bala, airurumaun, nginibore kere. Kanen do, apedorete ngun araun aruun natipet naepol nakagirokinet, ka eimilia, bala; mam eong aanyunit eimilia. Apupunit eong bon aduor ngin naepol naobu kikeun kuju, naobu koru kosubite bala arai ngalakimak, kamaka, abear Mexico.

Konye, kobu kijangak akwap. Ido neswamauna nges ngun, aringa eong ajai asesen ari naka kotoo. Ido erot abear toma aijar naikar kere, aanyuni eong aibunget naka icebore ebuni. Kosubite bala erai aicunyakineta nudidik. Araasi nuadeparitos ikany, ido komam edeparitos ikany karei. Konye, ajaasi Kesi toma aputo naka epiramid, kwape iyakia nu epote. Ido neswamaunata kesi ngun, ikeuni eong apedor naka Edeke Lokapedor kuju airiamakin keda Kes. Ido apedori eong aanyun Ngun. Mam ejalakitor eong. Atuboros apaarasia akanyauni, ido mam eong emurokitos ngun, ber. Mam eong adumunit icebore yenitapasi eong kwape kangun. Epedori ekaleka alimokin ijo.

Apedori eong aanyun Imalaikan ngun, abebenoka ngun nueitaritai kau, eporete katipet adepar akerit naka aruo. Eponitos kesi kotoma aijar naikar kere, kotoma atiak, kwape arwakakinet naka akongu. Mam agolokin akongu edolit, bon arwakakin, ajaasi kesi ngina. Mam eong abu kadum apak naimaris. Mam eong abu kadum apak dimarai bon asesen. Luegogong, epolok, Imalaikan luepol agogong, okwangak bala akako; okapakitete abebenoka, ka akwes. Ido araasi Kesi, “Whew-whew!” Ido neswama ngun, abu eong ekamar toma aibunget naka epiramid. Kasodi eong aomoom, “Kwana, nges ngun.” Abu kisimadedeik eong akuan kere. Kasodi eong atemar, “Oo, ikatunga! Apolouke kanu ebe elosi aduor ajaun naebuni aiyar eong. Ajai kwana eong angetakinet naka erot ka. Mam ekoto eong alimokin itungaka, naenyouna aitapoet na. Mam eong akoto kes ajenun akiro ngun. Konye, Papa lokAkuj adau acamakin eong ajenun kwana ebe adaun apak ka. Ido mam eong alimokini ekaleka, kanukangun epote kesi aiyalongongo kanuka, 'Naarai, ejai eong akapanakin alosit.' Ido Imalaikan nu eponitos aomun eong, ido kwana abuni eong aario katipet kotoma aduor ace.” Kanen do kobuni mamaka, nape aringa eong ajai toma aibunget na, “Mam, mam erai kes ngun. Korai ti kopedoritos aiyar ijo, ti kes edautu aiyar Yosepu.” Ido ti eong apup Yosepu iworoi eong. Ee, kanen do ebelokin bobo eong. Aomoom eong, “Ejakait Edeke, inyobo apolou naka aitapoet kana?” kasodi eong aumokin. Ido konyet abunere mamaka, (mere eporoto) cut abunere mamaka. “Oo! Ngun nges imalaikan luka Ejakait, eponitos ainakin eong aiyakiaroka naitetet.” Ido neaomooma eong ngun, ekiari eong akanin ka kuju, kasodi eong atemar, “Wu Ejakait Yesu, inyo ikoto Ijo eong aswam?” Kojalakini eong eporoto. Kanu nepetai esawa ediope, mam eong apedori aipup.

Kwana, yes itunga ijenete nueraasi arerengusio nuka Ejakait. Konye, apedor naka Ejakait kaimoriarit egelakina, apedor naka Ejakait kotoma kec esipokini. Apupunit eong Ngun, irwan, irwanapu, eringa, kotoma aitapoet, konye mam aputosi kwangun. Asubit bala aiyapepeara nakurian. Abu eong akurianar kitoni eong aisimadedekin, Koingaren naka luka Ajarak. Enera eong Abeit. Kwape abalar Paul, “Mam eong engalai.” Mam yes ikamunitos eong alimuni idiobore yenerono kanuikamunitos icebore kwangin. Ejai icebore yenekapanakin atakanun. Kanen do, akaul apak, katema eong, “Ejakait Yesu, arai alosi eong aario, itijenik eong, tetere eong mam alimokin itungaka nuikamunitos nu. Konye arai erai icebore yenegelara, itijenik eong.” Konye, komamuun abongokinet.

Akaul Emoyo ajalakin eong, kanu nepetai atutubet naka esawa, aomit eong, arai adepar, katemari eong, “Ejakait, arai erai, kanen do, ebe alosi eong aario, kosodi idau Ijo keda eong kotoma akwap, ido kwana elosio ayangar eong Ore; nu, arai erai kwangin, ejok. Ejokuka ngun. Kanukangun,” abala eong, “Arai ikote nen, kitijenik eong. Kijuk apedor Kon mamaka bobo, kanen do ajenuni eong mam alimokin ikatunga arai idiotunganan nuikamunitos ngun, naarai ijai Ijo akapakin abunere akopor eong awai.” Ido eong... ido mam nuopotu kotakanutu. Kasodi eong aidarekin apak adio. Kanen do katema eong, “Ejakait Yesu, arai mam erai kwangin, ido korai ebe ejai Ijo icebore kanu eong aswam, ido kobeite apukokin eong ekaulo, kanen do kijuk ApedoriKon.” Kosodi Ngesi nepetai alemar eong kagola!

Abu eong elopet kadum, aceboisit, kangina kokoona. Apedori eong aipup aberuka, aceboisit, etamit aijang ekek. Ekek lotoma agola agolol. Ido apukorit eong Ebaibuli, ido nges... ajai aisiom, mam eong ajeni, konye ajai ngesi toma, eyuunit eong, Iromayon esuula lo 9, ekokoro lokawasia:
...koany, ebwaikini toma Sion amoru nakagor, nakitiguikinan, amoru nakagor naketiai, ka yeniyuuni nges mam isurumio ileic. Kasodi eong aomoom, “Erai aitegelikinet ti eong asiomi ngun.” Ejai Emoyo eringa inapi eong, kotoma agola! Arapakini eong Ebaibuli kasodi aibwo kangina.

Ekunyakini eong toma adirisa. Arai nepetai isawan iwongon luka paaran, arai adepar. Kasodi eong aikeun akanin ka, ido katemari eong, “Ejakait Edeke, mam eong amisiikit. Erai na apaaran naitegelikina, kaneka. Ido edunyasi eong keda akuanaka, cut.” Katema eong atiar, “Ejakait, inyobo apolou naka ngun? Asiom ber bobo eong, arai erai Ijo.” Kwana, esubito nu iboro nuediteu. Kasodi eong alemun Ebaibuli, kasodi apukor. Kojai bobo nepenen, toma aiboisit ngipengin, elimokini Paul Iyudayan ebe etamitos kesi... alimokin Iromayon ebe etamito Iyudayan acamun Ngun kotoma aswamisio, konye erai kotoma Aiyuun nges kiyuuna Ngun.

-----
Eyuunit eong ebe “emalaika loikanyet kaarei” loka Apukokinio 10 nges eyakia loka atur naka ekanisa loikanyet kaarei loka Apukokinio 3:14. Iitute. Kwana akoto eong aisiomun. Koany neakoto eong aisiomun. Kwana, arai lo emalaika loikanyet kaarei. Konye toma apaarasia nuka eporoto loka emalaika lokikanyetekaarei, (ekokoro lo 7) naegeuna aikut arupepe, kosodi aiyeiyea naka Edeke aitodolikinio, kwape ejaatar akiro nukajokak nuabu kolimonok ibulesinike inabin. Kwana, imisiikini ijo, arai lo emalaika. Ido erai emalaika loka atur naka ekanisa loikanyet kaarei, naarai ebala kane, erai “emalaika loikanyet kaarei,” loka atur naekanisa loikanyet kaarei. Adumun ebe, arai ikoto ijo aanyun loerai a... nejai emalaika, Apukokinio 3:14, erai, “emalaika nejai ekanisa loka laodikia.”

-----
Koany, emalaika lokikanyet kaarei nges arai aduori naka ekanisa lo Laodikia, lokabaran. Abarit “Eong, elelebas kiboro, ido mam epuda idiobore.” Abu ngesi kotema, “Kiraijo lokitimitoi lokican, loilwaritoi, emuduk, loimujalal, ido mam ijeni ngun.” Ngin nges Aisirareteke. Wu Edeke, kijukak isio enabi loetiting keda INERA EJAKAIT KWANATA, ebe Akirot naka Edeke naitogogongitai elosi aitor toma kangin ido aitogogong ebe ijukunit nges Edeke. Ido nebunio, elosi aduor aturio ngun. Abeit elosi. Ibwaikini ngesi ekanisa ngon lo Laodikia asurokin nges. Cut, elosi ngesi. Apotu kiswamata Kotoma kangin atur ace. Mam ijulakin toma atur kana. Ibusakinit korai ngopengon.

Asiomio eitabo...
Na Erai Kereka Aanyunet Naka Awasia, Ipa?

Kiany... Edou naka kokuju.

kosodi konyet etakanuni aanyunet naka Okoku loka etuŋanan kokuju; kosodete konyet ibworos atekerin kere nuka akwap, eanyunete Okoku loka etuŋanan ebuni kodouon luka akuj kapedor ka aibuses naepol.

Matayo 24:30