Mam arai kwangin kageunet.

William Branham.

Naka oitabo...
Edukone ka Elakit.

Matayo 19:8,
8 Kotema atiar, “Kanuka aninik naka ikusitauon abu Musa kocam yes ainyein akusiŋor, konye ameun kageunet mam arai kwaŋin.

Naiwadkaere na, aingiset na, abu kotereikinos kede Yesu kotoma ageunet naka aijaanakiniKe. Ido abu kotereikinos kede Musa kotoma ageunete naka aijaanakinike. Erai aingiset naingarenit kakere kotoma otauon luka ikeyuunak. Ikadiakanaran mam epodo. Konye erai neejai ikeyuunan, naarai etamit ikeyuunan aswam kere nuejeni ngesi eipone lokiswamaet kanu aijar ejok kakonyen nuka Edeke. Kanuka ngun, adiongiset naelomuni kotoma odiini, aso kolomuni Edukone ka Elakit. Inyobo? Naarai erai alibunit naka adiakar nasodit. Nen nges abu adiakar kogeuna. Ido ngin nges apolou einakinit ngin kitolomununio nginiopak kere, naarai erai alibunet alopet naka adiakar.

Kwana akoto eong ajaun kede apak naka aitemitem iboro lu, konye abuni eong aiyalamikin abongokin ebaluakon arai idiobore yenapedori eong. Araibo, kijaar oni itaabon luiwadikatai kanuikamunitos ngin, ido aingiseta nuipu, ka kiton atutuben kotoma apapulai nuka iyemuto ka iboro kane, kanu aitogogong nu, ijeni oni ebe arai Keba (Araitoit naka apple naomitai ebe abu ngesi konyamite, Namam mam ber erai Naiwadikatai da, kwane ebalas ebe arai araitoit naenyaritai apricot; mam arai ngin da.), abu kiswama adoteu, nabu kitolom ikoku yenisodit, yenerai Kain, okoku loka Satan elopet, naarai tomake aperia ajokit. Mam abu kobu kotoma Abel. Okoku loka Satan nges Kain.

----
Erai kwape alimununia eong, arai akotokin eong alosit kide atupuruc na, ido eipone loajenia eong na, abeit eong adumun icebore koisawe, ido korai kaitebeikin cut kide, kasodi eong alosit kide. Kosodi icetunganan atemar atiar, “Onac Branham, kide ne.” Epedori araut kide, konye erai agolitome kide. Abuni eong ainac ibore ilopet yenajai eong amoot; abonguni eong, ajeni ebe ebucara. Ido arai ketema icetunganan, “Onac Branham, kolot lailo, tetenikon.” Kwana, epedori ngin da araut kide, konye cut erai angalakimak kide. Atwaniari do eong ibore yenabu eong amoote, naarai abu eong alot aikalam ikuruon luka ewai lokabeit ido kidelelei.

Kwana, arai erai ngin kwangin, kijaar oni aomisio aarei kanuikamunitos Edukone Ka Elakit. Ido eraas ngun, adiopet kotoma kakesi, ebe, “Epedori bon etunganan adukokin irwanatipet, kidimikito ketwana akeberu.” Ido ngin nges adiopet kotoma ingiseta, konye, kilot ijo atupaar ngin, ilami ijo ikoruon. Kosodi naetupakini ebala ebe, “Oo, arai aberu arai ekiliokit, idio kotoma kakesi, kiswama adoteu, idiopet kotoma kakesi epedori airengear kosodi adukokin bobo.” Idumuni ijo ilamara kede ngin da.

Aso, itei ijo, mam erai angalakimak kide arai agolitome kide; ikoto oni cut kaitebeikin kide. Ipedori ijo acetor kinga naka Naiwadikaere nakilosio ijo kowai lo, kicetor ijo kinga naka Naiwadikaere arai kilot ijo kowai je. Ikoto oni ajenun neiriamakinitor Naiwadikaere kede Naiwadikaere kasodete ajenun Abeit naka ngin. Nginidiopet eyangari ewai loitegelikina, kosodi akurwokin ayangaun abongokinet nakabeit, konye eroko esalit ebe ejai abongokinet.

Eputosi bala, lolo, ejaas awomisio iarei nukapolok nuka aisisianakin kotoma okanisa. Ediopet kotoma kakesi erai Calvinisim, loce je erai Arminianism. Ediopet kakesi erai ericakisilait, loce je erai loka asianut. Ido idolokini oni ajenun ebe itunga luiyuunitos asianut, luka Calvinist, ebalas ebe, “Kisirerengitete Edeke, mam ngin imusungi eong aimat esigala. Mam imusungi eong aimat ajon. Apedori eong aswam iboro lu, kijaar eong ayuara naka Aijar Namam Edaun.” Ido kidumuni oni ewai loce je, kama ejaas iricakisila, ebalas, “Oo, akoto ti eong asurwokin nges, ekoto ti eong aitodikin nges akadam, konye, arai eong Ikristayot, ejai eong ainapakin.” Itei ijo, idumuni ijo akonikuan korotin iarei luegelegela, ido emamei edio kakesi loedolit. Kwana, eninik alimun ngin, konye erai abeit. Kidumun do oni kotoma orotin iarei luegelegela; ediopet, elosi ewai ediopet; ediopet, kowai loce. Kwana aanyutu ber oni Abeit.

----
Kijaar oni da aomisio aarei nuka Edukone Ka Elakit. Kwana, ebe, apuko Ejakaitiwok aiyeiyea naka Aipuceta Akanykaarei nuka AkirotoKe mamawok, kotoma apak kana nakawasia. Kwana, luipu kayesi, epedori na korai Ayonanin mamakus, konye emisiikinit ekakanisa. Kede inyo? Ido kipupunitos yesi nuka aitapoeta ka nuapotu kiswamaunos. Ido aingiset erai aingiset naka Obaibuli, kisukunyunitai oni ne kanu aiyuun ibusakinit kojai abongokinet nakabeit neejai aiyeiyea kere naibwaa naibwaitai anyoun apetetait naka akwap. Ido edwarit Ebaibuli ido kobala ebe kotoma apak kana aponio aiyeiyea ngin aitejenun. Apukokinio 10, “Ido kotoma apak naka eporoto loka emalaika loikanyetekaarei, ekiyakia lo Laodikia, kitejenunio aiyeiyea kere naka Edeke.” Ido na nges atur nakawasia, naerai Laodikia.

----
Yesu, kotoma okokoronowok luisiomit oni, isukunyikinit oni alosit abongor ageunet, kanuka abongokinet nakabeit naka Naiwadikaere.
Kwana, neaponi kigimorere Nges kede na, ajaas iboro iarei etakanete. Abu esasedoti kolimok Nges ebe, “Ekiliokit epedori airengear akeberu, komany ace, kadiokirot?”
Kosodi kotema Yesu atiar, “Mam arai kwangin kageunet.”
Aso apotu kotemas atiar, “Abu Musa kocamak ibaluan luka aitwar, kosodete airengear ngin awai kanuka idiobore yenakotosi kesi kesi.”
Ebala ebe, “Ebe, abu Musa kiswama ngun kanuka,” ajai ber ajalakin eusi ngol ipak edit, “kanuka aninik naka itauonokus; konye kageunet arai kotoma ageunet mam arai kwangin. Aingiset!

Arai abu Yesu kolim ebe, “Kobongosi ageunet,” ajaas iarei bon luka nginibore kotoma akwap. Ajai Adam ediopet, Keba adiopet, aponi kes kimorikikinai Edeke bon. Asigiria adiopet naberu, ediopet lokiliokit; ikweny yeniberu, idiopet yenikiliokit. “Kageunet,” kwape abu Ngesi kolimokina oni abongor kau, ajaas iarei bon luka nginibore. Biai ngin edolit? [Kotemari atukos ebe, “Amen.”-Ekewa.] Aso, idumuni do oni ebe nginibore “kotoma ageunet” alosi kotoma ainapetait naetekoro ido kotoma ainapakin kede Edeke, amamei ibore yenarwaara. Kanginibore kotoma akuj eroko ejai toma ainapeta; aacer kere, aibungena nuka aacer, eswamae loka akolong, nginibore kere ejai toma ainapeta nuitekoro. Ikunyaki idiopet kakesi, emunaari ainapeta kere.

Kwana kopupok. Ijo iseseni? Aitokokolet adiopet emunaari ainapeta kere! Kwana, neakeriata itunga kotoma ainyikokinit kede Edeke, kede ekiliokit ediopet ka aberu adiopet, abu aberu na kodiaka kosodi acakar ainapeta kere nuka akwap kinga naka ainyikokinit kede Edeke. Kanuka ngun, akirot adiopet kiyatakinitai neejai Eitabo lo, arai Akirot adiopet elemaritai kotomaKe, acakari Ikristayot kama ejai ainyikokinit kede Edeke, ecakari ekanisa kinga naka ainyikokinit kede Edeke, ecakari ekal kinga naka ainyikokinit kede Edeke. Kanginiyuunan epedorio acakar kinga, koipone loka amamus acamun nginikirot naka Edeke.

----
Kwana, arai ekiliokit nges aponi koinakinai ayait aberu, kede Akirot naka Edeke. Mam bobo ngin ariakasi kede ngol. Eriakasi ngin kede ngol kotoma osube, ijenete yesi; konye, neabilia ngin Akirot naka Edeke, abu Edeke kitarau ekiliokit loeyait ngin. Ageun 3:16, arai ikoto ijo aiwadik ngin. Mam bobo ngin ariakasi kede ekiliokit. Arai ngin nges arai akebilan naka Akirot naka Edeke.
Mam ijo itei, “ngin,” ngin, ekanisa kokwap kane? Akebilan naka Akirot naka Edeke, abu ngin kocaka nges cut kere kinga naka ainyikokinit. Ido ngun kes eswama ekanisa, kosodi acakakin atwanare nakomoyo neejai nginibore kere. Kwana ibuni ijo amisiikin ibore yeneinakinit eong ekongikongenenei iboro lu kwape keswamaenena eong. Erai Abeit! Erai na abeit naka Ebaibuli.
Koany, inyobo ainakini ngin iswamai ibore kwape kangin? Eipone ali apedoria abberu ngin naminat, naebus, naetekoto...?
Abu eong aany aput kapak adiopet, acamunit eong ebe arai ko Greece, naka ekanoman aputosia naka Keba. Arai ngin ibore yenasilon kakere yenaanyunitor eong. Itodunit ngin nuepedori adam naka akuan asesen. Konye, mam ngin asil; ebus ngin, naarai arai ngesi aberu naetekoro, angor kere.

Koany, inyobo ainakini ngin aswam ibore kwape kangin, kojai toma adoketait naekiara? Ajai ngesi cut kede ekiliokit, koriakasi kede ngol. Konye oni kere kwana ijeni ebe abu ngin kotwania ariakake kede ekiliokit, neabu kodiakara, kosodi Edeke atemar, “Eraun ekiliokit ekayaitonikon anyoun lolo.” Kwana, erai ngin Naiwadikaere. Arai ikotosi yesi, ipedori oni aisiom. Ajai eong ainanakin yesi Nuiwadikaere, tetere ayuari apak kanuka akodakina anatar akwap, tetere yesi isiomete ngin ikulepek. Koany apolou nainakini nges iswamai ngun. Eipone ali abu Satan kodolokina nges?

Ijeni ijo ebe ariakasi Satan kede Edeke kapak adiopet? Abeit cut ariakasi, kere kidimarai ekasuban; arai ngesi idiobore kere, abwoi kakan nakoteten naka Edeke, kotoma Akuj, Ekerubit lokapolon loengarenikit. Koany ibore yenainakini nges iswamauni nu, mam nges arai isubat yenikageunet. Mam ngin ejai toma osube losodit loka Edeke; erai ngesi ibore yenalemunio kama ejai yenikageunet. Kanuka ngun, “kotoma ageunet,” kwape abu Yesu kijulira neejai ngin, mam aberu arai itungan yenisodit yenasubi Edeke. Erai ngesi nalemunio kama ejai ekiliokit, neabu Yesu kijulira, “ageunet.”

-----
Kwana kotoma Odukone ka Elakit, itei ijo, ejai ngin apukorio. Kiton neepukorere, mam ijo ijeni ngin. Konye esumunikit Ngesi ebe kotoma apaarasia nukawasia, kotoma atur kana, ebe nginiyeiyea kere naibwaa kotoma Obaibuli aponio apukor. Imwaasi bo ai ejenete ngun? Apukokinio, esula lo 10! Esumunikit Yesu ngin, aiyeiyea na kere naibwaa kotoma-kotoma Odukone ka Elakit, aiyeiyea nace na kere naejai, aponio apukor kotoma apak nakawasia. Kwana kiitu, abala Eporoto ebe, “Kolot Tucson.” Kiitutu Aica naetegelikina kotoma kuju apak? Emalaika loikanyetekaarei ebwoi kangina? Abu kobong, kosodi do apukorio naka Aipuceta Akanykaarei. Kosesen nuapotu kiswamaunos. Abeit ngin.

-----
Erai yen ibore yenegogong noi adepar, mam eong abu ajeni eipone loka aitolomun ngin. Inyobo abuni eong aswam, kajaasi eong ikiliok ka angor iboiete kotoma atukosika, ice kotoma kakesi edukokina irwanaarei arai irwanauni? Ikiliok lukajokak ka angor nukajokak, kere inyalunyaluna! Inyobo abu kiswamau ngin? Aisisianakin naka aingal, cut bec, mam aidareun kama ejai Ejakait.
“Luemorikiki Edeke nepepe, kinyek idio atiak.” Mere luimorikiki etunganan nepepe; luabu “Edeke” kimorikik nepepe! Nakijaatar ijo irucokina kaitebeikin kede Edeke, erai ngin akoniberu, ido ibore ngipengin, erai ngin nakon, angetakin aijarakon kere. Ianyu? Konye luimorikikini etunganan nepepe, idiotunganan kere epedori aitiak. Konye luimorikikini Edeke nepepe, kinyek itunganan aitam atiror. “Kere luimorikikini Edeke nepepe,” Abala Ngesi ebe, “Kinyek idiotunganan aitiak.” Mere luesimorikikini acetubon loeyapikinit emeret arai icebore nepepe, arai ekalimonokinan ece loibiroro kede atukos naka italesio kotoma otabo, loebuni acamkin ngul aswam idiobore kere kotoma akwap, ido koperi Akirot naka Edeke kanepekanen cut. Ianyu? Enera eong nuikamunitos luabu Edeke kimorikik nepepe.

-----
Kapaaran kaya, kajeni ebe arai kalimok eong yes idiobore, ibusakinit korai EBALA EJAKAIT KWANATA, aso abu eong ajaatar Nuiwadikaere kwape apukokinitor Ngesi mamaka. Konye, “Ejakait Edeke, inyobo alimokini eong asipan? Abuni eong ajaun kede atiakatakaun. Epote ikiliok aiboi kotoma agoola ido ice kokinga alaaro, ka nginiboisit kere, 'Biai eong ajalak aberu ngin?' Angor kobalas, 'Biai eong ajalak okilenika?' 'Keswama anyoika?''' Abu eong atema, 'Ejakait, inyobo ebeit eong aswam?”

Abu icebore kalimok eong ebe, “Kolot kuju ngina moru ido abuni eong einerakin kajo.”
Ido neajaar eong kuju moru, komam ajeni ebe kokwap ko Tucson asesenete itunga Ngin. Konye kiton ikesisianakinak da apotu konyarautu idwe kotoma... ikapese yenididi ka ngul, kotoma agoola naka osomero, kosodete atemar, “Kongoliasi ngina moru ngol! Ejai edou loekwang loesarani loelosi ikianar kuju okwam toma apak kobonguni kwap, elosi kuju okwam toma apak kosodi abongun kwap.” Kituritete Edeke.

Amucalat naka Evans, ijo ijai ne? Ronnie, ijai ijo ne? Abu eong abongu kwap kwana mama ejai aiboisit naemasere akinyet, ajai itelepat yenajai kosiep naka aiboisit naemasere akinyet, aiboisit naemasere akinyet naka Evans kangina. Ido eroko eong ejenuna nuabeit itelepat yen alimun, abu keting eong kakejeneka, ebala ebe, “Onac Branham, ijai ijo kuju moru ngina, biai mam ijo ija?” Abu eong atema, “Inyobo ipeleikinit ijo, Ronnie? Mam,” itei ijo, kanu aanyun nualosi ngesi aswam. Irwanapu iswamaununos iboro, mam eong, mam ijo ilimokini itunga. Eraun ngin... Ibore yenikamunit ngin erai ebe, iseseni ijo nuipu iswamasi, eraun ibore yenidila mamakon. Ianyu? Mam eong alimonokini itunga. Abu eong atema ebe, “Ronnie, inyobo ijai ijo...”

Ebala ebe, “Apedori eong aitodikin ijo cut aiboisit naijai ijo toma.” Ebala, “Abu eong anyarau toto, kasodete isio aibwo kane kasodete asesen Edou ikaja kokuju kangina, ikiar kuju ka kwap. Abu eong atema, 'Ekoto korai Onac Branham iboie kokuju kangina kanenice. Edeke ngol inerasi kanges.’” Kosodi eibuga kere, itunga, apotu koanyutu Ngol. Kotoma apaaran nacai komameete idouon kanenidio cut, kede Edou lo loti lokakwangan ikaja kangina; kijesun kwap kwape abakuli, ido kobongori kau kosodi konyaanar.

-----
Kwana kidumakin oni toma aitolitoluna na naka aisisianakin naijulitai erono naka ediini. Biai ngin edolit? Ngin nges ainakini yesi angor adukokin irwanaarai, ka yesi ikiliok, kanuka aisisianakin naijulitai erono naka ediini. Kwana akoto eong aitodikin yesi icebore yenabu Ngesi kalimok eong. Ido arai aponi Edeke, Ekasubaniwok, kingitai aingiset ngipengin nakejaar ne toma akwap, Yesu Kristo; ido nakebunio enabiKe lokalakunan, Musa, kokwap ko Misiri, kanu aitolomun idwe kinga nako-nako Misiri, kanu ayangar kes akwap naka aisumunet; kosodi Yesu atemar ebe kane abu Musa koany itunga kotoma ojautene kalo, kosodi ngesi ainakin ngul ibaluan luka aitwar, naarai arai ejautene ngol ajai kapak kangin. Abu Musa kodum kwape, nat, “Abu koinak nges acamakin...” Abu Edeke kocamak Musa, enabi ngol loejukakinitai itunga, ainakin ebalua loka aitwar mamakec.

Ido kotoma Okoriton Lusodit, e-esula lo 7, ekokoro lo 12 ka 15, kama ejai enabi loka Aitutuket Nakitetet, Paul, loabu iiriamunos kede ibore ngipengin kotoma okanisa, kosodi einer nu, “Eong lo, mere Ejakait.” Eebo? Kanuka ijautenesio luka ilakito. “Mam arai kwangin kageunet.” Konye aponi kocamakinai Musa, kosodi Edeke acamun ngin kwape adolit. Ido Paul da ajaatar apedor, neabu kodumuna ekekanisa kotoma ojautene kangol.

Kwana yesi iyuunito Nu araut abeit, ido iyuunito ebe ebunit Ngin kama ejai Edeke! Ka kanuka aitogogonget naka Edou ka AisiirareteKe nayangau eong aojau na, mam kereka Edeke kokuju moru apedori acamakin eong aswam ibore ngipengin, acamakin yesi alosit ngaren koipone kalo ijaatar yesi, ido sirikiswamata ngun bobo! Kolototo kede akusingor kosodete aijar kotoma ainapakin, naarai eyapit apak. Eyapie abongun naka Ejakait. Imameotor oni kede apak abilibil iboro lu. Mam itamakini aswam ngun bobo! Enera bon eong kanuka esipanaka. Konye arai idukokina ijo... Ido koraun Edeke ekajenanika kanuka ngun, kokuju moru, tetere eong alimuni Nu, apukokinio nakotoma akuj, kanuka apukorio naka Aipuceta akanykaarei, ido ejai aingiset na toma Akirot naka Edeke. “Kojalak kes kolototo ngaren kwape ejaatar, kosodete sirikediakasi bobo!

“Mam arai kwangin kageunet.” Edolit ngin, mam arai kwangin, ido mam ebuni araun kwangin kangeset. Konye kokwap naka ejautenesio lokatinen kwana, kwape ebulesit loka Edeke... akoto eong anyara akakuan ebe anabiKe; konye eyuunit eong aticepak, arai mam eong ejukunitai kanuka ngun, ajai do eong apesikin apetetait kanuke kebu ngesi. Aso kokwap naka ejautene lokatinen kwana, ecorakini eong yes alosit akaliakus, kede akusingor kwana. Arai iyalama ijo kede ngin, kojarata kangin, kitopoloutu ikusidwe kotoma ayongit Edeke. Konye koraun Edeke loka aitim mamakus arai kiswamata yesi ibore ngi bobo! Kisisianakisi ikusidwe mam aswam ibore kwape kangin, kitopoloutunkes kotoma ayongit Edeke. Ido kwana kwape ijaatar yesi koipone kangol, kalototo kwana, kotoma osawa loiyapit lokatibong loijari oni kotoma, ido “aibwapit adolore anyarit nakokuju kotoma Kristo,” neepedorotor iboro kere.

Naka oitabo... Edukone ka Elakit.

Kotema atiar, ‘Kanuka ŋun inyeini etuŋanan papake ka totoke kirotakinos kakeberu, ŋul luarei eraunos adiopetekuan’?

Aso mam bobo eraas iarei dimarai adiopetekuan. Aso lukimorikikini Edeke, kinyek ituŋanan aitiak.

Matayo 19:5-6