Pfunzo ya Bileamu.

William Branham.

Vhalani mulaedza...
Tshifhinga tsha Tshivhidzo tsha Peregamo.

Nzumbululo 2:14,
“U na vho vhane vha farelela pfunzo ya Bieiamu we a funza Balaka u vhea tshikhukhuliso phanḓa ha vhana vha Isiraele, na uri vha ḽe zwiḽiwa zwo kumedzwaho midzimu isili, na u ita vhuṱonḓolo.”

Zwino a zwi koni uri ni vhe na nyimele ya Vhunikolai ngomu tshivhidzoni na kundwa u vha na iyi iṅwe pfunzovho. Ni a vhona, arali na ṱusa kha Ipfi ḽa Mudzimu na u tshimbila ha Muya wa Mudzimu sa nduvho (arali ngangoho vhane vha nnduvha vha tshi tea u nnduvha Muyani na Ngohoni), ni tea u fha vhathu tshiṅwe tshivhumbeo tsha nduvho sa tshi dzhielaho vhudzulo, vhudzhiela vhudzulo zwi amba Vhubileamu.

Arali ri tshi ḓo pfesesa uri pfunzo ya Bileamu i amba mini kha Tshivhidzo tsha Thestamende Ntswa hu nga vha khwiṋe ri hume ri ye u vhona uri tsho vha tshi tshi tou vha hani kha Thestamende ya kale ri konou zwi shumisa kha tshifhinga tshenetshiḽa tsha vhuraru ri konou tshi ḓisa kha tshifhinga tsha zwino.

Nganetshelo iyi i wanala kha bugu ya Numeri ndima ya 22 u swika kha 25. Zwino ri a zwi ḓivha uri Isiraele vho vha vhe vhathu vhe Mudzimu a tou ḓi nangela vhone. Vho vha vhe vhone Vhaphenthekhostala vha misi yavho. Vho vha vho dzumbama nga fhasi ha malofha, vhoṱhe vho vha vho lovhedzwa ngomu Lwanzheni Lutswuku vha bva maḓini vha tshi imba vhe Muyani na u tshina nga fhasi ha maanḓa a Muya Mukhethwa, Miriamu muphorofitakadzi, a lidza thamborina yawe. Holuga, nga murahu ha tshifhinga vho no tshimbila, avha vhana vha Isiraele vho ḓo swika Mowaba. Ni a humbula uri Mowaba ho vha hu nnyi. O vha e ṅwana wa Loto nga muṅwe wa vhananyana vhawe, Loto na enevho o vha e muḓuhulu wa Aburahamu, ngauralo Isiraele na Mowaba vho vha vhe mashaka. Ndi tama izwo ni tshi zwi vhona. Vha Mowaba vho vha vha tshi ḓivha ngoho, uri vho vha tshi tshila ngayo kana hai.

Ngauralo Isiraele o swika mikanoni na Mowaba a ruma vhaḓinḓa ha khosi a ri, “Ri vharathu. Ri humbela u fhira nga shangoni ḽavho. Arali vhathu vhashu kana zwifuwo zwashu vha ḽa kana zwa nwa maḓi, ri ḓo badela ro takala.” Fhedzi Khosi Balaka a zwo ngo mu takadza. Uḽa murangaphanḓa w a tshigwada tsha Vhanikolai o vha a sa nyagi u tendela tshivhidzo tshi tshi fhira ngaho na maḓembe na vhuṱolo na misumbedzo ya Muya Mukhethwa, zwifhaṱuwo zwavho zwi tshi penya nga vhugala ha Mudzimu. Zwo vha zwi khombo vhukuma, ngauri o vha a tshi nga ḓi ṱutshelwa nga vhaṅwe vha tshipiḓa tshawe. Huno Balaka o ḓo hana uri vha Isiraele vha fhire nga henefho. Muga, o vha a tshi vha ofhesa, lwe aya a hira Muphorofita ane a pfi Bileamu a mu humbela uri a sumelele kha Mudzimu na u ruma Mudzimu uri a teketele Isiraele, na uri a vha ite uri vha si vhe tshithu. Na ene Bileamu, nge a vha a tshi khou ṱoḓa u shela mulenzhe kha zwa poḽitiki na u vha muhulisei, zwo mu takadza u ita nga u ralo. Fhedzi nge a ḓivha uri u tea u yo thoma a ambe na Mudzimu uri vhathu vha konou teketelwa, vhunga sa izwi o vha a si nga zwi ite nga eṱhe, o ya a vhudzisa Mudzimu uri a nga mu fha thendelo ya uya naa. Zwino a si zwone na uri sa zwe Vhanikolai vha vha vhe zwone a ri na vho ṋamusi naa? Vha sema muṅwe na muṅwe ane a si tendelane navho.

Bileamu ori o no humbela thendelo uri a ṱuwe, Mudzimu a mu hanela. Izwo zwa vhavha! Fhedzi Balaka a ṅaṅisa, a tshi ita na u mu fhulufhedzisa dzimpho na ṱhompho khulu. Ndi hone Bileamu a tshi humela murahu kha Mudzimu. Zwino phindulo nthihi i bvaho ha Mudzimu yo vha yo tea yo mu fusha; fhedziha zwo vha zwi songo ralo kha muḓihudulusi Bileamu. Mudzimu a tshi vhona vhuvhi hawe, O mu vhudza uri a takutshedze a ṱuwe. Nga u ṱavhanya o mbo ḓi vhelesa mbongola a vha o ya. O vha o tea o zwi vhona uri uhu ho vha hu tshi tou vha u ṅaledzwa nga Mudzimu nahone o vha a sa ḓo kona u vha teketela naho o vha a tshi nga zwi ita kafumbili na u dovha a lingedza kafumbili. Vhathu ṋamusi vha tou nga sa Bileamu! Vha tenda kha Midzimu miraru, vha lovhedzwa zwinungoni nṱhani ha DZINA, ngeno Mudzimu a ḓi vha rumela Muya sa zwe a ita kha Bileamu, vha bvela phanḓa vha tshi tenda uri zwine vha ita zwo luga kokotolo, na uri afha vha tou vha Vhobileamu vho khunyelelaho. Ni a vhona, pfunzo ya Bileamu: Iyani phanḓa. Zwi iteni nga nḓila yaṋu. Vha ri, “Holuga, Mudzimu o ri fhaṱutshedza. A hu shai ri ngohoni.” Ndi a zwi ḓivha uri o ni fhaṱutshedza. A thi zwi hanedzi na luthihi. Fhedzi ndi nḓila yeneiḽa nthihi ya vhudzangano ine ya ḓi nga ye Bileamu a i tshimbila. Ndi khanedzano na Ipfi ḽa Mudzimu, ndi pfunzo ya mazwifhi.

Ngauralo Bileamu o tsa nga bada u swika a tshi thivhelwa nga Muruṅwa ane a bva ha Mudzimu a tshi mu thivhela nḓila. Fhedzi uḽa muphorofita (mubishopo, muhulwane, mudzulatshidulo, phuresidende na muingameli) o vha o pofula vhukuma kha sia ḽa zwa Muya a tshi humbula khuliso na vhugala na tshelede, lwe a kundwa na u vhona Muruṅwa o ima na banga ḽo lugelaho u rema. Ndi he a ima henefho a thivhela muphorofita o dzhenwaho nga havhiya. Donngi ye a vha o i ṋamela ya vhona muruṅw a y a nḓuvhailanḓuvhaila u swika i tshi kwanyeledza mulenzhe wa Bileamu kha mutsheṱo. Ndi he donngi ya ima ya si tsha ya phanḓa; a yo ngo tsha kona u ya phanḓa. Ndi he Bileamu a fhufha a thoma u i rwa. Donngi yo ḓo thoma u amba na Bileamu. Mudzimu o tendela donngi i tshi amba nga ndimi! Donngi iḽa yo vha i si ya muvango; yo vha i mbeumbeu. Yo amba na muphorofita wa bofu ya ri, “A thi donngi yau na, a tho ngo u hwala ndo fhulufhedzea naa?”

Bileamu a fhindula a ri, “Ee, ee, u donngi yanga nahone wo nkhwala wo fulufhedzea u swika zwino; nahone arali wa sa ya phanḓa, ndi ḓo u vhulaha… Yoo! Ndi mini izwi. U amba na donngi? Izwo zwi a mangadza, ndi tou nga ndi khou pfa donngi i tshi khou amba ndi tshi khou i fhindula.”

Mudzimu o ḓi dzula a tshi amba nga ndimi. O amba tshimimani tsha Beltsetsara na nga ḓuvha ḽa Phenthekhoste. U khou zwi ita na ṋamusi. Ndi tsivhudzo ya khaṱhulo i vhilulaho u ḓa.

Ndi he Muruṅwa a vhonadzwa kha Bileamu. A vhudza Bileamu uri ngavhe I si vhe donngi o vha a tshi ḓo vha o fa na zwino nge a linga Mudzimu. Fhedzi musi Bileamu a tshi fhulufhedzisa u huma, o ṱuwa na khwengweledzo ya u amba fhedzi zwe Mudzimu a mu fha.

Ndi he Bileamu a tsela fhasi a ya a imisa aḽithari dza sumbe a tshi itela zwiṱhavhelo zwo kunaho zwa sumbe. O vhulaha thutha hu u sumbedza u ḓa ha Mesia. O vha a tshi ḓivha uri hu u itwa mini uri muthu a swike phanḓa ha Mudzimu. Tshomedzo dzawe dzo vha dzo lugela zwone; fhedzi hu si kuitele, sa zwine zwa vha zwone zwino. A ni vhu vhoni na Vhunikolai? Henefho fhasi govhani ndi he ha vha hu na Isiraele a tshi khou ṋekedza tshiṱhavhelo tshi fanaho, a tshi khou ita zwi fanaho, fhedzi muthihi ndi ene we a vha e na maḓembe na vhuṱolo zwi tshi khou tevhela. Ndi muthihi we a vha e na Mudzimu vhukati hawe. Tshifanyiso a tshi nga ni isi fhethu, tshi nga si dzhie vhudzula ha Muya Mukhethwa. Izwo ndi zwone zwe zwa itea ngei Nicaea. Vho dzhenisa pfunzo ya Bileamu, hu si pfunzo ya Mudzimu. Zwa vha khukhula; Ee, vha wa. Vha konou vha vhathu vho ḓifelaho.

Nga murahu ha misi tshiṱhavhelo tsho no itwa, Bileamu o vha o no ḓiimisela u phorofita. Fhedzi Mudzimu o ḓo mu vhofha lulimi u teketela Vhaisiraele zwe vhutoto. O ḓo vha fhaṱutshedza.

Balaka o vha o sinyuwa nga maanḓa, fhedzi ho vha hu si na tshe Bileamu o vha a tshi nga ita nga ha tshiphorofita. Tsho vha tsho ambiwa nga Muya Mukhethwa. Ngauralo Balaka o vhudza Bileamu uri a tsele fhasi, govhani, a lavhelese vhuvhi havho uri a vhone arali hu si na tshe a vha a tshi nga vha teketela ngatsho. Maano e Balaka a a shumisa ndi one ane vha a shumisa na ṋamusi. Madzangano mahulu a dzikereke o lavhelesela maṱuku fhasi, tshini na tshifhio tshine vha nga vha vha tshi nga tshi shumisa kha tsolo vho vha vha tshi tshi bvisela khagala vha ṱavha mukosi nga hatsho. Arali vha musalauno vha tshila tshivhini, a hu na ane a amba tshithu nga ha zwo; fhedzi edzanu litsha muṅwe wa vhanangiwa a tou dzhena khakhathini gurannḓa iṅwe na iṅwe i ḓo zwi huwelela u buḓa shango ḽoṱhe. Ee, Isiralele o vha e na vhuvhi (zwa ṋama) hawe. Vho vha vhe na fhethu havho he zwa vha zwi sa koni uri zwi rendwe; fhedzi na vhuṱudzeṱudze havho - nga ndivho ya Mudzimu ine ya shuma nga u ta, nga tshilidzi nahone hu si nga mishumo - VHO VHA VHE NA GOLE NGA MASIARI NA PHUPHU YA MULILO VHUSIKU, VHO VHA VHE NA TOMBO ḼE ḼA RWIWA, ṊOWA YA TSIMBI TSEṰHA NA MAḒEMBE NA VHUṰOLO. Vho khwaṱhisedzwa hu si nga vhone vhaṋe fhedzi nga Mudzimu.

Vhalani mulaedza...
Tshifhinga tsha Tshivhidzo tsha Peregamo.

“Israele, thetshelesa! Muṋe washu ndi Ene Mudzimu washu! Ndi Ene Muṋe washu e eṱhe!

Dotoronomio 6:4