Tshifhe-kadzi he a fhaṱela Astarte.

William Branham.

Vhalani mulaedza...
Tshifhinga tsha Tshivhidzo tsha Thiathira.

Nzumbululo 2:20-23,
20 Hone tshine nda sanda khaiwe ndi zwine wa litsha (tendela) musadzi wahau Isabele a tshi ḓita muporofitan geno a tshi khou funza a xedza vhalanda vhanga u pombwa na u ḽa zwidzimu zwa midzimu isili. 21 Hone ndo mu fha tshifhiinga tsha u ri a rembuluwe, huno ha funi u Shanduka a litsha vhuṱonḓolo hawe. 22 Khuuvha ndi ḓo mu posa kha vhulalo vhuthihi na vho pombwaho nae, vha ya vhuṱunguni vhuhulu, arali vha sa rembuluwi vha litsha mishumo yavho.
23 Vhana vhawe ndi ḓo vha vhulaha nga lufu. Zwoṱhe zwivhidzo zwa zwi ḓivha zwauri ndinṋe muṱalukanyi wa dzitswiyo na dzimbilu; vhoṱhe kha inwi ndi ḓo vha fha zwo eḓanaho na mishumo yavho.

Tsha ndeme tshine ra guda ngaha Isabele ndiuri a si ṅwana wa Abrahamu, kana uri u ḓiswa hawe kha ḽa Isiraele ho vha nga nḓila ya zwa Muya sa zwe zwa ita Ruthe, Mumowaba. Aiwa muhali. Hoyu musadzi o vha e ṅwana wa Ethbaal, Khosi ya Sidon (I DziKhosi ya 16:31), we a vha e tshifhe wa Astarte. O vha o wana tshidulo tsha vhuhosi nga u vhulaha we a mutevhela, Pheles. Ngauralo ri a kona u vhona zwi tshe henefha uri o vha e ṅwana wa phondi (Izwi zwi ri humbudza Kaini) Na nḓila ye ngayo a vha tshipiḓa tsha Isiraele tsho vha hu si nga nḓila ye Mudzimu a dzudzanya ya u ḓisa vhannḓa; fhedzi o dzhena nga NZEO kha Ahaba, Khosi ya Tshaka dza fumi dza Isiaraele. Zwino ro no ḓi zwi vhona uri vhuthihi uhu vhunga ro zwi vhona ho vha hu si ha zwa Muya; ho vha hu ha zwa politiki. Zwino uyu musadzi we a vha e nṱha vhukuma kha zwa midzimu isili hongo vhuya a vha na lutamo na luṱukuṱuku lwa u vha murabeli wa Mudzimu muthihi wa Isiraele, fhedzi ene o ḓa o ḓiimisela u kokodzela Isiraele kule ha Mudzimu. Zwino Isiraele (tshaka dza fumi) vho vha vho no ḓi vhuya vha thetshela uri u rabela midzimu ya zwiṋamana zwa musuku ndi mini, fhedzi vho vha vha sa athu khelutshela kha midzimu isili, ngauri Mudzimu o vha a tshi khou rabelwa, na mulayo wa Mushe wo vha u tshi ṱanganedzwa. Fhedzi u bva nzeoni ya Isabele nga Ahaba, midzimu isili yo titima lu ofhisaho Isiraele. Ndi nga tshifhinga uyu musadzi o no vha tshifhe-kadzi he a fhaṱela Astarte (Venus) na Baali (mudzimu wa ḓuvha) he isiralele a swika tshinyaleloni ya vhutshilo hawe.

Ro vhulunga izwi mihumbuloni ri a kona uthoma u vhona zwine Muya wa Mudzimu wa khou dzudzanya kha istshi Tshifhinga tsha Tshivhidzo tsha Thiathira. Khezwi.
Ahaba o mala Isabele nahone o zwi itiswa nga ṅwambo wa zwa politiki a tshi ṱoḓa u khwaṱhisa na u tsireledza muvhuso wawe na u hana o farelela khawo. Ndi zwone zwe tshivhidzo tsha ita kokotolo musi tshi tshi malana na Constantine. Vho ṱanganyiswa nga ṅwambo wa zwa politiki, naho vho khavhela nga zwa muya nyana. Zwino haho ane a nga mpha vhuṱanzi ha u ri Constantine o vha e Mukhristo. O vha e mudzia vhupangwa e na zwe zwa vha zwi tshi lavhelesea sa zwiungi zwa Tshikhriste. O dzhia vhupila ha maswole a pennda zwifhambano tshi tshena kha ho. Ndi ene hafhu mutumbuli wa vhe vha vha tshi ḓihwa sa Maswole o Khetheaho a Columbus (Knights of Columbus). O vhea tshifhambano kha tshiuludza tsha thembele ya Mukhethwa Sophia, ha vha hone u thoma dzema.

Wo vha u muhumbulo wa Constantine wa u ḓisa vhathu vhoṱhe fhethu huthihi: vha vhupangwa, Vhakhriste vha rotholaho, na Vhakhristo vha ngoho. Lwa tshifhinganyana zwo lavhesea vhunga u ḓo zwibveledza, vhatendi vha ngoho vha lingedza u humisa vhe vha vha vho kumbululelwa kule ha Ipfi. Afho vha tshi vhona uri zwo vha zwi sa tsha konadzea u vha humisela murahu kha ngoho, zwa vha kombetshedza u paḓuwa kha maitele a zwa politiki. Musi vha tshi ralo, vha vhidzwa u pfi vhalwa na pfunzo nahone vha shengedzwa.

Ri tshe henefha kha ndi ri zwa u raloho zwi khou itea zwino ri tshi khou amba. Vhathu vha khou kuvhanganywa fhethu huthihi. Vha khou ṅwala Bivhili ine ya ḓo katela vhoṱhe naho e Muyuda, Mukhatolika kana Muvutsheli-hanedzi Muphurothestende). Vha na khoro yavho ya Nicene fhedzi vha i vhidza uri Khoro ya Mukatelahoṱhe (Ecumenical Council). No vha ni tshi zwi ḓivha zwa uri madzangano oṱhe aya a lwisana na nnyi? A lwisana na Vhaphenthekhostala vha ngoho. A thi khou amba madzangano ane a pfi Dziphenthekhostala lini. Ndi amba avho vhane vha vha vhaphenthekhostala ngauri vho ḓadzwa nga Muya Mukhethwa nahone vha na zwiga na dzimpho vhukati havho nge vha tshimbila ngohoni.

Musi Ahaba a tshi mala Isabele nga ṅwambo wa politiki o rengisa pfanelo dza mabebo awe. Arali wa vha muraḓo wa dzangano ḽa kereke u vha wo rengisa pfanelo dza mabebo, murathu, u nga vha u tshi zwitenda kana hai. Tshigwada tshiṅwe na tshiṅwe tsha vhaphurothestende tshe tsha vhuya tsha bva, tsha dovha tsha humela, vho rengisa pfanelo dza mabebo avho; honeha arali wa rengisa pfanelo dza mabebo u ḓingela sa Esau, u nga lila wa rembuluwa nga afho hune wa ṱoḓa, fhedzi a zwi nga thusi nga tshithu. Tshithu ndi tshithihi fhedzi tshine na nga ita, itsho ndi uri, “Ibvani khae, vhathuvhanga, ni songo paṱekana na zwivhi zwawe!” Zwino arali ni tshi vhona unga a si ngoho ine nda khou amba, edzanu fhindula mbudziso iyi. Uhone ane a khou tshila ane a nga mmbudza uri ndi tshifhio tshivhidzo kana mutshimbilo wa Mudzimu we wa vhuya wavha na mvuselelo wa ri wo no dzhena kha zwa vhudzangano wa dovha wa vhuya murahu wavha dzangano? Vhalani ḓivhazwakale dzaṋu. A ni nga wani na nthihi, a hu na na nthihi ya u tou thoma.

Ho vha hu iri ya vhusiku-kati kha Isiralele musi vha tshi ḓi paṱekanya na ḽifhasi vha ṱutshela zwa muya vha tshiya kha zwa politiki. Ho vha hu iri ya vhusiku-kati Nicaea afho tshivhidzo tshi tshi ita zwithihi-vho sa zwe zwa itwa nga Isiraele. Ndi iri ya vhusiku-kati zwino ngauri zwivhidzo zwi khou kuvhangana hafhu.

Zwino musi Ahaba a tshi mala Isabele o mutendela a tshi dzhia tshelede ya muvhuso a fhaṱa nnḓu khulu mbili a tshi dzifhaṱela u rabelwa ha Astarte na Baali. Ye ya fhaṱelwa Baali yo vha yo hula lune vhathu vhoṱhe vha Isiraele vho vha vha tshi nga ḓa vha lingana u rabela ngomu hone. Musi Consatantine na tshivhidzo vha tshi paṱekana Constantine o fha tshivhidzo zwifhaṱo zwa u kerekela ngomu, afhaṱa dzialitahari na zwifanyiso, na u dzudzanya mutevhe wa vhavhusi we wa vha wo no thoma u ḓivhumba.

Musi Isabele a tshi wana thikhedzo ya maanḓa a muvhuso o kombetshedza vhurereli hawe kha vhathu a vhulaha vhaphorofita na vho-tshifhe vha Mudzimu. Zwo vhifhesa lwe Elia, muruḓinḓaṅwa wa iḽo ḓuvha, o vhuya a humbula na uri o vha o no sala e eṱhe; fhedzi Mudzimu ovha e na vha-zwigidi zwa sumbe (7000) vhe vha si gwadamele Baali. Nahone zwino vhukati ha madzangano a Baptists, Methodists, Presbyterians, ngauralo-ngauralo., hu na vhane vha ḓo bva vha vhuya murahu Mudzimuni. Ndi tama nitshi zwi ḓivha uri zwino a thi lwisani, a thi athu u vhuya nda lwisana na vhathu. Ndi dzangano ḽa kereke, kuitele kwa dzangano kune nda lwisa. Ndi tea u lwisana nakwo ngauri Mudzimu u a ku sanda.

Zwino kha ri thome ri ime afha nyana ridovholose zwe ra bvisela khagala malugana na u rabela Thiathira. Ndo ri vho vhavha tshi rabela Apollo (we a vha e mudzimu wa ḓuvha) kathihi na Muvhusi wa Tshiromaphaya. Zwino hoyu Apollo o vha a tshipfi “mukheluntshisi wa vhuvhi.” O vha a tshi bvisa vhuvhi kha vhathu. O vha fhaṱutshedza nahone o vha e mudzimu vhukuma khavho. O vha a tshi lavhelelwa u funza vhathu. O ṱalutshedza vhathu nga ha u rabela, na nyitelathero dza thembeleni, tshumelo dza vhadzimu, nga ha zwiṱhavhelo na lufu na vhutshilo nga murahu ha lufu. Izwi o zwi ita nga kha muporofita-kadzi we avha a tshi dzula tshiukhuvhani kha tshidzulo tsha milenzhe miraru. Zwanga we Nṋe! Ni a zwi vhona? Khoyu uḽa muporofitakadzi ane a pfi Isabele nahone u khou funza vhathu. Pfunzo yawe i ya fhureledza vhaḓinḓa vha Mudzimu na u vha itisa vhuṱonḓolo. Zwino vhuṱonḓolo zwiamba “u rabela zwifanyiso.” Ndi yone ṱhalutshedzo siani ḽa muya. Ndi u ṱangana lu si ho mulayoni. U ṱangana ha Ahaba na ha Constantine ho vha hu si ho mulayoni. Vhuvhili havho vho ita vhuṱonḓolo muyani. Muṱonḓoli ufhio na ufhio magumo awe ndi u poswa Dzivhani ḽa Mulilo. O ralo Mudzimu.

Vhalani mulaedza...
Tshifhinga tsha Tshivhidzo tsha Thiathira.

Sudzulusa (Tshiisimane)... Jezebel Religion.

Hone tshine navha natsho ni tshi fare ndi vhuye ndi swike.

Huno ane a kunda a fara mishumo yanga a swikisa lufuni, ndi ḓo mu fha maanḓa a vhusa dzitshaka: Uḓo vha lisa nga mugo wa tsimbi, u ḓo vha pwashekanya sa midziyo ya vumba, vhunga na nṋe ndo fhiwa zwenezwo nga Khotsi anga.

Nahone ndi ḓo mu fha ṋaledzi ya mutsho.

Nzumbululo 2:26-28