Aturi ngina a Perigamo.

William Branham.

Tosiomete alo akirot...
Aturi ngina a Perigamo.

Apukokino 2:14,
“Eyiakasi kiding kus ngulu eyiakatar akitatam ngina a Balaam, ngolo abu kitatam Balak akiwakin akisigukinet kingaren ngidwe ngulu a Israel, ka akinyam ngamuja nguna einakinitae ngaputosia, ka akitiyia adoteu.”

Tokona emam nyipedori iyong ayiakaunor Enikolaitiane lokanisa ido tomam ngakitatameta ngun alomun. Erai kilema iyong Akirot ka Akuj ka alosit ngina ke Ekuwam a ngolo Akuangan ikwa arakau ibore ngini iitana a nakilip (“Ikes ngulu akakukononkinosi ayong iitana tokukonokinos alotoma Lokuwam ka akiyookino”) inges atemar ibuni iyong ainakin nabo ngitunga epite ece ngolo kilipet ngolo isulonyokini iyong, ido ekesilunye ngol erai Ebalaame.

Erai keyiai iwon amisiuni akitatam ngina a Balaam alotooma ekanisa ngolo ka akitutuket a ngina kitete ejok won abongori engolikisi epite ngolo keyiakar alokanisa a ngolo ka akitutuket a ngina Mojong kisikwaan nai ka Aturi ngina a ngauni ido yau nai paka naturi na.

Eriamun eemut lo alotoma ekitabo ngolo a ekimar 22 paka 25. Tokona ikiyeni iwon atemar arai Ngisirael ngitunga ngulu seuna ka Akuj. Arai ikes Ngipentekost ngulu ka apaki kec. Asir ikes adaut ariamun angopet alotoma ngaokot, asir ebatisae ikes daadang ananam a ngina arengan ido apotu ikes tolomut anakipi, eosi a Lokuwam kidongaete dang alotoma apedor ngina ka agogongu a Ekuwam a ngolo Akuangan, nai toyiai Miriam akadwaran erami adungku. Kire, ani edoli apaki ace eroko ewosio, apotu ngidwe ngulu a Israel lu potu Moab. Atami iyenete iyes Moab. Arai inges lokoku a Lot ngolo auruuni inges ka nakoku keng apei, ka nabo Lot arai locen keng ka Abram, inges atemar ayenen Israel ka Moab. Acamit ayong iyes toanyut neni. Ayenete Ngimobain lu akiyookino, erai co keponito kiricito kori mam.

Aso apotu Ngisirael todolut lokukoru ngolo a Moab ido kiyiakiasi ngitunga neni ke ekabaka atemar, “abe ikirai bo iwon ngikaitotoi kimiekinae isua kitoroi nalup kus. Erai kenyam kori kemat ngitunga kosi idiobore, ikiponi isua akitac.” Nai abu Ekabaka Balak tolakar nooi. Abu akou ngina ka atukot a Nginikolaitan nyecamak ekanisa ebuni ka ngakitanyuneta ka ngaumonokineta nguna a Ekuwam a ngolo Akuangan, ka ngireetin ngulu ecayete anguna a Ekuwam a ngolo Akuangan. Arai nai ibore ngini etubulon ikwapei atamitor inges atemar epedorete ngitunga keng ngice arucokin ka ngitunga lu. Aso, abu Balak towou acamakin ngidwe a Israel itorete nalup keng. Nguna a kire apol nooi akurianu ngina ayiakatar inges akitodol ngina abunio inges tolosio neni a ekadwaran Balaam a ngolo amina eropit akingitakin inges akimaima Akuj anguna ka akilam Israel tojongoto auri. Ido Balaam anguna eitanitor Alomar nakiro nguna apolitik ka araun etunganan ngolo apolon, abu tolakar nooi alosit akitiyia ngun. Nai ikwapei eitanakar inges alosit neni ka Akuj ka ariamun acamakinet aneni ka Akuj anguna ka akilamia ngitunga, anerai pa apedorit inges bon ngun, abu inges tolot neni ka Akuj akingit inges erai kecamakini inges alosit. Tokona nyikote mono ngun nguna a Nginikolaitan ngulu ikiyiakatar iwon kona a? Erai ikes ngulu ilamete itunganan daadang ngini nyelosi a lorot kec.

Ngina engitakinia Balaam Akuj anguna ka acamakino alosit, abu Akuj kimik inges etic ngun. Ekang! Abu nen todwariar. Nai abu Balak torubak ebolonokini inges ngiropito ngice ngulu apolok ta apolou dang. Angun abu Balaam tobongo nabo neni ka Akuj. Tokona eitana sek kitemokin abongokinet apei bon aneni ka Akuj. Nai pa eyokino ngun aneni a Balaam a ngolo ewapit ngatameta keng bon. Kedau Akuj aanyun akibusokina keng, abu tolimoki inges atemar tonyou tolot. Atipei abu kitemoki esigiria ka toekari dang. Eitana mono inges toyenunite atemar erai na acamakinet ka Akuj (permissive) ngina kitingauna Ka pa apedorit inges akilam ikes tar kelosit inges ngarwa ngatomoniarei ka dang kikatak akilam ngarwa ngatomoniarei ngun. Kingolik iyong epite ngolo eyiakatar ngitunga ikwa Balaam alorwa alu! Enupito ngakujo ngauni, kibatisaete dang alotoma ngimaeta ngiuni akilo EKIRO, ido nai kiyiakiununuye Akuj Ekuwam neni kec ikwa ngina etiyiator aneni a Balaam, ido elosete ikes kingaren erai ngulu enupito atemar ikiyia ikes erai ngulu ikiyokino, erai nai ikes ane Ngibalaam ngulu a kire. Kingolik iyong akitatam ngina a Balaam. Toloto ca ngaren ikongina. Kitiyiata alopite kus. Ebasi ikes ebe, kire adau Akuj akisirereng iwon. Acepaki iyokino tokona.“ Ayeni ayong atemar ikisirereng inges iyes. Mam nyapega ayong ngun. Nai eroko ca erai erionget ngolopei a erot a ngolo abu Balaam totupite. Erai apegakinit Akirot ka Akuj. Erai akitatam ngina aliokonon.

Aso abu Balaam kionyak nooi emeta erot akitodol neni abunio emalaika aneni ka Akuj towa alongaren keng. Nai ekadwaran ngol (bicop, kadinol ecaaman, president ka eketen ngolo apolon) abu tomudukan aloboro a ngulu a Ekuwam anguna ka atametait a ngina ka akereru ka ngisilinga. Akitodol ngina pa apedoria inges akingolikin emalaika ewoi ka atum alongaren keng. Awoi inges anen anguna ka abukin ekadwaran ngolo emunara lo. Abu nai esigiria kingolik emalaika ido kikatak akisep aneni keng paka ngina erigakinia inges akeju a Balaam namoru. Abu asigiria towo anerai pa apedorit alunyar. Pa apedoro. Abu nai Balaam toporu ka togeu akidic asigiria. Kirworikini nai asigiria neni a Balaam. Abu Akuj tocamaki esigiria ngol irworikini a ngangajepa. Pa arai esigiria ngol ekabila ngolo ilocunitoe; arai ekinyomit ngolo a kire, abu inges tolimoki ekadwaran ngolo etumudukanitae lo tema, “Mere mono ayong esigiria kon ka adau ayong akiwokenen iyong ngapakio daadang ejok a?” tobongok Balaam tema, “Ee, ee, irai iyong esigiria kang ka ikiwokene iyong ayong ejok akitodol nakwarina; ido erai pa kirotoki iyong akaari ayong iyong ...” “Utukui! Nyo nai en irworosi ka esigiria? Akisianu ngin jik, atamit ayong atemar kode eira esigiria irworo, ido atoyiai ayong abongokin inges.”

Irworo sek Akuj a ngangajepa. Abu kirwor anasuban alokai a Beltecesa ka alo Pentekost. Eyiai inges etic ngun nabo napakana dang. Erai nen akitodikinet ngina a etube a ngolo ebunit atipei.

Abu nai emalaika kisileerekin neni a Balaam. Abu tolimoki Balaam tema, mati a nguna a esigiria ketineni iyong itwana ikotere akikatakin Akuj. Nai ngina acamakinia Balaam abongor kau, aponi tolimokinae inges atemar ape tolot nai, ido kirwor nguna ikiini iyongAkuj bon.

Aso abu Balaam toduk ngalitarei ngakan-karei ikotere amuronot ngina a ibarasit a ngini asegan. Abu inges toar imesek ibore ngini itodiarit abunore ngina ke Emeseia. Ayeni inges nguna kitiyia apaki ngina kiyotokinet neni ka Akuj. Ayiakatar inges epeiwae a ibore a ngini eitana nai mere daadang; ikwaan ka tokona dang. Nyingolikini iyong erai Nginikolaitan a? Ayiakasi Ngisirael ama nakadipalat, tolemununuyete ngamuronisia nupei ngun, etiyiaete ngunapei ngun, nai epeiwae bon ayiakatar ngakitanyunet. Epeiwae bon ayiakatar Akuj kiding kec. Nyepedori akituput ibore akiyia iyong adiokiding. Nyepedori akiyia etic ngolo a Ekuwam a ngolo Akuangan. Erai ngun nguna apotu kitiyiaun alo Nicia. Apotu ikes kijaut akitatam ngina a Balaam, mere akitatam ngina kaAkuj. Abu kiguki inges; Ee apotu kibusokinos. Apotu totwaka Amen.

Kedau inges akirikakin amuronot abu nai Balaam kitemokin akidwar. Nai abu Akuj toen angajep keng ka pa apedorit akilam ikes. Akilo abu kisirereng ikes.

Abu Balak tongoo nooi nai amame robo ibore ngini apedorit Balaam etic alotoma akidwar ngin. Anerai asir Ekuwam ngolo Akuangan adau erwor. Aso abu Balak tolimoki Balaam atiyaar kwap nakadipaalat ido kisiemeki ikes alo kau erai kepedori inges akilam ikes aneni. Ngakilia nguna esitiyiae Balaam ikes nguna isitiyiaete ikes tar tokona. Ingoliunete ngidinio ngulu apolok kingolikis ngigurupo ngulu cicik, ka ani kingolikis ibore ngini raset ikes ata kedit dang tocelunae nooi. Nai ani eyiarete ikes ngitunga a ngirwa alu ngikulepeki anakisec, mam ngini irworo ngadies nguna ikamunito ngun; nai kimieki iyong toyiakaun ca ipei alokiding ngulu seuna tooma nationis kiriamete ngakaratasia akiserakin ngun daadang tooma akwap. Ee ayiakatar ca Israel dang ngakausinei kec (ekuwane). Ayiakatar ikes dang ewae kec ngolo pa eturitoi; nai ata kerai ikes ngulu pa adolito dang, anguna nai ka alosikinet angina ka Akuj a ngina itiyiae kiwapite aseon, anguna ka ajokis mere a nguna a ngiticisio, AYIAKATAR IKES EDOU NAPARAN KA EPIR NGOLO KA AKIM NAKWARE, AYIAKATAR IKES ATAABA NGINA ARAMITAE, KA APUTO NGINA KE EMUN A NGOLO SUWAT KA NGAKITAANYUNETA KA NGAUMONOKINETA. Arai ikes ngulu etogogongitoi mere angunakec bon nai anguna ka Akuj.

Tosiomete alo akirot... Aturi ngina a Perigamo.

Kiirasi, okoe Ŋisirael, Ekapolon Akuj yok iŋes bon erae Ekapolon.

Ngikisila 6:4