William Branham.

Okwenda ngu oyetegyerereze kimwe obutumwa bw'Obusingye bw'Ekanisa niinyenda kushoboororaho engyenderwaho ezitari zimwe ezimbaasiise kuhika aha kumanya amaziina g'entumwa, oburaingwa bw'obusingye, kandi n'ebindi ebiine akakwate nabwo.

Ekishumuruzo eki naahairwe Mukama ekyatumire naabaasa kuhamya entumwa ahabwa buri busingye n'ekirikukirayo kuba eky'Ebyahandiikirwe. Omu bwijwire nikibaasa kwetwa ekishumuruzo Kikuru munonga omuri Baiburi. N'okushuuruurirwa ngu Ruhanga tahinduka, kandi emitwarize Ye tebaasa kuhinduka nk'oku Nawe Ari otahinduka. Omu kitabo ky'Abaheburaayo 13:8 nihagira hati, “Yesu Kristo tahinduka; oku abaire ari nyomwabazyo, n'eriizooba nikwo ari, kandi nikwo ariguma ebiro byona.”

Reeba nkiki: Ruhanga otahinduka aine emitwarize etahinduka. Eki Yaakozire OMU KUTANDIKA naija kugumizamu naakikora okuhitsya obu kiraakorwe omurundi ogw'AHA MUHERU. Tiharibaho okuhinduka.

Hati nitumanya buzima omu Kigambo ekyahandiikirwe Omwoyo Orikwera oku ekanisa y'okubanza, nari shi eyaabandize, yaatandikire kandi n'oku Ruhanga Yaagyeyorekyeiremu.

Ekigambo tikibaasa kuhinduka nari kuhindurwa ahabw'okuba Ekigambo ni Ruhanga. Yohaana 1:1, “Bwa mbere na mbere hakaba hariho Kigambo; Kigambo ogwo akaba atuura na Ruhanga; kandi Kigambo akaba ari Ruhanga.”

N'ahabw'ekyo, oku ekanisa yaabaire eri ahari Pentekoote niyo ngyenderwaho. Ekyo nikyo ky'okureeberaho. Tihariho ky'okureeberaho ekindi. Abeegire n'obu baakugamba ki, Ruhanga TAKAHINDURAHOGA eky'okureeberaho ekyo. Eki Ruhanga yaakozire ahari Pentekoote nikyo Araije kuguma naakora okuhitsya obu obusingye bw'ekanisa buraahweho.

Kishome omuri... Obusingye bw'Ekanisa ya Efeso.

Makanisa mushanju omuri Asia.

Efeso.

Orurembo rwa Efeso rukaba ruri rumwe omu ndembo ishatu ezirikukirayo obukuru omuri Asia. Kaingi rukaba rwetwa orurembo rwa kashatu orw'enyikiriza y'Ekikristaayo, obwo Yerusaalemu ruri orw'okubanza, kandi Antiokia ruri orwa kabiri. Rukaba ruri orurembo orutungi munonga. Obutegyeki bukaba buri obw'Abarooma kwonka orurimi rukaba ruri Orugriika.

Kishome omuri... Obusingye bw'Ekanisa ya Efeso.

Sumuruna.

Orurembo rwa Sumuruna rukaba ruri hakyeho bukiizi-bwa-bumosho bwa Efeso ahu omukono gwa Sumuruna gw'enyanja mpango gurikushohorera. Ahabw'enyambukiro yaarwo nungi rukaba ruri iteeraniro rikuru ry'eby'obushuubuzi nirumanywa ahabw'okwohereza ebintu by'obushubuuzi omu nsi z'aheeru yaarwo. Nabwo rukaba nirurangaanwa ahabw'amashomero gaarwo g'eby'orurimi, eby'okusherura okwetegyereza, emibazi, zaasayansa, kandi n'ebyombeko birungi.

Ekigambo Sumuruna nikimanyisa, “obushaarizi,” nikiihwa omu kigambo, sumuruna. Sumuruna ekaba neekozesibwa omu kusiiga emibiri y'abafu ngu etajunda. Mbwenu twine amakuru againe obukuru bw'emirundi ebiri agarikushangwa omu iziina ry'obusingye obu. Bukaba buri obusingye bw'obushaarizi bwijwire okufa.

Kishome omuri... Obusingye bw'Ekanisa ya Sumuruna.

Perugamo.

Perugamo (eiziina erya ira) rukaba ruri omuri Mysia, omuri disiturikiti eyaabaire neitirirwa amaizi g'emigyera eshatu, gumwe omuriyo ogwabaire niguruteeranisa n'enyanja empango. Rukaba nirugambwaho nk'orurembo orurikukirayo kurigirwa omuri Asia. Rukaba ruri orurembo oruri omu maisho omu by'emitwarize y'abantu rwine eibiikiro ry'ebitabo eryabaire riri erya kabiri ahari eryo ery'omuri Alexandria. Beitu kandi rukaba ruri orurembo rw'obukozi bw'ebibi munonga, rwehaireyo omu mikoro y'emitwarize y'obushambani y'okuramya kw'emandwa Aesculapius, ei baabaire baramya omu muringo gw'enjoka ehuriire eyaabaire ehairwe obutuuro kandi erikugaburirwa omuri hekalu.

Ekitebe ky'Obukama bwa Sitaane n'Omwanya ogu Atuuramu. Perugamo okubanza gukaba gutari mwanya ahu Sitaane (aha kikwatiraine n'eby'abantu) yaabaire atuura. Babulooni buriijo etuura eri omwanya mukuru gwa Sitaane oguriho kandi mukuru n'omu kurengyeza. Omu rurembo rwa Babulooni nimwo okuramya Sitaane kwabandiize.

Kishome omuri... Obusingye bwÉkanisa ya Perugamo.

Suatira.

Omu byafaayo, orurembo rwa Suatira rukaba nirukirayo kuba rukye omu ndembo mushanju zoona ez'omu kitabo ky'Okushuuruurwa. Rukaba nirushangwa aha nsharo ya Mysia na Ionia. Rukaba rwetooroirwe emigyera mingi, kwonka emigyera egyo ekaba eijwiremu emishundwe erikunyuunyuuta eshagama. Ekyabaire nikikirayo kurusiimisa kikaba kiri ngu rukaba ruri gye omu by'esente ahabw'ebibiina by'okukorera hamwe eby'ababumbi, abahazi b'empu, abaruki b'emyenda, abateezi b'erangi, abakozi b'emyenda n'ebindi. Omu rurembo oru nimwo Lydia, omushuubuzi w'emyenda ya bujwa, yaabaire naaruga. Omukazi ogu niwe yaabaire omwikiriza w'okubanza wa Paulo omuri Buraaya.

Hati enshonga eyaatumire Omwoyo yaatoorana orurembo oru nk'orwo orwaherize kutunga ebintu by'omwoyo ahabw'obusingye bwa kana n'ahabw'ediini yaarwo. Ediini nkuru ya Suatira ekaba eri okuramya Apollo Tyrimnaios owaabaire ayegaitsire n'ekibiina ky'ediini y'ekikwangara ekyabaire nikiramya omugabe. Apollo akaba ari ruhanga w'eizooba, kandi owa kabiri mu bushoboorozi ahari ishe, Zeus.

Kishemereire kumanywa kurungi ku eiziina eryo Suatira ririkumanyisa “Omukazi Kutegyeka.”

Kishome omuri... Obusingye bw'Ekanisa ya Suatira.

Saadi.

Saadi rukaba ruri orurembo rukuru orwa Lydia eya ira. Rukaruga omu butegyeki bw'abagabe ba Lydia rwaza omu bw'Abapereesi kandi okuruga omwo rwaza omu bwa Alexanda Rugambwa. Rukanyagwa Antiochus Rugambwa. Abagabe ba Perugamo bwanyima baakuratiraho omu kutegyeka okuhitsya obu Abarooma baakwatsire obugabe. Omu bwire bwa Tiberio rukahindurwa amatongo ahabw'emitsitsa n'endwara ezirikurahuka kujanjaara kandi zikaita munonga omu kaanya kakye. Eriizooba n'omutuumo gw'amatongo kandi tihatwiremu bantu.

Ediini y'orurembo oru ekaba eri endamya etashemeire eya ruhangakazi Cybele. Omutuumo muhango gw'amatongo ga hekalu egyo nigubaasa kureebwa na hati.

Kishome omuri... Obusingye bw'Ekanisa ya Saadi.

Filadelufia.

Filadelufia ekaba eri mailo makumi mushanju na itaano obukiizi-bwa-buryo bw'oburugwa-izooba bwa Saadi. Rukaba ruri orurembo rwa kabiri oruhango omuri Lydia. Rukaba rwombekirwe aha bubungo oburengire ahari kamwe omu kyaro ekyabaire nikirangaanwa omu kukora viinyo. Esente z'ebinushu zaarwo zikaba ziriho omutwe gwa ruhanga Bacchus hamwe n'ekishushani kya Baccante (omunyamurwakazi wa Bacchus).

Orurembo oru rukaba ruteerwa emitsitsa buri kaire, beitu obwire obu rwamazire nibwo bwabaire buraingwa munonga omu ndembo mushanju ez'omu kitabo ky'Okushuuruurwa. Omu mazima orurembo oru rukiriho na hati, nirwetwa eiziina ry'Oruturuuki Alasehir, nari Orurembo rwa Ruhanga.

Kishome omuri... Obusingye bw'Ekanisa ya Filadelufia.

Laodikea.

Eiziina, Laodikea, eririkumanyisa, “obugabe bw'abantu” rikaba riri ery'obutoosha kandi rikaba rihairwe endembo zitari zimwe omu kuha ekitiinisa abakazi b'obugabe abaabaire nibeetwa batyo. Orurembo oru rukaba ruri rumwe aha ndembo ezirikukirayo obukuru omu by'obutegyeki kandi nirutunguuka omu by'esente omu ndembo ez'omuri Asia Enkye. Omubaro mwingi gw'ebintu bikaragwa orurembo oru n'abatuuzi baamwo ab'ekitiinisa.

Rukaba ruri ekitebe kikuru ky'eishomero ry'obushaho. Abantu baarwo bakaba nibamanywa munonga omu by'okuteera ebishushani hamwe na za saayansi. Rukaba rukira kwetwa “orurembo rukuru” ahakuba rukaba ruri ekitebe kikuru ky'eishaza ahabw'ezindi ndembo makumi abiri na itaano. Ruhanga w'abapagaani owaabaire naaramibwa okwo akaba ari Zeus. Omu mazima orurembo oru rimwe rukaba nirwetwa Diopolis (Orurembo rwa Zeus) ahabw'okuha ekitiinisa ruhanga waabo. Omu kyasha kya kana orukiiko rukuru rw'ekanisa niyo rwabaire. Emitsitsa ya buri kaire aha muheru ekatuma baarufukamu kyarimwe.

Kishome omuri... Obusingye bwÉkanisa ya Laodikea.

Mbwenu handiika ebi waareeba, ebiriho kandi ebiribaho bwanyima.

Amakuru g'enyonyoozi mushanju ezi waareeba omu mukono Gwangye gwa buryo, kandi n'ebikondo by'etabaaza mushanju eby'ezaabu, ezo nyonyoozi mushanju nibo baamaraika b'ago makanisa mushanju, kandi ebyo bikondo by'etabaaza mushanju nigo makanisa mushanju.

Okushuuruurwa 1:19-20