William Branham.

Tetere jo imisiikini kaileleba aisiiraret naka Aturio nuka Ekanisa, akoto ber eong aitetem ngun nuibusakinit atupit nuda apotu kesipedosi eong adolore toma okiroria luka ikiyakia, ka aojau naka aturio, ka nukabeit da ace nuejaas toma nen.

Elacet loabu Ejakait kejaik eong lo da abu eong kapedoria asekununaa ekiyakia kanuka nginitur erai lopejai toma Kanuiwadikatai Obaibuli. Kotoma abeit epedorio ti anyara nges Engaet loka Ebaibuli. Nges apukokinio na ebe mam Edeke ijulanakin, ido ebe Irotinike da eraasi lumam ijulanakinos kwape Kangesi. Kotoma Iburanian 13:8 ebala, “Erai Yesu Kristo ngopengol bian ka lolo, ido kiton ikar kere.”

Erai nges nata: Edeke lomam ijulanakin ka irotin da lumam ijulanakinos. Ngin nabu Ngesi kiswama KANASODIT ejai do Nges aiyatakinit aiswamaenen aitodol naiswamaere irwan NAKAWASIA. Mam nepecep da aijulakinet ebuni ajaun.

Nat kwana kijeni oni kaitebeikin kotoma Akirot naiwadikat Emoyo Lokalaunan eipone loageunere ekanisa losodit, araibonat logeet, ka eipone da loabu Edeke kitodianaror Elopet kotomakec.

Mam Akirot epedori aijulakin araibo nat aijulakinio naarai erai Akirot Edeke. Yokana 1:1, “Kageunet ajai Akirot, ajai Akirot mama ejai Edeke, korai Akirot Edeke.”

Kwangin, ejautene loka ekanisa koPentekosit ngol nges adoketait. Ngin nges naanyunet. Emamei bobo epitene ece. Mam ace nuebalasi ikesisiak, MAM Edeke ijulakinit eiswamae ngol. Nuabu Edeke kiswama ko Pentekosit ejai Nges aiyatakinit aswam aitodol naegolokinotor aturio nuka ekanisa.

Naka oitabo... Atur naka Ekanisa loka Epeso.

Ikanisan lu ikanykaarei Asia.

Epeso.

Ere loka Epeso kerai ediopet koreria iuni lukepolok ko Asia. Ketapit due anyarit nges ere lokiuniet loka aiyuun naka Ikristayon, Yerusalem losodit, kosodi Antiokia loiyareit. Kerai ere lokebarit noi. Apugan kerai naka Iromayon konye angajep kerai Ayonanin.

Naka oitabo... Atur naka Ekanisa loka Epeso.

Sumuruna.

Etaun loka Sumuruna ejai motimot nyakoi naka Epeso oilet loka Agule naka Sumuruna. Kanuka edoketeke loajok noi kerai ngesi airiamet na ajena naka agwelanar kanuka ikeboro luejukanari akwapin ace. Kerai da ngesi lokeruo noi kanuka isomeronoke luka aitatam ka aiwadik da nuijodoete, amin acoa, ikee, nuka acoa naka etatai, ka aduketa nukajokak.

Akirot Sumuruna apolouke, “adwaris,” naitolomunitai kamaka akirot, myrrh. Myrrh arai loetwasamao aitoonio lukatwak. Kwangin kija oni ka apolousio aarei nuirotakina toma okiror loka atur kana. Kerai atur nakedwar kilelebas ka atwanare.

Naka oitabo... Atur naka Ekanisa loka Sumuruna.

Perugamo.

Perugamam (ekiror lokolosek) ajai toma Mysia kotoma akwap naecokicokete icorin iuni, ediopet kakesi arucokinit nges kede angolol. Etetemitai nges kwape etaun lokejena noi ko Asia. Kerai ngesi etaun loka aisisia lokejaatar da kaibois nakidaret iitabon naatupakinit ya nakejai Alegesanderia kapolou. Konye kerai etaun lokepol adiakar lokeinakina toma otalesia luka adoteu luka amayo naka Aesculapius lokemaete kesi koipone loka emun lokejari lokegolokinitai ka aitanenen da kotoma oyekalu.

Eicolong loka Satan ka Aibois Naiboionono. Kageunet mam Perugamo kerai aibois nakiboionono Satan (kanuekamunitos akiro nuka itunga). Babulon nges due kerai eibugake lokapolon obe ido kotoma aitupuset da. Kerai kotoma otaun loka Babulon ngesi kejai ageunet naka amayo naka Satan.

Naka oitabo... Atur naka Ekanisa loka Perugamo.

Suatira.

Kotoma akiro nukolosek eswamas kerai etaun loka Suatira lomam ajena noi kotoma otaunin kere lukanykaarei luka Apukokinio. Adukokinitai nges oikoruon luka Mysia ka Ionia. Alukunitos nges icorin luepu, konye araasi lueleleba idike. Naetelekarit kajokis kotomake arai ebe ajaatar kede abar naka apeesan nayaunete atukosia nuka ikeswamak amoti, ikemanyimanyak imukulen, ikasonyak, iketuluorok ejese, ikadonyok igoen, ka ace da. Kerai toma otaun lo, nekebunitor Lydia ya, nakegwelanari iboro lumugeik. Kerai ngin akebelokinon nasodit naka Paul ko Bulaya.

Aso akirot nainakini Emoyo eseuni etaun lo kwape lo ajaatar kede iboro lukemoyo lukebeitos atur nakiwongonet kerai kanuka ekedini. Edini loapol loka Suatira kerai amayo naka Apollo Tyrimnaios nemorikikitai kede etal loka aima ekabaka. Kerai Apollo edeke loka akolong, ido nges loatupakinit papake, Zeus: kotoma apedor.

Erai naibusakinit noi ajenun ebe ekiror ngopengol Suatira apolouke, “Aberu Nairumit.”

Naka oitabo... Atur naka Ekanisa loka Suatira.

Sarudio.

Sarudio nges kerai etaun lokapolon loka Lydia kanakolosek. Abu kikopar kamaka akanin nuka ikabakan luaraas Ilydian neejaasi Iperesian kosodi konyet kanen neejai Alexander lokapolon. Abu Antiochus Lokapolon kiruru nges. Apotu do konyet ikabakan luko Perugemo kirumata ayaetait aitodol neekamariata Iromayon. Kotama apak naka Tiberius apotu amaranuneta nuka akwap ka atular kiduposi nges eraun ameje. Lolo erai etut loka amejeik ido emamete itunga kotoma.

Edini loka etaun kalo kerai aima naamam alai naka adeke Cybele. Atukono nutiok nuketiyaunor eyekalu eroko etakanete.

Naka oitabo... Atur naka Ekanisa loka Sarudio.

Piladelupia.

Ajai Piladelupia amairon akaisakanykaarei kalukany engalakimak nako kide naka Sarudio. Kerai etaun lokiyareit kapolou kotoma Lydia. Adukokinitai oukon luepu kotoma obuku loajena kanu akoru ebino. Toma osiriginike enomakinitai akou naka Bacchus ka aput naka Baccante (asasedoti naka Bacchus).

Abu etaun lo kongirionok ican iuka amaran naka akwap naatapit, konye ca apak naabu ngesi kodau arai na aoj adepar itaunin luce kalukanykaarei lukotoma Apukokinio. Kotoma abeit eroko etaun lo ejai konyaritete kekiror lo Turkish loebakai Alasehir, apolouke etaun loka Edeke.

Naka oitabo... Atur naka Ekanisa loka Piladelupia.

Laodikia.

Ekiror ngol Laodikia, loerai apolouke, “apedorosio nuka itunga” kerai lokidila ido kemaanakinitai itaunin luepu kanuka aitopolooritor angor nuaraas nuka ekabakane nuanyaritai kwangin. Kotoma akiro nuekamunitos apugan kerai etaun lo ediopet kaluapolok kosodi kotoma agwelanar kerai ngesi ediopet kotaunin luakeriaaka ko Asia Minor. Abar naapol noi nges apotu iurian lukotaun kangol luajenas koinanakis etaun kapak naka atwanarekec.

Kerai aiboisit naka esomero loapol noi lokisisiaet nuka amukian. Itungake araasi luajenas kanuka nuitetemonoro ka esayans. Atapit duc anyarit nges 'eibuga' naarai kerai ngesi aibois naepugatere itaunin ice akaisaare ka lukany. Edeke loka ikapirin loamayo kangina nges Zeus. Kaitebeikin anyaritere ber sek etaun lopelo irwan ace Diapolis (Etaun loa Zeus) kanu aitopolooritor ekecedeke. Kotoma okar luakwatat nakiwongonet itolositere airiamun naka ekanisa kangina. Aituputupa naka amaran naka akwap abu kidupo ejalio do nges cut.

Naka oitabo... Atur naka Ekanisa loka Laodikia.

Aso kiwadik nuiany, nuejaas ka nuejaunete da akaulo kangun.

Aiyeiyea naka aacer akanykaarei nuiany kakaniKa nakoteten ka ipirin lukatalai ikanykaarei luka esabu. Aacer ngun akanykaarei kes imalaikan luka ikanisan ikanykaarei, ka ipirin da lukatalai ikanykaarei kes ikanisan ikanykaarei.

Apukokinio 1:19-20