William Branham.

Kotere imisiikini iyong ejok Eemut ngolo a ngaturio a ngikanisae acamit ayong akitacaun ngirotin ngulu alalak ngulu apotu ekengarakis ayong ariamun ngirorwa a ngikiakitono, aoyiau ngina kebu nginaturi yaik, ka ngace dang nguna erucokina ka ngun.

Elacet ngolo abu Ekapolon akainaki ayong ngolo abu ekengarak ayong ayenun ekiakitono ngolo a nginaturi erai ngolo iriamara ka ngakigiret. Acepaki ebeit inges enyarao ebe, amoru ngina erai atoto ngina ke Ebaibul. Erai apukokino nata ebe emam nyiloconokin Akuj, ka ebe ngirotin keng dang emam nyiloconokin ikwanginapei nyiloconokinoe inges dang. Alotoma Ngiburanian 13:8 ebala ebe, “Erai Yesu Kristo ngolopeigol, bien ka nakuwuarina ka ngikaru daadang.”

Ikes nugu ne: Akuj ngina nyiloconokin ka ngirotin keng dang ngulu nyiloconokinosi. Nguna abu inges kitiyia EKINGAREN ebeit inges aropar itiyae ngun akitodol ngina itiyiakinia ngun arwait ngina ka AKAU. Emam akilocokinet eyiakaun.

Tokona ikiyeni iwon alotoma Akirot ngina abu Ekuwuam ngolo Akuangan kigirite epite ngolo esiakinor ekanisa ngolo esiaunan ka epite ngolo abunio Akuj kitodiaror alotoma keng.

Nyiloconokin Akirot kori dang nyiloconokin anerai erai Akirot Akuj. Yokana 1:1, “Anakisiaun ayiai Akirot, ayiai Akirot kaapei ka Akuj, Akirot arai Akuj.”

Enguna, epite ngolo ayiakar ekanisa alo Pentekost inges erai akipimet. Engol epikica. Mam nabo ece pikica. Nyemitakinitae nguna ebasi ngikasiomitok, EMAM nyilocokino Akuj epikica ngol. Nguna abu Akuj kitiyia alo Pentekost eropari Inges itiyiae ngun akitodol ngina egolokinotor nganyameta angikanisai daadang.

Tosiomete akirot... Anyamet Ngina a Epeso.

Angakanikaarei nguna Ekanisa nguna Asia.

Epeso.

Arai etaun ngolo a Epeso epei alokiding ngitaunio ngiuni ngulu apolok alo Asia. Anaitai jui-jui anyarit inges etaun ngolo a ngiuni ngolo ka akiyiun a Ngikiristo, toyiai Yerusalem ingarenikinit, ka totupaki Antiok ngolo arai ngolo a ngiarei. Arai inges etaun ngolo abarit noi. Torai apukan ngina ayiai nen ngina a Ngiromayon, ido torai angajep Ngagirik.

Tosiomete akirot... Anyamet Ngina a Epeso.

Sumuruna.

Etaun ngolo a sumuruna logo, ayiai anenipei alokuju Epeso, nakituk ngina ka anam a Sumuruna. Anguna ajokiata ngikipetetio keng ikotere ngatubae, abu inges torau Esenta ngolo apolon ngolo ka amucuruso ngolo ayienen anguna a ngiboro a ngulu agielanario ka ngulu ewokeneneo dang a nen. Ayiakatar inges tar ngisukulo ngulu ajokak, ayiakatar akisiom dang ngina enyaritae (philosophy) ngina ka ayenun eyiakaunitene ka Akuj, esukul a ngidakitaria, esukul ngolo ka akisiom aosou, ka toyiakatar ngaduketa nguna ajokak noi.

Apolou ka akirot, Sumurna “adwaris,” elemunitai anakirot angina enyaritai, myrrh. Arai (eminai ngolo auron) Myrrh ibore ngini eosere ngikatwak, (ikotere iboyete akaoyian nyebosa.) Angun, ikiyiakatar iwon apolou a ngirorwa a ngiarei lokiro ka anyamet a na. Arai inges anyamet ngina ka adwaris ka torai ngina eleleba atwanare.

Tosiomete akirot... Anyamet Ngina a Sumuruna.

Perigamo.

Perigamo (ekiro ngolo ngorot) ayiai inges nakwap ngina a Misia. Nakibois ngina aleleata ngangololin ngauni, nguna arucokinito inges nanam. Etamio inges erai etaun ngolo ayiakasi ngiboro ngulu alalak alotoma Asia. Arai inges etaun ngolo ayiakatar ngitalesio keng ka nabo dang toyiakatar eleburari (akai ngina ingadakinitae ngikitaboi ngulu eswomio) arai eleburari keng atupit ngolo ayiai Alekesenda. Ido torai etaun ngolo ayiakatar asecit ngina apolon, ainakina ikes ka acamakinet angina atubunioto alansis ngina kilipet aeskelopas, ngolo elipio erai emun ngolo ayiari ngolo nai adukokinitae etempul ka kitanetei dang a nen.

Ekicolong a Satan ka Akibois Keng. Pa arai sek Perigamo akibois ngina esiakini Satan (ikwapei eyiakar epitene ngolo a etunganane) akiboyoo. Babilon inges akibois ngina eboyoo Satan kire ka neni asipor inges. Erai alotoma etaun ngolo apolon ngolo a Babilon lo inges ageunia akilip ngina elipere Satan.

Tosiomete akirot... Anyamet Ngina a Perigamo.

Tyatira.

Alotooma nguna akolong, Arae Tyatira etaun ngolo pa ayenen nooi alotoma ngitaunio ngikan-karei daadang ngulu ka Apukokino. Ayayi inges kiding Misia ka Ionia. Erikaunito inges ngangololin nguna alalak, nguna eleleba ngidike. Ibore ngini ayiakatar inges nooi arai inges etaun ngolo ayiakatar ajako ngina a ngisilinga anguna ka akimorikina angikagelanarak a ngulu ayeete elupe, ngikadonyok ngilowi, ngikadonyok ngiboroboroi, ngikepurak ngilowi, ngiketiyiak a ngilowi, ka ngice dang. Erai alotoma etaun lo abunitor Lidia, akagielanaran ngilowi. Arai inges akisiyiuna a Paulo ngina esiaunan anakwap a ngina Yurup.

Tokona apolou ngina abunio Ekuwam ngolo Akuangan toseunia etaun lo inges na ebe, ayiakatar inges ngiboroboroi ngulu awoikinito a Lokuwam anyamet ngina a ngaomwon ikwa epite ngolo ke edin keng. Edin ngolo a Tyatira ngolo apolon arai akilip, Apollo Tarinamois, ngolo amorikina ka akilip ngina aronon ngina a ekabaka. Arai Apollo akuj ngina erai akolong, ido torai inges atupit Papa keng Seus anapedor.

Erai dang ibore ngini epolo ayenun ebe ekiro ngolo a Tyatira lo erai apolou keng atemar, “Aberu ngina arwon.”

Tosiomete akirot... Anyamet Ngina a Tyatira.

Sarudio.

Arai Sarudio etaun ngolo apolon ngolo a Lidia a ngolo ngorot a ye. Anyouni akwap ngin anakan a ngikepukak a Lidia paka tar neni a ngitunga a Pasia ido nabo neni ka Alekisanda ngolo apolon. Abu antokas ngolo apolon kilutinga. Apotu ngikabakae ngulu a Perugamo kilunyokin arikit paka ngina ekamariata Ngiromayon inges. Anapakio a Tiberias aponi toesikinae inges a nguna ka amaran ka akwap ka ngakisicaneta ngunace dang. Tokona erai inges atukot a ngakapongor ido emam itunganan iboi anen.

Arai edin ngolo a etaun alo akukonokin akuj ngina-beru ngina anyaritai Saibele. Eringa ngakapongor a eyekalu etakanete jik.

Tosiomete akirot... Anyamet Ngina a Sarudio.

Piladelipia.

Arae piladelipia ngamaire ngatomonikanikaarei ka ngakan kwap kide ngina a Sarudio. Arae inges ngolo angiarei alotooma alalau alotooma akwap ngina a Lidia. Arae inges ngolo adukitoe tooma lokamukumukui ngulu alalak alotooma ebuku ngolo ayenen alotooma akitare epiini. Ngimagilie (ngisilinga keng ngulu suwa) keng arae ngulu ayakatar akou ngina ka Bacus ka etorube ngolo ka a Baccanate (asasodoti ngina a Bacus).

Arae etau ngolo ecanit amaran ngina ka akwap, tarae nabo inges ngolo eyaiti apak ngina awoyan alotooma ngitaunio ngulu kanikaarei alotooma apukokino. Nguna akire eroko etaun ngolo eyayi kwap turukis ekiro ngolo ka Alaseir, kori etaun ngolo ka Akuj.

Tosiomete akirot... Anyamet Ngina a Piladelipia.

Laodekia.

Ekiro ebe Laodekia lo erai apolou keng, “Ngapedorosio a ngitunga” Arai inges ekiro ngolo engenyuna ngolo alimokinitae ngitaunio ngulu alalak; anguna ka akeraritor ngaberu nguna ka ateker angina ka akabanut nguna amaikinitae ngirorwa kec. Arai etaun lo ngolo apol noi alopite a ekipukae keng ka torai dang etaun ngolo eyikatar ajako noi alokiding ngitaunio ngulu ayiakasi Asia Maina. Apotu ngitunga ngulu ainakina ngulu a etaun alo yaut ngiboro ngulu alalak lotaun lo.

Arai inges akibois ngina ayiai esukul ngolo apolon ngolo a ngidakitarin. Arai ngitunga keng ngulu ayenen alotoma ngiboro ngulu etiyiaununuyete ikes ka toyiakatar dang aosou ngina a sayanis. Anyarito ngulu a kolong inges ebe, “Meteropolis” anguna arakar inges etaun ngolo apolokinit ngitaunio ngice ngulu adolito ngatomoniarei- ka-ngikan. akuj ngina kapirit ngina elipio a nen, arai Seus. Nguna a kire anyaritae nabo etaun lo ebe, Dayopolis (Etaun ngolo a Seus) anguna ka akitopolooritor akuj kec. Alotooma apaki ngina a ngikaru a ngamiae a ngaomwon abu akiriamun ngina apolon ngina a ekansol a ekanisa toyiakaun nen. Abu nai amaran ngina ka akwap ngina erucuna lotaun lo inaki ngitunga eisikinete inges jik.

Tosiomete akirot... Anyamet Ngina a Laodekia.

Write the things which thou hast seen, and the things which are, and the things which shall be hereafter;

The mystery of the seven stars which thou sawest in my right hand, and the seven golden candlesticks. The seven stars are the angels of the seven churches: and the seven candlesticks which thou sawest are the seven churches.

Revelation 1:19-20