Okutwarwa.

<< prev

next >>

  Ekigambo ekihuriire.

Okutwarwa.


William Branham.

Read the full account in...
Okutwarwa.

Zaaburi 27:4-5,
4 Ekigambo eki nshabire MUKAMAni kimwe, kandi nikyo ndiguma ninsherura; nikwo kuguma omu nju ya MUKAMA ebiro byona eby'amagara gangye, okureeba oburungi bwa MUKAMA, n'okwehanuuza omuri hekalu ye.
5 Ahakuba aha izooba ry'okureeberaho enaku aryandindira omu mubonano omu kibanda kye, omu bweshereko bw'eihema rye nimwo arinshereka, akanyimutsya, akanyemereza aha rukiri.

Hati, Ruhanga aine omuringo ogu akoreramu ebintu. Kandi tahindura aha ntwaza Ye. Tahindura entwa-... Ye. Ni Ruhanga otahinduka. Omu kitabo kya Amosi 3:7, Akagira ati, “Tarikora kintu kyona omu nsi Atabandize kukishuuruurira bairu Be baanabi.” Kandi buzima nk'oku Yaakiraganiise, Aryakikora.

76 Hati, turabire omu busingye bw'ekanisa. Kwonka turaganisiibwe omu biro by'ahamuheru, okurugiirira ahari Malaki 4, ngu haryabaho okugaruka, kwa nabi omu nsi. Ago n'amazima. Yetegyereze obuhangwa bwe, oku arikwija kuba ari. Obutoosha A... Ruhanga akoresa ogwo mwoyo emirundi etaano: rimwe omuri Eliya; omuri Elisa; omuri Yohaana Omubatizi; kweta Ekanisa kurugayo; n'Abayudaaya abatsigaireho. Emirundi etaano, “embabazi,” Y-e-s-u, o-k-w-i-k-i-r-i-z-a, kandi n'enamba y'embabazi. Mwareeba? Kare.

77 Hati, mwijukye, Obutumwa obu buraganisiibwe. Kandi obu ekibiina ky'ababuurizi abatendekirwe kyajwangiirekimweenaama ezi zoona hamwe batyo, nikiija kwetaagisa nabi o-orugiire kimwe ahari Ruhanga Kuzishuuruura. Kandi ekyo buzima nikyo Yaaraganiise kukora. Mwareeba? Hati, mwijukye, “Ekigambo kya Mukama kiija ahari nabi,” ti ha muntu otendekirwe eby'ediini. Nabi, n'orikworeka Ekigambo kya Ruhanga. Tarikubaasa kugamba ekintu kyona; tarikubaasa kugamba ebiteekateeko bye. Naabaasa kugamba ebi Ruhanga ashuurwire byonka. Nangwa nanabi Balamu obu yaagyezaho kuguzibwa, kuguza obugabe bwe, akagira ati, “Nabi weena naabaasa ata kugamba ekintu kyona kitari eki Ruhanga arikuba ataire omu kanwa ke?” N'ekintu eki Ruhanga akora, eki otaine eky'okukigambaho ekindi. Kandi nikwo orikuzaarwa otyo. Nk'oku otarikubaasa ku...

78 Ku waakugira oti, “Ti-ti-tindikubaasa kubuuruura amaisho gangye,” kunu orikureeba. Waareeba? Tokaakikora. Tokaakwata aha mukono gwawe, kunu orikubaasa. Waareeba? Tokaabaasa kuba embwa kunu ori omuntu. Waareeba? Nikwo ohangirwe otyo. Kandi Ruhanga nawe, nikwo atwire, omu busingye bwona, kurabira omuri Isaaya, Yeremia na boona, Eliya,omu busingye obwahingwire. Ekibiina ky'abanyadiini abatendekirwe kukyabaire kijwangirana ebintu byona, Ruhanga akaba ayohereza nabi, amwiha ahantu aharikugaywa.Akaba ataba memba w'embeera zaabo zoona,kandi agamba Ekigambo Kye.Akaba ayetwa arugaho, ayegyendera, omushaija empwa-bwoba w'Amazima ga Ruhanga. Kandi okwo nikwo waabaire omumanya obutoosha. Akagira ati, “Omuriimwe ku haraabe harimu ow'omwoyo nari nabi...”

79 Hati, baanabi. Hariho ekintu “nk'ekiconco ky'obunabi” omu Kanisa; kwonka nabi amanywa ira atakabaireho kandi atooranwa ahabw'obwire obwo. Mwareeba? Eego, sebo. Hati, obunabi kubuheebwa, babiri nari bashatu nibateekwa kushutama babushwijume yaaba buhikire nari butahikire, batakabugambiire ekanisa. Kwonka tihariho n'omwe owaabaire ashwijuma nabi, 'habw'okuba akaba ari-akaba ari Ekigambo kya Ruhanga buzima. Akaba ari ekyo Kigambo omu bwire bwe. Okaba oreeba Ruhanga naayeyoreka. Hati, Ruhanga akaraganisa okugaruka akamutwoherereza omu biro by'ahamuheru, kwiha Omugore omu muzambaaro gw'ediini, nigwo muringo gwonka ogu kirikubaasa kukorwamu.

80 Tikirikorwa; ekanisa tekaabaasa kwakiira Kristo. Itwe, Abapentekoote, titurikubaasa kutwara Obutumwa obu omu maisho omu mbeera ei ekanisa erimu ebiro ebi. Nituza kutwara tuta obwire bw'ahamuheru omu mbeera ei barimu eriizooba,kunu buri omwe naahakanisa ondiijo, n'ebindi byona, kandi omu buryo bw'ediini? Oo, embabazi! N'omuzambaaro. Baaherize kutaaha omu bigombe by'amadiini. Kandi obwire bwona... Ninshaba hagire ow'ebyafaayo weena owa-owa-owaakihakanisa. Buri kaire ku obutumwa bwabaire burangwa omu nsi, kandi ku baabaire babukoramu ekibiina ky'ediini, bukaba bufeera aho. Kandi Abapentekoote bakakora ekintu nikyo kimwe eki abo boona baakozire,abo Bapentekoote abaarugiremu.

81 Imwe, aba Assemblies of God, obu baashona baanyoko baruga omuri ebyo bigombe by'amadiini enyima okwo, omuri orwo Rukiiko Rukuru orwa ira, nibateera akaari nibahimbisa Ruhanga, kandi bakahakanisa ebintu ebyo. Kwonka imwe mukahinduka, “nk'oku embwa egarukira ebitanaki byayo, n'empunu omu shaabo yaayo,” mwakora ekintu ekirikushushana n'eki baakozire. Mbwenu hati muri abanyadiini munonga, mukingire omutima gwanyu gw'esaasi. Nooteekwa kubanza waatunga kaada y'okukwatanisa omuntu atakakwataniise naimwe, haihi. Imwe, ab'obumwe, Ruhanga akabaha obutumwa nk'obwo, kwonka omu mwanya gw'okugumizamu, mukagumizamu kwecureeza kandi mukagyenda omumaisho, kikabeetaagisa kworobyamu kandi ekibiina kyanyu mwakihindura ekibiina ky'ediini. Mbwenu mwena muri nkahi? Omu baketi niyo emwe. Ago n'amazima. Kwonka Omwoyo wa Ruhanga, naagyenda omumaisho. “Nyowe Mukama Nkagubyara. Ndyaguma ngushukyeere amaizi, nyomushana na nyekiro. Ngu hatagira owa...” Akaragiira ebintu ebi ngu bibeho, mbwenu Naateekwa kwoheereza Eki.

82 Ekintu ky'okubanza kubaho, ku Araatandikye kushuuma naaruga omu Iguru, nihabaho okugamba munonga. Ekyo niki? N'Obutumwa, bw'okuteeranira abantu hamwe. Obutumwa nibubanza kugambwa. Hati, n'obwire bw'okushemeza etabaaza, “Mwimukye mushemeze etabaaza zaanyu.” Obwo ni bunaku ki bw'abarinzi? Obwa mushanju, t'obwa mukaaga. Obwa mushanju, “Reeba kishwera yaija. Mwimukye mushemeze etabaaza zaanyu.” Kandi bakakikora. Bamwe omuribo bakashanga bataine Majuta goona omu tabaaza zaabo. Mwareeba? Kwonka n'obwire bw'okushemeza etabaaza. N'obwire bwa Malaki 4. Eki Yaarag-... Ni Luka 17. Ni-ni Isa-... Obunabi Obwo bwona kugira ngu Bubaase kuta omu buteeka obuhikiire kimwe ahabw'obwire obu, omu Byahandiikirwe, nitubureeba ahoburi obuhuriire. Tihariho...

83 Nooreeba ebintu ebi nibibaho, ow'eishe-emwe mugyenzi wangye omukundwa, ow'eishe-emwekazi.Kandi, Ruhanga omu Iguru naamanya ngu nkaafeera aha kituuti aha hati hati. O-oshemereire kugyendagyendamu akaire kakye. Ni... Ni kikuru munonga, ku orikureeba Ruhanga naashuuma naaruga omu Iguru, naayemerera omu maisho g'ebibiina by'abantu, akeemerera aho, Naayemanyisa nk'oku Atuura naakora. Kandi ago n'Amazima, na Baiburi egi ebiikwirwe. Nimureeba? Kihikire. Turi hanu. Enkora y'ebigombe by'amadiini efiire. Ehweire. Terigaruka kwimuka na kakye. Eryayokibwa. Ekyo nikyo okorera ebishushu omu musiri. Kihungye. Taaha omuri Kristo. Otagira oti, “Ndi Omumetsodisiti. Ndi Omubaputisiti. Ndi Omupentekoote.” Iwe taaha omuri Kristo. Ku oraabe ori omuri Kristo, tihariho Kigambo na kimwe ekihandiikirwe Hanu eki Otarikwikiriza. Tindikufayo eki ondiijo muntu weena yaagambire. Reero Ruhanga atuma ekintu ekyo kyabaho. Habw'okuba, iwe, ku Ashuka Omwoyo aha Kigambo, ekibaho niki?Nk'okushuka amaizi aha mbibo endiijo yoona. Nikiba ekihuriire, kandi Kizaara omu muringo Gwakyo.

84 Noogira oti, “Nkabatizibwa n'Omwoyo Orikwera.” Ekyo tikirikumanyisa ngu ojunirwe, bitaaniire kimwe. Reeba hanu, ori omuntu w'enyabushatu. Nikwo ori. Omunda y'omuntu mukye ogu harimu amagara, ekirikukurataho n'omwoyo, kandi ekindi n'omubiri. Hati, oine ebihurikizo bitaano omu mubiri ogu, kukoragana n'eka yaawe y'omu nsi. Tibirikukoragana n'ebindi byona. Oine ebihurikizo bitaano by'omwoyo, hanu: okukunda n'eiraka ry'omunda, hamwe n'ebindi byona nk'ebyo. Kwonka omunda hanu nihoorikutuura. Ekyo nikyo ori. Yesu taragizire ngu, “Enjura egwa aha bahikiriire n'abatahikiriire”? [Abateeraine baagira bati, “Amiina.”- Omur.] Ta akakurura aheeru hanu, n'engano aheeru hari, haza obishukyeere amaizi, kandi ogume noobitaho orwezo n'ebintu nk'ebyo, byombi tibirikubaisibwaho amaizi gamwe? [“Amiina.”] Buzima. Mpaho, kwonka niki? Kimwe omuribyo nikiza kuzaara akakurura, 'hakuba nikyo kyonka eki kari. Akakurura nikaimutsya emikono yaako kateere akaari nk'engano.

85 Baiburi terikugira ngu, “Omu biro by'aha muheru, haryaija Baakristo b'ebishuba”? [Abateeraine baagira bati, “Amiina.”-Omur.] Ti “Yesu w'ebishuba,”hati. “Baakristo b'ebishuba,” abashukirweho amajuta, abashukirweho amajuta omu buryo bw'ebishuba aha Kigambo; abashukirweho amajuta g'ebigombe by'amadiini, kwonka atari omu Kigambo. Ahakuba Ekigambo Nikyehamya Kyo kyonka.Tikirikwetenga ekindi kyona. Nikyehamya Kyo kyonka. “Kandi haryaija abashukirweho amajuta b'ebishuba.” Mwine orutambi rw'amaraka rwangye ahari ekyo. Kandi abo abashu-... Oo, ku waakweta omwe omuribo, okamubuuza oti, “Oo, iwe, ori Yesu?” “Oo, buzima tindiwe.” Ekyo tibarikubaasa kukiikiriza. Beitu ku kirikuhika ahari “Oo, ekitiinisa!Nshukirweho!” Kandi n'okushukwaho kw'amazima. Mwijukye, Kayaafaakaba Akwine, nawe, kandi yaaragura. Na Balamu Akaba Akwine, kandi yaaragura. Kwonka ekyo tikiine kakwate n'ogu, ow'omunda. Ogwo muntu w'omunda ku araabe yaabaire atari mbibo ya Ruhanga, akarondo kw'okwijukuruza Ke kuruga omu kutandika, yaamanyirwe ira atakabaireho, ohweire.Tindikufayo oku orikuteera akaari munonga, okagamba endimi, okairuka, okateera akaari. Ekyo tikiine kakwate nakyo. Akakurura nikabaasa kureebeka nk'ebindi byona. Ndeebire abakaafiiri nibaimuka, bakateera akaari, bakagamba omu ndimi, kandi-kandi bakanywera eshagama omu mpanga y'omuntu, bakatakira Sitaane.Mwareeba?N'ahabw'ekyo tori... Eby'okucamukirira ebyo byona n'ebindi, byebwe. N'omutima gwawe omuri ekyo Kigambo, kandi ogwo ni Kristo. Kitaasyemu, reero Okireebe Nikyeyoreka Kyo kyonka, Kyaba nikishuuruurwa nk'endiijo mbibo yoona, kandi Kikeemanyisa Kyo kyonka omu busingye obu Kirimu.

86 Luteeri akaba atarikubaasa kureeta ekindi kyona kureka akataagi kato. Abandi aba bakaba nibabaasa kureeta ebindi ebi. Hati turi omu busingye bw'engano. Abaaluteeri b'amazima Baaluteeri bakaba nibateekwa kuzaara Luteeri w'amazima.Omupentekoote w'amazima akaba naateekwa kuzaara pentekoote y'amazima. Nikyo ekyo kyonka. Kwonka tuhingwire obwire obwo, kandi nitugyenda omumaisho. Ebyomubaire nimumanyangu, ekanisa Enkatorika, ekatandika eri ey'abapentekoote? Kandi ekanisa y'Abapentekoote ku yaakugumaho emyaka enkumi ibiri, ekaaba mu mbeera mbi munonga okukira oku ey'Abakatoriki eri hati. Buzima kwo. Ekyo ninkigambira ab'eishe-emwe bagyenzi bangye, ab'eishe-emwekazi bagyenzi bangye, abu ndikukunda. Kandi ekyo Ruhanga naakimanya. Kwonka mwijukye, banywani, ninteekwa kubabuganaseeri okwo aha kiro ky'Orubanja. Kandi ekyo nikibaasa kutatwarabwire buraingwa munonga. Ninteekwa kuhamya ago Mazima.

87 Ku naagiire omu nteerane naimwe, ninshabira abarwaire, kikaba kiri kirungi. Kwonka, ku naizire n'Obutumwa! Obutumwa bwona ku bubuurirwa, n'Obutumwa bw'amazima... Ku birikuba biri eby'amahanoby'amazima ebihikire bya Ruhanga, kandi omuntu ogwo akaguma omu kigombe ky'ediini ekyo, obwo omanye ngu ti bya Ruhanga, 'habw'okuba ekintu ekyo kikarangwa kare. Yesu akagyenda naakiza abarwaire, kugira ngu baije kureeba, abo bantu, bwanyima yaareeta Obutumwa Bwe. Ekyo kihikire. Nihateekwa kubaho ekintu eki Ruhanga arikuza kureeta. Na... Okutamba kwa Ruhanga, eby'amahano Bye batyo, kugira ngu abantu bamureebe kwonka. Ekikuru munonga Kyabyo n'Obutumwa. Nikyo ekyo, ekyo ekirikuruga omunda hanu. Naagyezaho kukundwa abantu, kugira ngu bashutame Bamuhurikize, mwareeba, ahakuba omwo harimu bamwe abaatooraniirwe Amagara. Enjuma zimwe, z'engano zikagwa aha itaka, enyonyi zaazitorotoora. Ezindi zaagwa omu mahwa. Kandi ezindi zikaba, zikagwa omu itaka eritebeekanisiibwe, eitaka eryabandize ryatebeekanisibwa, kandi zaayera.

88 Hati, ekintu ky'okubanza, n'okugamba. Ekintu ky'okubanza n'enzamba hamwe n'e... nimmanyisa eiraka... Okugamba munonga; bwanyima eiraka; reero hakurateho enzamba. Okugamba munonga: entumwa erikutebeekanisa abantu. Ekya kabiri n'eiraka ry'okuzooka: eiraka niryo rimwe riri, eryo Iraka rihango ry'omuri Yohaana Orikwera 11:38-44, eryayetsire Lazaaro kuruga omu kituuro. Okuteeranira hamwe Omugore; reero hakurateho okuzooka kw'abafu, mwareeba; abonekutwarwa Nabo. Hati mureebe ebyo bintu bishatu ebirikubaho. Ekirikukurataho niki? N'enzamba. Eiraka... Okugamba munonga; eiraka; enzamba.

89 Hati, ekintu kya kashatu, n'enzamba, ei buriijo, aha bugyenyi bw'enzamba, eyeta abantu aha bugyenyi. Kandi ekyo kiryaba ahari Kyakiro y'Omugore, Kyakiro y'Omwana gw'Entaama hamwe n'Omugore, omu kaabunga. Mwareeba? Ekintu ky'okubanza kubaho n'Obutumwa Bwe, oburikweta Omugore kuteeranira hamwe. Ekirikukurataho n'okuzooka kw'Omugore ogwejegyeire; a-aboabaafiire kare omu bundi busingye, nibatwarwa hamwe. Kandi enzamba, Obugyenyi omu mwanya, omu kaabunga. Ahabw'enki, ekyo nikyo kintu ekirikubaho, banywani. Aho twaherize kuhikaho, tweteekateekire hati. Ekintu kyonka, Ekanisa yaaba neerugayo neeteekwa kuguma omumaisho g'Omwana kugira ngu ekure. Ekyoma ky'amaani ekirikugyesha nikiza kwija, ahanyima y'akaanya kakye. Engano niziija kwokibwa, emishengye,kwonka enjuma niziija kuhunikwa omu kitara Kyazo. Mwareeba?

Read the full account in...
Okutwarwa.


Melekizedeki Ogu N’oha?

English Newsletter Site.

Ekitabo
ky'Okushuuruurwa.

Rushozi Sinai. Meriba.
- Archaeology.

Okutwarwa.

Engiri ya Yesu Kristo.
Kristo akafa
ahabw'ebibi byaitu.

Mweteise,
mwena mubatizibwe...

 

Kicu.

Nyomyo y'omuriro.

Ekyo kiro ahari
Gologosa.

Ekigambo ekihuriire.

 

Bwire bw'emperu.
Obushwere n’Okushenda.
Kibanja kya Edeni.
Bikaba bitari
bijuma bya apo.

Obwaruhanga obwa
Yesu Kristo.

Acts of the Prophet.

(English)

Archaeology.
Sodoma na Gomora.

Obumanyiso Mushanju.

Emibonano ya
Babulooni.

Akamanyiso.

Runyakitara Obutumwa.

  Baiburi neegira ngu...

Ahakuba Mukama aryayeimukira ashuume naaruga omu iguru agambe munonga n'eiraka rya maraika omukuru n'enzamba ya Ruhanga; kandi abaafeereire omuri Kristo nibo baribanza kuzooka;

bwanyima naitwe abahuriire abariba bakiriho turyatwarwa nabo omu bicu kubugana Mukama waitu omu kaabunga; tutyo tugume na Mukama ebiro byona.

N'ahabw'ekyo muhuumurizane n'ebigambo ebyo.

1 Abatesalonika 4:16-18


Click on an image to download PDFs or fullsize picture.


Acts of the Prophet

(PDF English)

Meriba.

Before...

After...

Ebyafaayo
By’Amagara Gangye.

(PDF)

Oku Maraika Yaizire
Ahariinye,...
(PDF)

Pearry Green personal
testimony.

(PDF English)

Obushwere N’Okushenda
(PDF)


Message Hub...Choose your Language and download Free Messages from Brother Branham