Akamanyiso.

William Branham.

Read the full account in... Akamanyiso.

Okuruga 12:12-13.
12. ahakuba ekyo kiro ndyaraba omu nsi ya Misri, nyite emijigaijo yoona ey'omuri egyo nsi, ey'abantu n'ey'amatungo; na baaruhanga boona aba Misri mpikiirize orubanja oru mbacwereire; Nyowe MUKAMA.
13. Egyo shagama eryaba akamanyiso ahariimwe, akatairwe aha maju agu murimu; naanye ku ndireeba egyo shagama, ndyabahinguraho: ku nditeera ensi ya Misri, imwe timurihikwaho rufu rwona kubacwekyereza.

Hati, eky'okubanza, akamanyiso niki? N'ekigambo ekiitwe abantu abarikugamba Orungyereza tukira kukozesa, okukira munonga hanuomuri Amerika. Akamanyiso ni... Buzima, kashoboorozi neegira ngu akamanyison'akabonero, n'akabonero k'esente z'orugyendo, omuhendo ogushashwirwe,mwareeba; ngu sente z'o- z'orugyendo, nari omuhendo, omuhendo ogurikwetengwagushashwirwe. Nk'esente z'orugyendo omu gaari y'omwika nari sentez'orugyendo omu baasi. Nootaahamu kandi oshashurira o-orugyendo rwawe, reerobakuha akamanyiso, kandi ako kamanyiso tikarikubaasa kukoresibwa ahandi hoonakureka omuri egyo gaari y'omwika. Kandi n'akamanyiso, aha kitongore ky'egaariy'omwika, ku oshashuriire orugyendo rwawe. N'akamanyiso, kandi torikubaasakukakozesa ahandi hoona. Tikarikubaasa kukora omu kindi kitongore. Nikakora omukitongore ekyo kyonka. Kandi n'a-n'akamanyiso.

Hati hanu, abu turikugambaho, ahu twatandikira, niRuhanga orikugambira Israeli ati, “Egyo shagama y'omwana gw'entaaman'akamanyiso ahariimwe.” Omwana gw'entaama gwa Israeli, ogwaitsirwe, nigwogwabaire guri akamanyiso aku Yehova yaabaire naayetenga. Neeteekwa kubaeshagama. Ruhanga akakora akamanyiso kandi yaakaha Israeli. Kandi tiharihoakamanyiso akandi akaraakore, mwareeba, tikarikubaasa kwemerwa.

Ahari ensi, N'obushema bwonka. Kwonka, ahari Ruhanga, Nigwo muhanda gwonka. Ekintu kyonka eki Arikwetenga n'ako Kamanyiso. Nikateekwakubaho. Kandi torikubaasa kutunga ako Kamanyiso orugyendo rwawerutakashashuriirwe, bwanyima ako Kamanyiso kabe akaawe reero ekyo nikikuhao-orusa rw'okutaahiramu busha. “Ku Ndireeba egyo shagama, Ndyabahinguraho.” Kan'obwire, obwo, ka n'omugisha, okumanya ngu oine Orusa, omuriiwe,rw'okutaahamu. “Ku Ndireeba egyoshagama, Ndyabahinguraho.” Nikyo kintu kyonka eki Araikirize. Tihariho ekindi kintuekirikubaasa kuza omu mwanya Gwako; tihariho eky'okuza omu mwanya gwako,tihariho ekigombe ky'ediini, nari ekintu kyona. Nikyetaagisa Akamanyiso.Ruhanga akagira ati, “Niko konka aku Ndireeba.”

N'obu baabaire bari abahikiriire bata, oku baabairebari barungi, obwegyese bwingi obu baabaire baine, oku baabaire bajwaire, Akamanyiso niko konka akaabaire nikeetengwa. “Ku Ndireeba ako kamanyiso, Ndyabahinguraho.” Eshagama ekaba eri akamanyiso kworeka ngu e-eki Yehovayaabaire naayenda kihikiiriziibwe, ngu kikozirwe. Eshagama ekaba eriho nk'akamanyiso. Eshagama ekaba eri akamanyiso. Mwareeba? Amagara agu...

Ruhanga akaba yaagizire ati, “Eizooba eri muriguryaho,eizooba eryo muryafa.” Kandi hakaba hariho amagara agaahairweyo omu mwanyagw'amagara g'omwikiriza. Ruhanga, omu mbabazi, akaikiriza ekindi kintuahabw'amagara g'omuntu osiisikaire. Omwana We ku yaayesiisire n'ekibi,ky'okutaikiriza Ekigambo, bwanyima Ruhanga, omutungi w'embabazi, yaatahoeky'okuza omu mwanya gwe; kandi, ekyo kikaba kiri ngu, ekintu kikaba nikiteekwakufa omu mwanya gwe. Tihariho ekindi ekyabaire nikibaasa kukora.

Egyo niyo nshonga eyaatumire ebijuma bya apo na peachbya Kaini, n'ebindi, bitaasiimwa. Gakaba nigateekwa kuba amagara agarimueshagama, kandi ago magara garugire omuri ekyo kitambo, reero hati egyo shagamaekaba eri akamanyiso kworeka ngu ekiragiro kya Ruhanga kikaba kyorobeirwe.Hati, Ruhanga akaba naayenda ki? Amagara; kandi eshagama ekaba neeyoreka nguamagara nigateekwa kuba gaheirweyo. N'ahabw'ekyo eshagama ekaba eri akamanyisoakarikworeka ngu amagara gakaba gahairweyo, ngu hariho ekintu ekyabairekifiire, eki Ruhanga yaabaire naayetenga; ngu amagara gakaba gahairweyo, kandin'eshagama ekaba eseesirwe. N'ahabw'ekyo eshagama ekaba eriho nk'akamanyiso,kworeka ngu amagara gakaba garugiremu. Amagara g'enyamaishwa agu Ruhangayaabaire agambire ngu gashemereire kuheebwayo, nigo shagama eyaabaireneejwekyera akamanyiso. Mwareeba?

O-o-omwikiriza oizire kuramya akaba ayeyorekan'ekitambo kye, ahari ako kamanyiso. Tindikwenda kumara obwire buraingwamunonga aha bintu ebi bikye, kwonka, ebi orikubaasa kumara saaviisi yoona aharikimwe ahari ebyo, kwonka niinyenda kwemerera hanu ahabw'akaanya kakye kugambaahari ekyo. O-o- omwikiriza akaba naateekwa kweyoreka n'ekitambo kye. Mwareeba? Ku kiraabe kiri ekitambo kyonka kandi-kandi kihairweyo ahantu nanka aheeruokwo, akaba akihaireyo; kwonka akaba naateekwa kukyeyorekyeramu. Buzima, akabanaateekwa kukitaho engaro ze, okubanza, okweyoreka n'ekitambo kye. Bwanyimaeshagama ekaba eteebwa ahu yaabaire naabaasa kwemerera ahansi y'egyo shagama.Eshagama neeteekwa kuba ahaiguru ye. Kandi ako kakaba kari akamanyiso kworekangu akaba ayeyorekire, asingirwe orubanja, kandi yaayoreka ngu ekitaine rubanjakyaza omu mwanya gwe.

Ka n'ekishushani kirungi! Oo, ogwo ocungwirwe!Mwareeba, obwinganisa bukaba bwahikiirizibwa, kandi n'ekirikwetaagisaobwinganisa oburikwera bwa Ruhanga kikaba kihikiiriziibwe. Kandi Ruhangaakagira ati, “Hati niinyetenga amagara gaawe,” reero, obwo a-a-amagara agogakozire ekibi. Reero ekintu ekitaine rubanja kyaza omu mwanya gwe. Kandi ekabaeri enyamaishwa eine eshagama; kitari kijuma kyaapo, peach. Ekyo buzimakishemereire kutuma buri muntu yaayetegyereza gye oruzaaro rw'enjoka, ngu ekabaeri eshagama. Kandi eshagama egi, eyaabaire etarikubaasa kuruga omu kijuma,ekaruga omu kindi kintu ekitaine rubanja. Kandi amagara ago gakaba garugiremu, nago-nago, omu mwanya gwe, kandi egyo shagama ekaba eri ekirikushushanisaekirikworeka ngu enyamaishwa ekaba efiire kandi n'eshagama erugiremu.

Kandi orikuramya ku yaabaire ayemiisiira eshagama, kikaba kyoreka ngu akaba ayorekirwe omu kucungurwa, ahabw'okuba akabaayeyorekire hamwe n'e... aha kitambo ekyo, ayegaitsire n'ekyo kitambo, kandiegyo shagama ekaba eriho nk'akamanyiso. Ka-ka nikitangaaza! Ka n'ekishushani kirungi! N'ekirikushushanisaKristo ekihikiriire, buzima kwo, omwikiriza eriizooba oyemereire ahansiy'Eshagama eyaaseesirwe, ayorekirwe n'ekyo Kitambo. Kihikiire kimwe nk'okukirikirikubaasa! Kandi n'oku ngu Kristo, etari-etari nyamaishwa... Nimureeba, e-enyamaishwa ekafa, kwonka ekaba e... Ekintu ekitaine rubanja ekirikukirayo eki twine, ninteekateeka, kikaaba, e-enyamaishwa, o-omwana gw'entaama. Ruhanga kuyaayenzire kworeka Yesu Kristo, Akamworeka nk'Omwana gw'entaama. Kandi kuYaayenzire Kweyoreka, Akeeyoreka nk'enyonyi, Enkombe. Kandi enkombe niyo nyonyiekirikukirayo kutagira rubanja n'okuba enyonjo munonga omu nyonyi zoona, kandio-omwana gw'entaama nigwo ogurikukirayo kutagira rubanja n'okushemera omunyamaishwa zoona. N'ahabw'ekyo nimureeba ku...

Yesu akabatizibwa Yohaana, kandi Baiburi neegira eti, “Kandi-kandi yaareeba Omwoyo wa Ruhanga, nk'enkombe, Naamushuumaho.” N'ahabw'ekyo kuri gwabaire guri... Kuri gwabaire guri omushega, nari kuriyaabaire eri endiijo nyamaishwa, o-obuhangwa bw'enkombe tibukaabaasizekukwatanisa n'obuhangwa bw'omushega, nari o-obuhangwa bw'enkombe okukwatanisan'endiijo nyamaishwa yoona kureka omwana gw'entaama. Kandi obwo buhangwa bubiribwabugana, obwo nibubaasa kwikirizana.

Hati nimureeba okutooranwa ira omuntu atakabaireho?Gukaba guri omwana gw'entaama obu gwaizireyo. Mwareeba? Mwareeba? E... Gukaba guri omwana gw'entaama ku gwa-gwareetsirwe. Gukaba guri omwanagw'entaama. Gukazaarwa guri omwana gw'entaama. Gwayororwa, omwana gw'entaama. Mwareeba? Kandi, n'ahabw'ekyo, ogwo nigwo Mwoyo gwonkaogw'amazima ogurikubaasa kwakiira Ekigambo, ogurikubaasa kwakiira Kristo. Endiijo yoona neija kugyezaho, bakagyezaho Kukitunga, reero baata Omwoyo waRuhanga aha mushega, mwareeba, ogwine ekiniga, engumya, mubi. Tarikubaasa kugumamu. Omwoyo Orikwera naaguruka ayegyendera ahonaaho. Tarikubaasa kukikora. Kwonka shi egyo Nkombe kuri yaashuumire, reero, omumwanya Gwayo kuba Omwana gw'entaama, hakashangwaho endiijo nyamaishwa?Ekaagurukire ahonaaho eyegarukirayo. Mwareeba? Kwonka ku Yaaboine obwo buhangwaobu Yaabaire neebaasa kukwatanisa nabwo, Bakaba Omwe.

Reero e-e-egyo Nkombe ekeebembera ogwo Mwanagw'entaama, kandi, yetegyereze, Ekeebembera Omwana gw'entaama yaamuhitsya ahakwitwa. Hati, Omwana gw'entaama akoorobera Enkombe. Mwareeba? Ahu YaabaireEmwebembera hoona, Akaba aikiriza kuzayo.

Niinyebuuza, eriizooba, Ruhanga ku arikutwebemberakutuhitsya omu-omu magara g'okweheerayo kimwe n'Okumuheereza, obwo niinyebuuzayaaba emitima yaitu obumwe n'obumwe etarikugoma, kiri nk'okworeka ngu,niinyebuuza turi abaana b'entaama? Mwareeba? Mwareeba? Omwana gw'entaamanigworoba. Omwana gw'entaama gwo gwonka gwehayo kuba ekitambo. Ti-tigu-tigutwara, tigushabisa amaani kwegarurira ebintu byagwo. Noobaasakugubyamisa ahansi kandi ogushareho ebyoya. Ekyo nikyo kintu kyonka eki gwine. Titigugamba kintu kyona; guhayo eki gwine kyona. Ogwo n'omwana gw'entaama.Guhayo byona ahari... guhayo byona, gwo gwonka gwehayo na kyona eki guri. Kandi okwo nikwo Omukristaayo w'amazima ari, kubaraabe... beehayo bo bonka, batarikufayo eby'ensi egi, kandi bahayo byonaebi baine ahari Ruhanga. Mwareeba?

Kandi hati ogu akaba ari Omwana gw'entaama ohikiriire, Kristo nikwo yaabaire ari. Reero okurabira omuri egyo eyaaseesirwe y'omwanagw'entaama ogu, omwana gw'entaama gw'obutoosha omuri Misri, egyo shagamaekateebwaho, reero, ku yaatairweho, yaajwekyera akamanyiso, mbwenu Eshagamay'Omwana gw'entaama ogu ekaba neeza kujwekyera ki? Mwareeba? Akamanyisoakarikworeka ngu tukafa kandi tweyorekire n'Ekitambo kyaitu. Mwareeba? Reero, Omwana gw'entaama hamwe n'e-hamwe n'e-n'egyo Shagama hamwe n'ogwo muntuboorekwa hamwe, Ekitambo hamwe n'omwikiriza. Waareeba, oyorekirwe omu magaragaawe, n'Ekitambo kyawe. Ekyo nikikuhindura eki ori.

N'ahabw'ekyo eshagama ekaba eri akamanyiso, nariekirikworeka. Eshagama ekaba neeyoreka ngu orikuramya akaba aitsire omwanagw'entaama, kandi aikiriize ogwo mwana gw'entaama, reero yaayetaho akokamanyiso, kworeka ngu akaba atarikukwatwa nshoni. Akaba atarikufayooraagireebe. Akaba naayenda ngu omuntu weena agireebe, kandi ekaba eri omumwanya ogu buri muhinguzi yaabaire naabaasa kureeba ako kamanyiso. Nimureeba, abantu baingi nibenda kuba Abakristaayo, kwonka ba-ba-bakunda kukikora bwesherekye kugira ngu ha-hatakaagira owaamanyangu n'Abakristaayo. Nari, abu ba-barikukwatanisa nabo bakagyenda kumwe, bamwebateekateeka ngu, “Mbwenu, hati, reeba, ni-ni-niinyenda kuba Omukristaayo,kwonka tindikwenda Nanka na nankakukimanya.” Mwareeba? Mpaho, hati, nimureeba, obwo ti Bukristaayo. Obukristaayo nibuteekwa kworeka muranga Akamanyisokaabwo, mwareeba, omuri rufaayo, omu magara g'obutoosha, omu ofiisi, omumuhanda, omu mirabanamu, n'ekintu kyona, omu kanisa, n'ahandi hoona. Eshagamaniko Kamanyiso, kandi Akamanyiso nikateekwa kuteebwaho, mwareeba, kyaba kitarikityo (katatairweho) nangwa n'egyo ndagaano neeba efiire.

Eshagama ekaba eri akamanyiso, nari ekirikworeka,neeyoreka ngu omuntu ogu acungwirwe. Hati, mpaho, mwetegyereze, bakaba baine, bakaba bacungwirwe hatakagizire ekintu kyona ekyabaho. Ahabw'okwikirizabakataho egyo shagama. Mwareeba, buzima kitakabaireho, eshagama ekateebwahoahabw'okwikiriza, nibaikiriza ngu nikiza kubaho. Mwareeba? Ngu ekiniga kingikya Ruhanga kitakarabire omu nsi, eshagama ekaba neeteekwa kubanza,yaateebwaho. Obwire bukaba buba butakiriho ekiniga kingi ku kyabaire kibakyaherize kubaho. Hati aho twineho eishomo buzima eri turikubaasa, shanakureeta omu biteekateeko byawe, ahabw'akaanya kakye. Reeba, kitakabandize kyabaho, ahakuba nihaijakubaho obunaku obu oriba otakibaasa kutunga Eshagama y'okutaho.

Omwana gw'entaama gukaitwa omu bwire bw'omwabazyo,ahanyima y'okugurinda okumara ebiro ikumi na bina. Reero omwana gw'entaama ogwogwaitwa kandi eshagama yaagwo yaateebwaho omu bwire bw'omwabazyo.Mwakyetegyereza? Akamanyiso tikarabaireho okuhitsya obwire bw'omwabazyo.

Kandi obu n'obwire bw'omwabazyo bw'obusingye obututwiremu. Obu n'obwire bw'omwabazyo aha-aha Kanisa. Obu n'obwire bw'omwabazyoahariinye. Obu n'obwire bw'omwabazyo bw'Obutumwa bwangye. Ndiyo ninfa. Ndiyo ningyenda.Ndiyo nindugaho, omu bwire bw'omwabazyo bw'Engiri. Kandi turabire omu kwihwaho orubanja,n'ebindi, kwonka obu nibwo bwire obu Akamanyiso karikuteekwa kuteebwaho. Sandeehingwire nkabagambira ngu nyine ekintu eki ndikwenda kubagambira; nikyo eki. Obwireobu o-otarikubaasa kufa Kukazaanisa. Nikiteekwa kukorwa. Ku kiraabe kirieky'okukorwa, nikiteekwa kukorwa hati. Ahabw'okuba, nitureeba ngu ekiniga kingikiri haihi kuraba omu nsi, kandi ekintu kyona ekiri aheeru y'ako Kamanyisonikiza kucwekyerera. Eshagama, niyo erikukworeka.

Read the full account in... Akamanyiso.

kandi Ogwo niwe karabo ahabw'ebibi byaitu, kandi ti byaitu twenka, kureka n'ebibi by'ensi yoona.

1 Yohaana 2:2