William Branham.

Uri ni kone u pfesesa mulaedza wa Zwifhinga zwa Tshivhidzo ndi tama uri ndi ṱalutshedze milayo yo fhambanaho ye ya ntendela uri ndi swike kha madzina a vhaḓinḓa, vhulapfu ha zwifhinga, na zwiṅwe zwiitisi zwe zwa katelwa ngomu henefho.

Khoṋo ye nda fhiwa nga Mudzimu ye nga yo nda kona u topola muḓinḓa wa tshifhinga tshikene yo dzhenelana kokotolo na maṅwalo. Nahone i nga tou pfi ndi ngilimane ya Bivhili. Ndi nzumbululo ya uri Mudzimu ha shanduki, na uri dzinḓila dzawe a dzi shanduki vhunga sa izwo na ene a sa shanduki. Kha Vhaheberu 13:8, i ri: “Yesu Khristo ndi ene mulovha, ṋamusi, na lini na lini.”

Imani ndi ni vhudze: Mudzimu a sa shandukiho a re na nḓila dzi sa shandukiho. Zwe a i ta u THOMANI u ḓo hana a tshi zwi ita u swika a tshi dovha u zwi ita MUGUMONI wa tshifhinga. A hu nga vhi na tshanduko.

Zwino ri a zwi ḓivha kokotolo u bva kha Ipfi, zwe zwa ṅwalwa nga Muya Mukhethwa, uri tsha u thoma, kana tshivhidzo tsha mathomo tsho vha tsho sendekwa uri Mudzimu o ḓivhonadza khatsho.

Ipfi a ḽi nga shanduki kana u shandukiswa ngauri Ipfi ndi Mudzimu. Yohane 1:1, “U rangani Ipfi o vha e hone, Ipfi o vha e ha Mudzimu, nahone Ipfi o vha e Mudzimu.”

Ngauralo, zwe tshivhidzo tsha vha tshi zwone Phenthekhoste ndi wone muelo. Ndi yone nḓila; A hu tshe na iṅw e nḓila. Novha Vhoranḓivho vha ri mini, Mudzimu ha ATHU shandula nḓila yeneyo. Zwe Mudzimu a ita Phenthekhoste u tea u hana a tshi zwi ita u swika zwifhinga zwa tshivhidzo zwo guma.

Kha mulaedza...
Tshifhinga tsha Tshivhidzo tsha Efeso.

Zwifhinga zwa tshivhidzo ya Asia.

Efeso.

Muḓi wa Efeso wo vha u muṅwe wa miḓi miraru mihulusa ngei Asia; wo vha u tshi ḓivhiwa nga ḽa muḓi wa vhuraru wa Lutendo lwa Tshikhristo. Yerusalema hu wone wa u thoma, Antiokia hu wa vhuvhili. Wo vha u muḓi wo pfumesaho. Muvhuso wo vha u wa Vharoma fhedzi luambo ho vha hu Tshigeriki.

Kha mulaedza...
Tshifhinga tsha Tshivhidzo tsha Efeso.

Simina.

Muḓi wa Simina u Devhula nyana ha Efeso, mulomoni wa Gombameni ḽa Simina. Nga ṅwambo wa u vha na vhuimangalavha havhuḓi wo ḓo vha vhupo ha makwevho hune ha ḓivhelwa vhuvhambadzelaseli hawo. Wo vha wo khetheavho na kha zwikolo zwa ḓivhavhurereli, muhumbulo, zwa mishonga, saintsi na zwifhaṱo zwa maṱhakheni.

Ipfi simina ḽi amba, “galakato,” ḽe ḽa ṱumbulwa kha ipfi, zwioro. Zwioro zwo vha zwi tshi shumiswa u baisimela zwitumbu. Ngaiuralo, ri na ndeme ya phethambili ine ya wanala kha dzina ḽa itshi tshifhinga. Tsho vha tshifhinga tsha galakato tsho ḓalaho lufu.

Kha mulaedza...
Tshifhinga tsha Tshivhidzo tsha Simina.

Peregamo.

Peregamo (ndi dzina ḽa kale) wo vha u tshi wanala kha ḽa Mysia, kha tshi Ṱiriki tshe tsha vha tshi tshi wana maḓi u bva kha milambo miraru, i ṱangana ya vha muthihi u livhaho lwanzheni. I ṱaluswa sa Ḓorobo ya tsumbo vhukuma kha ḽa Asia. Yo vha i Ḓorobo ya mvelele ire na Ḽaiburari ire kha vhuimo ha vhuvhili fhedzi kha iḽa ya Alexandiria. Ngeno yo vha i Ḓorobo ya vhuvhi ho kalulaho, yo ṋekedzelwa kha therela ya zwa vhurereli ha zwa vhudzekani na Aesculapius, we a vha vha tshimurabela e kha tshivhumbeo tsha ṋowa i tshilaho ye ya vha i tshi dzula na u kanzwiwa i ngomu thembeleni.

Vhudzulo na Khuluṋoni ya Sathane. Peregamo a si hone fhethu hune ha vha vhubvo ha fhethu he Sathane (ri tshi lavhelesa mafhungo a vhathu) a dzula hone. Babele ho ḓi dzulela u vha musanda wawe lwa ṋama na nga u fanyisa. Vhurabeli ha Vhusathane ho thoma muḓini wa Babele.

Kha mulaedza...
Tshifhinga tsha Tshivhidzo tsha Peregamo.

Thiathira.

Lwa ḓivhazwakale, muḓi wa Thiathira ndi wone we wa vha u na bvumo ḽiṱuku kha miḓi yoṱhe ire kha Nzumbululo. Wo vha u tshi wanala vhukati ha Mysia na Ionia. Wovha wo tangiwa nga milambo minzhi, fhedzi yo vha yo ḓala ṋuṋu. Tshiṱaluli tshe wa vha u tshi ḓivhelwa tshone nga maanḓa ndi u vha muḓi wa khwiṋe siani ḽa masheleni nga ṅwambo wa makwevho a vhavhumbi vha dzikhali, vhasuki vha marevho, vhaluki, vhapenndi, vhaiti vha dzikhanzu, ngauralo-ngauralo. Ndi wone we Ḽetia murengisi wa phephulu o vha a tshi dzula hone. Ndi ene wa u tou thoma u rembuluwa Yuropa kha pfunzo ya Paulo.

Zwino muhumbulo wa u ri ndi ngani Muya wo nanga uyu muḓi sa we wa vha wo no ḓi vha na zwiṱaluli zwa zwa Muya kha tshifhinga tsha vhuṋa, ho vha hu nga ṅwambo wa vhurereli hawo. Vhurereli vhuhulwane ha Thiathira ho vha hu u rabela Apollo Tyrimnaios, zwe zwa vha zwi tshi baḓakanywa na u rabela muempharavhusi wa Tshiroma. Apollo o vha e mudzimu wa ḓuvha, nahone we a vha a tshi tevhela khotsi awe Zeus kha maanḓa.

Ndi zwa ndeme u dzhiela tshenzhemo uri ḽone dzina Thiathira ḽi amba uri,“Mufumakadzi a Vhusaho”.

Kha mulaedza...
Tshifhinga Tsha Tshivhidzo Tsha Thiathira.

Saradesi.

Saradesi yo vha i ḓorobo khulwane ya shango ḽa Lydia ḽa kale. Yo fhira zwanḓani zwa mahosi a Lydia ya ya kha Mapersia, ya mbo ya kha Alexanda muhulwane. Yo ḓo dzhiululwa nga Antiochus muhulwane. Dzikhosi dza Peregamo na vhonevho vha dzhena tshiduloni tsha muvhuso u swika vharoma vha tshi dzhena vha vhusa. Nga tshifhinga tsha Tiberius yo ḓo kwashekanywa nga midzinginyo na dzikhombo. Ṋamusi i sokou vha dzithuli dza mashubi nahone a huna muthu ane a khou dzula hone.

Vhurereli ha ḓorobo iyi ho vha hu vhurabeli ha swiswi he mudzimukadzi Cybele. Dzithulu dza mashubi a tembele dzi kha ḓivhonala.

Kha mulaedza...
Thifhinga Tsha Tshivhidzo Tsha Saradesi.

Filadelefia.

Filadelefia yo vha i mi maila ya fusumbe-ṱhanu Tshipembe vhubvaḓuvha ha Saradisi.Yo vha i ḓorobo ya vhu vhili kha vhuhulwane ngei Lydia. Yo vha yo fhaṱiwa nṱha ha dzithavha, kha tshiṱiriki tshi ḓivhaleaho nga veini. Maseṱa a muḓi uyu o vha a na tshifanyiso tsha ṱhoho ya Bacchus na tshifanyiso tsha Baccante (mu Prisite wa Tshifhe-kadzi wa Bacchus).

Muḓi uyu u dzulela u rwiwa nga midzinginyo ya shango, ngeno u wone muḓi u re na vhukale vhulapfu kha miḓi yoṱhe ire kha Nzumbululo. Ngoho ndi ya uri Muḓi uyu u kha ḓivha hone na namusi u fhasi ha dzina ḽa tshi Turkish ḽine ḽa pfi Alasehir kana uri Ḓorobo ya Mudzimu.

Kha mulaedza...
Tshifhinga Tsha Tshivhidzo Tsha Filadelefia.

Laodekia.

Dzina iḽi, Laodekia, ḽine ḽa amba, pfanelo dza vhathu, ḽo vha ḽi tshi ḓivhalea nahone ḽo vha ḽo ṋewa kha ḓorobo dza tshivhalo hu u ṱoḓa u ṱhonifha avho vhane vha vhidzwa u pfi ndi vhasadzi vha vhuhosini. Ḓorobo iyi yo vha i ya vhuṱhogwa kha zwa poḽitiki nahone yo bvelela kha zwa ikonomi ngei ḓoroboni ya Asia Minor. Thundu nnzhi yo vha yo dzhiiwa nga vhadzulapo vhavhadzulapo vhaḓorobo vhane vha vha na tshelede.

Yo vha i ḓirobo ya tshikolo tshihulwane tsha zwa mishonga. Vhathu vha hone vha ḓivhalea nga vhutsila na saintsi. Yo vha i tshi dzulela u vhidzwa “ḓorobo khulwane” yo vha i ḓorobo khulwane ya vunḓu kha dziṅwe ḓorobo dza fumbili-ṱhanu. Mudzimu u siḽi u rabelwaho afho ndi ndi Zeus. Hone ḓorobo iyi yo vhuya ya vhidzwa nga ḽa Diopolis (Ḓorobo ya Zeus) vha tshi ṱhonifha mudzimu wavho. Nga ṅwaha wa maḓana maṋa dzangano ḽa tshivhidzo tsha vhuṱhogwa miṱangano yaḽo yovha i tshi farelwa henefha. Midzinginyo ya shango ndi yone yo itaho uri ḓorobo iyi i sale i mashubi.

Kha mulaedza...
Tshifhinga Tsha Tshivhidzo Tsha Laodekia.

Zwenezwo ṅwala zwine wa zwi vhona, zwine zwa khou itea zwino na zwine zwa kha ḓi ḓo itea.

Tshiphiri tsha ṋaledzi ṱhanu na mbili dze wa dzi vhona tshanḓani tshihulu tshanga, na zwiṱomambone zwiṱanu na zwivhili zwa musuku. Ṱhalutshedzo ya tshiphiri itsho asiyi: ṋaledzi ṱhanu na mbili dzi amba vhaḓinḓa vha Mudzimu vha re zwivhidzoni zwiṱanu na zwivhili; zwiḽa zwivheambone zwiṱanu na zwivhili ndi zwivhidzo zwenezwo.

Nzumbululo 1:19-20