Lyashi ya Lukuta.
William Branham.Pakutila imwe mwingomfwikisha bwino bwino Imbila ya Nshita Sha Nkuta ndefwaya ukulondolola ifishinka ifyalekana lekana ifya nengele ine ukufika pa mashina ya nkombe, ubutali bwa nshita, kabili ne fintu fimbi ifilesangwamo.
Ulufungulo ulwapelwe kuli ine na Shikulu ico icalengele ukuti njishibe inkombe iya cila nshita yaba iya mu Malembo nganshi. Mucine limbi kuti lyaitwa Ulufungulo ulwine lwine lwa Baibele. Caba ukusokolola ukutila Lesa tapilibuka, kabili no kutila inshila Shakwe tashipilibuka nge fyo wene Aba. Mu Bahebere 13:8 isoso kutila, “Yesu Kristu aba cimo cine mailo, ilelo, no muyayaya.”
Ici cili pano: Lesa ushipilibulwa ne nshila ishabulo kupilibulwa. Ico Acitile pa KUBALILAPO Ali no kutwalilila ukulacita mpaka cakulacitwa ukufika ne nshita ya KULEKELESHA. Takwakatale ukubapo ukupilibulwa.
Nomba twalishiba filya fine fye ukufuma mu Cebo ico icalembelwe no Mupashi wa Mushilo ifyo ulwa ntanshi, atemwa ulukuta lwa ntendekelo, lwasangilwe kabili ifyo Lesa ailangishe Umwine muli lwena.
Icebo teti cipilibuke atemwa ukupilibulwa pantu Cebo ni Lesa. Yohane 1:1, “Mukutendeka mwali Cebo, kabili Cebo ali pamo na Lesa, kabili Cebo ali ni Lesa.”
Kanshi, ifyo ulukuta lwali pa Pentecost e lamfya. Cilya e cipasho. Takwaba icipasho cimbi. Te mulandu ifyo bakasambilila basosa, Lesa TA pilibula cilye cipasho. Ifyo Lesa acitile pa Pentecost Alingile ukutwalilila ukulacita mpaka inshita sha nkuta shikapwe.
Mwamona... Inshita Ya Lukuta Lwa Efese.
Nkuta cinelubali ku Asia.
Efese.
Umusumba wa Efese wali umo uwa misumba itatu ikalamba nganshi iya mu Asia. Waleitwa ilingi line umusumba uwalenga citatu uwa citetekelo ica Bwinakristu, uwa ntanshi wali ni Yerusalemu, kabili uwa cibili Antioke. Wali umusumba uwa nonka nganshi. Ubuteko bwali bwa ci Roma lelo ululimi lwali ici Hela.
From... Inshita Ya Lukuta Lwa Efese.
Smurna.
Umusumba wa Smurna waliko panono ku kwa kulyo kwa Efese ku ntulo ya Gulf ya Smurna. Pa mulandu wa cabu cakwe cisuma yali ni ncende iya makwebo iyalumbukwa pa mulandu wa fyo waletuma kunse. Kabili walishibikwe pa mulandu wa masukulu ya buko aya kwishibo kulemba, ukusoma ifya cifyalilwa, imiti, ifya kusanga sanga, kabili ne fikulwa ifisuma.
Ishiwi Smurna lipilibula, “ukulula,” lyafumishiwa ukufuma kwi shiwi, myrrh. Myrrh yalebomfiwa ku kusungilako abafwa. E ico tukwete ifishinka fibili ifisangwa mwishina lya iyi nshita. Yali ni nshita iya bipisha iya isushiwemo ne mfwa.
Mwamona... Inshita ya Lukuta Lwa Surmuna.
Pergamo.
Pergamum (ishina lya kale) wabelele mu Mysia, mu musumba uwaletapilishiwa ne mimana itatu, ni umo uyo uwaleitila muli bemba. Walondolwelwe ngo musumba umo uwaemba ngashi mu Asia. Wali musumba uwa ntambi na library iya cibili kano kuli ilya mu Alexadria. Lelo wali musumba uwa lubembu ngashi, wapelwe ku misango yabipa iya ntambi iya kushinshimuna kwa Aesculapius, uyo bale shinshimuna mu musango wa nsoka iya mweo iyo yasungilwe no kulishiwa mwi tempile.
Icipuna ca Bufumu cakwa Satana kabili Incende ya Kwikalapo. Pergamo tayali ni ncende iya ntendekelo uko Satana (nga pafya mikalile ya bantu) aikele. Babylon lyonse yaba mucine kabili mu butuntulu umusumba wakwe ukalamba. Cali ni mu musumba wa Babylon uko kushinshimuna kwa kwa Satana kwatendekele.
Mwamona... Inshita ya Lukuta Lwa Pergamo.
Tuatira.
Mwilyashi lya kale, umusumba wa Tuatira wali uwakulekelesha mu kulumbukwa pali yonse imisumba cinelubali iya Kusokolola. Wene wali pakati ka Mysia na Ionia. Wene washingulwikwe ne mimana iingi, lelo yaiswilemo utusumi. Imimonekele yabuko iya kulumbanya nganshi yali yakutila walikwete icuma icingi nganshi pa mulandu wa kwampana kwa tubungwe utwa bakabumba, bakanuka, abapikula, bakasukula, bakapanga ba mingila, na bambipo. Cali ni muli uyu musumba umo Lydia, kashitisha wa nsalu sha kolokondwe, aishile. Ali uwapilibulwa uwa kubalilapo uwakwa Paulo mu Europe.
Nomba umulandu uo Mupashi wasalile uyu musumba nga umo uwakwete kale ifintu ifya bumupashi ifya nshita iyalenga cine cali ni pa mulandu wa bukapepa bwa buko. Bukapepa ubwalumbuka ubwa Tuatira bwali ukupepa kwa Apollo Tyrimnaios ubo bwalundilwe pamo no kushinshimuna kwa busenshi bwa kwa cilolo. Apollo ali mulungu kasuba, kabili umo uwa konkelepo mu maka kuli wishi, Zeus.
Cili icalinga nganshi ukwishiba ukutila ishina line Tuatira cipilibula, “Umwanakashi Uuteka.”
Mwamona... Inshita ya Lukuta Lwa Tuatira.
Sarde.
Sarde wali musumba ukalamba uwa Lydia wa kale. Wapitile mu minwe ya shamfumu sha ku Lydia ukuya ku bena Persia elyo kabili kuli Alexandar Umukalamba. Waonawilwe na Antiochus Umukalamba. Ishamfumu sha ku Pergamo lyena shapyene ubufumu mpaka abena Roma baishilepoka. Mu nshita yakwa Tiberius walyonawilwe ku finkunkuma ne finkunka. Ilelo mwina wa cibolya kabili tapaba abekalamo.
Bukapepa ubwa muli uyu musumba bwali ukupepa ukushashila ukwa mulungu wanakashi Cybele. Ifipimfya ifingi ifye tempile kuti fya moneka ne lelo.
Mwamona... Inshita ya Lukuta Lwa Sade.
Filadelfia.
Filadelfia yali ama mailoshi amakumi cinelubali na yasano pakati ka ku kapinda ka kulyo na ku kabanga ka Sarde. Wali musumba ukalamba nganshi uwa cibili mu Lydia. Wa kulilwe pa mpili shingi mwi boma ilya lumbukwa umo balelima imyangashi. Ama kobili ya buko yakwete umutwe wakwa Bacchus kabili ne cikope cakwa Baccante (namapepo wakwa Bacchus).
Umusumba waculile ku finkunkuma ilingi line, lelo nomba ukubapo kwa buko kwali ukwatantalila nganshi pa misumba cinelubali iya Kusokolola. Mucine umusumba ucili epo waba pe samba lye shina lya ci Takishi ilya Alasehir, nangu Umusumba wakwa Lesa.
Mwamona... Inshita ya Lukuta Lwa Filadelfia.
Laodikea.
Ishina, Laodikea, ilyo lipilibula, “insambu sha bantu” yali iyaseka sana kabili yalipelwe ku misumba ingi ukucindika bana mayo abacindama abaleitwa ukuba. Uyu musumba wali umo ukankala nganshi mu ma politiki kabili uwa bunonshi uwalunduluka pa misumba ya mu Asia Minor. Ifipe ifingi nganshi fyapelwe mu musumba kubekala calo abacindama.
Wali icipuna icikalamba ice sukulu lya fya miti. Abantu babuko baishibikwe mu fya kulenga ne fya science. Wene lyonse waleitwa 'metropolis' ngefyo wali icipuna ca cilye ku misumba imbi amakumi yabili na fisano. Umulungu wa cisenshi uwaleshinshimunwa kulya wali Zeus. Mu cishinka ulya musumba inshita imo waleitwa Diopolis (Umusumba wakwa Zeus) mu kucindika umulungu wabo. Mu myaka imyanda ine akabungwe ka lukuta aka kankala kacitilwe kulya. Ifinkunkuma ifyalecitika libili libili mukulekelesha fyaulengele ukufumamo umupwilapo.
Mwamona... Inshita ya Lukuta Lwa Laodikea.
