Umubatizo w'amazi.


  Ivyahishuriwe Yohana rukurikirane.

Ukwihishura kwa Yesu Kristo.


William Branham.

Musome mu...
Ukwihishura Kwa Yesu Kristo.

Ndemeza yuko bisaba uguhishurirwa nyakuri kuva kuri Mpwemu Yera kugira ubone ukuri ku bijanye n'Ubumana muri iyi minsi aho turi hagati y'ukugorekwa kw'Ivyanditswe vyinshi cane. Yamara rya Shengero rinēshá, ritsīndá ryubatswe ku guhishurirwa, kubw'ivyo turashobora kwitega yuko Imana iduhishurira ukuri kwayo.

Uko biri kwose, mu vy'ukuri ntukeneye uguhishurirwa kuvy'umubatizo wo mu mazi. Bir'aho neza na neza bíguhānze amaso. Mbe vyari gushobokera Intumwa n'akanya na gato ko bakurwa kw'Itegeko biherewe imbona nkubone n'Umwami ryo kubatiza mw'Izina rya Data n'Umwana na Mpwemu Yera, hanyuma bakisanga mu kugarariza kw'ibigirankana? Bǎraménye ico iryo Zina ryǎri, kandi nta hantu na hamwe mu Vyanditswe ahó bǎbatije ukundi kuntu na kumwe atari mw'Izina ry'Umwami Yesu Kristo.

Ugutahura gusanzwe kwokwereka yuko Igitabu c'Ivyakozwe n'Intumwa ari rya Shengero mu gikorwa, aho rero nimba bǎbatiza muri ubwo buryo, rero ubwo ni bwo buryo bwo kubatiza. Rero, niwaba wibaza ko bikomeye, ibi na vyo uvyibazakw'iki? Uwo wese atǎba yábatijwe mw'Izina ry'Umwami Yesu, yatégerezwa gusubiramwo kubatizwa ubugira kandi.

Ivyakozwe n'Intumwa 19:1-6,
“Maze Apolo akir' iKorinto, Paulo aca mu bihugu vyo haruguru, ashika muri Efeso, asangay' abigishwa bamwe. Arababaza, ati Mbega mwarahawe Mpwemu Yera mumaze kwizera? Baramwishura, bati Ntitwari bwanavyumve yuko Mpwemu Yera yatanzwe. Arababaza, ati None mwabatijwe umubatizo ki? Bat'Umubatizo wa Yohana. Paulo ati Yohana yabatije umubatizo wo kwihana, abarira abantu ko bakwiye kwizera Uzoza hanyuma yiwe, ni Yesu. Bavyumvise babatizwa mw'Izina ry'Umwami Yesu. Paulo amaze kubarambikakw' ibiganza, Mpwemu Yera abazako, bavuga izindi ndimi, bavugishwa n'Imana.” [Bibiliya ya Darby]

Ng'ivyo rero. Aba bantu beza bo muri Efeso bari barumvise ibijanye na Mesiya yar'agiye kuza. Yohana yari yaramwigishijeko. Bari barabatijwe umubatizo wo kwihana ivyaha, bahanze amaso IMBERE barindiriye ko bokwizeye Yesu. Ariko aha na ho cari igihe co gusubiza amaso INYUMA kuri Yesu bakabatizwa umubatizo wo GUHARIRWA ivyaha. Cǎri igihe co kwakira Mpwemu Yera. Hanyuma bamaze kubatizwa mw'Izina ry'Umwami Yesu Kristo, Paulo abarambikakw' ibiganza vyiwe, Mpwemu Yera aca abazako.

Ôo, abo bakundwa bo muri Efeso bǎri abantu beza; kandi nimba hǎri umuntu yar'afise uburenganzira bwo kwumva atekanye, bǎri bo. Raba neza ingene bǎri bashitse kure. Bǎri bazananye inzira yose gushika ku kwemera Mesiya yar'agiye kuza. Bǎri bamwiteguriye. Yamara none, ntimubona yuko nâhó vyǎri bimeze uko batǎri baramumenye? Yari yaraje, Yaramaze no kugenda. Bǎri bakeneye kubatizwa mw'Izina ry'Umwami Yesu Kristo. Bǎri bakeneye kwuzuzwa Mpwemu Yera. Nimba warabatijwe mw'Izina ry'Umwami Yesu Kristo, Imana izokwuzuza Mpwemu wayo. Iryo ni Ijambo.

Mu Vyakozwe n'Intumwa 19:6 aho twasomye kwǎri ugushitswa kw'Ivyakozwe n'Intumwa 2:38,
“Nimwihane, umuntu wese muri mwebwe abatizwe mw'Izina rya Yesu Kristo, mubone guharirwa ivyaha vyanyu, kandi muzohabwa ingabire, ari yo Mpwemu Yera.”

Nimwitegereze, Paulo biciye kuri Mpwemu Yera yavuze neza na neza ivyo Petero yavuze biciye kuri Mpwemu Yera nyene. Kandi ivyavuzwe NTIBISHOBORA guhindurwa. Bitegerezwa kuba vya bindi nyene uhereye kuri Pentekote gushitsa uwatoranijwe wa nyuma abatijwe.

Ab'i Galatiya 1:8,
“Ariko nâhó yoba ari twebwe cank' umumarayika avuye mw'Ijuru, ababarira Ubutumwa Bwiza bunyuranye n'ubwo twababariye, arakavumwa.”

Rero bamwe muri mwebwe bantu b'Abanyabumwe mubatiza nabi. Mubatiza kubw'ukuvuka ubwa kabiri nk'aho umengo kwibizwa mu mazi kwarabakijije. Ukuvuka ubwa kabiri ntikuzanwa n'amazi; ni igikorwa ca Mpwemu. Wa muntu akoreshejwe na Mpwemu yatanze itegeko ati: “Nimwihane, umuntu wese muri mwebwe abatizwe mw'Izina ry'Umwami Yesu,” ntiyavuze yuko amazi avukisha ubwa kabiri. Yavuze ko cǎri ikimenyamenya “c'umutima utagirizwa ikibi ku Mana.” Cǎri ico gusa.

1 Petero 3:21,
“Ayo ni yo abakiza namwe ubu, mu buryo bw'ikigereranyo c'ukubatizwa, s'ugukurah' imvyiro zo ku mubiri, ariko n'isezerano ry'umutima utagirizwa ikibi usezeranye ku Mana, abakirisha ukuzuka kwa Yesu Kristo.”
Ndavyizeye.

Nimba hariho uwo ari we wese afise ivyiyumviro vy'ibinyoma vy'uko kahise koshobora kugaragaza umubatizo wo mu mazi menshi mu bundi buryo na bumwe atari mw'Izina ry'Umwami Yesu Kristo, nobahanura yuko mwosoma inkuru za kahise hanyuma mukavyibonera mwebwe nyene ubwanyu. Iyi ikurikira ni intahe y'ukuri y'umubatizo wabereye i Roma mu mwaka w'100 inyuma y'ukuvuka kwa Kristo, ikaba yasohotse mu kinyamakuri TIME, muri Kigarama igenekerezo rya 5 mu mwaka w'1955:

“Umudiyakoni adugije ukuboko kwiwe hejuru, hanyuma Pubiliyo Desiyo aratambuka yinjira mu muryango w'aho babatiriza. Umudandaza w'ibiti Marikusi Vasika yari ahagaze mu kidengeri c'amazi amugera mu gikenyerero. Yariko aratwengatwenga mu gihe Pubiliyo yariko aratambukira mu kidengeri c'amazi aza iruhande yiwe. Aramubaza ati: 'Urizeye?' Pubiliyo yishura ati: 'Ndizeye. Ndizeye yuko agakiza kanje kava kuri Yesu Kristo, We yabambwe ku ngoma ya Ponsiyo Pilato. Napfânye na We kugira ngo hamwe na We ndonke Ubugingo Budashira.' Hanyuma yumva amaboko y'inkomezi amuseguye mu gihe yirekura wese ubugarame muri ico kidengeri, hanyuma yumva ijwi rya Marikusi mu gutwi kwiwe riti: 'Ndakubatije mw'Izina ry'Umwami Yesu' — mu gihe amazi akanye yamutwikira wese.”

Kuva ico gihe gushika aho ukuri kuzimiriye (kandi ntikwagarutse gushika iki gihe ca nyuma — aho ni kuva i Nikeya gushika mu ntango y'iki kinjana) bǎbatiza mw'Izina ry'Umwami Yesu Kristo. Ariko vyagarukanywa. Satani ntiyoshobora gufatira uguhishurirwa mu gihe Mpwemu agomba kugutanga.

Egome, iyo haba hariho Imana zitatu, mwoshoboye kubatiza neza na neza kubwa Data no kubw'Umwana no kubwa MpwemuYera. Ariko UGUHISHURIRWA KWǍHĀWE YOHANA kwǎri ukó harí IMANA IMWE, kandi ko Izina ryayo ari UMWAMI YESU KRISTO, rero mubatiza kubw'Imana imwe, mbere Imwe nsa. Ico ni co gituma Petero yabatije nka kurya yabikoze ku munsi wa Pentekote. Yabwirizwa kuba umwizigirwa ku guhishurirwa, na kwo kukaba kwari uku: “Abo mu muryango wa Isirayeli nibamenye badakekeranya yuko Imana yamugize UMWAMI NA KRISTO, Yesu Umwe mwabamba.” Ng'ico ico ari: “UMWAMI YESU KRISTO.”

Nimba Yesu ari “VYOMPI” Umwami na Kristo, rero We (Yesu) ni, kandi nta kindi yoba atari “Data, Umwana, na Mpwemu Yera” mu Muperesona UMWE, agaragajwe mu mubiri. SI “Imana iri mu baperesona batatu, ubutatu bweranda,” ariko IMANA IMWE, UMUPERESONA UMWE afise ivyubahiro nyamukuru bitatu, n'ibikorwa bitatu bigaragaza ivyo vyubahiro bitatu. Nimwongere muvyumve. Uyu nyene Yesu ni “VYOMPI Umwami na Kristo.” Umwami (Data) na Kristo (Mpwemu Yera) ni Yesu, kuko We (Yesu) ari VYOMPI (Umwami na Kristo).

Nimba ivyo bitatwereka uguhishurirwa nyakuri kw'Ubumana, nta kindi kizobitwereka. Umwami SI uwundi wûndi; Kristo SI uwundi wûndi. Uyu Yesu ni We Mwami Yesu Kristo — IMANA IMWE. Filipo umunsi umwe yabwiye Yesu ati: “Mwami twereke Data hanyuma bizoba bihagije kuri twebwe.” Yesu yamwishuye ati: “Kuva aho nabaniye namwe ntimwari bwamenye? Uwumbonye aba abonye Data, none kubera iki muvuga ngo twereke Data? Jewe na Data turi Umwe.”

----
Ntushobora gushira Imana mu baperesona batatu canke mu bice bitatu. Ntushobora kubwira Umuyuda ko hariho uwuri Data, n'uwuri Mwana, n'uwuri Mpwemu Yera. Azoca akubwira buno nyene iyo ico ciyumviro cǎje kiva. Abayuda barazi yuko iyo nemera yashizweho mu Nama Nkuru y'i Nikeya. Ntibitangaje kubona batugaya yuko turi abapagani.

Tuvuga Imana idahinduka, Abayuda na bo nyene bīzēr'ivyo. Ariko Ishengero ryarahinduye Imana yaryo Idahinduka bayikura kuba imwe bayigira zitatu. Ariko Umuco uriko uragaruka mu gihe c'akagoroba. Ese ukuntu ari ivy'inkoramutima kubona uku kuri kwaje mu gihe c'aho Abayuda bariko barasubira muri Palestina! Imana na Kristo ni UMWE. Uyu Yesu ni VYOMPI, UMWAMI NA KRISTO. Yohana yar'afise impishuro, kandi YESU ni We yar'iyo mpishuro. Hanyuma Yiserurira ubwiwe aha nyene mu Vyanditswe — “Ndi Imwe Yamyeho, Iriho, kandi Igira Ize, Ishobora vyose. Amen.”

Nimba impishuro ikurengeye, rangamiza hejuru urondere Imana kubwayo. Ubwo ni bwo buryo bwonyene gusa woyironkamwo. Impishuro itegerezwa kuza ivuye ku Mana, ntiyigera iza ivuye ku muntu mu buryo bw'impano y'ubwenge, ariko ni mu buryo bw'impano y'ubwenge bwa Mpwemu. Woshobora no gufata ku mutwe Ivyanditswe, kandi nâhó ivyo ari vyiza cane, ivyo ntaco vyomara. Itegerezwa kuba impishuro ivuye ku Mana. Bivugwa mw'Ijambo yuko ata muntu yoshobora kuvuga yuko Yesu ari Kristo kiretse abivugishijwe na Mpwemu Yera. Ubwirizwa kuronka Mpwemu Yera hanyuma rero, kandi aho rero gusa, ni ho Mpwemu Yera ashobora kuguha uguhishurirwa yuko Yesu ari We Kristo: Imana, Umwe asizwe amavuta.

Nta muntu n'umwe azi ivy'Imana kiretse Mpwemu w'Imana, n'uwo Mpwemu w'Imana abihishuriye. Turakeneye gusaba Imana impishuro gusumba ikindi kintu cose mw'isi. Twaremeye Bibiliya, twaremeye ukuri kwinshi guhambaye kwayo, ariko ntiraba iy'ukuri ku bantu benshi kubera yuko impishuro iciye kuri Mpwemu ata yo. Ijambo ntiryakarihijwe. Bibiliya ivuga mu 2 Ab'i Korinto 5:21 yuko twahindutse ukugororoka kw'Imana biciye mu kunywana kwacu na Yesu Kristo. Mwabitahuye? Ivuga yuko TURI UKUGOROROKA KW'IMANA NYENE UBWAYO mu kuba MURI KRISTO. Ivuga ko We (Yesu) yahindutse ICAHA kubwacu. Ntivuga yuko Yahindutse umunyavyaha, ariko Yahindutse ICAHA kubwacu kugira ngo biciye mu kunywana na We dushobore guhinduka UKUGOROROKA kw'Imana.

Iyo twemeye ico kintu (kandi dutegerezwa) c'uko Yahindutse vya nyavyo ICAHA kubwacu mu gufata ikibanza cacu kwiwe, rero dutegerezwa no kwemera ic'uko twebwe biciye ku kunywana na We twahindutse UKUGOROROKA NYEZINA kw'Imana. Wanse kimwe uba wanse n'ikindi. Wemeye kimwe uba wemeye n'ikindi. Ubu rero turazi yuko Bibiliya ibivuga. Ntibishobora guhakanwa. Ariko impishuro yavyo irabuze. Si iy'ukuri kubana benshi b'Imana. Ni umurongo mwiza gusa muri Bibiliya. Ariko dukeneye yuko ugirwa MUZIMA kuri twebwe. Ivyo bizosaba impishuro.

Musome mu...
Ukwihishura Kwa Yesu Kristo.



Ivyahishuriwe Yohana.
Ibandanya ry'rukurikirane.
(Iyerekwa Ry’i Patimo.)




 

Urubuga rw’amakuru
y’icongereza.

Ivyahishuriwe Yohana.

Imana na Siyansi.
Index. Ivy’ubucukuzi.

Eliya Umuhanuzi.

Inkuru nziza.
Yesu yapfiriye ivyaha
vyacu.

Umubatizo w'amazi.

 
 

Bicu vyo kw injuru.

Inkingi z’Umuriro.

Izuka uruhererekane.

Rihambaye
ry'Ubutatu.

Acts of the Prophet.

(PDFs Icongereza).

Bihe ndwi vy'Ishengero.

Amashashara Ndwi.

Ijambo Ry'Ubugingo
uruhererekane.

Noheli uruhererekane.

 

Gihe c'iherezo
uruhererekane

Hirya Ya Ca
Gihuzu C’Igihe.

Imana n’Kahise.
uruhererekane.

Abakristo kugenda
uruhererekane.

Ubwato bwa Nowa.

Ivy’ubucukuzi.
Sodomu na Gomora.

Ruvyaro rw'inzoka.
Icaha c'inyanduruko.

Babuloni y'Akabanga.

Ubutumwa mu Ikirundi.

Ukwabirana
n’Ukwahukana.

   Bibiliya ivuga...

Nukw abo mu muryango wa Isirayeli bose, ni bamenye badakekeranya yukw Imana yamugize Umwami na Kristo, Yesu umwe mwābamba.

Bumvise ivyo, bibacumita mu mitima, babaza Petero n’izindi ntumwa, bati Bagabo bene Data, mbega tugire dute?

Petero arabishura, ati Ni mwihane, umuntu wese muri mwebge abatizwe mw izina rya Yesu Kristo, mubone guharirwa ivyaha vyanyu, kandi muzohabga ingabire, ari yo Mpwemu Yera.

Kukw isezerano ar’ iryanyu kand’ ar’ iry’ abana banyu, n’abari kure bose, abazohamagarwa bose n’Umwami Imana yacu.

Ivyakozwe N’intumwa 2:36-39


Fyonda ku ishusho kugira ngo ubone ishusho yuzuye canke PDF.


Acts of the Prophet.

(PDFs Icongereza)

Ukwabirana
n’Ukwahukana.

(PDF)

Imbere...

Inyuma...

William Branham
Life Story.

(PDF Icongereza)

Ingene Wa
Mumarayika
Yangendeye...
(PDF)


Ubutumwa hub... Hitamwo ururimi rwawe maze gukurura ubutumwa ku buntu buvuye ku muvukanyi Branham.