Ndovhedzo nga maḓi.
Nzumbululo ya Yesu Khristo.
William Branham.Vhalani mulaedza...
Nzumbululo ya Yesu Khristo.Ndi a tenda uri zwi dzhia nzumbululo u bva kha Muya Mukhethwa uri hu vhonwe iyo ngoho nga ha Vhudzimuraruthihi kha ano maḓuvha hune ra vha vhukati ha u peamiswa ha Maṅwalo manzhi. Fhedzi tshivhidzo tshi kundaho tsho fhaṱelwa nṱha ha nzumbululo nguralo ri a kona u lavhelela uri Mudzimu a ri dzumbululele ngoho Yawe.
Fhedziha, kha ndovhedzo nga maḓi, a zwi ṱoḓi nzumbululo. Zwi tou vha khagala-khagala zwo vha-sedza tshifhaṱuwo thwii! Kaniha zwi nga konadzea lwa miniti muthihi fhedzi uri vhaaphostola vha kungelwe kule na mulaedza wa Murena vha mbo ḓi thoma ulovhedza nga dzina ḽa Khotsi na ḽa Murwa na ḽa Muya Mukhethwa u bva afho vha wanala vhe na mulandu wa tshikhuna? Vho zwi ḓivha uri dzina ho vha hu ḽifhio, nahone ahuna na fhethu na huthihi Bivhilini he vha lovhedza na nga iṅwe nḓila nga nnḓa ha Dzina ḽa Murena Khristo Yesu.
Muhumbulo zwawo u a kona uvhudza muthu uri Bugu ya Mishumo I sumbedza Tshivhidzo nyitoni, zwino arali vho lovhedza nga iyi nḓila zwi amba uri ndi yone nḓila ine ya tea u lovhedzwa ngayo. Zwino arali ni tshi vhona unga zwo khakhea, ni humbula mini nga ha izwi? Nnyi na nnyi we a si lovhedzwe dzinani ḽa Murena Yesu u tea u dovha hafhu alovhedzwa.
Mishumo 19:1-6,
“Musi Apolosi e Korinta, Paulo a buḓekanya shango nga matavhani a swika efeso. Henefho a wana vhaṅwe vhafunziwa. A vha vhudzisa a ri, ‘Naa no vhuya na ṱanganedza Muya Mukhethwa musi ni tshi vha Vhatendi naa?’ Vhone vha mu fhindula vha ri, ‘Zwa Muya Mukhethwa a ri athu vhuya ra zwi pfa.’ Paulo a vha vhudzisa a ri, ‘Matsina no lovhedzwa nga ndovhedzo ya nnyi?’ Vhone vha fhindula vha ri, ‘Nga ndovhedzo ya Yohane.’ Paulo a ri, ‘Yohane o lovhedza vho rembuluwaho a tshivhudza Vhaisiraele uri vha fulufhele a no ḓo mutevhela, a tshi amba Yesu.’ Vha tshi pfa Paulo vha lovhedzwa uri vha vhe vha Yesu Muṋe washu. Paulo a vha vhea zwanḓa, Muya Mukhethwa a mbo ḓi tsela khavho, vha thoma u amba nga ndimi vha ita na u porofita.”Khezwo. Havha vhathu vhavhuḓi vha Efeso vho vha vho pfa na zwa u ḓa ha Mesia. Yohane o vha o funza nga Hawe. Vho vha vho lovhedzelwa thembuluwo kha zwivhi zwavho, vho lavhelesela u tenda kha Yesu. Fhedziha zwino tsho vha tshi tshifhinga tsha u lavhelesa murahu kha Yesu vhalovhedzelwe u kupulwa zwivhi. Tsho vha tshi tshi fhinga tsha u ṱanganedza Muya Mukhethwa. Musi vha tshi lovhedzwa nga dzina ḽa Yesu Khristo, Paulo o vhea zwanḓa zwawe kha vho Muya Mukhethwa wa ḓa khavho.
Oo! Vhaḽa vhathu vhafunwa vha Efeso vho vha vhe vhathu vhavhuḓi, nahone arali ho vha hu na we a tea u pfa e na pfanelo ya u tsireledzea ndi zwe vha pfisa zwone. Edzanu vhona uri vho vha vho bva kule zwingafhani. Vho vha vho bva hoṱhe hangei u swika vha tshi ḓa khau ṱanganedza Mesia. Vho vha vho lugela u mu ṱanganedza. Fhedziha a ni zwi vhonina uri vhuhoneni hazwo zwoṱhe izwo vho kundelwa u mu vhona? O ḓa a fhira. Vhovha vha tshi vho ṱoḓa u lovhedzwa Dzinani ḽa Murena Yesu Khristo. Vho vha vhatshi ṱoḓa u ḓadzwa nga Muya Mukhethwa. Arali no lovhedzwa dzinani ḽa Murena Khristo Yesu, Mudzimu u ḓo ni ḓadza nga Muya. Iḽo ndi ipfi.
Mishumo 19:6 ine ra i vhala ho vha hu u khunyeledzwa ha Mishumo 2:38,
“Petro a ambo navho a ri, “Shandukani noṱhe ni lovhedzwe dzinani ḽa Yesu Khristo hu vhe u hangwelwa zwivhi, ndi hone ni tshi ḓo ṱanganedza tshifhiwa tsha Muya Mukhethwa.”Ni ya vhona, Paulo, nga Muya Mukhethwa o amba kokotolo zwe Petro a amba nga Muya Mukhethwa. Nahone zwe zwa ambwa zwi nga si shandulwe. Zwi tea u vha zwithihi u bva Phenthekhoste u swika munangiwawa mafhelelo a tshi lovhedzwa.
Vhagalata 1:8,
“Hone na riṋe naho e muruṅwa a bvaho taḓulu arali ri tshi nga ni vhudza mafhungo maḓifha a re thungo ha hayo e ra ni vhudza, onoyo ano ralo o no laṱwa.”Zwino vhaṅwe vha vhoinwi vhathu vha Oneness ni lovhedza nga ndovhedzo ine i si vhe yone. Ni lovhedzela u kupula zwivhi vhunga u ṋuvhedzwa maḓini ho ni tshidza. U kupulwa zwivhi a hu ḓi nga maḓi; ndi mushumo wa Muya. Muthu we nga Muya a ṋea Ndaela, “Rembuluwani ni lovhedzwe noṱhe dzinani ḽa Murena Yesu,” ho ngo ri maḓi a a kupula zwivhi. O ri hu sokou vha vhuṱanzi ha, “luvalo lwo ṱambaho phanḓa ha Mudzimu.” Ndi zwone fhedzi zwe a amba.
1 Petro 3:21,
“Tshifanyiso tsha zwenezwo na zwino tshi khou ni tshidza, ndi amba ndovhedzo , ine I si vhe u kupula tshika ya ṋamani, tshayo ndi u humbela luvalwo lwavhu Mudzimuni, nga u dzamuluwa ha Yesu Khristo.”
Ndi a zwi tenda.Arali e hone ana mahumbulwa a mazwifhi uri ḓivhazwakale i a kona u zwi vhea khagala uri ndovhedzo nga maḓi yo itwa nga iṅwe nḓila nga nnḓa ha dzina ḽa Murena Khristo Yesu, ndi nga ni eletshedza uri ni vhale ḓivhazwakale ni ḓiwanele zwone inwi muṋe. Zwi tevhelaho ndi maṅwalwa a vhukuma a Ndovhedzo ye ya itwa ngei Roma nga ṅwaha wa Murena washu wa 100, wa dovhololwa kha Magazini ya TIME, nga ḽa 5 ḽa Nyendavhusiku 1955:
“Mudikoni o imisa tshanḓa tshawe, na Publius Decius a dzhena nga muṋango wa vhulovhedzeloni. We a vha oima ngomu maḓini o guma kha dzikhundu ho vha hu Marcus Vasca we a vha e murengisi wa matanda. O vha a tshi khou setshelela musi Publius a tshi dzhena ishani thungo lwawe. 'Credis' a vhudzisa. 'Credo' Publius a fhindula. ‘Ndi a tenda uri u tshidzwa hanga hu bva ha Murena Yesu Khristo, we a vhambwa kha tshifhambano nga fhasi ha Muvhuso wa Pontius Pilate. Ndi we nda fa nae uri ngae ndi wane Vhutshilo Vhu sa fheliho.’ Zwenezwo a pfa zwanḓa zwi tshi mu tika zwo khwaṱha afho a tshi tenda u wela ishani nga tsha murahu, nga nḓevhe dzawe a pfa ipfi ḽa Marcus ḽi tshi ambela nḓevheni dzawe: 'Ndi a u lovhedza Dzinani ḽa Murena Yesu' afho a tshi ṋuvhela maḓini a rotholaho.”
Uyahoya u vhuya u swikangoho i tshi ngalangala (ya si hume u swika tshifhingani tshino tsha vhufhelo -afha ndi u bva Nicaea u swika ufhelani ha miṅwaha ya ḓana), vho vha vha tshi lovhedza Dzinani ḽa Murena Khristo Yesu. Fhedziha ngoho yo no huma. Sathane a si nga si hane o tsikeledzela nzumbululo fhasi ngeno Muya Mukhethwa a tshi khou ṱoḓa u ṋekedza.
Ee, arali ho vha hu na Midzimu miraru, zwo vha zwi tshi ḓo pfala uri hu tea u lovhedzwa dzinani ḽa Khotsi, na ḽa Murwa na Muya Mukhethwa. Fhedziha NZUMBULULO YE YA ṊEWA YOHANE ho vha u ri hu na MUDZIMU MUTHIHI ane Dzina Ḽawe ndi MURENA KHRISTO YESU, Huno ri lovhedzela Mudzimu MUTHIHI nahone muthihi fhedzi. Ndi ngazwo Petro o lovhedza nga nḓila ye a lovhedza ngayo Phenthekhoste. Zwo vha zwi tshi tou pfala uri u tea u ima kha ngoho ya nzumbululo ye ya vha itshi ri, “Kha zwi ḓivhiwe lwa ngoho nḓuni yoṱhe ya Isiraele uri, Mudzimu o ita honoyo YESU MUTHIHI, We na mu vhamba, ZWOṰHE MURENA NA KHRISTO.” Khoyoha, “MURENA KHRISTO YESU.”
Arali Yesu e zwoṱhe Khristo na Murena, huno Ene (Yesu) ndi, nahone a si nga si vhe tshiṅwe fhedzi, “Khotsi, Murwa, na Muya Mukhethwa.” Kha Muthu MUTHIHI, o vhonadzwaho ṋamani. A si, “Mudzimu kha vhathu vhararu, vhudzimuraruthihi ho fhaṱutshedzeaho,” fhedzi MUDZIMU MUTHIHI, MUTHU a re na zwinungo zwihulwane zwiraru, na ofisi tharu dzine dza vhonadza izwo zwinungo. Dovhani ni zwi pfe luthihi hafhu. Honoyu Yesu muthihi u, “ZWOṰHE Murena na Khristo.” Murena (Khotsi) na Khristo (Muya Mukhethwa) ndi Yesu, ngauri Ene (Yesu) u ZWOṰHE (Murena na Khristo).
Arali izwo zwa kundwa u risumbedza nzumbululo vhukuma ya Vhudzimuraruthihi, a hu na tshine tsha ḓo zwiita. Murena A SI muṅwe muthu; Khristo A SI muṅwe muthu. Uyu Yesu ndi Murena Yesu Khristo, Mudzimu muthihi. Muṅwe musi Filipi o amba na Yesu a ri, “Murena ri sumbedze Khotsi ndi hone zwi tshi ḓo ri lingana.” Yesu a amba nae a ri, “Wovha u na nṋe misi yoṱhe iyi ngeno u sa nnḓivhi. Uyo ha ane a vhona Nṋe o vhona Khotsi, zwino ndi ngani u tshi ri, ri sumbedze Khotsi? Nṋe na Khotsi anga ri Muthihi.”
----
Ni nga si ite uri Mudzimu a vhe vhathu vhararu kana zwipiḓa zwiraru. Muyuda ni nga si mu vhudze uri hu na Khotsi, na Murwa, na Muya Mukhethwa. U ḓo ṱavhanya u ni vhudza uri uyo muhumbulo u bva ngafhi. Vhayuda vha a ḓivha uri iyi pfunzo yo ṱokwa Khoroni ya Nicene. A zwi mangadzi vha tshi ri nyefula uri ri vha-hedeni.Ri amba nga ha Mudzimu a sa shandukiho. Na Vhayuda izwo vha a zwitendavho. Fhedzi tshivhidzo tsho shandukisa Mudzimu watsho u bva kha MUTHIHI uya kha VHARARU. Huno tshedza tshikhou huma nga zwifhinga zwa nga madekwana. Zwi a khamadza hani uri izwi zwi khou itea nga tshifhinga tshine na Vhayuda vha khou humela Phaḽesitina. Mudzimu na Khristo ndi tshithu TSHITHIHI. Hoyu Yesu u zwoṱhe, Khristo na Murena. Yohane o wana nzumbululo, nahone Yesu ndi ene Nzumbululo, a dovha a ḓi bveledza henefha kha Maṅwalo: “NDINṊE We nda vha ndi hone, ane a vha hone na ane a ḓo ḓa, Ramaanḓaoṱhe. Amen.”
Arali nzumbululo i sa swikelelei, lilalani ni ṱoḓe Mudzimu a ni thuse. Ndi yone nḓila nthihi fhedzi ine ngayo na ḓo i wana. Nzumbululo itea u bva ha Mudzimu, a i ḓi nga vhathu, zwithu zwa ṋama, fhedzi nga u ḓadzwa nga Muya. Ni nga kha ḓi ḓivha maṅwalo nga mbilu nahone naho izwo zwi tshi mangadza, a zwi nga zwi koni. I tea u vha nzumbululo i bvaho ha Mudzimu. Zwo ambiwa Bivhilini u pfi ahuna muthu ane a nga ri Yesu ndi Khristo arali hu si nga Muya Mukhethwa. Ni tea uri ni ṱanganedze Muya Mukhethwa na uri ndi hone fhedzi hune Muya wa ḓo ni fha nzumbululo ya uri Yesu ndi Murena: Mudzimu, Muḓodzwa.
Ahuna muthu ane a ḓivha zwithu zwa Mudzimu nga nnḓa ha Muya wa Mudzimu na uyo ane Muya wa Mudzimu wa mudzumbululela zwone. Ri tea u vhidza mudzimu uri a ri fhe Nzumbululo u fhirisa zwiṅwe zwithu zwoṱhe fhano shangoni. Ro ṱanganedza Bivhili, ro ṱanganedza vhungoho vhuhulu hu re ngomu hayo, fhedzi zwi ḓi dzulela u sa amba tshithu kha vhathu vhanzhi ngauri nzumbululo nga Muya a i ho. Ipfi aḽo ngo hanyiswa khavho. Bivhili kha Vhakorinta ya 2 5:21 i ri ro itwa vholugaho vha Mudzimu nga mbingano yashu na Khristo. No zwi pfa? RI U LUGA HA ENE MUDZIMU NGADZAWE nge ra vha KHA KHRISTO. I ri Ene (Yesu) o itwa u nga MUTSHINYI a tshiitela riṋe uri riṋe ri pfumelelwe nga u itwa vhathihi Nae. A i ambi u ri o vha wa vhuvhi, fhedzi o itwa u nga MUTSHINYI a tshi itela riṋe uri nga u vha hashu vhathihi nae, ri vhe U LUGA ha Mudzimu.
Arali ri tshiṱanganedza ngoho (nahone ri tea u zwi ita) ya u ri o ita vhunga MUTSHINYI atshi itela riṋe nge a dzhia vhudzulo hashu, ri teavho u ṱanganedza ngoho ya uri riṋe, nga vhuthihi hashu Nae, ro ḓo vha hone U LUGA ha Mudzimu. U hana tshithihi ndi u litsha tshiṅwe; u ṱanganedza tshithihi ndi u ṱanganedza tshiṅevho. Zwino ri a zwi ḓivha uri Bivhili i a zwi amba hezwo a zwi hanedzei. Fhedzi nzumbululo yazwo yo ngalangala. Asiya vhukuma kha vhunzhi ha vhana vha Mudzimu. I sokou ḓivhela vese yavhuḓi kha Bivhili fhedzi ri tama i tshiitwa i TSHILAHO kha riṋe, izwo zwi ḓo dzhia nzumbululo.
Vhalani mulaedza...
Nzumbululo ya Yesu Khristo.
