Ulubatisho lwa menshi.
Ukusokolola kwakwa Yesu Kristu.
William Branham.Belengeni ili buku...
Ukusokolola kwakwa Yesu Kristu.Ndesumina ukutila cisenda ubusokololo bwa cine ukufuma ku Mupashi wa Mushilo ku kumone cishinka pa mutwe wa Bulesa muli shino nshiku ilyo tuli mukati ka kupilibula kwa Malembo ayengi. Lelo ulwansha, ulukuta ulucimfya lwa kulwa pa busokololo e ico kuti twasubila Lesa ukusokolole cine Cakwe kuli ifwe.
E ico kanshi, imwe nakuba tamufwaikwa ubusokololo pa lubatisho lwa mu menshi. Lwaba fye apo pene ukumulolesha pa menso. Bushe kuti cacitwa pali miniti umo ku batumwa ukutungululwa mu cilubo ukufuma kwi funde line lya kwa Shikulu umwine ku kubatisha mwi Shina lyakwa Tata na Mwana na Mupashi wa Mushilo elyo kabili no kubasanga ukukana nakila itolo? Balishibe ifyo Ishina lyali, kabili tapabapo ne ncende imo mu Malembo umo ba batishishe mu musango uuli onse ukucila mwi Shina lyakwa Shikulu Yesu Kristu.
Amano ayali yonse kuti ya mwebo kuti Ibuku lya Milimo ya Batumwa lukuta mu mulimo, kabili nga balibatishe muli ulya musango, kanshi ulya e musango uwa ku batisha. Nomba nga muletontonkanya ukuti ici na cikosa, cinshi ico muletontonkanya pali ici? Uli onse usha batishiwe mwi Shina lyakwa Shikulu Yesu ali batishiwe umuku naumbi.
Imilimo ya Batumwa 19:1-6,
“Kabili caishile citika, ukutila, ilyo Apolo ali mu Korinti, Paulo apitile ku musansama no kufika ku Efese: na pa kusanga abasambi bamo, Atile kuli bene, Bushe mwapokelele Umupashi wa Mushilo pa kutetekela? Nabo batile kuli wene, Lelo tatwatala atumfwa ukuti Umupashi wa Mushilo wabako. Elyo atile kuli bena, Nga kanshi cinshi ico mwabatishiwemo? Nabo batile, Mu lubatisho lwakwa Yohane. Lelo Paulo atile, Yohane abatishishe ulubatisho lwa kulapila, pakweba abantu, ukutetekela Uyo Uleisa mukonkapo, e kutila, pali Kristu Yesu. Ilyo baumfwile ifi, babatishiwe mwi Shina lyakwa Shikulu Yesu. Kabili Paulo ilyo abikapo iminwe, Umupashi wa Mushilo waishile pali bene; kabili balandile mundimi no kusesema.”Mwacimone co. Aba bantu abasuma ku Efese balyumfwile pali Mesiya uwali no kwisa. Yohane ali Mushimikile. Bali batishiwe ku kulapila kwa membu, ukulolekesha ku NTANSHI ku kucetekela pali Yesu. Lelo nomba yali ni nshita ukulolekesha KUNUMA kuli Yesu no kubatishiwa ku KULEKELELWA kwa membu. Yali ni nshita yakupokelela Mupashi wa Mushilo. Kabili ilyo babatishiwe mwi Shina lyakwa Shikulu Yesu Kristu, Paulo abikile indupi shakwe pali bene kabili na Mupashi wa Mushilo waishile pali bene.
Owe, balya abatemwikwa ku Efese bali abantu abasuma; kabili nga kwaliko bamo abakumfwa ukuba aba cingililwa, balicitile. Moneni ubutali uko bafikile. Bafikile monse fye mpako kucetekela Mesiya uwaleisa. Bali abaiteyanya pali Wene. Lelo bushe tamulemona ukuti nangu cali filya bali Mulufishe? Aliishile no kuya. Bafwaikwe uku batishiwa mwi Shina lya kwa Shikulu Yesu Kristu. Bafwaikwe ukwisushiwa na Mupashi wa Mushilo. Nga mwali batishiwa mwi Shina lyakwa Shikulu Yesu Kristu, Lesa aka mwisusha no Mupashi Wakwe. Cilya e Cebo.
Imilimo ya Batumwa 19:6 iyo twacibelenga cali ukufikilisha Imilimo ya Batumwa 2:38,
“Lapileni, no kubatishiwa onse wa muli imwe mwi Shina lyakwa Yesu Kristu ku kulekelelwa kwa membu shenu, elyo mukapokelela ica bupe Umupashi wa Mushilo.”Mwamona, Paulo, ku Mupashi wa Mushilo, asosele filya fine fye ifyo Petro asosele ku Mupashi wa Mushilo. Kabili filya ifya soselwe TEKUTI fipilibulwe. Cilingile ukuba cimo cine ukufuma ku Pentecost mpaka ulya wine umo uwasalwa uwa kulekelesha abatishiwa.
Abena Galatia 1:8,
“Lelo nga nifwe bene, atemwa ni malaika wa mu mulu, onse uubila kuli imwe imbila nsuma iya lekana ne yo twabilile kuli imwe, abe uwakungwe cilai.”Nomba bamo imwe mwe bantu ba Oneness mulalufyanya mukubatisha. Mubatisha ku kupilibulwa kwati fye ukwibishiwa mumenshi kulamupususha. Ukupilibulwa takwishila ku menshi; wabo mulimo wa Mupashi. Umuntu uyo ukupitila ku Mupashi wa Mushilo apele ifunde, “Lapileni no ku batishiwa onse uwa muli imwe mwi Shina lyakwa Shikulu Yesu,” tasosele ukutila amenshi yalapilibula. Atile cali fye icishininkisho ca “kampingu musuma kuli Lesa.” Epela fye.
1 Petro 3:21,
“Ayo icipasho cayako lubatisho cilepususha na ifwe lelo (te kusamba fye ifiko ku mubili, lelo ukulomba kampingu musuma kuli Lesa,) ku kubuka kwa kwa Yesu Kristu.”
Nali cicetekela.Nga uli onse alikwata amano ayali yonse aya bufi ukuti ilyashi lyakale kuti lya shininkisha ulubatisho lwa mu menshi mu musango umbi uuli onse ukucila mwi Shina lyakwa Shikulu Yesu Kristu, kuti na mupanda amano ku kubelenga amalyashi yakale no kuisangila mwebene. Ili e lyashi ilya cine ilya Lubatisho ulo ulwa citike mu Rome mu A.D. 100 kabili lyalifumishiwe nakabili mu TIME Magazine Disemba 5, 1955:
“Dikoni aimishe ukuboko kwakwe, na Publius Decius aingile pa mwinshi wa mu ncende ya kubatishisha. Ukwiminina ukufika mu musana mu cishiba umwali Mercus Vasca kashitisha wa mbao. Alemwentula ilyo Publius aingile mucishiba kumbali yakwe. 'Credis?' aliipwishe. 'Credo,' alyaswike Publius. 'Ndecetekela ukutila ipusukilo lyandi lifuma kuli Yesu uwitwa Kristu, Uyo uwa tanikwe ukupitila kuli Pontius Pilate. Nafwile pamo Nankwe ukutila pamo na Wene ningakwata Umweo wa Muyayaya.' Elyo aumfwile amaboko aya maka uku mwafwilisha ilyo ailengele umwine ukuwila kunuma mu cishiba, kabili alyumfwile ishiwi lya kwa Marcus mukutwi kwakwe - 'Nakubatisha mwi Shina lyakwa Shikulu Yesu' - lintu amenshi ayatalala ya mufimbilikishe.”
Mpaka fye lintu icine calubile (kabili tacabwekele mpaka ino nshita ya kulekelesha-ici cafuma ku Nicaea mpaka ukutampa kwa myaka ino iya mwanda umo) babatishe mwi Shina lyakwa Shikulu Yesu Kristu. Lelo na kubwela nakabili. Satana teti asunge ubusokololo ukukana bapo ilyo Umupashi ulefwaya ukubupela.
Ee, nga kwaliko ba Lesa batatu, kuti cawama mwabatishisha kuli Tata, kabili no Mwana, kabili no Mupashi wa Mushilo. Lelo UBUSOKOLOLO UBWAPELWE KULI YOHANE bwali bwa kutila kwaba fye LESA UMO ne Shina lyakwe ni SHIKULU YESU KRISTU, kabili mulabatisha muli Lesa UMO kabili umo fye. Uyo e mulandu wine Petro abatishishe umusango acitile pa Pentecost. Alingile ukubo wacine ku busokololo ubo ubwali, “Lekeni bonse aba ng'anda yakwa Israele beshibe bwino bwino, ukuti Lesa nacita ulya WINE YESU, Uo mwatanike, FYONSE FIBILI SHIKULU KABILI KRISTU.” Uyo Ali apo, “SHIKULU YESU KRISTU.”
Nga Yesu aba 'FYONSE FIBILI' Shikulu na Kristu, kanshi Wene (Yesu) aba, kabili tekuti abe cimbi kano “Tata, Mwana, na Mupashi wa Mushilo” mu Muntu UMO ukumonekela mu mubili. TACILI “Lesa mu bantu batatu, abene batatu abapalwa,” lelo LESA UMO, UMUNTU UMO nefya kulumbwilako ifikankala fitatu, nama ofeshi yatatu ukulangisha filya ifya kulumbwilako. Cumfweni umuku naumbi. Uyu wine Yesu aba “FYONSE FIBILI Shikulu kabili Kristu.” Shikulu (Tata) na Kristu (Umupashi wa Mushilo) niba Yesu, Pantu Wene (Yesu) aba FYONSE FIBILI ifya fyena (Shikulu kabili Kristu).
Nga cilya taciletulangisha ubosokololo ubwa cine ubwa mutwe uwa Bulesa, takuli cimbi icikacita. Shikulu TALI ni umbi; Kristu TALI ni umbi. Uyu Yesu ni Shikulu Yesu Kristu-LESA UMO. Filipo ubushiku bumbi atile kuli Yesu, “Shikulu, tulangeni Shinwe kabili twalaikushiwa.” Yesu atile kuli wene, “Bushe naba pamo na imwe inshita iyakule fi kabili tamwa Njishiba? Uyo uwamona Ine amona Tata, nga cinshi ulesosela, auti Tulangeni Shinwe? Ine na Tata twaba Umo.”
----
Teti mubike Lesa mu bantu batatu nangu mu fipandwa fitatu. Teti mwebe umu Yuda ukuti kwaba Tata, Mwana, kabili na Mupashi wa Mushilo. Aka mweba bwangu bwangu uko yalya mano yafumine. Aba Yuda balishiba ici cisumino capangilwe ku Kabungwe ka Nicene. E mulandu balatuseka nga basenshi.Tulanda pali Lesa uyo uushipilibulwa. Aba Yuda balicetekela cilya nabo. Lelo ulukuta lwapilibwile Lesa wabo uushipilibulwa ukufuma kuli UMO ukufika kuli BATATU. Lelo ulubuuto lulebwekela mu nshita ya cungulo bushiku. Ifyo cileikata icakuti ici cine nacisa pa nshita ilyo aba Yuda balebwelelamo ku Palestine. Lesa na Kristu baba UMO. Uyu Yesu ni FYONSE FIBILI SHIKULU KABILI KRISTU. Yohane alikwete ubusokololo, kabili YESU ali e Busokololo, kabili Aishile ileta Umwine muno mwine fye mu Malembo_“NINE Uyo Uwalipo, Uulipo kabili Uukesa, uwa Maka yonse. Ameni.”
Nga ubusokololo na bukucilila, lolesha ku mulu nokufwaya Lesa pali bwena. Iyo e nshila fye yeka mukatala ukubupokelelamo. Ubusokololo bulingile ukufuma kuli Lesa. Tabwatala ukwisa ukupitila mu buntu, mu kuputwa kwacifyalilwa, lelo ukupitila mu kusubwa kwa bu Mupashi. Kuti mwasungila fye na Malembo, kabili nangu cilya cingabe cisuma, cilya teti cicite. Cilingile ukuba ubusokololo ukufuma kuli Lesa. Calilandwa mu Cebo ukuti takuli umuntu uwingalanda ukuti Yesu ni Kristu kano fye ku Mupashi wa Mushilo. Mulingile ukupokelela Mupashi wa Mushilo kabili elyo, kabili lyena fye lyeka, Umupashi kuti wamupela ubusokololo ukuti Yesu ni Kristu: Lesa, Uyo Uwasubwa.
Takwaba umuntu uwaishiba ifintu fyakwa Lesa kano fye Umupashi wa kwa Lesa kabili noyo uo Umupashi wakwa Lesa usokolwelako. Tulingile ukwita pali Lesa pa busokololo ukucila ifintu fyonse ifili pe sonde. Twalisumina Baibele, twalisumina ifishinka fya yena, lelo tayaba iituntulu ku bantu abengi pantu ubusokololo bwa ku Mupashi tabwabapo. Icebo tacaletwa ku mweo. Baibele itila mu 2 Abena Korinti 5:21 ukutila tuli ubulungami bwakwa Lesa mukwampana kwesu na Yesu Kristu. Bushe namumfwe ci? Ilesoso kutila TULI BULUNGAMI BWINE UBWAKWA LESA UMWINE pakuba MULI KRISTU. Ilesoso kutila Wene (Yesu) aishilebo LUBEMBU pa mulandu wesu. Taisoso kutila Aishileba umubembu, lelo aishileba ULUBEMBU pa mulandu wesu ukutila ukupitila mukwampana kwesu pamo Nankwe twingaba UBULUNGAMI ubwakwa Lesa.
Nga kuti twasumina icishinka (kabili kuti twacita) ukutila Wene mu butuntululu aishileba ULUBEMBU pa mulandu wesu paku ipyanisha Kwakwe pali ifwe, lyena tulingile na ifwe ukusumina icishinka ukutila ifwe mukwampana kwesu na Wene twaisa mukuba UBULUNGAMI BWINE bwakwa Lesa. Ukukana cimo ninshi kukana ne cibiye. Ukusumina cimo kusumina ne cibiye. Nomba twalishiba Baibele efyo isosa. Teti tu Cikane. Lelo ubusokololo bwa cena bwalilufiwa. Tacaba icituntulu ku bengi abana bakwa Lesa. Yaba fye ni vesi iisuma muli Baibele. Lelo tufwaikwa ukukwata lyena ukucitwa ilya MWEO kuli ifwe. Cilya cikasenda ubusokololo.
Belengeni ili buku...
Ukusokolola kwakwa Yesu Kristu.
