Akipi Batisimu.
Apukokinio naka Yesu Kristo.
William Branham.Naka oitabo...
Apukokinio naka Yesu Kristo.Acamunit eong ebe ipuda apukokinio nakotenan kama ejai Emoyo Lokalaunan aanyun abeit naikamunit Eidekeone kotoma apaarasia nu nukijaar oni akidingot naka aitapaario naka nuipu Nuiwadikatai Obaibuli. Konye ekanisa ngol loesalakinit ejai ameun kageunet, ekanisa loipikorit, erai loedukokinitai toma apukokinio aso kimunokin Edeke apukokin abeiteKe mamawok.
Konye bo, kaitebeikin mam ijo ipuda apukokinio kanuka aibatis kakipi. Ejai cut nen kidetakinit ijo akonye. Ti kereka cut kepedoros ebe iyakia aitapaario awai karaida adaun adakika adiopet kama ejai aicorakinet naka Ejakait nekec kanu aibatis Kokiror loka Papa, ka Okoku, ka Emoyo Lokalaunan ka kes da adumunio kotoma emamus arimar napeleikina? Kejenete kesi ingai Ekiror ngol, ido emamei karaida aiboisit adiopet kotoma kanu Iwadikatai Obaibuli neibatisatotor kesi koipone ece dimarai Kokiror loka Ejakait Yesu Kristo.
Aomisiokon ti kilimokis ijo ebe Eitabo loka Aswamisio erai ekanisa kotoma aswam, ido arai ebatisaete kesi koipone kangol, ngol bodo nges eipone lokibatiset. Aso do arai iwomit ijo ebe egogong ngin, biai bodo iwomit ijo kanuka nu? Idiotunganan yenimam ebatisatai Kokiror loka Ejakait Yesu ajai bobo nges aibatisao.
Aswamisio 19:1-6,
“Nakejaar Apolo Korinto, kitor Paul akwap naimukurur, kodol Epeso. Kodum ikesisiak ice kangina. Kingit kes atiar, Ipotu kereka kodumut Emoyo Lokalaunan nakiyuuniata? Kobalas ebe, Mam karaida aiirarit ebe ejai Emoyo Lokalauna. Kotema atiar, Aso kibatisatai yes aibatis anyoin? Kotemasi atiar, Aibatis naka Yokana. Kotema Paul atiar, Abu Yokana kibatis kaibatis naka aitoronikin, elimonokin itunga aiyuun loebunit kokaukeng nges Yesu. Nakiirariata ngun, kibatisaunos Kokiror loka Ejakait Yesu. Kosodi nakedaunia Paul aidokokin kes akekanin, kodoik kes Emoyo Lokalaunan; kinerata angajepa, ka aidwar.”Erai nges ngin. Itunga lu, lupe cut ajokak ko Epeso kepotu kiiraritos nuekamunitos Mesia lo abunit. Kedaunit Yokana alimonokin Ngol. Keponi kibatisai kes toma aitoronokin naka adiakanareta, kosesenete INGAREN kanu aiyuun Yesu. Konye do kwana kerai do apak naka angoliar KAU ne ejai Yesu kaibatisao da toma AISIONIO naka adiakanareta. Kerai do na apak naka adumun Emoyo Lokalaunan. Ido nakedaunere kes aibatis Kokiror loka Ejakait Yesu Kristo, abu Paul kidokok kes akekanin kosodi kodoik kes Emoyo Lokalaunan.
Oo, ipajan ngul luminan luka Epeso keraas itunga luajokak; ido arai kejai idio yenikejaas kapedor naka aipup ayuara, kerai nges kesi. Koany nekedolito kesi. Kedolito kesi kiton adoketait naka aijaun Mesia loabunit. Kekapakina kesi kanuKe. Konye mam kereka ijo iyanyunit ebe karaida kikote nen kepotu kesi kibucata Nges? Kebu Ngesi kebu ketubor da. Epudasi kesi aibatisao Kokiror loka Ejakait Yesu Kristo. Epudasi kesi ailelebio kEmoyo Lokalaunan. Arai kibatisatai ijo Kokiror loka Ejakait Yesu Kristo, kilelebikini Edeke ijo Emoyoke. Ngin nges Akirot.
Aswamisio 19:6 nesek kisiomi oni kerai ailelebikinet naka Aswamisio 2:38,
“Kitoronikinos, kibatisaunos, nginitunganan kayesi, Kokiror loka Yesu Kristo, kanuka aisionio naka adiakanaretakus; kiinakinio ainakinet naka Emoyo Lokalaunan.”Koany, Paul, kanuka Emoyo Lokalaunan, abu kolim cut nuabu Petero kolim kanuka Emoyo Lokalaunan. Ido nuaponi kolimunoi MAM EPEDORIO aijulakin. Ekoto koputo ameun ko Pentekosit aitodol neibatisaere yeneseunitai yenikawasia.
Igalatian 1:8,
“Konye arai sio da arai emalaika loebuni kotoma akuj, kilimonok yes Akiro Nukajokak nuegelara ka ngun nukipou kalimonokisi yes, korau loikenitoi.”Kwana ice kayesi kotunga luka Oneness ibatisaete erono. Ibatisaete yesi kanuka aisiteteunio kosubite bala aitulumio kotoma akipi nges kitajarit yes. Mam aisiteteunio ebuni kanuka akipi; erai ngin aswamisioit naka Emoyo. Etunganan loabu kanuka Emoyo Lokalaunan koinak aicorakinet, “kitoronikinos ido kibatisaunos nginitunganan Kokiror loka Ejakait Yesu,” mam abala ebe akipi kes kisiteteunete. Abala ebe arai bon aitogogonget naka “aomisio nuejok mama ejai Edeke.” Arai kes ngun bon.
1 Petero 3:21,
“Eputos akiro ngun kaibatisao, naitajari yes kwana, mere alemar elos loka akuan, dimarai einer kaomisio nuejok mama ejai Edeke, kanuka ajarun naka Yesu Kristo.”
Eyuunit eong kwangin.Arai ejaas ice kaomisio ace nuingalangalaete ebe epedorete akiro nukolosek aitogogong aibatis kakip koipone ece kwabo mere Kokiror loka Ejakait Yesu Kristo, ti eong kecor ijo aisiom aiwadikaeta nuka akirosinei nukiswamas kolosek kosodi do ijo ilopet ajenun kanukon. Naetupakinit erai aiwadikaet naka abeit naikamunit Aibatisao nabu kojaikin toma Rome kokaru A.D. 100 ido aponi kitolomunai bobo kotoma oitabo loenyaritai “'TIME Magazine” December 5, 1955:
“Kikeu edikon akekan kosodi Publius Deoius alomar okek loka neebatisaenenere. Loabwoi katapar kodolitosi akipi angabet kerai Marcus Vasca akagwelanaran abaoi. Emunumuno do nges kwape ekwadunor Publius toma atapar eiduny kanges. Kosodi aingit ebe 'Kredis?' (Iyuunit?). Kobongok Publius ebe 'Kredo' (Eyuunit). 'Eyuunit eong ebe akaitajario ebunit kama ejai Yesu loerai Kristo, loaponi kibubukinoi kapugan naka Pontio Pilato. Kipou katwakata kaNges tetere da kaNges kajaunos Kaijar namam edaun.' Kopupuni do ngesi akanin nukagogong igagaunete nges kwape agoyaror ngesi toma atapar eidedia, kosodi aiirar eporoto ka Marcus kakitike - 'Ebatisai eong ijo Kokiror loka Ejakait Yesu' - kwape agolokinotor akipi nualilim kokujuke.”
Ameun cut aitodol naetoliorere abeit (ido mam abu kobongu aitodol atur na nakawasia - erai ameun ko Nicaea toni aibelokinet naka ikar akwatat luka akaisaarei lupelu) ebatisaete kesi Kokiror loka Ejakait Yesu Kristo. Konye abongu bobo ngin. Mam Satan epedori aicikakin apukokinio kwap neekotor Emoyo aijaikin.
Eebo, karai kojaasi Idekesio iuni, ti bo teni ejok noi ijo aibatis kanuka loerai Papa, ka loerai Okoku, ka loerai Emoyo Lokalaunan. Konye APUKOKINIO NAPONI KIJAIKINAI YOKANA arai ebe ejai EDEKE EDIOPET ido Ekekiror nges EJAKAIT YESU KRISTO, kosodi ebe ibatisai ijo kanuka Edeke EDIOPET ido ediopet bon. Kanukangun nges ebatisaa Petero koipone kaloabu nges kiswamaa ko Pentekosit. Ajai nges araut lokabeit neajai apukokinio na ebe “Aso kojen ekek kere loka Israel kabeit ebe etarau Edeke YESU NGOPENGOL, loipotu kibubukis, EJAKAIT KA KRISTO DA.” Nges ngol, “EJAKAIT YESU KRISTO.”
Arai erai Yesu 'NGES IMORIARIT' araut Ejakait ka Kristo da, apolouke Nges (Yesu) bodo erai, ido mam epedori araut ece “Papa, Okoku, ka Emoyo Lokalaunan” kotoma Otunganan EDIOPET itodiaritai kotoma akuan. Mam erai “Edeke kotoma otunga iuni, teriniti loisirerengitai,” konye EDEKE EDIOPET, ETUNGANAN EDIOPET kede ka adoketa auni nukapolok, kede iyapesin iuni luitodianarete adoketa ngun. Kiirasi irwan atipet bobo. Yesu Lopelo nges “IROSIT araut Ejakait ka Kristo da.” Ejakait (Papa) ka Kristo (Emoyo Lokalaunan) eraasi Yesu, naarai Nges (Yesu) nges IROSIT ngun kere (araut Ejakait ka Kristo da).
Arai mam ngun kitodikinete oni apukokinio nakabeit naikamunit Eidekeone, emame do icebore yenepedori. Ejakait MAM erai bobo ece. Kristo mam erai bobo ece. Yesu Lopelo nges Ejakait Yesu Kristo - EDEKE EDIOPET. Kadiopepaaran kotema Pilip Yesu atiar, “Ejakait kitodikinai Papa kidauni. Kotema Yesu nges atiar, Ajai lem Eong kayes komam da ijo kijeni Eong? Yenikaanyunit Eong, eanyunit Papa, aso kanukinyo ibalar, kitodikinai Papa? Eong ka PapaKa kirai Ipe.”
----
Mam ijo ipedori aibwaikin Edeke toma otunga iuni arai atutubeta auni. Mam ijo ipedori alimokin Eyudayat ebe ejai loerai Papa, ka loerai Okoku, ka loerai Emoyo Lokalaunan. Kilimokini ijo katipet noi neabunio aomisioit ngin. Ejenete Iyudayan ebe aiyuunet ngin aponi kitogogongoi kairiamun naajai Nicaea. Mam erai nakaumokin ebe kimuaarito kesi oni kwape lukapiirin.Kinerenena oni nuikamunitos Edeke lomam ijulanakin. Iyuunitos Iyudayan da kwangin. Konye ejulaki ekanisa Ekedeke lomam ijulanakin anyoun araut EDIOPE kiton araun IUNI. Konye ebongunit aica kapak nakatiibong. Eipone lokisumokinitor ngin ebe, eparun abeit na kapak nebongioto Iyudayan Palestine. Edeke ka Kristo eraasi EDIOPET. Yesu lo nges IMORIARIT ARAUT EJAKAIT KA KRISTO DA. Ajaas Yokana ka apukokinio, ido kerai YESU nges apukokinio ngin, boboda abu Ngesi Elopet kitolomun kanepekane kotoma Kanuiwadikatai Obaibuli - “ARAI EONG Ngol Lokejai, Loejai ido Loebeit Abunore, Lokapedor kere. Amen.”
Arai kelwana apukokinio kamakon, kongolia kuju kosodi aimo Edeke kanukangin. Ngol bon nges erot cut loidumunia ijo nges. Apukokinio erai kito naebuni kama ejai Edeke. Mam cut ebuni kanuka, adutakinet naka acoa nauruunet, konye kanuka nuijaikini Emoyo. Ipedori ijo aijen Nuiwadikatai Obaibuli kede kadam da, ido karaida keumokina ngin, mam epedori aswam. Ekoto korai apukokinio kama ejai Edeke. Ebala kotoma Akirot ebe emamei etunganan loepedori alimor ebe Yesu nges erai Kristo dimarai kanuka Emoyo Lokalaunan. Ekoto ber ijo aijaun Emoyo Lokalaunan kosodi konyet, ido kanen bon, nges epedoria Emoyo Lokalaunan ainakin ijo apukokinio ebe Yesu nges Kristo: Edeke Loinyonyoikinitai.
Emamei itunganan yenejeni iboro luka Edeke kilema Emoyo loka Edeke ka ngin yenepukokini Emoyo loka Edeke kes. Kipuda oni aiworo ne ejai Edeke kanuka apukokinio adepar imodiobore kere kakwap. Kidau oni acamun Ebaibuli, kidau oni acamun nukeng nukabeit nukapolok, konye eroko nges kerauna ibore ilopet kane ejaas itunga luipu naarai emamei apukokinio naka Emoyo. Mam Akirot einakinitai aijar. Ebala Ebaibuli kotoma 2 Ikor. 5:21 ebe kidau oni araun adolit naka Edeke kanuka aimorikikiniwok ka Yesu Kristo. lira ijo ngun? Ebala ebe KIRAI ONI ADOLIT OBE NAKA EDEKE ELOPET kanu oni ajaut TOMA KRISTO. Ebala ebe abu Ngesi (Yesu) koraun ADIAKAR kanuwok. Mam ebala ebe abu Ngesi koraun loeleleba adiakar, konye koraun ADIAKAR kanuwok tetere do kanu aimorikikiniwok ka Nges kirauni oni ADOLIT naka Edeke.
Arai kicamunit oni abeit na (ido da ibusakinit oni) ebe abu Ngesi teniteni koraun adiakar kanuwok kanu Nges aisiecakin aibois wok, apolouke ibusakinit oni acamun na da abeit ebe oni kanu aimorikikin ka Nges kidau araun ADOLIT OBE naka Edeke. Aigir adiopet nges aigir naceda. Acamun adiopet nges acamun nace da. Aso kijeni oni ebe Ebaibuli nges ebala kwangin. Mam epedorio aitepeg. Konye apukokinio ke etwaniarit. Eroko kerauna ibore ilopet kanejaas luipu kodwe Iuka Edeke. Erai bon nges ekokoro loejok ko Baibuli. Konye kipuda oni nges kitaraunai LOEJARI mamawok. Erai ngin naekotokin apukokinio.
Naka oitabo...
Apukokinio naka Yesu Kristo.
Edukone ka Elakit.
