Ebatisimu ngolo ngakipi.
Apukokino a Yesu Kristo.
William Branham.Tosiomete alo akirot...
Apukokino a Yesu Kristo.Acamunit ayong kire jik atemar, iitana apukokino ngina akire aneni a Ekuwuam a ngolo Akuangan ikotere ianyuni iyong akiyookino ngina ikamunit Akujuo ngirua lu ngina ikiyiakar iwon kiding ngina ka akibatario ngina angakigiret a nguna alalak. Nai ekanisa ngolo epiyoron, kori ngolo elounan edukokinitae tooma napukokinio aso idaritai iwon Akuj apukokin iwon akiyookino Keng.
Angun, nyiitanito tokona iyes apukokino ikotere epite ngolo kibatisaet. Eyiai nen ileere noi anakonyen kus. Apedorito mono kire ngikiakia alotoma adakika adio akibatario alotoma nguna sek ecikakinit Ekpolon ikes alosit akibatis a Lokiro a papa ka Lokoku ka Ekuwuam ngolo Akuangan ido kiyecekis ikes akimangekin ka akinger ngun a? ayenete ikes ekiro ngol. Ipedori iyong dang amisiikin bon atemar ebe, erai Ekitabo ngolo a Ngiticisio ekanisa neti eyiai lotic. Erai kibatisato ikes alopite a ngol, inges atemar epite ngolo erai kibatisaere ngolo. Erai kitamito iyes atemar egogong ngun. Nyo nai itamete iyes anguna a nu? Idiotunganan daadang ngini pa ebatisatae a Lokiro a Yesu Kristo ayiai akibatisa nabo itunganan ngin.
Ngiticisio 19:1-6,
“Ani eringa Apolo eyiai Korinto, kitor Paulo nakwap ngina mukur, todol Epeso. Toriamu ngicekaswomak; tema inges neni kec ebe, ipotu iyes toriamut Ekuwuam ngolo akuangan ngolopite iyiuniata, temasi ikesneni keng ebe, pa ikirarit isua atemar eyiai Ekuwuam ngolo Akuangan. Tema inges ebe, toma ngae bo ikibatisaere iyes? Temasi ikes ebe, toma akibatis a Yokana. Tosodi tema Paulo ebe, abu Yokana kibatisa kan akibayis ngina ka akibelekin etau, tobala neni a ngitunga ebe, ejoikinit ikes akiyiun inges ngolo ebunit a lokau keng, inges atemar neni a Yesu. Ngolopite eirariata nu, aponi kibatisae ikes a lokiro a Ekapolon Yesu. Ani kedau Paulo akidokokin ngakekan kidiama kec, kirworo ikes ngangajepa ka todwara.”Enguna robo, eiraritotor sek ngitunga ngulu ajokak ngulu a Epeso nguna ka abunore a Mesaya. Asir Yokana kelimonoki ngunakeng, aponi kibatisae ikes toma nakiki ngina a ngasecisia, ido kiteorito KINGAREN akinup Yesu. Ayai tokona akingoliar kau neni a Yesu ikotere eriamunete ebatisimu ngolo ILOTARI ngasecisia. Aria na apaki ngina riamunet Ekuwuam ngolo Akuangan. Kedaun ikes akibatis a Lokiro a Ekapolon Yesu Kristo, abu Paulo kidokok ngakekan neni kec buni Ekuwuam ngolo Akuangan neni kec.
Okoe, arai ngitunga ngulu a Epeso kwii ngitunga ngulu ajokak; erai keyiakasi ngitunga ngulu atamito akiyiar alotoma akimwonikina nguna ka akiteyiario, aria ikes ngulu. Toanyu neni kesir ikes kedol. Asir ikes kedolut neni ebai acamun e Mesaia ngolo ebunit. Atenito ikes noi anguna keng, nai nyiteete iyes atemar ata kikote neni dang asir ikes, kitubucasi Inges a? asir inges abu ka asir dang aeka. Eitana ikes akibatisao a lokiro a Ekopolon Yesu Kristo. Eitanito ikes akilelebio kaapei ka Ekuwuam Ngolo Akuangan. Erai kibatisauna iyong a Lokiro a Ekapolon Yesu Kristo, ikilelebikini iyong Akuj ka Ekuwuam Keng. Erai ngin Akirot.
Ngiticisio 19:6 ngulu sek ikiswomi iwon, arai akitodolikinet a Ngiticisio 2:38,
“Tokiwa ido ikibatisae iyes daadang a lokiro a Yesu Kristo anguna ka akision ngasecisia kus, ka iriamunete iyes ainakinet ngina a Ekuwuam a ngolo Akuangan.”Toanyu, abu Paulo alotooma Lokuwuam, kirwor lopite ngolopei erworitor Petero dang alotoma Ekuwuam ngolo Akuangan. Ido nguna aponi kirworoe ngun emam nyijulakin. Ebeit kikote nepei neni ameun a lopentekoste akitodol ngina eriamunia iseuna ngini esidion cut dang ekabila a ebatisimu a ngol.
Ngigalatiyae 1:8,
“Nai kerai isua, kori emalaika ngolo ebuni a nadis, ikilimokini iyes Eemut ece ngolo egelaana aneni a ngolo ikilimonokinit isua iyes, torau inges elamam.”Tokona iyes ngitung ngulu a epei bon (Oneness) ibatisaete iyes erono. Ibatisaete iyes anguna ka amukean esibit epedori akilumokino nakipi bon akiteyiar iyes; nyebuni alakuno a nguna a ngakipi bon; erai ngol etic ngolo ke Ekuwuam. Ekile ngolo abu kicikak ngitunga a Ekuwam a ngolo Akuangan ebe, “Tokiwa ido ikibatisae iyes daadang a Lokiro a Ekapolon Yesu,” pa abutema ebe, ikiteyiarete ngakipi bon. Abu tema ebe, erai nen akitogogonget ngina ka atametait a ngina ajokan a lokingaren Akuj. Arai daadang ngun.
1 Petero 3:21,
“Ngakiro ngun ikwaan ka akibatisao, ngina tokona ikiteyiari iyes, (mere alemar elosi ngolo ka akuwuan) nai akingit Akuj a nguna a ngatameta a nguna ajokak, anguna ka ayiarun a Kristo.”
Anupit ayong ngun.Erai keyiakatar itunganan idio atametait adio ngina ka aliokonu ngina ebakar ebe itogogongito ngiemuto ngulu ngorok ebatisimu alopite a ece, adeper Alokiro a Ekapolon Yesu Kristo, elipit ayong itunganan ngin tosiom ngiemuto ngulu ngorok ejok. Erai nugu nguna a kire nguna keponi kigirae nguna a ebatisimu a eidio a ngolo keyiai Roma, alotoma ekaru A.D. 100, Elap ngolo a ngitomon ka ngiarei ngirwa a elap 5, 1955. ido aponi tobongokinoi akitolomun anakaratas a ngina esiomio ngina enyaritae Time Magazine, (Akaratas ngina ke esaa):
“Abu edikon kikea akekan, ido Paulo Dekias ngolo erai ekagielanaran a angakito tolom alokek angolo ka akibatisaet. Nai ayiai Makas baska ewoi anakipi anguna adolito nacir keng. Ayiai inges emaisiani apaki ngina ayiakar Makas Baska elomi toma ngakipi alodiyete keng. Abu inges kingit inges tema, 'Kredis,' tobongok Pabulias tema 'Kredo,' 'Anupit ayong atemar ebunit alakunio kang aneni a Yesu a ngolo erai Kristo, ngolo aponi kibubukinoi anapukan a Pontio Pilato. Ikitwani ayong kapei ka inges ikotere ariamuni akiyiar ngina emam nyedaun.' Ido abu inges tokupu ngakan nguna agogogngok igaunito inges apaki ngina atiyiaror nakipi akamaluwat, ido abu kiira eporoto a Makas' anaki keng ebala, - 'Ekebatisae ayong iyong a lokiro a Ekapolon Yesu' - togolokinos nai ngakipi nguna lilim alokidiama keng.”
Akitodol jik ngina angopiaria akiyookino daadang (ka pa abu tobongu nabo mati ananyamet a ngina ka awasia a na - erai nu nguna apotu kitiyiaun a lo Nicea akitodol nangetakinet ngina a ngikaru a lu) ebatisaete ikes a lokiro a Ekapolon Yesu Kristo. Nai abongu tokona. Nyepedori Satan awounia Apukokino apaki ngina ecamitor Ekuwuam apukor idiobore.
Ee, erai keyia ngakujo erai ngauni, inges atemar ejoikinit co iyong akibatis a lokiro a papa, ka Lokoku, ka Ekuwuam ngolo Akuangan. Nai APUKOKINO NGINA APONI INAKINAE YOKANA erai ebe, eyiai AKUJ APEI bon ka erai ekiro keng EKAPOLON YESU KRISTO. Ido ebeit iyong kibatisa anguna ka Akuj a ngina erai APEI, apei bon. Inges ebatisaa Petero dang ikongina anakolongit a ngina a Pentekoste. Eitana inges kiyokino alotoma apukokino ngina sek abala ebe, “Kimiekisi toyenu akai ngina a Isirael daadang atemar kire ebe, adau Akuj akitaraun YESU LOPEI NGOL, NGOLO ibubukinete iyes, EKAPOLON KA KRISTO DANG.” inges ngol, “EKAPOLON YESU KRISTO.”
Ani kerai Yesu lopeingol IROTARIT arakau Ekapolon ka Kristo, inges atemar (Yesu) pei erai inges, Mam nabo ngolo erai papa, ianyu a? ka Ekuwuam ngolo Akuangan“ erai tunganan IPEI ngini abu tonap akuwuan. MERE ”ebe, Akuj alotoma ngitunga ngiuni, (Blessed trinity) nai AKUJ APEI, KA DANG TORAI ITUNGANAN IEPI ka ngimaeta keng ngiuni ngulu apolok. Ka toyiakatar nabo ngapision ngauni nguna itodiaritor inges ngimaeta ngul. Tokupoki nabo. Yesu lopeilo inges IROTARIT arakau “Ekapolon ido Kristo.” Ekapolon (papa) ka Kristo (Ekuwuam ngolo Akuangan) inges Yesu. Anerai erai Yesu irotarit arakau (Ekapolon ka Kristo dang).
Erai pa ikitodikinito iwon ngun apukokinio ngina ka ayenun Akuj ngina a kire, emame nabo ibore ice ngini epedori akitacaikin iwon ngun. MAM nyerai Ekapolon icetunganan, MAM nyerai Kristo icetunganan. Yesu lopeilo inges erai Ekapolon Yesu Kristo - AKUJ APEI. Abu Pilipo kingit Yesu akolongit apei tema, “Ekapolon kitodikinae isua Papa ido kimwonikinetei isua,” tobongok Yesu neni keng tema, “Ikirukit ayong ka iyong nginapei jik, ido nyikiyeni iyong ayong a? inges ngini ekengolik ayong engolik papa, aso kanukiro ibakar iyong ebe, kitodikinae papa? Arai ayong ka papa kang ipei.”
----
Nyipedori iyong akitaraun Akuj ngauni, kori akitiak Inges ido kitarau Inges ngauni. Nyilimokini iyong Eyudayiat atemar ebe, eyiai Papa, eyiai Lokoku, ka Ekuwuam ngolo Akuangan, ikilimokini inges iyong atipei anen neni etoruni atametait ngin. Iyeni iyong atemar etolomunio akitatam na alotoma atukot ngina kolong a Nicea. (Nicene council). Tomam aumokin ikirasito ikes iwon ikwa ngikapir.Irworoi iwon nguna etapito Akuj ngolo nyiloconokin. Enupito Ngiyudayian dang ikonginapei. Nai abu ekanisa kilocoki Akuj keng ngolo emam nyiloconokin ameun aneni ka APEI kitodol NAUNI. Nai eyiai akica abongun alosaa angolo ka atabong. Epite ngolo tokona iriamarakotor akiyookino na alotooma apaki ngina eyiakatar Ngiyudayian abongor Palestain. Akuj ka Kristo erai IPEI. Erai Yesu ngolo IROTARIT ARAKAU EKAPOLON KA KRISTO. Ayiakatar Yokana apukokino, ido YESU inges arai apukokinio, ido abu inges kitolomu akuwuan keng a ne alotooma Ngakigiret - “ARAI AYONG NGOLO AYIAI KA NGOLO KEYIAI KA NGOLO EBUNIT, Akuj ngina etiron. Amen.”
Erai ikikodeit iyong apukokino, kingolia kidiama ka akiwar Akuj anguna a ngun. Inges erot bon ngolo ipedoria iyong ariamunia ngun. Ebeit apukokino bu a neni ka Akuj. Mam nyebuni inges alotooma itunganan, kori akikatakinet ngina a itunganan, nai ebuni alotoma ayiakauna ngina ka Ekuwuam. Ipedori iyong tar akiric Ngakigiret, ata bo keumokina ngun dang, nai nyepedorete akingarakin iyong. Iitana torai apukokino ngina ebuni aneni ka Akuj. Ebala alotoma Akirot ebe, emam itunganan ngini elimori atemar, Yesu, inges erai Kristo, mati alotoma Ekuwuam ngolo Akuangan. Iitana iyong toriamu Ekuwuam ngolo Akuangan, ido co, alopite a ngolo bon, inges ikilimokinia iyong Ekuwuam ngolo Akuangan atemar Yesu, inges erai Kristo: Akuj ngina, inyonyoikinitae.
Emam itunganan ngini eyeni ngiboro ngulu ka Akuj mati Ekuwuam ka Akuj, ka inges ngini epukokini Ekuwuam ka Akuj. Iitana iwon onyarata Akuj anguna ka apukokinio akilo ngiboro daadang a nakwap. Ikicamu iwon Ebaibul, ikicamu dang akiyookino keng ngina eumokina ngin, nai eroko ngun nyecauna alotooma ngitunga ngulu alalak, anerai emam apukokinio ngina ke Ekuwuam. Eringa nyiteyiaruna Akirot. Ebala Ebaibul alotooma 2 Ngikorinto 5:21, ebe, ikirau iwon akiyookino ka Akuj a nguna ka akimorikin yok ka Yesu Kristo. Ipotu iyes kikamut nguna-a? ebala ebe, IKIRAI IWON AKIYOOKINO KA AKUJ KA ALOPE kan ayiakut TOOMA KRISTO. ebala ebe, INGES (Yesu) abu torau ASECIT anguna yok.
Nyebala ebe, abu Inges tosecaniar, nai ebe abu Inges torau ASECIT a nguna yok, ikotere nai anakimorikina yok ka Inges orautu iwon AKIYOOKINO KIRE NGINA KA AKUJ. inger iyong ipei, inger nginice dang. acamun ipei inges acamun nginice dang. Tokona ikiyeni iwon atemar ebala Ebaibul neni. Mam nyepegar ngun. Nai icanae iwon apukokino. Nyerai inges ibore ngini ecai kori ngini a kire aneni a ngidwe ka Akuj angulu alalak. Erai ca inges Akigiret ngina ajokan alotooma Ebaibul. Nai iitanitae iwon inges kitaraunai ngina EYIARI aneni yok. Eyiakinete ngun apukokinio.
Tosiomete alo akirot...
Apukokino a Yesu Kristo.
