Panakabautisar iti Danum.
Ti Paltiing ni Jesu-Cristo.
William Branham.Naipatarus manipud...
Ti Paltiing ni Jesu-Cristo.Admitarek nga kasapulan a talaga ti usto a paltiing magapu ti Santo nga Espiritu tapno makita ti pudno maipapan iti Kina-Dios kadagitoy nga al-aldaw kangrunaanna ta addatayo iti nagtitingngaan iti di umiso nga panangipatarus iti Kasuratan. Ngem ti agballigi, ti mangababak nga iglesia ket nabangon iti paltiing isunga expectarentayo ti Dios ipakaammona ti Pudno kadatayo.
Kasta met, haanmo nga kasapulan a talaga ti paltiing iti panakabautisar ti danum. Adda dita a kumutkita kenka iti rupam. Mabalin ngata iti maysa a minuto a dagiti Apostoles ket mapukawda iti derekta nga bilin iti Apo nga agbautisarda iti Nagan iti Ama ken ti Anak ken ti Santo Espiritu ket masarakantayo a tarigagayda a di agtungpal? Ammoda no anya ti Naganna, ket awan iti uray maysa a lugar iti Biblia nga nagbautisarda iti naiduma malaksid laeng iti Nagan ni Apo Jesu-Cristo.
Common sense ti mangibaga ti Libro Dagiti Aramid ket isu ti iglesia a sibibiag, ket no nagbautisarda iti kasta, ket dayta ngarud ti wagas ti panagbautisar. Tatta no kunayo nga nadagsen dayta, anya ti makunayo iti daytoy? Ti Siasinoman nga di nabautisaran iti Nagan ni Apo Jesu-Cristo ket kasapulan nga mabautisaran manen.
Dagiti Aramid 19:1-6,
“Bayat ti kaadda ni Apolos idiay Corinto, dinaliasat met ni Pablo dagiti naseksek a lugar ti probinsia. Idi dumteng idiay Efeso, nasarakanna ti sumagmamano nga adalan. Inawatyo kadin ti Espiritu Santo idi nagbalinkayo a mamati? sinaludsodna kadakuada. Saan, insungbatda. Dimi pay nangnangngeg nga adda Espiritu Santo. Kinuna ni Pablo, Ania ngarud a kita ti bautisar ti inawatyo? Ti panagbautisar ni Juan,” insungbatda. Kinuna ni Pablo, Ti panagbautisar ni Juan maipaay kadagiti agbabawi kadagiti basolda. Imbaga ni Juan kadagiti tattao a masapul a patienda ti sumaruno kenkuana nga isu ni Jesus. Idi nangngegda daytoy, nagpautisarda iti nagan ni Apo Jesus. Impatay ni Pablo ti imana kadakuada, ket bimmaba ti Espiritu Santo kadakuada. Nagsaoda iti nadumaduma a pagsasao ket impakaammoda met ti sao ti Dios.”Dayta ngaruden. Dagitoy nasingpet a tattao ti Efeso nangeganda maipapan ti umay nga Mesiyas. Ni Juan inkasabana ni Jesus. Isuda nabautisaran iti panagbabawi iti basbasolda, kumitada ti MASANGOANAN iti panamati kenni Jesus. Ngem tatta tiempona nga kumita ken Jesus iti NAPALABAS ket pabautisaran iti PANAGBABAWI kadagiti basoltayo. Tiempona-en nga awatentayo ti Santo nga Espiritu. Ket idi nabautisaranda iti Nagan ni Apo Jesu-Cristo, ni apostol Pablo inpatayna dagiti Imana kadakuada ket ti Espiritu immay kadakuada.
Oh, dagidiay ay-ayaten nga tattao idiay Efeso ket nasasayaatda a tattao; ket no siasinoman nga agkuna a mayat ti kasasaadda, ket isuda. Pansinentayo ti kaadayo ti naggapuanda. Naggapuda iti adayo inggana nga acceptarenda ti umay nga Mesiyas. Nakasaganada para ken Jesus. Ngem makitayo kadi uray pay no kasta ti kasasaadda isuada dida Naammoan Isuna. Ni Jesus immay ken napanen. Kasapulanda nga mabautisaran iti Nagan ni Apo Jesu- Cristo. Kasapulanda nga mapunno iti Santo nga Espiritu. No nabautisaranka iti panakaitaneb ti danum iti Nagan ni Apo Jesu-Cristo, ti Dios ket punuennaka iti Espirituna. Dayta isu ti Sao.
Dagiti Aramid 19:6 nga nabasatayo, isu iti panangitungpal ti Dagiti Aramid 2:38,
“Kinuna kadakuada ni Pedro, “Agbabawikayo kadagiti basbasolyo. Pabautisarankayo iti nagan ni Jesu-Cristo tapno mapakawan dagiti basbasolyo ket awatenyonto ti sagut ti Espiritu Santo.”Kitaenyo, ni Pablo , babaen ti Santo nga Espiritu, imbagana a pada no anya ti imbaga ni Pedro babaen iti Santo nga Espiritu. Ket no anya ti naibaga ket HAAN nga mabaliwan. Kasapulan nga pada met laeng manipud idiay Pestecostes inggana ti maudi a napili ket mabautisaran a kas kadatayo nga immuna.
Taga-Galacia 1:8,
“Ngem uray no dakami wenno maysa nga anghel nga aggapu sadi langit ti mangikasaba kadakayo iti ebanghelio a maisupadi iti inkasabamin kadakayo, mailunod isuna koma.”Tatta sumagmamanu kadakayo Oneness agbautisarkayo di umiso. Agabautisarkayo para iti panagbalbaliw a kas panakaisalakan no maitanebkayo iti danum. Ti panagbalbaliw ti haan nga umay babaen iti danum; isu ti trabaho ti Espiritu. Ti tao nga binagaan ti Espiritu ket nangted ti bilin, “Agbabawikayo, ken pabautisaran ti tumunggal maysa kadakayo iti Nagan ni Apo Jesus,” di na imbaga ngav ti danum mangbalbaliw. Isuna kinunana daytoy laeng ket ebidensya iti “mayat a konsensia iti sango ti Dios.” Dayta aminen.
1 Pedro 3:21,
“Mayasping daytoy a danum iti bautisar a makaisalakan ita kadakayo (Saan a babaen iti pannakaugas ti rugit ti bagi, no di ket iti panagkari iti Dios babaen iti nadalus a konsensia ti sango ti Dios,) babaen ti panagungar ni Jesu-Cristo.”
Mamatiak iti daytoy.No siasinoman nga di umiso ti panakaawatna dayta napalabas nga pagbasaan ket paneknekanna ti panagbautisar ti danum iti sabali a wagas malaksid iti Nagan ni Apo Jesu- Cristo, ibalakadko kadakayo nga basaen ti napalpalabas a pagbasaan ket masarakam dayta para kenka. Ti sumaruno isu ti agpayso a record iti panagbautisar a napasamak diay ili ti Roma, A.D. 100, ket naidubli nga naisurat iti Time Magazine, Disyembre 5, 1955:
“Ti diakono inngatona ti imana, ket ni Publius Decius simrek iti ruangan ti pagbautisaran. Nakatakder inggana ti siketna iti pool ni Marcus Vasca nga aglaklako ti kaykayo. Nakaisem isuna idi bumalballasiw ni Pablius nga umay iti pool iti abayna. ‘Credis?’ sinaludsudna. ‘Credo,’ kinuna ni Publius. ‘Mamatiak nga ti panakaisalakanko magapu ken Jesus ti Cristo, Isuna nga nailansa iti babaen ni Poncio Pilato. Ken Jesus matayak tapno Kenkuana maadaanak ti Biag nga Awan Patinggana.’ Kalpasanna nariknana ti napigsa nga ima a timmulong kenkuan idi matungbaen a palikod iti pool (pagbautisaran), ken nanggegna ti boses ni Marcus iti lapayagna - ‘Bautisaranka iti Nagan ni Apo Jesus’ - inggana nga ti danum ket nilapuyusna isuna.”
Inggana nga ti kinapudno ket napukaw ( ken haan nga naisubli inggana iti daytoy maudi panpanawen - daytoy ket manipud idi Nicea inggana tatta a ginasutgasuten a tawen ti napalabas ) nagbautisarda iti Nagan ni Apo Jesu-Cristo. Ngem daytoy naisubli tatta. Ni Satanas dina mabalinan nga pasardengen ti paltiing no iteden ti Espiritu ti Dios.
Owen, no adda tallo nga Dios, mabalin nga nabautisaranka nga usto iti Ama, ken ti Anak, ken ti Santo Espiritu. Ngem ti PALTIING NGA NAITED KENNI JUAN ket adda laeng ti MAYSA A DIOS ken ti Naganna isu ni APO JESU-CRISTO, ket mabautisaranka para iti MAYSA A Dios laeng. Dayta ti gapuna no apay a ni Pedro nagbautisar iti wagas a kasta laeng idiay Pentecostes. Kasapulan nga nakteranna ti pudno a paltiing a, “ipakaammok iti amin nga agteang iti Israel ti kinaagpayso, nga ti Dios pinagbalinna ni JESUS, isuna nga inlansayo iti krus, napagbalin NGA APO KEN CRISTO.” Dayta Isuna, “Ni Apo Jesu-Cristo.”
No ni Jesus ket “PADA” nga Apo ken Cristo, ket Isuna (Jesus) metlaeng, ket haan nga naisabali ngarud “isu ti Ama, ti Anak, kent ti Espiritu Santo” iti MAYMAYSA a persona a napagbalin a bagi. Isuna HAAN a “Dios iti tallo a persona, nabendisionan nga trinity,” isu ket MAYSA A DIOS, MAYSA A PERSONA nga adda tallo a titulona, adda tallo nga opisinana a naipakaamma. Denggenyo ti maminsan pay. Daytoy nga Jesus isu “PADA nga Apo ken Cristo.” Apo (Ama) ken Cristo (Espiritu Santo) isuda Jesus, gapu ta Isuna (Jesus) ket PADA isuda (Apo ken Cristo).
No dayta ket haanna nga ipakita ti pudno a paltiing iti Kina-Dios, awanti makabalin. Ti Apo ket HAAN nga sabali; ti Cristo ket HAAN nga sabali. Ni Jesus a daytoy ket isu ni Apo Jesu-Cristo - DIOS A MAYMAYSA. NI Felipe kinuna ken Jesus iti maysa aldaw, “Apo, ipakitam kadakami ti Ama, ket umanayen kadakami.” Kinuna ni Jesus kenuana, “nabayagen a nakikadkaduaak kadakayo, ket dinak pay la gayam am-ammo? Siasinoman a nakakita kaniak nakitana metten ti Ama; apay a kunam pay laeng, Nga ipakitak kadakayo ti Ama? Siak ken ti Amak ket Maymaysa.”
----
Haanmo nga mabalinan nga ikabil ti Dios iti tallo a tao wenno tallo a parti. Dimo maibaga iti maysa a Judio nga adda ti Ama, ken ti Anak, Ken ti Espiritu Santo. Ibagana kenka a dagus no sadinno ti nagapuanna dayta nga panakaammo. Dagiti Judio ammoda daytoy a credo ket napundar idiay Nicene Council. Dayta ti gapuna no apay nga ibilangda datayo a pagano.Pagtungtungtungantayo ti maipapan ti maysa a Dios nga di agbalbaliw. Dagiti Judio patienda met dayoty. Ngem ti iglesia binaliwanna ti haan nga agbalbaliw a Dios manipud ti MAYSA pinagbalinna nga TALLO. Ngem ti silaw agsubli iti rumabii. Anyan a panakairanranana nga daytoy a kinapudno ket immay iti tiempo a dagiti Judio ket agsublidan idiyay Palestine. Ti Dios ken Cristo ket MAYMAYSA. Ni Jesus isu ti APO KEN CRISTO. Ni Juan adda ti paltiingna, ket ni JESUS isu ti Paltiing, ket Isuna inpakaammona ti kinasiasinona iti daytoy a Kasuratan - “Siak ti Adda Idi, Adda Ita, ket ti Umay, ti Manakabalinamin. Amen.”
No ti paltiing ket nangato launay kenka, kumitaka diyay ngato ket sapulem ti tulong ti Dios para iti daytoy. Dayta laeng to wagas tapno maawatam daytoy. Ti paltiing aggapo manipud ti Dios. Haan nga aggapu manipud iti tao, natural a panangtulong, babaen laeng ti Naespirituan nga panangtulong. Mabalinam pay nga ikabisa dagiti Kasuratan, ta dayta ket naimabag a banag, ngem dayta dina mabalinan. Kasupulan talaga a paltiing aggapu manipud ti Dios. Naibaga iti Sao ti Dios nga awan ti makapagkuna a ni Jesus ket isu ti Cristo no di laeng babaen ti Espiritu Santo. Kaspulan nga awatem ti Espiritu Santo ket kalpasanna, ket kalpasan laeng, mabalinen ti Espirtu ikkannaka ti paltiing a ni Jesus isu ti Cristo: ti Dios, ti Anointed a Maymaysa.
Awanti ti tao a makaammo kadagiti banbanag a Nadiosan no awanti Espiritu ti Dios, ket ti laeng siasino nga inikkan ti Espiritu ti Dios napakaammoanda. Masapul nga umawagtayo ti Dios para iti paltiing ta kangronaan daytoy ngem dagiti banbanag iti lubong. Inaawattayo metten ti Biblia, inawattayo dagiti naindaklan nga kinapudnona daytoy, ngem haan nga agpaypayso kadagiti kaaduan a tattao gaputa awan ti paltiing ti Espiritu kadakuada. Ti Sao ti Dios haan nga sibibiag kadakuada. Ti Biblia kinuna iti 11 Taga-Corinto 5:21 Nairanudtayo iti kinalinteg ti Dios babaen iti panakikallaysatayo ken Jesu-Cristo. Naalayo kadi? Nakunana nga DATAYO TI KINALINTEG TI DIOS MISMO babaen iti panagtaengtayo iti UNEG ni Cristo. Kinunana nga Isuna (Jesus) nagbalin nga BASOL para kadatayo. Dina imbaga nga Isu nagbalin a managabasol, ngem nagbalin a BASOL para kadatayo ta babaen ti panaikallaysa kenkuana mapagbalintayo nga KINALINTEG ti Dios.
No awatentayo ti kinapudno (ket kasapulantayo nga talaga) nga Isuna ket talaga nga nagbalin a BASOL para katadatayo babaen iti panakaisukatna kadatayo, kalpasanna kasapulan nga awatentayo ti kinapudno nga babaen iti panakikallaysa tayo Kenkuana nagbalintayo nga TALAGA A KINALINTEG iti Dios. Ti di panangawat iti maysa ket di met panangawat iti sabali. Ti panangawat ti maysa ket isu met ti panangawat iti sabali. Tatta ammotayo nga ti Biblia naibagana dayta. Daytoy di mabalin nga mailibak. Ngem ti paltiingna daytoy ket mapukpukaw. Daytoy ket di agpayso kadagiti kaaduan nga anak ti Dios. Daytoy ket nasayaat laeng nga bersikolo iti Biblia. Ngem masapul nga aramidentayo nga SIBIBIAG para kadatayo. Dayta masapulna ti paltiing.
Naipatarus manipud...
Ti Paltiing ni Jesu-Cristo.
