Imana iragukunda.

Yohana 3:16 Kuk’ urukundo Imana yakunze abari mw isi ari rwo rwatumye itanga Umwana wayo w’ikinege, ng’ ūmwizera wese ntaz’ apfe rubi, arikw ahabge ubugingo budashira.

Abantu bose ni abanyavyaha.

Baroma 3:10 nk’uko handitswe, ngo Nta wugororoka, nta n’ umwe,
Baroma 3:23 bose bākoze ivyaha, ntibashikīra ubgiza bg’Imana;

Yezu yari intama y’Imana itunganye.

Yohana 1:29 Bukeye bg’aho abona Yesu aza kuri we, aravuga, ati Nguyu Umwagazi w’intama w’Imana ukūrah’ icaha c’abari mw isi.
Yohana 1:36 yitegereza Yesu agendagenda, aravuga, ati Nguyu Umwagazi w’intama w’ Imana.

Yapfiriye ivyaha vy’isi.

1 Yohana 2:2 kand’ uwo ni we mpongano y’ivyaha vyacu, mugabo s’iy’ ivyacu twenyene, ariko n’iy’ ivy’ abari mw isi bose.
Ab'i Galatiya 1:4 yitangiye ivyaha vyacu, ngw aturokore mur’ iki gihe kibi ca none, nk’ukw Imana yacu yagomvye, ni yo Data we twese.

Yarazuye mu bapfuye kugira ngo yerekane ko ashobora kubabarira ivyaha.

Baroma 10:9 Kuko ni wāturisha akanwa yuko Yesu ar’ Umwami, ukizera mu mutima yukw Imana yamuzuye imukūye mu bapfuye, uzokizwa.
Baroma 6:9 kuko tuzi yuko Kristo, amaze kuzuka mu bapfuye, atagipfa, urupfu rutakimuganza.
Ivyakozwe 4:10 ni mumenye mwese, n’ubgoko bgose bg’Abisirayeli, yukw ari mw izina rya Yesu Kristo, Umunyanazareti, uwo mwebge mwabamvye, Imana ikamuzura mu bapfuye, kw ari ho hatumye uyu muntu ahagarara imbere yanyu, akomeye.

Tubwirizwa kwizera no kwemera ikimazi ciwe.

Ivyakozwe 16:31 Baramwishura, bat’ Izere Umwami Yesu, urakira, mwe n’abo mu nzu yawe.
Ivyakozwe 15:11 Ariko twizeye yuko tuzokizwa n’ubuntu bg’Umwami Yesu nka bo.

Guharirwa ivyaha biri mw’Izina ryiwe.
(Umubatizo w'amazi.)

Ivyakozwe 2:38 ...Ni mwihane, umuntu wese muri mwebwe abatizwe mw'Izina rya Yesu Kristo, mubone guharirwa ivyaha vyanyu, kandi muzohabwa ingabire, ari yo Mpwemu Yera.

Musabe abeho ubuzima bwiwe muri wewe.

Baroma 8:11 Ariko bisanzwe Mpwemu w’ Iyazuye Yesu imukūye mu bapfuye aba muri mwebge, Iyazuye Kristo Yesu imukūye mu bapfuye izozura n’imibiri yanyu ipfa, kubga Mpwemu wayo aba muri mwebge.

Ibiharuro...

None, Paulo yavuze, iyo umusenga aza akazana agato... Iyo yakoze nabi, azana n’aka gagazi k’intama. None, umuherezi mukuru yarabiravye, umuherezi arabikora, yabonye ko ata kibazo kiri muri nya ntama, arayisuzuma, araba ko ata kibazo kirimwo; kandi nimba ari co, aca ashira ako gagazi k’intama ku gicaniro. Kandi ng’uyu muntu yakoze ikibi araje; ati: «Noneho, nariko ndiba. Kandi ubu ndazi yuko nkwiriye gupfa, kuko nakoze nabi. Imana ntiyoshaka ko niba; Itegeko ryiwe rivuga ngo oya.»

None, ngiye kurambika ibiganza vyanje kuri aka gagazi k’intama gatoyi. Kandi amabwirizwa y’Imana hano yavuga ngo ‘Ntukibe’, nanje nivye. Rero ndi... Ndazi ko nkwiye gupfa. Hari ikintu gikwiye kwishura icaha canje, kuko nivye. Imana iravuga iti: 'Ukwiba, ubwirizwa kubipfa.'

Nuko arabaza nimba ntashaka gupfa, ntegerezwa kuzana intama. Nuko rero ndarambika intama hano; Nashize ibiganza vyanje ku mutwe w’uwo mugenzi muto, na we aca araboroga gusa kandi arabandanya. Kandi ndavuga nti: Mukama Mana, mbabarira ko nivye. Ndakwatura kandi ndagusezeraniye ko sinzosubira kwiba iyo Uzonyemera gusa ubu. Kandi ku bijanye n’ikimazi canje, kandi ku bw’urupfu rwanje, aka gagazi k’intama gato kazopfa mu kibanza canje.

Ubuhinduzi kuva... Law or Grace (1954) - William Branham.

Ibiharuro...

William Branham.

“Ibirenge vyiWe vyǎsa n'umuringa w'umwakaka, utukujwe n'umuriro.” Umuringa uzwi kubw'ubukomezi bwawo budasanzwe. Nta kintu na kimwe kizwi ushobora kuwushiramwo ngo worohe. Ariko uwu muringa udondora ibirenge vyiWe uranahambaye kurushiriza bivanye n'uko wihanganiye igipimo c'itanure ryaka umuriro, igipimo ata wundi n'umwe yigeze gucamwo. Kandi ukwo ni ukuri koko. Kuko umuringa usobanura Urubanza rw'Imana: urubanza Imana Yatangaje Iranarushitsa.

Guharura 21:8-9,
“Maz'Uhoraho Abarira Mose, ati: 'Cura inzoka isa n'izo, uyimanike ku giti c'intumba, maz' uwakomowe wese ni yayiraba, arakira.' Nuko Mose acura inzoka mu miringa, ayimanika ku giti c'intumba, maz' uwo inzoka yariye wese, yaraba iyo nzoka y'umuringa, agakira.”

Isirayeli yari yacumuye. Icaha categerezwa gucirwa urubanza. Kubw'ivyo Imana Yategetse Mose gushira inzoka y'umuringa ku giti, hanyuma uwaraba yarakira igihano c'icaha ciwe.

Ariko umunsi umwe ivyo birenge vy'umuringa bizohagarara kw'isi. Kandi Azoba Umucamanza w'isi yose, maze Azocira urubanza abantu mu bugororotsi no mu gutungana. Kandi nta n'umwe azocika urwo rubanza. Nta wuzohindukiza ubwo butungane. Ntihazobaho kurworosha. Uwutagororotse azorushiriza kuba uwutagororotse, uwanduye azorushiriza kuba uwanduye. Umwe Adahinduka ntAzohinduka ico gihe, kuko Atigeze Ahinduka kandi ntAzigera Ahinduka. Ivyo birenge vy'umuringa bizofyonyora umwansi. Bizosangangura anti-Kristo, ca gikoko na ca gishushanyo n'ivyo vyose ari bibi mu maso yaYo.

Azohomvagura imikorere y'ishengero ryatwariye Izina ryiWe kwonona ugukayangana kwaryo gusa maze abafyonyorere hamwe na anti-Kristo. Abanyakibi bose, abahakanyi, abatemera ko Imana Ibaho, aba none, abanyabwigenge, bose ni ho bazoba bari. Urupfu, kuzimu, n'imva niho bizoba biri. Egome ni ho bizoba biri. Kuko niYaza, ibitabu bizozingururwa. Ico ni co gihe na rya Shengero ry'akazuyazi na za nkumi zitanu z'ibijuju bazoseruka. Azotandukanya intama n'impene. Ni yaza Azokwigarurira ubwami, kuko ari ubwiWe, Azoba Ari kumwe n'ibihumbi amacumi vy'ibihumbagiza, Umugeni wiWe, aza kuMukorera. Ubwiza! Ôo, ni ubu nyene canke naho nta kindi gihe. Ni mwihane igihe kitaramara kurenga. Nimwikangure muve mu bapfuye maze murondere Imana kugira ngo mwuzuzwe Mpwemu waYo atar'ukwo muzobura Ubugingo Budashira. Nimubikore ubu hakiriho umwanya.

Kuva... Iyerekwa Ry’i Patimo. - William Branham.