Aberu ngin Yesebel.
Aturi ngina a Tyatira.
William Branham.Tosiomete alo akirot...
Aturi ngina a Tyatira.Apukokino 2:20-23,
20 Nai ayiakatar ayong ka iyong ngakiro ngadi, anerai ilakakinit iyong aberu ngin Yesebel, ngina enyara make ebe akadwaran, akitatam ka akisupar ngiketiyiak Kang akitiyia adoteu, ka akinyam ngamuja nguna einakinitae ngaputosia.
21 Nai abala ayong neni kon ka nguluce ngulu alo Tyatira ebe, ikes daadang ngulu emamukatar akitatam na ngulu nyeyenuna akidules ngina Satan, ikwapei irworotor; mam nyewakini ayong egogogs ece neni kus.
22 Nai kidara ejok nguna iyiakatar iyes akitodol ngina abunio ayong.
23 Ka inges ngini ilouni, ido kiric ngiticisio kang paka nangetakinet, aini ayong inges apedor kidiama ngakwapin:Ibore ipei ngini epol ka torai ngini esiaunan ngini ikianyuni iwon aneni a Yesebel inges en ebe, MAM pa arai inges nakoku ka Aburam, ka nabo elomune keng dang natekerin nguna a Israel pa arai elomune ngolo ke Ekuwuam ikwa elomune ngolo a Rusi, ngina arai aka akwap a Moab. Mam cut, arai aberu na nakoku a Esibaal, ekabaka ngolo a Sidon (1 Ngirwosi 16:31), ngolo arai esacardoti ngolo ka akuj angina anyaritae Astate. Ariamuni inges akabakanut keng ka akiar ekabaka ngolo sek ayayi lokicolong, ngolo anyaritae Peles. Aso anen ikianyuni iwon atemar ebe erai inges nakoku ke ekaaran (ido nguna a kire ikisiitunete iwon ngun nguna a Kaino) ka epite ngolo araunia inges ngina imarakinitae nateker ngina a Israel, mam pa ayayi alotoma ngirotin ngulu sek ke Ekuwuam ngulu etemokinit Akuj ikotere itunganan ngini erai ibukuit alomunia nateker ngina a Israel; nai alomuni inges alopite a ngolo ke EDUKONE keng ka Akab, ekabaka ngolo apolokinit ngatekerin ngatomon ngunaa Israel. Tokona akimorikina ngin alopite angolo adaunere iwon aanyun, mam pa arai alopite angolo sek ke Ekuwuam; arai ibore ngini etoruni lopite ngolo ka apukan.
Ido aberu na, ngina asipokina nooi toma ngaputosia na, mam pa ayiakatar tar idio tametait ngini cici ngini ka araun akelipan ngina ka Akuj Angina Erai Apei Ka Torai Dang Ngina Iyokino, nait nooi abu inges bu ka alosikinet keng a ngina ekongitor sek akigiang Israel aneni ke Ekapolon. Nai ngatekerin ngatomon nguna a Israel ngun, ayenete sek kojokan aronis ngina ka akilip itaok ngini itataunitae ke egolit, nai anapaki a ngin aroko ikes nyeakara neni ebai akilip ngaputosia, anerai ayiakasi ikes ilipete Akuj, ido ngikisila a Moses dang ayenen. Nai ameun ngina adukokinotor Akab ka Yesebel, togeuni akilip ngaputosia apiror nooi anadoketait angina ekeara. Erai co alotoma apaki ngina araunia aberu na asacardoti alotoma ngiyekalui ngulu abu inges todukoki Astate (Benas) ka Baal (akuj ngina erai akolong) inges nai alomaria Israel toma atyonis ngina apolon nooi alotoma akiyiar keng.
Ani eroko iwon ikiyiakatar nu natameta yok, ikigeuni nai iwon nguna elosikinit Ekuwuam ka Akuj alotoma aturi ngina a Tyatira na. Ikes nainu.
Abu nai Akab kiit Yesebel, ido etiyiae inges ngun anguna ka akiricunia apukan keng ka akitogogong ta aiunit dang. Erai nai ngun nguna kire, abu ekanisa dang kitiyiaki ngunapei ngun ngina adukokinor inges alotoma apaki ngina a Konstantain. Apotu ngulu arei ngul kimorikin kapei anguna ka akitopol epite ngolo ka apukan, tar bo kesibit ayayi edio pite ngolo ka akilip toma kec. Tokona, emam itunganan idio ngini epedori akitunup ayong atemar ebe, arai Konstantain ekiristayot. Arai inges ekapirit ka toyiakatar dang ngipitesio ngulu atakanete erai ngiloi ngulu a ngikiristo. Abu inges kiosanaki epica ke emusalaba naupala nguna a ngasigaria keng. Inges kolong esiakini (knights) ngina a Kolumbas. Abu kiwaak emusalaba lobibiru ngolo a ekelesiya a ngolo amaikinitae ekiro ka akakwang a Sopia, anen abu inges torau ekageunan epite ngolo ka akiwanakin emusalaba kidiama ngibibirui ngulu a ngikelesiyae.Arai acamit a Konstantain na ebe, acunun ngitunga daadang iwapei: ngikapir, ka ngulu itusubuna ngikiristo ka ngikiristo ngulu a kire dang. Ido anen, alotoma adiopaki abu totakanu esibit elosi epulan keng ngol akitodolikin ejok, anerai apotu ngikiristo dang ngulu a kire potu anguna ka akikatakin akinyakun ngulu sek asir keakasi Anakirot. Ngina anyuniata ikes atemar ebe, mam nyeroko epedoro akinyakun ikes toma nakiyokino, abu nai nen inak ikes etiakar alotoma akuwuan ngin, ngina asir kerau apukan ngin. Kedaut nai ikes etic ngun aponi nai kimarakinae ikes araut ngulu aoliyosi ido aponi kisicanae.
Kimieki atolimoki ayong iyes atemar, ikiyiakatar iwon ngakiro nupei ngun itiyiasi tokona. Eyiakasi ngitunga acunakin kapei. Eyiakasi dang akigir Ebaibul ngolo ebuni araut ngolo ecamuna aneni a daadang ata kerai itunganan Eyudayiat kori ekatolikat kori emurokoleit. Eyiakatar ikes atukot kec ngina ikwaan ka atukot kec ngina kolong a Naisin kansil, nai enyarito ikes atukot kec ngina a tokona na ebe, Ekumenikol kansil (ebe, atukot ngina erai alosikinet keng acunakin ngikelipak daadang iwapei) Ka mono iyenunito iyes kire ibore ngini elosikinito ngatukon nu daadang akisiria a? Erai ngipentekost ngulu a kire elosikinito ikes akisiria. Mere rika atukot ngina a Pentekostol abala ayong, erai ngipetekost ngulu a kire anguna ilelebitere ikes ke Ekuwuam a ngolo Akuangan ido toyiakatar dang ngakitanyununuyeta ka ngainanakineta kiding kec, anguna elosioto ikes a nakiyokino.
Apaki ngina dukokinotor Akab ka Yesebel anguna ka alosikinet angina ka akitogogong apukan keng, abu inges anen togiela arerengu keng ngina ka araut ekiyae. Erai kiloma iyong natukon ngun irauni iyong ngolo idau agielar arakou kon ekiyiae, lokato erai kicamit iyong akinup kori mam. Ngina tukot kolong daadang ngina a ngimorukolei ngina abu kolong tolomunite anen, ido tobongo nabo, apotu togielasi apedor kec ngina ka araut ekiyiae; ido ngina igielaria iyong arerengu kon ngina ka araut ekiyiae, ibuni nai iyong akikokin Esau, ipedori iyong akigworo ka akiki ka akitiyia ca daadang nguna icamit iyong nai mam idiobore ajokan iriamuni iyong. Ipeibore bon erai kitiyia iyong, inges nai en ebe, “Tolomutu alotoma keng ngikatunga ka tojongoto akimor kapei ka inges ngasecisia keng!” Nai erai kitami iyong atemar nyeyokinit ayong nu, tobongok nai akingiset kang na, apei bon. Epedori mono tokona itunganan daadang ngini ca eyiari alimokin ayong ekanisa edio kori atukot adio ngina abu Akuj kitonyou kedau sek atukot ngin abongor kau natukon ngun a nguna ka araun edin ido toriamu nabo akisikwarunio a? Tosioma robo iyes ngiemuto ngulu ke ekanisa ngulu ngorok. Nyiriamuni iyong tar epei, mam cut tar epei.
Abu torau kiding kuwuar aneni a Israel alotoma apaki ngina emorikinotor ikes ka akwap, anguna aponiata ikes toesikiniata akiyiar alotoma Lokuwuam nai toseut apukan ngina ka akwap. Abu ekanisa dang toyiakaun kiding akuwuar alosaa a ngolo etiyiakinia inges dang nguna etiyiae a lo Nicea. Erai tokona nabo dang kiding akuwuar anerai eyiakasi kona ngikanisae ecunasi iwapei.
Tokona kedau Akab akiit Yesebel, abu Akab tocamaki inges akisitiyia ngisilinga ngulu ka apukan kotere edukunio ngakais nguna kilipet nguna kos apolok nooi, nguna kilipet Astate ka Baal. Akai ngina adukokinitae Baal, apolot nooi etemokino Ngisirael daadang akilip alotoma keng. Kedau nai Konstantain ke ekanisa adukokin, abu inges inak ekanisa ngaduketa, ido todukununu tar ngalitarei ka ngaputosia, ka akitemokin dang ngadoketa a ngikarikok ke ekanisa ibore ngini sek ayayi itetemuno.
Kedau Yesebel ariamun agangan ngina ka apedor ka apukan, abu nai toreik ngitunga daadang edin keng a ngikup, ka dang abu toar ngikadwarak ka ngisacardoti ka Akuj. Abu toroniar nooi tonang ngina abunio Eliya ekiakitono ngolo ka apaki a ngin totamu tema kode inges bon kedong; nai ayiakatar Akuj ngitunga ngice ngulu adolito 7000 ngulu pa apotu toriediko neni a Baal. Ka tar tokona dang alotoma ngidinio ngul, ngulu ata Baptist, Mesodist, Presbaiterian, ka nguluce dang eyiakasi ngice ngulu elomunete anen ido tobongut neni ka Akuj. Acamit nai ayong iyes toyenut tokona atemar ebe, mere rika ayong ngolo aremokino ngitunga; kori nyikatokino ayong aremokino ngitunga, erai edin aremokino ayong - ngiriongeta ngulu a ngatukon a ngun inges aremokino ayong. Ido ebeit ayong aremokino inges anerai engerit Akuj inges.
Nai tokona esangakisi a ne adakika adio, ido enyogoutu nabo nguna ikipotu iwon atoyenutu alotoma epite ngolo ayiakar akilip anaturi a ngina a Tyatira. Abu ayong atolimoki iyes ebe, elipete ikes Apollo (ngolo arai akuj ngina erai akolong) kaapei ke ekepukan dang. Ido Apollo logo, anyaritae inges ebe,'ekeriwonoron ngaronisio' Ebe apedorit inges akigiang ngakaronok a lotunga. Ebe esirerengi inges ikes, ido arai kire Akuj a neni kec. Ido abeit inges akitatam ngitunga. Inges etatami ngitunga alotoma epite ngolo kilipet, ka ngitalesio ngulu a lotoma Etempulu, epite ngolo kijaanakinet ngakujo, nguna a ngamuronisia ka epite ngolo ka akitu ka nguna ka akiyiar nabo kidau sek atwanare. Apedorit nai inges etic nugu daadang kisitiyiae akadwaran ngina asipokina lokicolong ngolo a ngakejen a ngauni, Ekang! Ingolikis tokona a? Akadwaran naga ngina enyaritae Yesebel ido eyayi inges itatami ngitunga. Ido akitatam keng emalayia ngiketiyiak ka Akuj, ido ainaki ikes edoteete. Tokona apolou ngina ka adoteu na ebe, 'akilip ngaputosia,' alotoma lokuwuam erai apolou keng ngina. Erai akimorikin ngina pa acamakina. Akimorikin ka Akab ka Yesebel ka ngina a Konstantain ke ekanisa, arai daadang nguna pa acamakina. Apotu ikes ngulu arei ngul daadang kitiyiata adoteu alotoma Lokuwuam. Ngidoteanotin daadang epote ayiakaun nanam ngina ka akim. Ebala Akuj neni.
Tosiomete alo akirot... Aturi ngina a Tyatira.
Download (PDF English)... Jezebel Religion.
