“Alomun kinga” ka “alomar toma,” kanuka Aupoorio.

William Branham.

Naka oitabo...
Edeke Loebarit Aitim.

Irai ikotosi yesi luipu aigiranakin ikokoron luesiomi ejaanakinan. Ido akoto eong yesi, atibong na, arai ipedorete, apukor Ipeson. Ido ajai eong einer Asabiiti natubor kotoma Opeson, eipone loaraar Eitabo ngol loka Yosua Ipeson luka Aitutuket Namojong, ka eipone loaraar Eitabo loka alakunio. Ido ejaatar alakunio atutuben aarei nuegelegela: “Alomun kinga” ka “alomar toma.” Nasodit ber, ejai ijo alomun kinga. Icetunga ekotos aupun kede akwap toma; konye ebeit ber ijo alomun kinga naka akwap, kanu alomar toma Kristo. Ejai ijo alomun kinga naka amamus aiyuun, kanu alomar toma aiyuun. Mam epedori ejaut idiobore toma orotokon. Kanu cut ajaut kede aiyuun nakabeit, ekoto ijo cut ajalakin nginibore kere yenengolopasi kede Akirot naka Edeke, kokau, kanu alomar toma aiyuun.

Ido arai ngol Eitabo loka Ipeson loka Aitutuket Namojong, Yosua. Neabu, Musa kobwoikinitor ekisil, ido mam apedori aitajar idiotunganan; konye apedori asianut, ido kane Yosua erai akirot ngipengin bala Yesu, “Yawe-eketajaran.” Ido kwana do, ianyuni oni ebe kidol oni neejai Ipeson ice, Ipeson ice kwana. Naeraar, ebe, kotoma odiininiwok lukacoa kaiceda, ka ainapetawok kere nuka asioman adolokisi toma Yorodanikec, aso ibusakinit oni ajaun kede Ipeson bobo. Ekoto oni ajaun kede anyoun, “alomun kinga” ka “alomar toma,” kanuka Aupoorio.

Kwana ilosi oni asiom atibong na kotoma esula lo 2 loka Ipeson. Ajai bon eong alimun ngun tetere yesi idolokinete toma aiboisit ngin, arai apukor esula.

Ido kitajaru yesi da, lukolo kitwakito kanuka akusibucanareta ka adiakanareta da, Nukolo kilosenenete kotoma, kwape ejaar eipone loka akwapin kanu, kwape ejaar ekapolon loka apolou naka apak, emoyo loiswamai kwana odwer luiulaka. Kipou isio da kere kekonenenete nen kolo kotoma aingobel naka awatekosi, keswamaenenete nuekoto akuan ka aomisio, irai koinono idwe luka anyunyura kwape kaluce da kere Konye Edeke loebarit aitim, kanuka akemin naepol nakiminar oni, Nakitwakitor kanuka aibucanaretawok, abu kituluo oni ikajarak nepepe ka Kristo, (kitajarunitai kanuka asianut,)   [Ipeson 2:1-5]
Akoto eong alemun kanen adis, arai atutubet naka ekokoro, “konye Edeke,” Edeke Loebarit Aitim.

Akoto eong ijo amisiikin kane nuka enabi, ekiyakia, atemas, Paul, lo-lo, abu kolim nuka nu, eipone, “Kitajaru yesi da, lukolo kitwakito, kitwakito kanuka aibucanaretakus ka adiakanareta; kilosenenete kwape ejaar eipone loka akwapin, kiswamaenenete nuekoto akuan, ka aitodol aingobel naka aomisio. Ngesi...”
Inyobo abu koyangau aijulakinet na, itei ijo? Ido inyobo abu koyangau ngin, “anyoun araut loitwanit kapak adiopet,” kiton aitajarunio? Aitajarun akepolou “ainakin aijar.” Ajai aijulakinet, anyoun kotoma atwanare kiton Aijar. Emamei bobo ice, emamei bobo icebore yenepedori aiswamaikin idiotunganan, yenepol noi, kwape aijulakin nges anyoun kotoma atwanare kiton Aijar. Etunganan, arai ejai ngesi atwanare, kotoma akuan, ido arai epedorio nges aitangaleun kotoma akuan, eraun tin gin ibore yenepol noi, konye emamei ibore yenepol kwape netwanitor ngesi komoyo kosodi Edeke aitajarun nges toma Aijar.

“Yesi lukolo, apaarasia nuatuboros, kitwakito.” Kitwakito yesi. Karaida luipu kane atibong na, epedorete angoliar kau kosodete ajenunn ebe atwakito kesi. Konye kwana inyobo mam bobo kitwakito atibong na, kwape kitwakitotor kolo? Ibecokina yesi ajaut koipone kangol, naarai kibu ijo korai ikadiakanaran, “konye Edeke Loabarit aitim.” Iboro lu kere lukipou oni araas, “konye Edeke”! Nges abu kiswamau aijulakinet cut kangina, “Edeke Loenbarit aitim”!
Oo, eyalama eong noi kanuka ngun, ebe Nges kwape eraar loebarit aitim. Korai Ngesi bon kobarite isirigin, korai bon Ngesi kobarite kotoma oboro, luebarit Ngesi, konye ejaas ngun da ibore yenapolon kakere nges araut loebarit aitim. Oo, erai bo lolo ngin akirot naepol biai, eipone loaraar ebe kitwakit kolo.

Ido ijai oni einer akuar kaya nuka eipone loebeitor ikinyomit kotwana. Ido idiobore kere yenejai toma ocokat ngin yenika aijar ibusakinit mere bon atwanare, konye aibos da. Arai mam ebosi, mama epedori aijar. Ido aibos nges, “alemmario cut kere awai; angetakin ngin.” Ido kiton nekidolokina oni aiboisit naenyounia aijenewok cut kere ka aomisiowok ikulepek kosodete abosiar awai kamawok, kwangin epedori do icokat yenika aijar ageun aijar.
Kwana-kwana ipedori oni, apedori eong atolomun mot aisisanakin ne, namam eong... Arai mam ijo iyuunit ngin, mamace. Emamei ationis. Eyuunit eong ngin. Eyuunit eong ebe-ebe etunganan, nakeurunere nges toma akwap na, ebe nakeurunere ikonimukeru, auruun toma akwap, mam ti ijo ipedo ajaun ne korai mam erai aijen sek naka Edeke, naarai erai Ngesi loemamei ageunet ka esange ido ejeni iboro kere. Ido nakeurunere imukeru toma akwap, ejai icebore toma omukeru ngin. Arai elosi ngesi ajaun kede Aijar, ejai icebore toma ngina, toma okoku ngin, yenebuni ngesi toma, katipet arai ekaulo. Ejai ikinyomit ngin tomake. Kwana arai kiyanga ijo... Kitejenaritos Nuiwadikaere ngun kaidelel.

Kwana arai ijaatar ijo Aijar Namam Edaun atibong na, arai ijaatar oni Aijar Namam Edaun, akepolou kijaatar do oni ngin sek, naarai ejai eipone ediopet bon loka Aijar Namam Edaun. Kipou araas luijari sek. Ido apolou naijaria oni, naarai irai oni atutubet naka Edeke. Ido Edeke ngesi bon ibore yenimam Edaun.
Kwana bala kwape abu Melukisedek kodumuna idiopet kotomon kama ejai Aburaam, ido aponi kimarakinai neejai eketatait Lebi, yenaroko ejai toma amurwos nuka Aburaam; abu kotac idiopet kotoma koroko ejai amurwos nuka Aburaam nakeriamunotor ka Melukisedek. Akoto eong einer nuikamunitos ngun kalaije kaibosit kaya, atupuruc adiopet. Ingai bo Melukisedek Lo? Kwana komisiik ngun. Kokau sek, ajeni Edeke itelepat yen yenabeit abunore. Ajeni Ngesi iboro kere.
Kwana irai oni atutubet naka Edeke. Irai duc ijo sek. Mam ijo iitunit ngin naarai abu ijo oroko irai aomisioit kotoma naka Edeke. Ejai bon ijo toma aomisioKe. Ekonikiror elopet, arai abu kojai Oitabo loka Aijar aponi kibwaikinai ngina eroko apetetait naka akwap. Ajeni Ngesi nuirai ijo.

Ajai bon eong einer nu, mere ainyalakin aisisianakin, konye aitetetnaar ngin, tetere oni ikunyari awai kama ejai akuriau ka aiyalolongo. Mam ijo ijeni nuirai ijo. Mam ijo ilosi araun, konye kwana iraas yesi odwe luka Edeke. Itei ijo, iraas yesi sek odwe luka Edeke. Ianyu?
Naarai neajaatar Edeke ijo kotoma aomisioKe kageunet, ejai ijo ajaut, atutubetekon ace, Aijar naejai tomakon kwana, ajai ajaut kede Edeke sek ngina. Eebo, neabu Ngesi, eroko ber Nges erauna ibore da kane kotoma akwap, eroko idiobore kejauna, konye Edeke, abu ijo korai idiopet kotoma aomisioKe. Ajeni Ngesi loabeit ekonikiror araut. Ajeni eriagi loabeit ikonitim ajautor. Ajeni kere nuikamunitos ijo. Ibore bon abu kiswamaun neabu ijo, kwape ikadiakanaran...

Luipu kotoma kayesi epedorete-epedorete aimor eidicane keong kotoma aomisioit kana. Nakiraar ijo isapat yenididi, arai ipese yenididi, ipedori ijo airim ido ajaas iceboro luapedorete, neemam apedoriata aisirieb luce idwe, asubit bala ajai icebore tomakon yeneworoi. Ajai Edeke nenice, konye kerak korai ijo ikadiakanaran. Kiitunit ijo ngun? Abeit cut. Kwana arai bo ngin inyo? Arai ngol ejautene ngol loka Aijar kotomakon apakio ngun.
Kosodi do akaulo naka apak naedit, abu ijo kiira Eijiri. Aticepak abu ijo kolot okanisa, abu ijo kolem na ka ngin, kosodi alosit anyoun odiini kiton odiini. Konye apak adiopet, ijo kwape iraar ijo atutubet naka Edeke, ajai ijo araut atutubet naka Akirot. Ido nakiirara ijo Akirot naka Edeke, ijeni ijo neibunitor, ijeni ijo nuaraas Abeit. Irai duc ijo, ajai duc Akirot tomakon apak kere. Abu Akirot koany ebe ajai Akirot kotomakon, erai nen naperoko apetetait naka akwap, abu koany Akirot kosodi ijo abunore neejai Ngin.

Kwape akawaragat naikamunit imurukaalet, naka eipone loabu aimurukaalet yenididi yenabekunitai kokwap naka akokor. Kosodi ikesa ngin aupa imiyo, nges, eworoi akokor, ido mam nges amisiikinit aiworoke. Ido-ido imiyo, inyamatakec ajaas toma oidula, mam nges-nges amisiikinit ngun, eipone lokeswamata kesi ngun. Konye ajai icebore tomake, yenasubit bala etegelikina kede nuraas imiyo ngul, naarai kageunet arai ngesi imorukaalet. Edolit ngin. Apaka adiopet abu totoke kobu emejai, ido, nakeirara ngesi aiworo naka amurukaalet, etegelikina kede kutikut naka akokoro.

Ido kwangin nges ejaar kede kanginiyuunan loeurunitai irwan nakiareit. Ipedori ijo aipup akiro nuka ediini kere nuikoto ijo, ka iboro kere luegelara luiswamat etunganan; konye nakiliacaunia akirot kokinga kangina, kwangin ejaun ibore yenikamuni, ibuni ijo neejai Ngin. “Yesi luitwakito kotoma adiakar (aijar ngin) ketajaru Ngesi.” Ekoto kojai Aijar naebeit aitajarunio toma, nasodit ber. Edeke, kede ajenuniKe sek, ajeni iboro kere. Ido asekikinitai oni sek araut odwe lusap ka lupesur luka Edeke. “Yesi lukolo kitwakito kotoma aibucanareta ka adiakanareta, kipou kere kekonenenete nen kolo, konye kitajaru Ngesi oni.”

Koany Paul, nearaar Paul etunganan lokapolon loka ediini. Konye neatereikinotor ngesi ereet ka ereet kede Akirot, Yesu, abu kitajaru. Abu kojar katipet cut, naarai asekikinitai nges araut ngun. E... Arai ngesi atutubet naka Akirot; ido neabu Akirot koanyuna Akirot, erai ngin esubuneke. Kutikut kere naka akokoroi, kotoma okanisa luka orthodox, mam apedorete aiswamaun ibore komamake; abu koany Akirot. Arai atutubeteke. Arai ngesi emorukaalet. Mam arai akokor; ajai bon ngesi odula kede ngul. Konye arai emurukaalet, kageunet ber sek da.

----
Ipedori ijo einer kede itunga acepakio korotin, einer kede kes nuikamunitos Ejakait, ekienasi koingarenekon kanepekanen. Eebo, ibusakinit oni aswam ngin, kwape kwangin. Konye kopupok, “Emamei itunganan yenebuni mamaKang dimikito kenyarau Papaka ber.” Edeke iswamai anyaraun. Ekoto kojai Aijar. “Ido kere luainiki Eong Papa, epote mamaKang.”
Abu kiswamai ewai kanuka ngul luekotosi alakunio. Kosodi ainakin ewai kanuka ngul luekotosi angaleun. Ido naarai ebe abu Ngesi kiswamau nu, itarauni Nges araut loebarit aitim, kwape duc eraar Ngesi loebarit aitim. Ebusakinit korai, arai kinger ijo Nu, emamei bobo ibore yenideuna dimarai etube, naarai ibusakinit adiakar atubokinio.

Parao, nakelomaria toma angolol, kwape loitupusi, aomit ebe apedori ngesi da alomar toma bala kwape abu Musa kiswama. Musa ka akejore, kosodi Parao kede akejore, kesi kere iarei abeit ti amudiar kotoma angolol, asubit bala ti kwangin. Konye Edeke, loebarit aitim, abu kiswamau ewai loka aiku kanuka idwe luka Iburanian, (Inyobo?) Naarai alosete ngul kotoma okokoro loka epelu, aderito kesi Akirot. Kwana ngol bon nges eipone loka adumun aitim, nges aitup aicorakineta nuainaki Edeke oni alosit kotoma. Ngol bon nges eipone loepdoria Ngesi aitodun aitim, nges neitupia oni nuabala Ngesi aswam.

Kwape epeget edio pac, kede ejaanakinan loabala ebe esisianakini eong Aisisianakin naka ikiyakia kotoma apak kana. Eyuunit eong ebe enerit eong ngun akaur adiopet arai aarei kau, arai acepak, nuikamunitos eipone loabalar ngesi ebe, “Itamit ijo aitolomun toma atur na, Aisisanakin naka ikiyakia.”
Ebala ebe, “Abu atur naka ikiyakia kongetakin, kede ikiyakia.”
Kasodi eong aingit nges ebe, “Eebo, ijo iyuunit Akirot?”
Ebala, “Eebo.”
Eong ebe “Apukokinio 22:18 ebala, ebe, ‘Ngin yenelemari Akirot adiopet kokinga naka Na, arai aiyatakin akirot adiopet tomaKe.’ Mere akiro aarei; Akirot adiopet, alemar Akirot awai.”
Ebala, “Eyuunit eong ngin.”
Eong ebe, “Aso apedori eong alimokin ijo neainakinire atur naka ikiyakia, aponi koinakinai Arerengusio nuka atur naka ikiyakia neejai Ekanisa; kwana kolimokinai eong neabu Edeke kolemaria ngin kama ejai Ekanisa, kede Akirot. Mam ijo ipedori aswam ngin; emamei.” Kwana kiitu, ebe abu Petero, kotoma Apaaran nako Pentekosit, nges arai e-eketegearan loka atur naka ikiyakia. Ido abu kolimok ngul ‘Aitoronokin, kosodete aibatisaun Kokiror loka Yesu Kristo kanuka aisionio naka adiakanareta, idumunete ainakinet naka Emoyo Lokalaunan. Naarai aisumunet erai kanukus, ka ikusidwe, ka ngul da luelwaka, kere luenyarauni Ejakait Edekewok.’”

Kwana arai ikoto ijo aipup aiworo naka akokor ace naka ecediini kosodi aijar kokau kokinga kangina kotoma oboro loka akwap, ido elosi ngin aitodun ebe ejai ibore yenerono. Naarai, erai Ngin Akirot. “Idiotunganan yenekoto, kobu.” Arai ijaatar ijo eipud, kobua. Konye arai kimameotor ijo eipud, akepolou ijai do ijo toma ojautene lokaronon. Konye arai kijaatar ijo eipud abunore, kobua kotupak ainapetait naka Edeke! Ido mam nges ekurwokini aitodolikin nuisumunikit Ngesi. Adite kolo eong, ido kwana amojong, mam eong aanyunitor Nges ekurwokini kotoma Akirotoke. Naarai, epedori kereka Ngesi aswam idiobore kosodi akurwokin. Mam Nges epedori akurwokin. Mam Edeke epedori akurwokin. Mam epedor Edeke akurwokin, kosodi asalakin erai Edeke.

Naka oitabo... Edeke Loebarit Aitim.

Naarai komina Edeke akwapin kwanata, abu koinak Okokuke loteluna, tetere ŋinituŋanan yeniyuuni ŋes kinye aolior, konye kojaas kaijar naka ikar kere.

Naarai mam Edeke ejukunit Okokuke akwapin tetere itelekarete akwapin akiro, dimarai tetere itajario akwapin kanukeŋ.

Ŋin yeniyuuni ŋes mam itelekarete akiro; yenimam iyuuni ŋes adaut akiro aitelekar, naarai mam abu kiyuu ekiror loka Okoku loteluna loka Edeke,

Yokana 3:16-18