Akur.

William Branham.

Naka oitabo... Akur.

Kwana akirot naepuda eon gainer kotoma akuare na, adeopekirot kotoma obaibuli, ido kidumakin ngin toma okokoro 2, “Akur,” akirot: Akur. Ajai eong asesen kotoma oitabo loitetemit akiro neajaar eong amoot akirot na. Ajai eong aomomoi nuka- aisiraret adiopepaaran, abu eong kalimonokinite ebe Akure kanuka aijar. Ido abu eong kaany ngin kotoma osabulin, da, neabu Daudi kobalar ebe, “Eswamaee kon,” eyuunit eong, “Eraas nuepol etiai kamaka eitelekar aijar.” Abu eong kajai asesen kede aomoom nuikamunito akirot ngin “Akur,” aso abu eong kamoote kotoma oitabon, ajenun akepolou. Ido kane nu kesi ebala eitabo loka Webster, “Erai eipud loepipil,” loepipil, neipudar ijo icebore erono noi kiton araun apipilu mama ijai ijo.

Kwana, mam erai-erai ibore yen mam erai esube ijo apupun Akur. Akur erai esube. Erai ibore yen erai Edeke elopet nges kiinakinit oni, tetere oni, ainakin oni eipud kanuka icebore. Apak ace ejaatar Edeke, bobo, enakinit ijo ayaetait naitikitik, ibore yenejai toma kon, yen itikitiki ipudesia luegitigita. Ido Akure na, aitikitiket ke naijai toma otau loka etunganan, erai ibore yeneinakinit Edeke nges kanuka aikwenyar nges kanuka eipud loejai tomake.

Kwana ejaas iponesio iarei luka Akure luegitigita. Ejai Akur, naka akuan. Ido ejai bobo Akur, da, naka Emoyo. Epuda ti eong asiomun bobo na, nuabala Daudi ebe, bobo.
Ejakait ekatau akure kanuka Edeke, kanuka Edeke lokajaran:....
Mam erai akiro ace nukolosek, arai icebore yen abu kotakan ikaru ice kau, arai awaragat ace na abu icetunganan kinerite; konye, “Kanuka Edeke lokajaran,” Edeke loejai nginipaaran. Ido abu eketau akur koarite kanuka Edeke kangon, mam erai icebore yenikol sek.

Kwana kidumun oni ebe, Edeke einakin ayaetait mama ijai ijo, kanaka ainakin ijo ibore yenipuda ijo. Kwana, ayaetait naejai toma kon nges kiteten ijo. Ido akur na elosi ngaren kotoma ayaetai na, kosodi alimokin ijo ibore yenipuda ijo, kotoma omoyo nges enera eong nuke. Ayaetait naejai toma akuan, kotoma otau, da. Ejai ayaetait toma akuan, naelimokin ijo eipud loejai kotoma akuan kon, ido eyangaunio mama ijai ijo kotoma akur. Bobo da, ejai ayaetait toma otau kon, naelimokin ijo iboro luka Emoyo luipuda ijo, ibore ice kotoma omoyo kon, ido, ido ijo kotoma kangun ipedor ijo ajenun eipone loka aijar naingarenikinit ijo.

Ne kianyunia ijo ipudesia kon, kanen ipedor ijo ajenun, kotoma kangun, eipone loka icebore yenejai toma kon, yen ejai aiswamaun eipud ngon loikijatar ijo, kiany, ejai icebore yenejai ijo akure kanuke, ido nges epedor alimokin ijo kotoma otau idre yenerai eipudu lo, kotoma koinono loka akur lo kijaarar ijo. Aomit eong ebe ipedor ijo amisikin ngun.

Ejai aiyaetait naka aijar, ido adiopet naka akuan, ido kanginiyaetait erai aikwenyaret naenyarit kanuka eipud loka kanace. Kanginidiopet enyarit anyarite naipuda lokenyarit, ejai nges aijukar kinga aikwenyaret. Kwape naanyunet, akur naka akuan kanuka aitodolikin ipudesia luejaaas toma akuan, kede ipudesia luka emoyo kanuka iboro luejaas toma aijar, eipud nges, ido irwana ipu ejios luarei idiopet kede yenice. Kidumun oni kanen, ibore yene erai ationis naepol lolo, ebe etamito itunga luipu aijar kokiding naka ipudesia kangun iarei. Kanuka, ediopet kakesi ipuda iboro luka akwap, ido loce ipuda iboro luka kotoma akuju.

Kwape abalar Paulo, aitetemun kwape kejaar kotoma Iromayon 7:21, “Ne apedoria eong aswam nukajokak, ido kanen eyapiei bobo aronis.” Neitamakina ijo, idumunitor kereka ijo ngun kotoma amisikin kon, ikristayon? Ebe nekijaar ijo itamit aswam icebore yenibusakinit-nepe, alosit ainakin agogong kanuka aiswamaun icebore yenejokuna, kanen idumun do ijo ebe ejai ajokit, kangol wai kere, bon kanuka amamus aisipedor ijo, idio bore kere yen abu ijo kiswamate... ido ngin nges ibore idiopet, yen. Epuda eong ainer nuke, tetere epedorete ikristayon ajenun. Ebe ne kigeunia ijo aswam idio bore, ijai duc icebore etamit aitukuror ijo kotoma aiswamaun ngin, iswama nges kediopone kere. Erai ngin ajokit kanen, etamit aitikokin ijo kotoma aswamaun ngin erai ngin abeit.

Kwana, irwana ipu, eriamunos eong kede itunga luesubit bala eriengunito. Nekeanyunata kesi ebe etamito kesi aswam icebore, ido ejai idiobore kere kitikokinit ngin kotoma kowaitin kere, ebalas kesi ebe, “ekoto komam erai akote naka Ejakait.” Kiany? Kwama sirikicamak ajokit aingalaagal ijo kotoma koipone kangol. Ibore yenisodit, erai bere ageun ajenun ebe erai akote naka Edeke, arai bo mam. Ido karai ikoto jo ajenun ebe erai akote naka Edeke, kireik toma obaibuli. Ejai ibore yen kirior ijo, nges akirot naka Edeke, kanuka jo aswam ngin.

Kwape, naanyunet, amoote Emoyo Lokalaunan. Irwan ipu, akeranaritor eong mama ejaas itunga, ebe, “ejokuna, abu eong kamoote Emoyo Lokalaunan, ido mam eong apedor aijaun nges. Mam do eong eyuunit ebe erai kanuka. Edio sawa kere loejesaror eong kwap, ejai eong adekakin. Ido ejai eong alosit ailip, karai alung eong, ejai eong adekakin. Ido karai atamak eong aiboi akuare kere, asalakin aiboi, ejai eong ageun ajoo. Mam eong apedor aibwo kotoma akejeneka.” Kiitutu, erai ngin ajokit. Narai, epelekinit Edeke ijo ajaun kede Emoyo Lokalaunan. Erai kere yenepedor.

Irwana ipu idumun ijo, nekilipakinere jo, kotoma airiamun, kanuka angaleu, ido apaaran naetupakin idumun jo ebe, komamei abuonokin, ejai ajokit ainakin ngin amunar do bobo irwanaarei adepar nesek. Kiany? Kiitutut, erai ngol Satan etamit ainakin ijo anyoun awai kama ejaas arerengosia nuka Edeke nuejaatar nges kanukon. Kiany? Sirikipupok ekesangon. Kiany? Duc kinyikok alosit ngaren.

-----
Kwana ibuni aayangar ace kotoma kanuka esube. Akur nges nasodit. Ajangasi bobo, kwape naanyunet, akur kanuka akipi. Kwape abalar Daudi kane ebe, akur kanuka, naka “Akipi.” Akur kanuka akipi, ejai do akuan ipuda akipi. Ido karai mam ijo itudeng akur ngin, itwani jo. Emameunos ijo akipi kotoma akuan kon, ido mam bobo ijo ipedor aiyatakin aijar. Karai mam ijo ipedor adumun akipi kanuka aitudeng akure ngin kanuka akuan itwani ijo katipet. Mam bobo ijo ipedor aiyatakin aijar aojau. Ipedor ijo aijar aojau komamete inyamat itia komamete akipi. Narai ijo ailung apaarasia akaisangon (abu Yesu kiswama), aomit eong, komameete- komameete inyamat, konye mam ijo ipedor aiyara aojau ngin komameete akipi. Epatana ijo katipet aonore kede atwanare. Iburatai ijo ajaut kede akipi. Ido akur naebuni mama kon, kanukinyo, arai kanuka aitodun ebe ejai akuan kede eipudi loka icebore, kanuka nges asalakinit ejar. Irai ijo nepetai akaisakanykauni kede icebore kangunikwatat akipi kede Petroleum, ediopone, ido eyangaikinit ijo adumunun iboro lu kanuka ijo asalakinit ijar. Kwape alimunitor eong sek, karai kitapal ijo ngun itwani ijo.

Akur bobo erai aikwenyaret. Erai nges esawa loikwenyar, ebe akur. Ejai aijar aibwaikin esawa loikwenyar, ekide yenedit kotoma kon loikwenyar ijo ebe eyapiei kwana atwanare kamakon. Ebe karai mam ijo idumun akipi katipet, ejai kwana ijo atwanare. Ido ejai nges aiyatakin acelar ido acelar noi, kiton neidolokina do ijo aitudeng nges ido kanen otwani do jo, narai erai nges ekide loikwenyar.

-----
Kwana ejaas nen nuebeit aisisia nuepolok, kiany, ido Daudi ebala kane ebe, “Kwape kiyenganakinor etau kanuka aleles naka akipi, eyenganakin akatau kanukon, O Edeke.”
Kwana amiam ngin, karai mam nges ebumun akipi etwani. Mam nges epedor aijar. Egwapininitor eong kesi irwana ipu akaulo na edaunere aimusung. Kenangakin nges alelesi naka akipi, ejai nges aitub kosodi adumun numatan, kosodi adokar kuju moru; kosodi bobo ajesun kwap, aitub, kosodi aimata bobo akipi kosodi aikiar kuju. Mam bobo ijo ipedor aikamun nges, bon nejaar nges etupit alelesi naka akipi. Konye kejalak nges alelesi, karai mam nges epedor adumun alelesi ace naka akipi kanenice kere, ejai do ijo aikamun nges katipet. Ido kwana ejeni amiam ebe, aso ejai do nges asalakin kede akipi, nepatanar nges adolokin akipi katipet. Kwana koumok bere jo amiam kede ekume ke ikeunit kuju, aponi kikamakinai nges neice neamameete akipi?

Ido ebala nges, “kwape kiyenganakinor arai kemootor amiam (erai akur) kanuka alelesi naka akipi, iyenganakin ekatau akur kanukon, O Edeke. Kiton eong adumun ijo, Ejakait, atwani eong. Eong- eong mam eong apedor alosit karai mam eong adumun ijo!” ido karai ekiliokit karai aberu arai etelepat arai apese, edumun eipone loka akur kanuka Edeke, elosi nges adumun icebore. Kiany? Konye nedolokina nges toma, bala kotoma atututbet, “eebo, apedor eong akukokin kwap kasodi aanyun nuiswamai Ejakait.” Kiany, kanen mam bere jo ikamunit akur. Ekotokin korai akur kiding atwanare kede aijar, kanen do iswamaun do icebore.

Amiam, nges da kane... kidumun oni ebe bobo apupet ace, naka ainguun, nges einakin aikwenyaret kotoma ke neapiar lokasurupike. Irumiara nges, isubat yen, kede amisikin naeyuarit akekuan. Ido ejaatar nges kede ekide kotomake, icebore yenidid, yenerucokina kede ekumeke karai edolu lokasurup. Ipedor ijo ajaun toma akwamin luka lokasurup, kosodi nges ajenun ebe ijai ijo ngina, konyoun nges. Irwana ace atutubet naka amairo, epedor nges ainguun jo kosodi anyoun, arai ekuwe arai ationis adio kere. Epedorit nges amisikin nges narai iswamatai nges kotoma koipone kangon. Erai nges amiam, kotoma oinono. Ido amisikin ngin kotomake erai nainakinit Edeke nges, amisikin mamake, kanuka ajaria kede.

Ido abu eong kaomite aituput amiam kede etunganan lo ejai akur kanuka Edeke, eroko lokasurup kedoluno ne. ejai icebore kotoma ikoku yenika Edeke, ebe neda kiuritere ijo kotoma Emoyo Loka Edeke, aijaun aibatisao naka Emoyo loka Edeke, ejai ice bore yenikamunit itunganan ngin yenepedor amisikin lokasurup. Koay bere ijo etunganan keyanga nges nuiwadikatai, ido asioman nuiwadikatai kosodi aitam ainyalakin icebore mama ejaas ikokoron ngun, luda mam eupasi kede nuiwadikatai, etunganan loilelebasi kede Emoyo Lokalaunan epedor. Amisikin ngun, katipet. Ejai icebore yenimam ibecokina. Nedolokina nges adoketait, ido amisikin ngin naedit yen ejai nen, iswamatai kanuka ayuar aijarakon. Ijo, iburatai ijo, mam ekotokin ijo amoote icebore karai mam eupasi kede akirot naka Edeke. Ekoto ijo asalakin toma akirot naka Edeke. Ido, kwana, ido kiyuara oni kede amisikinet kangin ageun bon neisalakinitor oni toma Omoyo Lokalaunan.

-----
Ejai bobo einono ece, loerai loka Edeke, bon akur narai Edeke einakinit, kotoma akur kangin naka aijar. Ipedor katicepak ijo atemar atiar, “Onac Branham, erai aijar ngin akur, erai kereka ngin naka Edeke?” eebo, erai ibore yen einakinit Edeke kanuka etau ajaun kede akur. Ido erai Edeke iswamata jo koipone kangon, tetere jo ipedor ajaut kede akur mama ejai nges. Ekoto nges ijo ajaut kede akure mama ejai nges. Kwana, abu Edeke kiswama ijo kwangin. ido korai mam ti nges iswamat ijo kwangin, kopedorite ijo ajaut kede akure, ti kejaun atimio kotoma agerosit naka atubokinio, ebe, amamei eong adio akur kanuka Edeke.“ Konye emamei bobo aitimio, iswama jo. Ipedor jo aitaraun ngin icebore; ipedor jo aitaraun ngin aberu kon, ipedor jo aitaraun ngin emotoka kon, ipedor katicepak ijo aitaraun nges idiobore kere, ipedor jo Alomar okanisa kosodi aitama aisilosikin ngin. Ido emamei eong ationis kede jo alosit okanisa, konye mam ngin erai aisilosikinio. Erai adumun Edeke, Edeke lokajaran, Edeke loka akuju, toma otau kon, isilosikin ngin eipud kede akur nadau apak kotoma kon.

Kwana, kanuka ngun, abu nges kiswama jo tetere jo ejakit akur kanuke, kanuka eidicane kede nges. Kwana, ejai akur nakabeit kanuka eidicane. Kwana ipuda oni airiam kede yenice kede yenice. Ijai lolo oni aswam ngin akuarena. Kiriamun lolo oni ne nepepe akuarena narai kimina oni eidicane, idiopet kede yenice. Kanukinyo iswama oni ngun? Narai ejai icebore tomawok ebe ipuda oni airimun nginidiopet kede yenice. Erai ngin cut eisube. Kwana kiriamunun oni toma aiboisit naidila kane, erai ngin, kijakit oni kre akure kanuka Edeke. Kiany? Kanen kiriamun do oni ne kanuka ngin, aibois nakanginiduc kane naka eidicane. Kotoma okanisa akuare na, kane, eraun katicepak aiboisio nuegitigita iriongeta, kede aceda; konye nedolokina akure, iriamun oni toma aibois naidila, aiboisit adiopet: kijakit oni kere ejai akur. Ice katicepak iyuunito aicokicok, ace bobo erai aibatisao, ice kotoma abukokin, arai kede aceda; konye nedolokina mama ejai akure naka Edeke, oni kibun oni kere mama ejai aibois adiopet bon nainakinit Edeke. Ido iswamata Edeke oni tetere oni kiswai ngun, kojakite akur kanuke kede eidicane kede nges.

Naka oitabo... Akur.

Kwape iyeŋanakinor amiam kanuka akipi nuka aleles, Kwape kwaŋin iyeŋanakinor ekatau kanukon, wu Edeke.

Ejakit ekatau akur kanuka Edeke, kanuka Edeke lokajaran: Adoli wori ketaanyun kakonyen nuka Edeke?

Isabulin 42:1-2