Aisiteteunio naka aomisiokus.

William Branham.

Naka oitabo...
Apedor naka Edeke aijulakin.

Kwana kalaije kotoma Oitabo loka Iromayon, esula lo12, ido ikokoron lo1 ka lo2, kikoto-kikoto oni asiomun Naiwadikatai na.

1 Kanukangun, iinacan, kengaingait yes, kanuka aitimeta nuka Edeke, kijaikis akusiwat koraut asubanit naejari, nakalaunan, naisiyalamikinit Edeke, nges aimakus naibus
2 Kwabo sikiputo nuka ikar kalu, konye kanuka aisiteteunio naka aomisiokus kijulakinos, tetere igimorete nuekoto Edeke, nuejok, ka nuedolito... nuejok nuisiyalamikinito, ka nuedolito da.

Kwana, arai ekoto Ejakait, akoto eong ayangar akou naka akirotoka atupuruc na, ko: Apedor Naka Edeke Aijulakin.
Ebe sirikiputo nuka ikar kalu: konye korautu... kijulakinos kanuka aisiteteunio naka aomisiokus, kwana, ido igimorete ngun nuejokuka nuedolito, nuisiyalamikinito, nuekoto Edeke.

Erai akirot naejenaara noi naemojongit naitwasamatos ikusikecokok ameun cut kotoma apakikus. Erai naetwasamai ageun nakiwadikaere Ngin. Mam cut Ngin emojongi, naarai erai Ngin Edeke. Mam ngin emojongi. Kotoma nginitur kwana, aapikin, bala ikar ilukumin iarei ka akwat akanyikauni, arai kadepar, asiomenenata ikiliok, isasedotin, ka ice da, Akirot na naka Edeke ido mam cut Nges emojongi. Ajai eong asiomenene Nges, eong elopet, adaun ikar luedolete bala akaisauni-kikany. Ido kanginipak na asiomia eong Nges, adumuni eong ibore yenikitetet yenikabu eong kelamite ber sek nasodit. Naarai iyengakinitai Ngesi, erai Ngesi Edeke kotoma aput naka enyukuta. Teijo, erai aomisio nuka Edeke inerasi, kosodete aibwaikin toma apapula.

Irwan ipu, atema etunganan ebe, “Eebo, kwana, itunga iwadikatos Ebaibuli lo.” Mam. Ebala Ebaibuli inera, Elopet, ebe Edeke nges iwadikat Ebaibuli. Erai Ngin Akirot naka Edeke. Ido mam cut ibiror. Abala Yesu ebe, “Akuj ka akwap ibiroros, edaunos, konye Akakiro mam cut ibiroros.” Ido mam cut Ngin ibiror, ido kwape eraar Edeke, naarai erai Ngin atutubeteKe. Kosodi konyet ijo kwape okokuKe ka akoku, irai jo atutubet naka Ngin, ido kitarauni ngin jo atutubet naka Ngol. Kwangin erai kanukangun nges kiponia oni aimor eidicane nepepe kaneejai Akirot naka Edeke.

Kwana akirot na kijulakinos, abu eong kerereo ko dikisionari, bian. Na, ebucit eong aimen aiitunit esawa loabeitor eong ajaun kuju ne, najaar eong amoot akou naka akirot, kasodi eong adumun akirot na, arai akou na, ti gwai, Naiwadikatai Obaibuli. Ido kodikisionari ebala ebe erai “ibore yenijulakinitai.” Ibusakinit ngin “kijulakinai.” Ejulakin, “aitaraun yenegelara itia ibore yenikerai ngesi sek, kerai ngin... einonoke ka nginibore ice kere ejulakin kotomake,” aijulakin.

Ido eong ajai aomoomoi atupuruc na, kotoma Ageun 1. Ajai akwap na atai komamei aput, ido amamei ibore ajai tomake, korapite amuton akwap; mam arai idiobore kilema aipurujauna kaileleba. Ido najaar akwap na ojautene ngol, abu Emoyo loka Edeke kirukum kuju akipi, ido abu aput ngin kere kijulakin; anyoun karaut aipurujauna na cut, toni omanikor loka Eden. Erai ngin apedor naka Edeke naijulakini, naepedori alemun ibore mutan yenimam erai idiobore kosodi aiswamaun ibore yeneumokina kotoma ngin. Apedor naka Edeke naijulakini!

Ido kijeni oni ebe, kanuka aisiom Nuiwadikatai Obaibuli, ebe arai Edeke ikanyape-ikar ilukumin ikanyape ejai iswamai aitemonokin na kanuka Eden na. Kwana, mam acepak Ngesi edaunit aojau ngin; konye bon aomit, ido alemun ngin kotoma Naiwadikatai Obaibuli neebalar Ngin ebe “apaaran adiopet kede Edeke, erai ikar elukumit kakwap,” erai ngin ebe, arai ibusakinit Edeke aimar apak. Ido atiar kerai ikar ilukumin ikanyape nges kebu Ngesi kodau iswamauni akwap, ido kebu Ngesi kiraik toma akwap ngolikinyomit kere loejokuna. Ajai kangina cut nginibore kerai yenetekooro cut.

Aomit eong, irwan ipu, na da ber egeuniata ikecaak aisiom Eitabo loka Ageun, egeunete kesi aicaarit Ngol, naarai esubit bala ejai inyogonokini Elopet akekiro kopekwangin, araiboot kiuconori jo lailo ka laingol. Konye karai bon oni aanyun kanu apak naedit, eringa oni kelomara toma akirotowok, ebe, abu Musa koany aitapoet. Ido abu Edeke kinerata kede Musa akonye ka akonye, akituk ton akit. Kwana, mam Ngesi ineritotor kede etunganan ece kopone kangol, kwape abu Ngesi kiswamaikinia Musa. Kwana, arai Musa loapol, ediopet kotoma onabin luepolok kakere. Kerai ngesi aitupuset naka Kristo. Ido kereka kwana epedori Edeke ener, ejaatar Ngesi kede eporoto. Epupunitere. Epedori Edeke ener.

Ido epedori Edeke aiwadik. Abu Edeke kiwadik Ikisila itomon kede ebokoritiKe Obe. Abu Ngesi kiwadik arwatatin nuko-nuko Babulon kolo, kede ebokoritiKe. Abu Ngesi kokukum kwap kadiopepak ido abu kiwadik toma asinge kapak adiopet, kede ebokoritiKe. Epedori Edeke ener. Epedori Edeke aisiom. Epedori Edeke aiwadik. Edeke nges Atan naka asianut ka Apedor, ido naka acoa kere naka Edeke, ejai toma Edeke. Kwangin do, kajenete ngun, Ngesi bon Ekasuban loejai. Emamei bobo ekasuban ece kilema Edeke. Mam Satan epedori aisub, nepe tai da, erai bon ngesi loitapaanari luedaunitai asubun. Konye Edeke nges bon Ekasuban.

Kanukangun, abu Ngesi kosub kanuka AkirotoKe. Abu Ngesi kiyakia AkirotoKe. Kwangin do ikinyom kere luabu Ngesi kibwaik toma akwap, abu Ngesi kosubunun ikinyom ngul kede AkirotoKe Obe, naarai kemamei idiobore yenikebeitor aiswamaunia ikinyom ngul kamake. Kebu Ngesi kibwaik kes aiboisiokec, ido kejaasi kesi toma akipi. Abu bon Ngesi kotema atiar, “Kojaun yen, ido kojaun ngin.”

Kwana kidumuni oni ebe, irwan ipu, esubit bala euta Ebaibuli ainyogonokin arai ener ibore mama ejai yenimam Ngesi ebala. Kwape naanyunet, kotoma Ageun 1 kidumuni oni ebe, “Kosub Edeke itunganan kaputoKe, kaput naka Edeke nges asubunia Ngesi ngin; kosub kes yenikiliokit ka yeniberu.” Kosodi konyet Ngesi aiyatakin alosit akonye, ido apotu iboro luipu kotakanutu kotoma akwap.
Konyet do kadumunete oni ebe, kemamei itunganan yenekoriei akwap. “Kosodi do konyet Edeke asubun etunganan kapua naka akwap.” Kerai ngol etunganan loegelara. “Ido abu Ngesi kokutak eiyengane loka aijar okumesike, koraun etunganan etau lokajaran.”

Etunganan losodit kerai kotoma aput naka Edeke, lo da erai Emoyo. Yokana 4, ebala, “Erai Edeke Emoyo, ido ngul luemaete Ngesi ibusakinit aima Nges kotoma Omoyo ido kotoma Abeit.” Konye erai Edeke Emoyo. Ido etunganan losodit, loabu Ngesi kosub, kerai etunganan-lomoyo, ido ajai ngol kotoma aput naka Edeke. Kosodi konyet Ngesi aibwaikin etunganan lo toma akuan, kosodi etunganan aibiror. Kwangin do abu Edeke kobu kwap kosodi ajaun toma aput naka etunganan, tetere Nges elakuni etunganan ngol loebiroro. Ngin nges akirot alopet cut naka Akiro Nukajokak, kotoma-kotoma aomiteka.

Kwana, Edeke, kotoma okar ilukumin ikanyape, kodaunite airaikin ikinyom lu kere lueumokina, arai kedaunit Ngesi einer Akirot. “Ebuni araun koipone kalo. Ekitoi lo ejaun. Lo ejaun.” Nginibore kere etekooro. Arai cut yenejok. Ido abu Ngesi kicorak nginidiopet kotoma okinyom kangul ebe apote kesi araut, apote kesi aijulakin ikulepek araun iraasit yenikepone loka aijar ngin nakinerit Akirot naka Edeke kes araut. Arai kerai ekitoi loerai eloa, kerai bodo ngin aitolomun eloa. Arai kerai edukudukut kerai bodo ngin aitolomun edukudukut.
Naarai Ekasuban lokapolon kebu cut kiyakia Akekirot, ido kejai ikinyomit Yenikirot nen eringa ikinyomit ilopet kesubuna. Ido Akirot nges abu kosub ikinyomit ngin. Teijo, “Abu Ngesi kiswamau akwap kotoma oboro lumam atakanete.” Teijo, Ngesi-abu Ngesi kiswamau akwap kanuka AkirotoKe. Abu Edeke kiner nginibore kere araun yenejai.

Ido kwape keraar Edeke, Ekasuban, kinera iboro kere toni araut luejaasi, iburai kerai akwap nakitekooro. Kerai ngin a-a aiboisit nakibus noi. Kerai ngin a-a paradais nakabeit nateni kane kakwap. Kwana, kwape, nginiibois ibusakinit ajaut kede headquarters nenice. Airiamun na iburai kojai headquarters, ido atukot na iburai kojaatar kede headquarters, ido ekanisa iburai kojaatar ka headquarters. Ido ejaatar Edeke kede headquarters. Kwangin do aibois na naepol, akwap na nakijari oni kotoma, ejaatar kede headquarters. Kwangin da Eden lokapolon lo ajatar kede headquarters, ido headquarters ke engarenikinitai komanikor loka Eden, arai toma Eden, kide naka kotoma omanikor. Kosodi Edeke kuju kana, kanu ayaite isubanaKe kere luepolok kane kakwap, okokuKe ka ateran naka okokuKe, Adam ka Keba.

Edeke nges arai Papa loka Adam. “Kerai Adam a... okoku loka Edeke,” kwape Iwadikatere Obaibuli. Kerai ngol okoku loka Edeke. Kosodi Edeke aiswamaikin ngol ikengarakinan, alemun kinga kotoma akuanake kelopet; acepak amaaran najai kuju naka etauke, tetere ngin ejai die keng, kosodi aiswamaikin ngol akengarakinan. Mam ber kerai aberuke teniteni kapak kangin, kwape da keringar ber kerauna ekiliokit; kerai cut Nges adaun einer ngun ngipengin. Ido nen nges abu ationis kolomunia, abu Satan kodum ngin eringa Adam kedumuna. Kwangin do, kerai cut AkirotoKe nakinerit Ngesi.

-----
Ido kiringa oni kere ijai toma aput naka Edeke. Konye angwalata ice noi, kwape odwe luka Edeke, luelosete kopone lomam erai loka AkirotoKe ka erot da lo-lo akoto Ngesi oni koinak da aloseneneo. Aibwaikin icebore, emojirikinete akwapin oni aisukunyaar kinga korot, airiyar oni diekec, ido awai kama ejai ididi ngin yenabu Ngesi kiraik oni toma, araut odwe ka adwe nuka Edeke. Adiakar nges eswama ibore yenikaronon yen mama ejaas odwe ka adwe nuka Edeke.

-----
Kwana mamakus yes lukokinga luijaas toma aweikinio, kanejaas yesi kere, akoto eong yes aijaun Kristo kokinga kangina, kwape Eketajaranikon kilopet, ido kilelebunos kede EmoyoKe. Akiro nueneri atupuruc na, kodooto kesi toma otaukon. Ido kanen kijau jo Yesu. Ido kosesen jo aijarakon, kosodi jo aanyun naijari jo konyet kokau. Ido koyanga Aijililiet naka etunganan kaloeomoomoi kane. Kianyu jo ebe ijai jo ilopet aswam ibore yenipagagaara kama ejai Akirot na, kikunyak awai kama ejai ibore ngin, katipet noi. Ianyu? Naarai, ejai Aijililiet naigaguarit atwanare awai kaneijai jo, ngin nges Akirot naka Edeke. Akekiro eraas Aijar, ido kiyuarete Kesi jo kama ejai atwanare.

Naka oitabo...
Apedor naka Edeke aijulakin.

Ido ajai akwap atai, komam etiakak; kojai amuton kokuju kaidules; kintkum emoyo loka Edeke kuju akipi.

Ageun 1:2