Ajai Edeke toma Musa, erapiara.

William Branham.

Naka oitabo...
Apukorio naka Edeke.

2 Ikorinton 3:13-16,
13 Kwabo mere Musa loemukorit akekonyen, kinyeis idwe; luka Isirael asesen awasia naka naitapalaunio.
14 Konye kitininikitai ikecetauon. Ido kiton naesiomenenere aitutuket namojong eringa esalit aimukoret ngipengin mam epukoritai, naarai kotoma Kristo kitapalaunitai.
15 Konye kiton lolo naesiomenerere nuka Musa epesikina aimukoret otauonokec.
16 Konye naibelokinor itunganan mama ejai Ejakait, elemario aimukoret.

----
Ajaatar Musa Akirot. Kwana kiitu, akaulo naetodiarere Akirot, abu Musa koraun Musa bobo. Ianyu? Konye nakejaar Akirot ngin tomake kanu akorario, arai Ngesi Edeke; eebo, mam nges arai Musa bobo. Ajaatar Akirot naka Ejakait kanuka atur kangin. Amamei ibore yenapedor atiror nges kiton neangetakinor ngin; ajaatar Akirot ngin kanges. Aso, kanuka ngun, neabunio ngesi, apotu itunga kitulurwoto akecekwes; mam apedorete amisiikin. Aponi kes kijulakinai. Arai ngesi etunganan loetegelikina. Abu kobu kede Akirot ngin. Abala Ebaibuli ebe “Kosodi aibwaikin aimukoret,” “koreeteke,” naarai ajaatar Akirot. Konye arai ngesi Akirot nekec.

Kwana koany, arai abu Musa... Wu onac, elosi na araun amorosit. Konye arai abu Musa... Kwape abalar Paul kane kotoma Okorinton Luareit, esula lo 3. Arai abu koraun Musa aimukor ekereet kede aitupuset ngin naka Aibuses kamake... itei ijo, naarai arai ngin abuses, naka akuan, ekisil loka akuan. Ido arai abu Musa, kojeni da ebe abeit ekisil ngol amudiar, ido apol Aibuses noi kiton ebe abu kitumudak itunga, aso ajai do kes aibwaikin aimukoret koreeteke, ikwaikini bodo Ngin ai? Itunga luemudukaka omoyo! Uh-huh. Abeit aibuses ngin adaun, konye mam Aibuses na ebuni adaun. Ianyu? Ajaatar Musa ikisila luka akuan, atubokinio, emamei asianut, emamei idiobore; atubokini bon ngol ijo atubokin. Konye Na naijai oni einer nuke... Amameotor ngol aitim, alimokini bon ngol ijo nuirai ijo. Na einakini ijo eipone loka alomun kinga. Ido nakepukorere Akirot ngin, oo, ikatunga, eipone ali loka ereet ebuni Ngol araut? Ebuni Ngol araut loerapiara. Ebeit araut loerapiara. Kwana koany. Aso erapiara Emoyo kotoma oyekalu loka etunganan, itei ijo, Nges einer akiro nuka akuan kede aimukoret naka akuan.

Kwana, Paul kinera kane kwana, ido kotoma na-apupetait na, Akirot naka Emoyo, “Irai oni ijaanakinak, mere luka enyukuta, ekisil; konye ijaanakinak lukapedor loka Emoyo,” ebe elemuni Emoyo enyukuta kosodi aitodiar Ngin. Arai bon ngol ekisil, ajai ijo alosit asesen ngol, ebala ebe, “Siridotei. Sirikokoi. Sirisabanakinenei. Sirikiswama nu, ngun, arai kwa.” Ianyu? Ajai ijo asesen ngol.
Konye lo nges Emoyo loebuni toma Akirot naka atur kana, kosodi aitolomun ka aitodiar, mere amor aarei, konye Akonyen nuka Edeke lokajaran. Mere aomisioit ace naka aibe nabu icetunganan kopwak, araibo icudeta, acoasinei; konye aisumunet alopet naka Edeke epukoritai ka aitodiar cut koingarenewok. Eipone ali loka aimukoret ebuni ngun araut kokau? Ido kanu-kanu alacakin ngin...

Itei ijo, apol ngin noi kiton neapotu itunga da kotemariata, apotu kotemas neaanyuniata Yawe ijesun kwap kotoma Opir kalo loka Akim, kosodi ageun aitamaran akwap, ka-ka iboro luabu Ngesi kiswama, ka emoru loka akim. Ido da arai ketam idiotunganan alosit moru ngol, amudiar ngin. Apol ngin kiton Musa akurianar amaran. Kwangin, arai abu Ngesi kapak kangin kitamaran emoru, ilolo kana ebuni atamaran akuj ka akwap.
Dobodo Aibuses Na? Arai arapiaritai ngin kede aimuloret naka akuan, erai na... erapiariatai kede aimukoret nakomoyo. Aso mam itamakini asesen naka akuan; koloma toma Omoyo kosodi aanyun neijai ijo, itei ijo esawa loijari oni kotoma.

Biai iswamai kereka ngin ajokis nekus? Itei ijo, aimukoret nakomoyo naejai kuju naka itunga, ebe, “Arai eong loka Methodist. Ajok eong da kwape idiotunganan kere. Arai eong loka Baptist. Ido arai eong lo Pentekosit.” Yesi mam imisiikinitos ngin, erai ibore ngin aimukoret naka einono? Ibwait ngin Edeke kama ijai ijo. Ibore ngin nges irieborit ijo kotoma ainumunum kere... Oo, ibala ijo ebe, “Eluluei eong ido asomanar kuju ka kwap.”
Abala ebe, “Nginikirot!” Eyuunit Keba Nginikirot kidimarai adiopet. Ianyu? Erai Akirot naileleba naka Edeke, aisumunet naka esawa itodiaritai. Ianyu? Koany kwana kwape kilosio ngaren. Kijaar eong nuipu ne nuebeit einer, konye kijaar eong nepetai apapulai akaisarei, konye ngin... nuka-nuka akiro nuiwadikatai, konye mam eong-eong abuni einer ngun kere. Itei ijo, abuni eong aisuburikin.

Erapiaritai nges kede arapiaret naka akuan eroko nges elimokina itunga Akirot. Kwana, ejai Edeke arapiar elopet, kwape kesumunikitor Ngesi, kotoma akuan naka etunganan. Edeke! Yesi imisiikinito Ngin? Ebeit Edeke arapiar kotoma akuan naka etunganan, kosodi aibwaikin aimukoret nakomoyo kujukec, (atemar ebe, “Eebo, arai lo ido arai eong ngol”), kanuka ainerakin kede itunga. Naeraar ngin aimukoret, naerai da aimukoret naka einono, acilar, kwangin do... ngun nuineras kesi, “Inyobo, atuboros apaarasia nuka nukaumokin.”

----
Kwana aimukoret naka akuan. Edeke, Akirot, arapiara kotoma akuan naka etunganan. Arai bo ngin inyo? Arapiara Musa kotoma. Ajai Edeke toma Musa, erapiara, ido ajai Ajakut naka Edeke tomake. Etekooro ngesi noi kede Akirot ngin kotomake koipone kangol, kiton nearaar nges arapiar ereeteke. Ido arai ngesi enabi loetodiaritai loabu kopuko Akirot kosodi alimokin kes ebe, “Sirikiswama nu! Kiswama nu! Ido sirikiswama nu! Ianyu?

Kanu ainakin Akekirot neejai atur, abu korapiar elopet kotoma otunganan, arai mam, ti Akirot kitumudakit kiton luenyaraunitai kinga da. Ianyu? Karaida itunga luajaas kinga ngina, mam apedorete atitingikin asesen ngun. Kotoma-kotoma, Anyoun idumuni oni ebe, apotu kotemas atiar, “Kiner Musa, mere Edeke.” Itei ijo ibore yeneinakinit Epir loka Akim mam etakana noi? Ianyu? Abala Edeke ebe, “Abuni eong-eong aswam ngun. Etonyoikini Eong kes Enabi.” Amen! “Etonyoikini Eong kes ediopet.” Kosodi Ngesi abunore cut becebec. “Etonyoikini, ido ebuni Ngol ajaun, araun Akirot.”
Ebala ebe, “Arai ekotos aanyun nuerai Akirot...” Ebala, “Kwana, Musa, abu Eong atakanikin ijo kangina, kokiot loanokie.” Ebala, “Alosi eong abunore kwap kasodi ainokokin akim moru ngol.” Ebala, “Eanyunete ebe iner ijo abeit. Abuni Eong atakanun kane kasodi aitogogongoikin otunga, abuni eong atodiar aijaanakinikon.” Ngun kes abu Ngesi kolimok Musa kane, akiro nuipu noi.

Koany, abala ebe, “Alosi Eong-alosi Eong aitubusikin ijo kakonyen nuka itunga.” Ebala, “Kwana, abu ijo kolimok kes ebe ebu Eong keriamunos kajo kokinga kangina kokiot loanokie; kwana alosi eong abunore kwap, Akim ngipengin, ido alosi eong ainakin itunga aanyun ebe mam ijo abu kingalate kanuikamunito Ngin.” Ipedori ijo aitogogong Ngin kede science, karaida, kipuda ijo. Ianyu? “Alosi eong abunore cut kwap kasodi ainakin kes ajenun.”
Ido neageunia Ngesi agat, neageunia Yawe agat, apotu itunga kotemas ebe, “Mam! Mam! Mam! Mam icamakini Yawe einer; kitwaki-kitwaki.”
Itei ijo, ajai Nges arapiario, aso abu Edeke korapiar kotoma Musa kosodi ainakin Musa Akirot. Kosodi Musa abunore kwap kosodi einer Akirot naka Ejakait, kotoma aimukoret koreeteke. Edolit ngin? Yawe erapiara kotoma ojautene loka enabi, naarai ti cut kaileleba...Kosodi Edeke atemar ebe mam bobo abuni aiyatakin einer kakes koipone kangol. Abuni bon Ngesi einer kakes kotoma onabi. Ngol bon nges eipone loabunio Ngesi einer ageun kapak kangin. Ngol bon nges eipone loabu Ngesi kinerar. Edolit ngin. Emamei bobo cut eceipone. Mam Nges ingalai.

Koany, Musa bon ajaatar Akirot. Kwana, amamei a-atukos nabuni, emameete Iparisayon, arai Isadukayon, araibo amamei arai icerionget arai ateker. Arai Musa! Abu kolem etunganan ediopet. Mam Nges epedori alemun aomisio aarei arai auni nuitegelikina. Elemuni Ngesi etunganan ediopet. Ajaatar Musa Akirot, ido Musa bon. Yosua da ber amameotor Ngin. Amamei bobo icetunganan yenajaatar Ngin. Amen. Arai Yosua e-ekapolokiniton ajore; Arai Yosua ekapolokiniton ajore; arai Yosua ekeyuunan, Ekristayot. Konye Musa arai Enabi! Mam Akirot epedori abunere neejai Yosua; ebeit Ngin abunore neejai Musa. Arai ngesi enabi lokapolon loka esawa. Koany, mam Akirot abu kobu neejai Yosua kiton neanyounio Musa. Mam cut, lokapolon. Iswamanaros Edeke kede nginidiopet kotoma apakike. Erai Edeke ediopet. Ianyu? Kwana, Musa bon ajaatar Akirot mere atukos.

Koany, abu Edeke ikwenya idiotunganan mam atamakin atupaar Musa toma aimukoret ngin; luitupusete. Ianyu? Aberu, ekiliokit, esasedoti, yenarai ngin kere, arai ayongit Edeke biai, arai ekiliokit, arai itia ayongio ai, arai itiasi kesi ai; abu Ngesi ikwenya ebe, “Kobu Musa bon! Ido arai idiotunganan, karaida itiang, etirori ngol, ibusakinit koaarakinai nepenen.” Mam itubor ngaren naka aimukoret kangin. Erai aimukoret ngin naebeit etunganan ediopet. Erai Aisiraret ngin adiopet. Ianyu? Kotoma oyekalu, alomari ediopetunganan toma irwanatipet ekaru, enyonyokinio kosodete aitemokin alomar toma; mere ayangaun Akirot, konye ainakin aokot. Karaida ber alosit ngaren naka Ngin, ediopet bon. Idiotunganan kere atwani. Ianyu?

Etwakete kesi komoyo kwana. Erai na aimukoret nakomoyo. Ianyu? Arai ngin aimukoret naka akuan. Erai na aimukoret nakomoyo. Ianyu? Inyikokinitos kesi alosit ngaren toma kau ngina, ipedori ijo alimokin kes. “Oo, ajeni eong! Ajeni eong ngun, konye eong...”
Abu eong atema ebe, “Kolot ngaren, ejok ngin, inera bon ngin...” Kiitunitos yesi, aiticanet nakawasia ko Misiri arai atwanare, eroko anyoun. Kwangin idupudupoorio araun ekurwon kosodete aitaraun apua, ido epote ikadolitok aipudapud ekurwonikec. Konye ibore yenawasia erai atwanare nakomoyo, ainger Akirot.

Kwana koany, abu Edeke ikwenya idiotunganan mam atamakin atupaar Musa toma aimukoret naka Akim. Abeit Musa arapiario, ajai nges alomun kinga kanen. Abu Musa koloma toma kwape Musa, abu koloma Opir lo loka Akim; ido nakelomuna ngesi kinga, arapiara ngesi. Naarai, abu ngesi koloma toma Ngina, kinga naka italesioke, italesio luka imakio. Aanyunit ngesi Epir loka Akim, konye kwana elomari ngesi toma Opir loka Akim. Ianyu? Amen! Kosodi ngesi alomun, imukora. Akirot naka Edeke kotoma otunganan, erapiara! Kane abu kobu elomuni kinga, oo, ikatunga, aseseni eong ngin. Abu ikwenya idiotunganan kere mam atamakin ngin, emamei itunganan yenepedori aituput Ngin. Mam iswamai ngin. Ianyu? Karaida esasedoti arai etunganan lokalaunan, loarai ngol kere, cardinal, ekaanyanaran, idiobore kere, yenatami alomar toma aimukoret ngin, atwani. Abu Edeke ikwenya. Mam oni ibuni ajaun kede aituputonoreta.

Akekirot epukokinio neejai idiopet. Erai duc kwangin, abuni enabi kede Akirot naka Ejakait, kanginitur, nginipak, anatar Naiwadikaere kere. Ebunenenei Akirot neejai idiopetunganan. Kotoma nginitur, kwape kwangin, karaida kotoma aturio nuka ekanisa, ageun kanasodit kiton nakawasia. Nuce ejaatar akeceboisio, edolit ngin, kaony, konye ejaas esalakinitos awai naka Epir loka Akim. Ianyu? Ejaas bo lolo nusisiauna ne ibiai! Itei ijo, nginitunganan kere ekot araut Musa, kosodi nginitunganan kere...

Kiitunitos yesi nuabu Datan ka ngul kotemas kokinga kangina? Apotu kotemas atiar, “Kwana, Musa, kidarek ber ijo kane mot! Iwomiara ijo noi, itei ijo. Kwana, ejaas icetunga ne luenyaraunit Edeke.”
Abeit ngin. Ngul, nginidiopet, atupitos ejok bon ebe aderitos kesi, konye neatamia itunganan anyoun kosodi ayangar aibosit naka Edeke nabu Ngesi koinakinite Musa, loasekikinitai sek ido kinyonyokinitete aswam ngin, aitam ayangar ngin, abuni akim kwap kosodi angaar akwap kosodi ailikor kes tomeke cut. Ianyu? Ianyu? Kocoite. Ianyu? Korai Ikristayot yenajokan, yeniyongit Edeke, kiyuunite Akirot. Ianyu? Ikunya awai kama ejai Epir loka Akim. Ikoni bo lolo akwenyaret na ai!

Abu ber Edeke kitaanyikina Musa kotoma okiot loanokie, arapiara Edeke kotoma Opir loka Akim. Kwana kopupok ejok noi kwana apak edit. Abu ber Edeke kogeu, nasodit abunore neejai Musa, arapiara Nges. Ajai Edeke toma Opir loka Akim, angopit okau kekiot, itei ijo; kwape bala kau naka imukulen, itei ijo, kokau kede eicolong loka aitim kotem. Ianyu? Arapiara Ngesi. Erapiara duc Ngesi. Ido nakebunio neejai Musa, ajai Ngesi toma Opir loka Akim, erapiara kotoma Opir loka Akim. Konye kane, koingaren naka itunga, abu Edeke kitodia nges kede Epir loka Akim. Ianyu? Abala Musa ebe....

Kwana kosesen. Yesi ijaas aisiom? Yesi ijaas ainakin aomisiokus alelear kinga? Yesi ipedorete? Ipedorete... “Ngin yenejaas aki, kopup.” Ianyu? Naetakanikinor Edeke Musa, ajai toma Opir loka Akim, neanyaraunia Ngesi ngol toma aijaanakinike. Kosodi Musa abunore kosodi alimokin itunga nuikamunitos ngin. Mam apedorete aiyuun ngin, konye kereka kiswamate ngesi nukapedor ka iboro. Konye, apak na, abu Ngesi kotakan kaidelel, kotoma akiro nuka science kosodi aitodiar aijaanakin naka Musa araut Edeke ngopengol loabu kinarakinos kanges, naarai abu kitakanikin nges kotoma ojautene loka Epir loka Akim kosodi ainokokin emoru akim. Ido abu kobu neejai Musa kotoma okiot, kinerata da kanges. Eebo.

Atakanun naka Edeke nasodit, neejai Musa, kotoma aimukoret naka ekiot loanokie. Koingaren naka itunga, abu Edeke korapiar bobo kosodi aitodiar Musa, kede aimukoret, koipone kalo arapiar elopet kede Akim ngipengin, abu Epir ngopengol loka Akim ijesun kwap. Anyoun-anyoun kapak kangin... Kamakec, aso apedorete bon kesi aipup Akirot naka Edeke. Ianyutu yesi ngin? Akirot bon, apotu kopuputu Ekeporoto. Naarai, arai Musa, kama ejaas kesi, Akirot naajaran. Musa! Itei ijo, abala Musa ebe... Abu Edeke kolimok Musa ebe, “Kolot kwap ngina. Abuni Eong ajaun kajo. Erai Ngesi... Emamei ibore yenelosi abwoikin ijo. ARAI EONG AJAI NGOL.”

Abu Musa kobu, kosodi atemar atiar, “Aticepak mam yesi iyuunete nu, aticepak, konye abu Edeke ketakanikin eong kotoma Opir loka Akim kasodi alimokin eong iboro lu.”
“Oo, kijaar oni iponesio kere luka iboro esubitos bala elosete ngaren.” Kotema Parao atiar, “Inyobo!” Ebala ecokon Parao ebe, “Eebo, ijaatar ijo icoa yenecudet yenepatana. Inyobo, kijaar eong ikacudak ne luepedorete aibelokin emun kiton araun... ebela-ebela kiton araun emun. Kopotu ne, ikacudak.” Kosodete ngul abunore ngina kosodete aswam ibore ngipengin.

Naka oitabo... Apukorio naka Edeke.

Ido komamei abuonokin, epol noi aiyeiyea naka ayoŋit Edeke: Abu kitodiar kotoma akuan, Kitojokai kotoma Omoyo, Apotu imalaikan koanyut ŋes, Aponi kolimonokinai kotoma atekerin, Aponi kiyuunai kotoma akwapin, Kodakarai kuju toma aibuses.

1 Timoteo 3:16