Tosiomete alo akirot...   Aturi ngina a Perigamo.

William Branham.

Nguna acamit ayong alimokin iyongikes nu. Ebala sek ekisil ngolo ka auri ebe, touri nginibore ekabila keng, ikwapei eyiakatar alotoma Ageun 1:11, Tema Akuj ebe, “Kitolomu akwap ngikito ka nginya, nginya ngulu erayete ngicok a ngikabilae kec ka ngikito ngulu erayete ngaraito nguna eyia ngicok a ngikabilae kec.”apotu ngun kitiyiakin. Ngolokabila ka akiyiar angina keyiai toma ekinyomit abu tolomu ido toyiakaun toma natorom ido ekau tora ngaraito. Ekisil lopei ngol inges eyiai lokanisa tokona. Ngolo kinyomit ngolo kegeuni ekanisaebuni apolore ido kikwanikin cut ka ekinyomit ngolo paran sek ngolo esiaunan anerai erai ekinyomit ngolopei sek ye. Alotoma ngirwa ngulu ka awasia lu, Ekanisa ngolo a kire ngolo erai ngolo ka Ateran (Ekinyomit a Kristo)epote akidol nadoketait ngina alokidiama, ido ebuni inges araut ekanisa ngolo ka aumokin, ekabila a ngitunga a ngulu eumokina, ikwapei eyiakaunor Inges ayiapikin inges. Epote ikes ngulu ka ateran akikwanikin cut ka Inges ka akitodol dang ngina ikwanikinotor ikes ka aputo Keng. Erai ngun ikotere ikes imorikin kapei ka Inges. Eraunete ikes ngipei. Eraunete ikes akitodiaret ngina ka Akirot ka Akuj a ngina ayiaran. Nyepedorete ngidinio akitolomun ngun (ngikinyom ngulu aronok). Itolomunete ikes ngakitatameta kec nguna inyalakinitae Akirot ka Akuj adio toma. Ekinyale lo inges itolomuni ekinyomit ngolo nyalinyalauna.

Lokoku ngolo esiaunan (Adam) arai ekinyomit ka Akirot ka Akuj ngina abu Inges tolimu, aponi inges inakinae ateran ikotere inges epedori auria; ikotere euruni nabo lokoku ka Akuj ece.Nait abu yaga kibusokin.Abu inges kibusokin anguna ke enyalinyali. Abu inges kidupo inges; inaki inges etwani.

Lokoku ngolo a ngiarei (Yesu) ngolo dang arai Akirot ka Akuj ngina abu inges tolimu, inges dang aponi inakinae ateran ikwa Adam. Nai ani eroko inges nyedukokina ka inges, ngina dang asir ebusokin.Inges dang ikwapei aberu ka Adam, aponi kiwakinae toma akikatakinet ikotere erai kepedori akinup Akirot ka Akuj ido toyiaria, kori tongayiangayia Akirot ido totwan. Abu tongayiangayiak. Abu toesik Akirot. Abu totwan.

Alotoma atukot ngina cici ngini erai atukot ngina a ekinyomit a ngolo iyokino, ebuni Akuj ainakin Kristo ateran ngina minat nooi. Erai inges ateran ngina ka Akirot Keng. Erai inges ateran anerai mam nyeyeni inges ngakitatameta nguna erai nguna itetemunito ngitunga ngikulepeki, kori enupitene ece ngolo erai ngolo a ngitunga. Ebuni Akuj akisitiyia ngimembae ngulu ka ateran anguna ka akitodolikin nguna sek daadang iikinit Akuj akitiyia ka dang nguna ebeit kitodolikin alotoma abikirat.

Abu Akirot ngina ka akiikinet bu neni ka abikirat Maria. Nai Akirot ngina ka akiikinet ngin arai inges elope alosi akitodiun. Abu Akuj kitodiun, abu inges elope kitiyiaki ngun ikotere itodolikini Akirot Keng a elope ngina ka akiikinet alotoma abikirat. Arai sek emalaika aberi yau eemut ngol neni keng. Nai eemut ngolo ayiauni emalaika ngol arai Akirot ka Akuj. Isaya 9:6. Abu inges anapaki a ngin kitodolik daadang nguna sek egiritae anguna Keng anerai abu Maria tocamaki Akirot Keng ebuni neni keng. Epote nai ngimembae ngulu ka ateran angina erai abikirat aminakin inges, ka dang epote ikes ayiakaunor ngipitesio Keng, anerai inges erai akou kec, ido apedor daadang erai ngina Keng. Ekupete ikes Inges ikwapei ekupioto nginerin yok dang nguna ebala ikes akou.

Toanyu mono iyong arucokina ngina ayiai kiding Papa ka Lokoku Keng, emam pa etiyianakini Yesu idiobore mati mono kitodik Papa Inges, Yokana 5:19. Arucokina nginapei ngin inges erai toyiakaun kiding eteran ka ateran Keng. Itodikini Inges ateran Keng Akirot Keng ngina ka akiyiar. Ebuni nai inges akijaun Akirot ngin. Emam nyengayangayae inges Akirot ngin cut. Angun emam ibore idio ngini ewani inges, mam tar atwanare dang nyewani inges. Anerai kedaut ngikinyom akirakino, epote nai ngakipi akiturupun ikes. Erai nai naga akimunono ebe: Eyiai Akirot toma ateran (Ikwapei ayiakar toma Maria). Eyiakatar ateran atametait ngina a Kristo anerai eyeni ateran epite ngolo erai totingitere Akirot, itiyiae inges nguna daadang icikakinit Akirot inges akitiyia a lokiro Keng anerai eyiakatar inges nugu ebe: “IRWORO EKAPOLON IKONA TA” kitarauni nai Ekuwuam akirot ngin ibore ngini eyiari ngini itiyiakin kire dang anenipei anen. Ikwapei ekinyomit dang ngolo irakinio ido tobukoe ngakipi, ebuni nai ekinyomit ngol adolun napaki ngina ka alemio, kedau nai ayiaikin apaki ngina abeit inges yaa.

Epote ikes ngulu ka ateran akitiyia acamit Keng bon; emam nabo itunganan idio ngini ebuni akibatar ikes. Eyiakatar ikes nugu ebe: “Irworo Ekapolon ikona ta” ani kemam epote ikes asalakin ikongina. Anerai eyenete ikes atemar erai torai Akuj itiyiae ngiticisio lugu alotoma kec, ikotere itodolikini Akirot Keng a elope. Pa abu inges kirikak etic Keng daadang apaki ngina kolong ayiakar inges elimonokini anakwap a ne, ido tokona isitiyiae Inges ateran. Eyeni ateran ngun, anerai aroko nyedolo apaki ngina abeitor inges akitiyia ngiboro ngice ngulu tokona ebeit inges akitiyia tokona. Nai ebuni Inges tokona akitodolikin alotoma ateran etic ngol ngolo abu Inges kideki ikotere apaki naga.

Tokona, iitana iwon atowaa ikwa Jocua ka Kaleb. Akwap yok dang ngina ikiikinitae iwon ayapuu ikwapei abunio ngina kec dang ngin toapunia.Kona apolou ngina ke ekiro a Jocua inges na ebe: “Jeoba Ekalakunan,” ido isikwanitae inges ka ekarikon ngolo ka apaki a ngina ka awasia a nangolo ebuni lokanisa ikwapei kolong abunio Paulo dang ikwa ekarikon ngolo esiaunan, ewoikinit Kaleb anakisikwanikinet ngitunga daadang ngulu apotu towaa anakiyookino kaapei ka Jocua....”

Tosiomete alo akirot...   Aturi ngina a Perigamo.

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Epetakin akirwonut akwap daadaŋ, erapuwari akirwonut ŋituŋa daadaŋ, nai ebuni Ekapolon neni kus, etakanuni apolou keŋ neni kus.

Isaya 60:1-2