Aapiriana Emun.

William Branham.

Naka oitabo... Aur Naka Emun.

Ageun 3:1-7,
1 Kepiriana emun aitelekarit itiang kere luka ais lukesubi EJAKAIT Edeke. Kotema ngesi aberu atiar, “Eebo ebalateni Edeke ebe, 'Mam inyamenenete araito nuka ekitoi kere lokomanikor'?”
2 ...kotema aberu emun atiar, “Kisiikinitai ainyam araito nuka ikito luka omanikor;
3 Dimarai araito nuka ekitoi... loejai kiding omanikor, ngun ebala Edeke ebe, 'Mam inyamenenete karaida atiror, kinyeis atwakare.
4 Kotema emun aberu atiar, “Mam cut itwakete.”
5 “Naarai ejeni Edeke ebe apaaran napinyamiata ngun, nges ekwenyuniata akusikonyen, (itei jo, amoot Aica naitetet), iraunos yesi da bala Edeke, ajenenen nuejok ka nueroko.”
6 Nekeanyunia aberu ekitoi ebe ajok ainyam, isialamikinit da akonye, ekitoi da erai... loisingobelei ayaun acoa, kodeng araitoke, konyam; koinak okilenike da, konyam.
7 Kitwekenyunai iarei kere akecekonye, kojenutu ebe kimujalalas, kodonyut akwi nuka etini, kosubut arobai.

Koany, kwana, nu kes nuapotu kiswamaunos. Eyuunit eong, ido apedori eong aigang nu kotoma Obaibuli, ebe erai emun nges kebu kiswama ngun. Emun nges etunganganan ngon lo emamei kokiding naka etunganan kede ecom. Naarai, kopupok, koany nu kwana, ebe mam emun arai loelilim aokot. Arai ngesi lo “apiriana” kotoma otiang kere luka ais. Kwana, abu eong kalot kasodi alemun idikisyonaren, lolo, kotoma kanginiboisit kere, kanu amoun akirot na, apolou naka akirot na ebe epiriana. Apolouke ebe “Araut loka acoa, loijodoi,” ido, aijulunet nakajokan kakere naka Iburanian (kama ejai m-a-h-a-h, mahah) apolouke ebe “ajaut aijen naka abeit na ikisila luka aijar.”

Kwana kasesenata ber oni nu edakika ediopet. Erai ngesi loecobe, ijodijodono, konye konyaritete “emun.” Konye, kiitu, arai nges ibore yen acobe kakere yenajauna, ido koputosi kede etunganan adepar idiobore kere yen ajai toma ais; yenayapianara cut neejai etunganan. Mam nges arai loelilim aokot. Ekenit etarauni nges loelilim aokot. Ido arai ngesi lo... Ebala Ebaibuli ebe arai nges loalai kakere. Ido karaida ekenit mam abu kolema ailake kere awai; konye kereka elaete iriagin luka aibuses naka emun, kede asianutuke nepepe ka acobeuke. Araida ekenit mam abu kolema ngun awai. Konye, kiitu jo, abu Edeke kolimok nges ebe idotonoros akejaneke ido ebuni ngesi aliate kakoikike. Ido mam jo ipedori adumun akoit adiopet kama ejai emun naeputosi kede naetunganan, ido ngun nges einakinitos luka sayanis ewolioritos. Konye nen nges ejai ngesi.

Emunoniki Edeke ngun kotoma akonyen nuka lukacoa ka lukaijen, kosodi aisumun apukokin mama ejaasi odwe luka Edeke, kapaarasia nukawasia neitodunotor odwe luka Edeke, ne, “Odwe luka Edeke luapotu kolakanaros eringa apetetait naka akwap epesikina.” Ne eyaunere apukokinio nakapolon na Edekeone kapaarasia nukawasia, itodiari Ngesi iboro lu kotoma odwe luka Edeke. Ijenete yes isisianakinete Ikokoron ngun. Ido kwana ijai oni ne. Ngin nges apeleikinet na ejaar Edeke apukonokin oni iboro lu. Ejai Edeke ayaun odweKe toma aitodiar. Ejai Ngesi alosit adepar ekadakada loka adiojen naka etunganan, cut toma apukokinio naka komoyo, ido ayaun Ngun kwap. Mam tope lem oni isisianakini, kotoma Obaibuli lo, “Nejai ngin yenejai acoa”? Mere nuisisiaunit ngesi kotoma oseminare ece; konye nuabu ngesi kisisiau kotoma akunginike kakonyen nuka Edeke, ido yenabu kitelel Edeke ainakin nges. Odwe luka Edeke, itodiaros! Emun lo, kwana nu kes nuarai emun; alosi eong ainakin yes aitetemuneteka kanuikamunitos nges.

Ijaatar oni a...ijesun oni kwap, ageun aidodok, kwap kitoni neejai elelemit, ido kitoni kwap, kosodi ainyikokin, kitoni mutan ka mutan, kitoni neidolokina ijo neejai edokolet, neejai ecom. Ido anyoun ocom, kwana asomaros oni kama ejai ecom kiton neejai etunganan, ido iumokini oni ebe kanukinyo. “Ee,” ebakasi luka sayanis ebe, “kwana kidarek! Ipedori oni aimorikikin aberu kede edokolet kosodi aberu kede ecom, kosodi konyet aijulakin, ageun awasia, ekiliokit ainyalakin kede ecom.” Mam ebuni aswam nepecepe. Inyalak kede idiotiang kere; mam ebuni aswam. Mam aokot inyalakinos; koyanga aokotokon, eraasi aokot nuegelakina kere kaimoriarit, kerekaimoriarit. Ejaasi aokot nuejaasi kiding ne, ido mam kes epedorete adumun itiang. Oo, Haleluya, ajai eong adolokin aipup aidiinikit kopekwana.

Koany. Kanukinyo? Abu Edeke kibwa ngun kama ejaasi kesi. Emamei akoit kama ejai emun na eputosi kede akoit naka etunganan. Abu Ngesi kibwaik ibore awai nelwana noi tetere mam itunga lukacoa epedorete angicun ngin. Ido alosi eong aitodikin yes ne elomunitor etunganan ngon lokacoa, ne ejai ngesi, kediopone kere. Kiany, mam nges epedori aitorun mama ejaasi ngun. Iburai kitorunite toma apukokinio, “Irai ijo Kristo, Okoku loka E...” “Toma atiida da adukokini eong EkanisaKa; mam ikirigin lu okatwak ipikorete nges,” apukokinio naka omoyo. Eipone ani ajenunia Abel ainakin imerekek kwape asubanit, aiboisit naka Kain ainakin araito nukamana? Apukokinitai nges kotoma omoyo. Mam jo idumuni ngun kotoma oseminaris, mam jo idumuni ngun kotoma oriongeta. Idumakini ijo ngun kotoma Akuj.

Kwana kosesen emun, emun losodit. Enomutu ber oni aputoke kwana. Erai ngesi etunganan loepol lopeti. Ejai ngesi kiding na etunganan kede engabwor. Ido, emun; ajokit, Lucifer, ajeni ebe ngun bon kes aokot nu epedorete ainyalakin kede aokot nu etunganan, itunganan bon yen apedorete ngesi aiswamanar kede. Mam Nges apedori aiswamanar kede angabwor, aokot ngun mam apedorete ainyalakin. Mam Nges apedori aiswamanar kede iboro luegelegela. Mam Nges apedori aiswamanar kede amerekek. Mam Nges apedori aiswamanar kede asigiria. Mam Nges apedori aiswamanar kede etiang edio kere; ajai Nges aiswamanar kede emun lo. Alemutu ber oni nges kasodete aanyun eipone loejaar ngesi. Erai ngesi ekesa loepol, enepelit lo kolo. Nges edumakino akojo nu nuapolok, ido etodikini eong yes nu kotoma Obaibuli. Kwana kosesen ejok. Mam ace. Etunganan loepol lopeti lo, arai atemasi ebe erai ngesi lo awojau na iputin itomon, ikeperin luepolok luicasitos; asubit cut bala etunganan. Ido aokotoke, akaulo na abunere kwap, iriamakinos aokot nuka etiang ediope ka loce;

ipedori ijo aitojokaar itiang; ido abu kinyikok adumunun aokot nuikeikina, adoketait naka aijar naikeikina, adoketait naikeikina, aitodol ne edokara ngesi kiton adoketait naka etunganan. Konye arucokina nakawasia kane, kokiding kane, aponi kotuborai. Idibo ejenete ebe mam luka sayanis epedoritos adumun arucokinet? Yes kere ijenete ngun. Kanukinyo, ejai ngesi ne, emun. Ajai ngesi ne, ekesa loti loepol. Ido ijesun ajokit kwap, kwana, ebala ebe, “apedori eong ainyonyoikin.” Kwana, arai kilot ijo asesen angor kede aswamisio nuka angor, kiitu, iraas yes lu inyonyoikinit ajokit (ido mere aberukon). Koany, kwana, abu ajokit ijesun kwap kosodi Alomar mama ejai emun. Kosodi adumakin Keba omanikor loka Eden, imujalal, kosodi ngesi einer nuikamunitos araito nakokiding. Nakokiding apolouke ebe “kiding,” kede ngun kere; ijenete yesi, kotoma atukos nainyalal. Kosodi ngesi atemar, “Kwana, erai naibus. Ejok ainyam.”

Nunyoeka abu ngesi kiswama? Kogeuni ngesi aiteper Keba, kosodete aiboikin ka ngin, kwape okilenike. Ido nekeyanyunia Keba ebe ajok, kanuka ngun kolosi ngesi alimokin okilenike, konye adaunut ngesi adumun akoik, naka Satan. Kosodi ngesi aurun okokuke losodit, lo arai ekirorike Kain, okoku loka Satan. “Kwana, ipedori jo atemar ebe ibucara ngin.” Mam ace, ibuni kwana oni ajenun arai eraasi ngun nu ibucara araibo mam. “Ido ebwaikini asurup kiding aurikon kede aur naka emun.” Inyo? Aur naka emun! Ajaatar aberu kede aurike, ido ajaatar emun da kede aurike. “Idecidecenenei Ngesi akoukon ka jo da idecidecenenei atitibataKe.” Aidecidec ngin apolouke ebe, “Ailuc.” Kwana ngin nges akon “aur” naka emun.
Kwana, koany, kolomunete ikiliok iarei lu kinga. Kwana, emun lo, ne abwoia ngesi kanen, etunganan lo nepelit ajai ebwoi kanen, anyamit nges emusago lo aswam adoteu kede aberu naka Adam. Aibo eperio lolo adiakar? Inyobo einakinit iboro ejaasi koipone kalo ejatatar lolo? Kwana, eong... nabeit ipedorete yes amisiikin nu ajai eong einer. Ido nen nges ajai.

Ido ne eswamauna ngesi ngun, kotemari Edeke atiar, ogeuni Edeke anyara Keba nepepe ka Adam.
Ido kotema ngesi atiar, “emujalal eong.”
Kotema Edeke Nges atiar, “Ingaibo kilimok ijo ebe imujalalas yes?”
Kanen ogeunete kesi, eipone lo ajore, ayuanar. Ebala ebe, “Ee, aberu na ijaikini Jo eong, nges abu kiswama nu. nges emaimai eong.”
Kotemari aberu, “Emun nges ainakini eong araito”? mam ace, ekalimonokinan, kodolok diekon.
Kotemari ya atiar, “Emun kejodijodi eong.” Ijo ijeni apolou naka aijodijod? Apolouke ebe “amunaun.” Mam ajokit abu koinak nges araito naka apple. “ Emun kejodijodi eong.”
Kanen do kobuni ekenit.

Kotema Ngesi atiar, “Naarai abu jo kopupok nuenera emun aiboisit na okilenikon, kilema ijo Aijar kotoma akwap. Ido ibuni jo aituupun icanikon; ido akonapotuun ejaun neejai okilenikon,” ka ace da. “Naarai abu ijo kiira eporoto loka aberukon, aiboisit na eporotoKa (Alemunit eong ijo kotoma apua; kere kaileleba), ido toma apua nges ibongori.” “Kosodi, emun, kanu iswamaa ngin, emameunos kwana akejenekon. Iliaenenei kakonikoik, apaarasia kere nuka aijarakon. Ido engarunio ijo. Inyamenenei apua apaarasia kere nuka aijarakon.” Aso bodo jo. Arucokinet na amamei nges ngin.

Kwana kane kobuni Kain. Asesenata isubaneta. Kane kobuni Kain. Ingai ngesi? Erai ngesi esubusit loegogong kocobe noi. Ekoriei ngesi imanikoria. Lokacoa, loecobe; loidiinikit, idiinikinite noi; kosesen ikeponesio kwana. Aupakinos ber oni idakikan idis aojau. Kane kikeun ngesi kuju. Ajeni ngesi ebe erai ngesi etunganan loepone lokajokan. Ekot ngesi alosit okanisa. Kodukokini nges ekanisa, koinakini nges ainanakinet. Koyauni elutaari, ka kere. Kodukuni elutaari, kosodi aibwaikin aturoke toma kangin. Kibwaikini araito nuka omanikor, koinakini ngun neejai Edeke. Kotetari atiar, “Aso do Jo, Ejakait. Ajeni eong ebe inyami oni araito nuka apples, kes keyaunete ngun.” Ice kotoma otungake ejaatar epone lokawomisioit ngipengin. Itodunit ngin neebunitor awomisioit ngin. Abu koyau araitoke toma, komanikor, iperikini kes nen, kotemari atiar, “Isomauni na alucet.” Kotemari Edeke atiar, “Mam arai araito nuka apples.” Konye, kotoma apukokinio nakomoyo, ajeni Abel ebe ayangaikini aokot. Kanuka ngun abu ngesi koyau imerekek, kotub eporotoke, kotwana. Kotema Edeke atiar, “Ngin nges edolit. Arai aokot.” Ijenete yes aokot nu ajai eong einer. Mama ace. “Arai aokot kes apotu iswamata ngun.” Kwana, kosesen.

kanen keyanyu Kain onaceke lokalaunan loibelibelo ebe aponi kocamunai akonyen nuka Edeke, ido iswamasi aanyununeta ka nukaumokin kokwap kangina, irumuni nges ekokote kanuke. Ebala ebe, “ejaun kwana aitwoboun ibore yen kopekwana.” Kosesen inacanake lolo, kosesen odweke lolo. “Kwana, acobe eong aitelekar ngon,” kanuka ngun abu ngesi onyunyurikin. Aibo abunia anyunyura? Ijo ipedori atemar ebe anyuyura...? Abu ngesi koar onaceke. Arai ngesi ekaaran. Ijo ti kipedo anyara Edeke ekaaran? Ido Adam arai okoku loka Edeke. Ebala, Ebaibuli ebe, “ kerai Adam okoku loka Edeke,” kageunet kokau angina. Arai Adam okoku loka Edeke. Ido ekokote ngon kede emiel mam apedori alomun kama ejai ekicoi ediopet loipiororoi.

Ajai ngun alomun kama ejai aiboisit ace. Ido alomunete ngun kama ejai Satana, loarai ekaaran, kageunet. Ebala Ebaibuli, “Arai ngesi ekasabat kede akaaran, kageunet.” Ido nes nen. Kosodi ngesi aiar onaceke. Ido arai ngin aitupuset naka atwanare naka Kristo. Kosodi, kotoma kangun, abu Ngesi itolom Set kanu aburokin aiboisitike. Atwanare, aidaio, ka ajarun naka Kristo.

Ido kosesen, kanen, olomunete inepelinikon. Kolosi Kain akwap nako Nod. Arai kerai papake ekesa lo esingirir, ejaun bodo ti Kain biai? Papake. Ido abu ngesi kolot akwap nako Nod, kosodi ayangar adiopet kotoma anacanake. Epone ediopet bon lo apedori ngesi aswam, amame bobo eipone lo ajaunotor angor ace dimarai aitorun mama ejai Keba nepenen. Ebakai ebe ajatatar kesi odwe ka adwe akaisakanykaarei. Korai omamete angor... Mam Ebaibuli iwadikai angor ne eurunere kes, ikiliok bon. Ido ne, korai komamete bobo angor kilema Keba bon, ne atwania ngesi, odaun bobo ibore ebakai itunga. Ajai nges ajaut kede adwe nupesur. Ido ajai nges adukokin kede inacike obe. Abu ngesi kolot akwap nako Nod kosodi adumun aberuke. Ido ne adukokinor ngesi kede ngin kotoma kangina, nen nges alomunatar inepelin ngun, lu araasi odwe luka Edeke lu ebirora; lu alomunitos kama ejai papakes, ajokit, itorunite mama ejai Kain. Aso arucokinet kon ngin na amamei.

Naka oitabo... Aur Naka Emun.

Aanyun...
Ekitoi loka Aijar. Ageun Adiakaret.

Ikoni nen erot loka aberu naadote; Enyami, kosodi aimwat akeituk, Ebala ebe, “Mam aronis naeswamat.”

Awa 30:20