Kristo erai loepukoritai kotoma AkirotoKe Obe.

William Branham.

Naka oitabo...
Kristo erai loepukoritai kotoma AkirotoKe Obe.

Kwana alosi eong ener akou na naka akirot naka: Kristo Epukoritai Kotoma AkirotoKe Obe. Epone, kotoma Ainerasia Nukarereng, ejai nen aputo naka Kristo ebwoi cut atakan, bala. Erai nen nges abu eong kaomoomoa nuka akou naka akirot kana. Kwana, Kristo ka Akirot erai ibore idiopet ngipengin. Ianyutu?

Ebalas kesi ebe, “Kikwaikinio ai Ebaibuli...” Ebalas itunga. Kijai eong omotoka nepepe ketunganan ece mam etuboro apak naeoj noi. Kobala ngol ebe, “Koomoom ber jo ngun. Oni kane kakwap, epone lokijaar oni, ido kijeni bon oni arai kipedori bon atemar ebe kitajaritai oni kanuka awaragat ace naka Iyudayan naenyaritai Ebaibuli.”
Katema eong atiar, “Ipa, mam eong ajeni epone loibalar jo nen, konye mam eong eyuunit ebe erai ngin awaragat naka Iyudayan,” kabala eong. Kotema ngesi atiar, “Eebo, ilipi jo, ne bo ejai inyo ilipi jo mamakeng? Abu eong kengit ibore mutan-kamutan ka iboro ice da; mam eong abu kadum.”

Katema eong, “Ilipi jo erono. Mam cut ibusakinit oni ailip kanu aijulakin aomisio nuka Edeke; ibusakinit oni ailip kanu aijulakin aomisiowok. Aomisio nuka Edeke mam ipudasi aijulakinio nepetai da. Ianyutu? Teijo, erai ngin naedolit.” Katema eong atiar, “Mere ngun nuibu jo kilipite...”
Ajeni eong etelepat loka Catholic loarai ekatumunan, kapak adiopet, kejaatar keitabo loka ailipasinei, elipi ailipasinei, ido arai kanu totoke aijar. Kwabo abu ngin kotwana, ido abu ngol kocakak eitabo loka ailipasinei toma akim. Eebo, teijo, mam eong alosi kanuka eitabo loka ailipasinei; konye, karaida biai, teijo, iyangaarit jo aipup naerono. Iuta jo atamit alimokin Edeke nukiswama.

Ailip ekoto korai, “Ejakait, kijulak eong kelesikin toma AkirotoKon.” Mere, “Kijulakin,” mere, “kocamak eong aijulakin aomisiokon. Kijulak Jo aomisioka.” Teijo? “Kijulak aomisioka toma akoteKon. Ido akoteKon iwadikatai ne toma Oitabo. Ido, wu Ejakait, siri-siri kijalak eong alosit kiton naijaunotor Jo ka aka-aka aomisio esiposi cut bala aomisioKon. Kosodi konyet na esipokinotor aomisioka bala aomisioKon, abuni do eong aiyuun Nginikirot naibu Jo kiwadik. Ido ibala Jo, kotoma kanen, ebe ibuni Jo ainakin nginibore kere aswam nepepe kanuka ajokis mama ejaas ngul lueminasi Jo. Ido kamina eong Jo, wu Ejakait. Eraas ngun kere nuiswamaete nepepe kanuka ajokis ngin.”

-----
Koanyutu kwana, kibongu oni, ibusakinit oni ajaut ka ibore arai ice yenibusakinit oni adongakin mamake. Iburai icebore araut yenimorikikit, kacekiro, erai yenikapolon yenikiara kakere. Ido ibusakinit nginitungan ajaut kibore yenikapolon yenikiara kakere araiboot ibore yenikawasia yenikiara kakere. Abu eong kalimonokinite ngun kapak adiopet, kokar luatuboros, nuka ibore yenikawasia kakere, aibois naerai akirot nakawasia. Kwape nat ekakutan epirigi kabolia naka emopira, arai ketema ngesi ebe erai eigoolo, erai ngun cut becebec nges erai ngin. Komam apod epone loianyunitor jo ngin, abala ekakutan epirigi ebe erai eigoolo. Kibala jo ebe, “Eong-eong-eong...Mam ngol arai eigoolo. Abuni ngin...abu eong kaany e...” Mam ace arai erai ngin inyo, naalimunio ngol ebe, “eigoolo,” adaunos ngun, adau ngin ngun. Ngol, erai ngol nges lokapolon loikiara kakere. Ido akim naka traffic nges nakapolon naikiara kakere, arai ketema ebe, “kolot.” Ibala jo ebe, “Eebo, eong, amarani eong, iburai eong...” Mam, mam. Ebala ngin, “Kopaik aibwo naejaar ekesa loce je atubor.” Ianyutu? Erai ngin nakapolon naikiara kakere.

Kwana, ekoto kojai ibore yenikapolon yenikiara kakere mama ejai nginibore kere yeniswamai jo. Kejai ibore yenikapolon yenikikiara kakere kapak naiseunia jo aberukon. Kiburai kejai aberu nakibusakinit jo aseun. Kwana, ibusakinit ejaun apak, nailosio jo agwel emotoka, epone kibore inyoin yenepol kikiara kakere yen ilosi jo aitwasam. Ebuni ngin araut e Ford, e Chevy, Plymouth, emotoka loiswamatai kokinga, kere nupe eraun ngin, iburai jo ajaut kede ibore yenepol kikiara kakere. Ido erai kopekwangin kaijar naka Ekristayone. Ekoto kojai ibore yenepol yenikiara kakere.

-----
Eebo, ngolidiini kere erai ibore yenikapolon kakere mama ejaas ikeyuunakake. Konye, kaneajai eong, ka ngul da luamuno eong ebe ajai eong aingarenikin kes mama ejai Kristo, ido kanuka Kristo, Ebaibuli nges ibore yenikapolon yenikiara kakere. Mam ace... Naarai abala Edeke ebe, “Korai akirot naka ngolitunganan aingal, ido naKang korai Abeit.” Ido eyuunit eong ebe Ebaibuli nges ibore yenika Edeke yenepol kikiara kakere.
Ebaibuli mam erai eitabo loka iponesio luka eiswamae. Mam, cut. Mam nges erai eitabo loka iponesio luka eiswamae, mam karaida erai ainapeta nuka iponesio. Mam Ebaibuli erai eitabo loka iponesio luka eiswamae luipu, ka ace da kwangin. Mam, cut. Mam Nges erai. Mam da Nges erai eitabo loka akiro nukiswamas kolosek, etukokinitai kere nepepe. Araiboot, mam karaida Nges erai eitabo loka e theology. Naarai, erai Ngol apukokinio naka Yesu Kristo. Kwana arai ikotosi yesi asiomun ngun, yes luijaatar kapapulai kus, aigirigir ngun, erai ngun Apukokinio 1:1 kiton 3, kwape, Ebaibuli erai “Apukokinio naka Yesu Kristo.”

-----
Kwana koanyutu Ebaibuli lo. Ice kangul apotu kotemasi atiar, “Oo, ejok, eswama Ngol nu, eswama ngol Ngun.” Konye mere ber eong kalimok yes ibore, aso do ber oni cut... Kalototo do ber oni toma akiro nukiswamas kolosek nuka Ebaibuli, kanu apak naedit, kaanyutu nekebunio Ngol. Erai Ngesi loiwadikatosi ikewadikak akaisaongon luegelegela. Ikiliok akaisaongon kes iwadikatosi Ebaibuli, kotoma aojau naka apak naka ikaru elukumit ediopet ka akwatakanyikape, ido kotoma apakio nuegelegela, edwaritosi ajaun naka iboro lukapolok kakere luapotu kotakanut kotoma akiro nukiswamas kolo kotoma akwap, ido, irwan ipu, akwat nuka ikar eringa ngun ketakanuna. Ido emamei karaida aibucaret adiopet da kotoma kOitaboi ngul kere akaisakanyikape-kikanyikape. Oo, ikatuan! Emamei ekewadikan kilema Edeke Elopet lotikepedo araut loedesianari noi kwangin. Emamei karaida akirot adiopet naitepegasi kanace.

Kiituutu, ikar elukumit ka akwat akanyikape aojau, naewadikaere Ebaibuli, ageun kama ka Musa kiton-kiton atwanare naka-naka Yokana kapujan, araiboot apujan nako Patumo. Ikar elukumit ka akwat akanyikape, ido arai ikewadikak akaisaongon luegelegela; ediopet mam da ber ajeni loce ediopet je, ido mam kes kejaatar ka Ngol kwape “Akirot.” Ice kakesi mam da ber keanyunitotor “Akirot.” Konye nakiwadikaata kesi Ngin, ido ajenio kes kwape inabin, kapakio kangun, nakimorikikiniata kesi adwaranuto kec nepepe, abu nginidiopet kakesi korucokinos ejok cut adiopet ka nginice.

-----
Kwana, kwape naanyunet, ameun... Ido ber karai oni kopekwana alosit kasodete alemun iitaboi akaisakanyikape-kikanyikape luka akiro nuka amukian naikamunit akuan, koraas luiwadikatosi isomeroi lukamukian akaisaongon luegelegela, ikar akwatat ka itomonakanyikape... arai ikar elukumit ka akwat akanyikape aojau? Mam eong ajeni arai epone ali lokaiyatakinit lotikijaunor oni kede?
Mam, emamei aiyatakinit mama kangun.

Konye emamei karaida Akirot adiopet kotoma Obaibuli naitepegit nginice. Keraasi kesi, nginidiopet, naitekooro. Ido naalomunia ediopet toma kosodi aidwar, kwabo abu enabi ngol loteni konyou kosodi aiworokin nges aiboikin kwap, aponi konyet kitodiarai ngun. Ianyutu? Ianyutu? Kwangin erai Ebaibuli Akirot naka Edeke, mama ejaas kere ikeyuunak lukabeit.

-----
Ido elosete kesi adumun, kacepaaran, ebe mam kesi ejaasi asesen imilionin akwatat ka akaisakany luka apak naka-aica da. Eutasi bon kesi alosit airim kotoma airimokinet. Erai ngin cuticut.
Ilosete yesi adumun, kadiopet kotoma apaarasia nu, ebe nailosio jo toma Akuj, mam jo iporori alosit nenice. Iringa jo ijai nepene, da, bon kotoma ayaetait ace naiswamatar iboro kosipidi loepol noi adepar na.
Cut kotoma agola na eponitos ijesesio. Ngolijese, esaati, eiteitei, ibore kere yen inapit jo, erai Yenimam edaun, eperi cut kotoma aiwadikaeta, elosi airim ka airim kakwap. Kanginipak na irwakanakinia jo akonikonye, erai naejai toma aiwadikaet. Koany, e television itogogongi ngun.

-----
Kwana koanyutu, ido emamei adioibucaret kotoma Nuiwadikatai Obaibuli. Yesu, Akirot naka Edeke emisiikini aomisioit naejai toma otau. “Akirot naka Edeke egogong itia, ekwana adepar,” Iburanian 4:12. “Erai Akirot naka Edeke naekwana, nakapedor adepar ngolikileng loekwana kowaitin kere, emisiikini da aomisio ka nuelosikinit etau.” Ianyutu? Elosi erot kere kwap kiton aomisio, kosodi airiun kinga, kosodi amisiikin. Amisiikin bo nges inyo? “Aitijenun, apukor.” Ido ngun kes nuiswamai Akirot naka Edeke.
Lolo kitemari oni atiar, “Akelesia naka Atulik nges Akirot naka Edeke; lua Baptists, lua Methodists, Ipentekotin, ewema.” Ibiroro ngun. Akirot nges apukokinio; Edeke, epukoritai kanuka Akirot.

-----
Erai naitekooro cut, erai Akirot naka Edeke naitekooro cut, kiton da ber Aitutuket Namojong ka Nakitetet da, eraasi atutubeta aarei kwabo kere adiopet kaileleba. Erai ngin nakabeit. Aitutuket Namojong erai atutubet naka Ngin, kosodi Aitutuket Nakitetet erai atutubet naka Ngin; kibwaikin Ngin nepepe, idumuni do jo apukokinio naka Yesu Kristo kaileleba. Kangina kerai inabin kinerasi, kosodi kane ejai do Ngesi Etunganan cut elopet; teijo, atutubeta aarei kere kwabo adiopet kaileleba.

Kwana, kiitutu, mam kere Aitutuket Namojong ileleba emamei Nakitetet. Ido Namojong mam tikepedo araut naileleba komamei Namojong. Erai kanukangun nges abalar eong ebe atutubeta aarei, adiopet kere kaileleba. Naarai, abalasi inabin ebe, “Ebuni ngol ajaun ne! Ebuni Ngol ajaun ne! Ebuni Ngol ajaun ne; epote kesi aiswamaikin Ngol nuta. Epote kesi aiswamaikin Ngol nuta!” Ido kereka Ngesi lo kane, “Ajai Ngesi ne! Ajai Ngesi ne, kwabo apotu kiswamaikis Ngesi nuta, kwabo apotu kiswamaikis Ngesi nuta.” Abu cut eong kalimonokinite ngun kakuaresia adis nuatuboros.

Kwana, tetere kanu aisisia Naiwadikatai ngin, abu Paul kolimok Timoteo, “Kisisia Ngin, kotub ejok Akirot naka Edeke, na da erai nges Abeit.” Ejaas auni ngun nuibusakinit kotoma Naiwadikatai. Kotoma aitwasam Akirot naka Edeke, ejaasi iboro iuni lumam ibusakinit ijo aswam. Kwana kesisiata ber oni ngul kanuka adakikan atomon nuetupakinete; iboro iuni lumam ibusakinit jo aswam. Ido kere kokinga kotoma akwap, nepe kere ijaas yesi, anatar ateker kere, kojenu cut ebe iwadikaikini jo nu toma aomisiokon arai emamei jo ekalamu. Mam ibusakinit jo aswam iboro lu. Kidenyakinit isio alimonokin yes apak kere epone loibusakinitor yes aswam, kwana alosi eong alimokin yes numam ibusakinit yes aswam.

Kwana, mam ibusakinit jo aijulun erono Akirot. Itemari jo, “Eebo, eyuunit eong ebe apolou kaNgin nges na.” Erai apolou kaNgin nges nape ebala Ngin. Mam Ngin ipuda ekejulan. Ido mam ibusakinit jo aibwaikin Akirot aibois ace. Ido mam ibusakinit ijo ailocokin aibois naka Akirot. Ido arai kiswama oni adio kotoma kanu, iucokini Ebaibuli kere kaileleba toma aitolitoluno ido toma aipurujauna.

Koanyutu. Aijulun Yesu erono, kotoma aputo naka Edeke kotoma etunganan, itarauni do jo Ngesiitarauni do jo Ngesi Edeke ediopet kotoma ouni, araiboot itarauni jo Ngesi Etunganan lokiareit kotoma Eidekeone. Ido aiswamaun kwangin, ibuni do jo amunaun Naiwadikatai kere kaileleba. Emamei neibuni jo adolore. Kwangin mam do Nges ibusakinit kijulunai erono.
Ido arai kitema jo ebe ibore mutan, kibwaik jo aijulunet mama ejai Ngin, kosodi jo aibwaikin Ngin mama ejai apak ace; araiboot ebe erai Ngin naitebeikinitai aitwasamao kapak ace, iswamauni jo da aijulunet naibiroro.

-----
Nuibusakinito nu auni ibusakinit koraasi. Mam ibusakinit aijulun erono, arai amunaun Ngin, aijulun Ngin erono, arai amu-... arai aibwaikin aibois ace namam erai naKeng. Ibusakinit aidarit ngin cut becebec opone loabalar Edeke kojaar ngin.
Mama ejaas akwapin erai Ngol Eitabo lomam epatana ajenun akekiro. Kadiopepak abu eong kajai enerasi ketunganan loejena noi kane kotoma oibuga, loetingit abwoetait naepol noi naka Ekristayone, ido abala ngesi, “Abu eong katam aisiom Eitabo loka Apukokinio kakuare adiopet.” Kobala, “Ibusakinit kimujit Yokana inyamat luipu lukejai eimulalu loepol noi toma ido kebu kodum airujasit nakakuare naerono noi.” Teijo, Eitabo lomam epatana ajenun akekiro.

Konye, kwabo neejai ekeyuunan lokabeit, erai Ngol apukokinio naka Edeke ejakai apukor kotoma atur nakijari oni kotoma. Abala Ngesi ebe, “Akakiro eraas Emoyo ka Aijar da.” Abala Yesu kwangin. Boboda, “Erai Akirot Ikinyomit yenabu ekayean koyeik.” Kijeni oni ebe erai ngin nakabeit. Erai Edeke kotoma aput naka Akirot, ido Elopet bon nges epedori aijulun Ngin.
Aomisio nuka itunganan mam epedorete aijulun aomisio nuka Edeke. Biai epedoria yenedit-aomisio nudidik nuejaas keikor aijulun Aomisio nuemamei eikor, ne da ber mama oni kipedorit aijulun aomisio nuka idiopet kanginice?
Ido koanyutu yesi, erai Ngesi Ediopet bon loepedori aijulun Ngin, ido ijulakini Ngesi ngin mama ejai yenekoto Ngesi. Mam ngin abala ebe, “Itunga imojongik lukosek, kwape ajaatar kesi elosete kakwap kapakio nukolosek ido koponesio luegelegela.” “Edeke, kotoma apakio nukolosek ido koponesio luegelegela abu kopukokin Elopet neajaas inabin.” Ianyutu?

Naka oitabo...
Kristo erai loepukoritai kotoma AkirotoKe Obe.

Abu kolo Edeke kinera kalukapapaawok koponesio luipu luegelegela kotoma onabin;

konye kapaarasia kanu nukawasia ener kaoni kotoma Okoku, loabu kodakak araun ekeruman loka kere, kanukeŋ da abu kosub akwapisinei.

Iburanian 1:1-2