William Branham.

Tosiomete alo akirot...
Erai Na Akitaanyunet Ngina Ka Asalunet, Ekapolon -A?

Apukokino 10:7,
Nai alorua ngulu ke etoil ngolo ke emalaikan ngolo ngikanikaarei, ngolopite egeikinia inges akutakin, emaikina akimunono ngina ka Akuj kirikakin, ikwapei adaunia inges alimokin neni ngiketiyiak keng ngikaduarak.

Nai tokona, nginapei jik, alotoma alosit, eyiakasi ngiboro ngulu itiyanakin, ngulu emam pa apedorit ayong amisiun. Ka ipei ikes aloboro a ngul ngulu pa apedorit ayong amisiun, arae ngina arakor ayong edya ngolo doci ka ikes ngakitatakineta apedorito aponere nenikang. Ka apedorit ayong akingolikin ikes ka atolimok ngikauuruak kang ngiboro ngulu alosete itiyasi. Atameta ikes arae ayong amunara. Nai, ibore ngini agelanan, abu kitiyakin jik alorot ngolo alimunito ngun.
Ibasi iyes ebe, 'Arae ngun eringa ekiyan kon -a? Ee.
“Ngainanakineta ka anyaritono meere a nguna ka akiik,” ebala Ebaibul ebe. Ikidounitoi iyong toma nakwap nguna ka adio losikinet. Ka emam nyiyitiyiai oyng ...akiik kon emam nyayauni ngainanakineta; erai ikes nguna eseunitai anenikon. Nai tokona, alodiyete erot, ka ngina arakor ayong edya ngolo doci, akiitanit kang arae ...emam pa emunikina ayong alotoma lobubu kang ngolo eboio ayong. Eitanit ayong, ediopite alosit lowae ngolo aloto

-----
Emaikina erai ngisaa ngiomwon alotoma akolongit, ngina ekatakini aberu kang alosit toma nangule, ka apotu ngun kitiyakin. Abu ayong atolot toma nakitatakinet ataparacu ngin, ka ayong iwadio cici... Nai tokona, totamunito, emam pa arae ngun akirujasit. Ayiai atikati kiding ngakirujasi ka ngakitatakineta. Ngakirujasi erai ngina ilosio iyong ajotori. Ngakitatakineta, erai ngina emam nyijotoo iyong. ikidounitoi iwon alorot a ngol. Eyakae etunganan, ngina iruja inges, erai toma kwap adoketait keng. Alotoma natametait keng, iyong, ijok iyong; ingolikisi iyes, akiiir, apupun, akiguun, akiirar. Nai ngina iyiakar iyong toma natameta kon, najo, emam nyipedori iyong akingolikin, akiir, apupun, akiguun, kori akiirar. Nai eyiai idiobore, ngina iruja iyong, ngina ibongorio iyong neni ngatameta kon. Eyiai amomori, ngina ikitatamuni iyong idiobore ngini irujait iyong nguna ikamunit ngun, ngikaru ngulu alunyarosi. Eyiakae itunganan erai arot a ngol. Nai ngina eseunia Akuj idiobore, atametait na emam nyerai alorot angol anege, neni ekanyanara, nai ngatameta dadang erai nguna iyookino kaapei. Ka ekanyanara, alotoma nakitatakinet, emam nyelosi najo. Eringa inges eyiai toma natametait keng, ka ite ngun.

-----
Nai tokona, alotoma akitatakinet na, kori ikwapei erworo ayong, abu ayong engoliya ka abu ayong atoanyu ibore ngini agelaana. Nai tokona, etakani kwaa ka lokoku kang Yosepu ngolo dci, ayiai losipi kang. Ayiai ayong erworo nenikeng. Nai tokona, ani erai kicoik iyong akitatakinet kojokan, ibuni iyong akingolikin kaanukiro ewuar Yosepu anen. Ka abu ayong engoliya, ka ayiai nen amoni. Ka anamoni na, alotoma -alotoma acunakina ngina ngikienyi, ngikieny ngulu abisika, ngulu edolto akitutubet ngina ka aowayiau , kanus ka awoyiau kidiama. Arai ikes ngulu ngorok. Ngakopir kec acakuna kwap. Ka ayiakasi nen ngarei kori ngauni kidiama ateni ngakanikapei, ngakanikapei kori ngakanikauni aneni ka ateni nginace, ka ngatomon ka ngakan kori ngatomoniarei neni ka ateni nginace; abunore kwap aloyiakae ngolo ka atoto ngina kaduketait ngina apolon. Ka ngirukitosi ngulu cicik ngul ngikeyakitono ngulu cicik, ka abusiak ikes nooi ejok adauna. Ka ayakasi ikes ingoliyarito lowae ngolo aloto.

Ka ayiai ayong toma Tucson, Arrisona, alotoma nakitatakinet, anerae abu kitemok ngun alosikinet ngina pa acamitor Inges ayong nyakabuca akingolikin neni ayiakasi ngun. ayiai ayong alemuni asinyon ngina akwanan neni kang, alotoma nalongisat. Ka atema ayong ebe, “Nai tokona, ayeni ayong akitatakineta na, ka ayeni ayong ebe ayiai ayong toma Tucson. Ka ayeni ayong ngikieny ngulu cicik ngul anen ewuakinito ikes idiobore.' Ka engoliyarito ikes lowae ngolo aloto. Ka adiotipei apotu ikes toporosi, ka apotu tolot, lowae ngolo aloto.

Ka ngolopite ayakariata ikes, abu bu atukot ngina ngikieny ngulu alalak. Ikwaan ikes ka ngakurio, nguna idiriyete ngakabenuk, ekabila ngolo ngoor alokala, nguna ebena alokala akilo ngikiyakitono nguluce ngulu esiaunak. Ka aponito ikes lowae ngolo alokide, atipei. Ka ngolopite anyounito ikes alokingaren kang, abu ayong atobobongio nabo engolik alowae ngolo aloto, ka apotu ngun kitiyakin. Eyiai akiro ngina kire jik abu kitamaranik akwap daadang. Nai tokona kibuca nu. Ka iyes, aneni ka akompakit torai ngulu inupito kire ariamun nu.

Akiro ngina eisaunan. Ka atami ayong abu tocalu ikwapei ibore, ngini ianyarito iyes ngina etuboro akadeke eruo, ka abuni eruoe kau nakwap. Akitamaranikin, ikwapei, eruo, nginibore dadang. Ido nait, emaikina erai akigirokinet ngin eumokina, ka akimilia ikwaa; emam pa ete ayong akimilia. Abu ayong eira ngun eruo ngina abu tolot kingaren, ngina abu togirok ikwapei ayiakar alokwap, aneni kang, akingaren Mesiko.

Nai, apotu ngun kitomaranikis akwap. Ka ngina etiyakiniata ngun, aringa ayong engoliyarit lowae ngolo aloto. Ka erot toma Nakiyiar ngina ruba, abu ayong atoanyu acunakina ngina idiobore ebunit. Atakani ikwaan ka ngakiro nguna eumokina ngun. anen emaikina emam tari ngakan, ka meere tari ngakanikaarei. Nai, ayiakae ikes loyiakae ngolo ka atoto ngina aduketait ngina apolon, ikwaan ka ngikiyakinito lugu eponito. Ka ngolopite etiyia ngun, Apedor ngina ka Akuj ngina Etiron abu ekekeu ayong kidiama akiriamakin ka Ikes. Ka apedori ayong akingolikin ngun. Emam jik nyesikina ayong. Alunyarosi ngarua ngakanikauni, ka emam nyikemuriakineta ayong ngun, nait. Amamukar ayong idiobore amitakinit ayong ikwapei adauniata ngun. ikilimokini iyes ekal kang.

Apedori ayong akingolikin Ngimalaikan ngul, eyiakae ngolo ngabenuk ikes elosete atipi akilo eruoe ngolo elosit eruo. Eponito ikes alotoma Nakiyiar ngina ruba, alotoma atikakaina, ikwapri akiruapakin ngina ka akongu. Emam nyitemokino akitap akonguk lo, jik akiruapakin, ayiakasi ikes nen. Emamukar ayong apaki ngina kimaret. Amauka ayong apaki ngina kingolikinet. Ngulu eritok, ngulu eumokina, Ngimalaikna ngulu agogongou, ekuno ngolo akwangan; itemokino ngakabebenuk, ka ngakes. Ka ayiakae ikes, “wua - wua!” ka ngolopite etiyia ngun, aponi ayong atodakar ikidiama toma natoto ngina ka aduketait ngina apolon ngina ka acunakina.

Ka atami ayong, “Nai tokona, erai ikes nu.” Emarakina ayong daadang. Ka atema ayong ebe, “Okoe ekang! Apolou na ebe epote ngun akiaar ayong. Ayiai ayong nagetakin ngina ke erot kang tokona. Emam nyemaikina ayong alimokin ngitunga kang, ngina ayakaria akitatakinet na. emam nyacamit ayong ikes toyenu nguna ikamunit ngun. nai, abu Papa ngolo ANakuj atocamak ayong ayenuni tokona nguna ka apaki kang ebe eriakakin. Ka emam nyalimokini ayong ekal kang, so epote ikes atatam nguna ekekamunito ayong, 'anerae eyiai inges akitemokin alosit.' Ka Ngimalaikan lugu eponito nguna kang, ka eponio akiaar ayong atiei tokona alotoma edio kabila ngolo ka aduokin.”
Nait apotu ngun potu nenikang, eringa ayong ayiai toma nacunakina na, “Mam, emam nyerai ikes ngun. ani erai kepedorito ngun akiaar iyes, keyaarito Yosepu.” Ka apedorit ayong Yosepu akanyarit ayong.

Ejok, ido nait abu ayong atobobongio nabo. Atami ayong, “Ekapolon Akuj, nyo bo apolou ka akitatakinet ana?” ka abu ayong atoumok. Ka nait apotu ngun potu nenikang, (meere etoil) apotu jik potu nenikang. “Okoe! Erai ngol Emalaika ngolo ke Ekapolon, ebunit ainakina ayong akicikakinet kang ngina kitete.” ka ngolopite atamakinia ayong ngun, abu ayong ekiyaa ngakanikang kidiama, ka atema ayong ebe, 'okoe Ekapolon Yesu, nyo bo emaikina icamit Iyong ayong etiyia?“ ka abu akitapoet atoseik ayong. Apaki ngina edolit epei saa, emam pa apedorit ayong apupun.

Nai tokona, iyes ngitunga lugu iyenete ibore ngini erai ngarerengios nguna ke Ekapolon. Nai, Apedor ngina ke Ekapolon erai daadang ngina egelegelia, Apedor ngina ke Ekapolon alotoma ekabila kec ngolo ngakibosio. Abu ayong atopup, ngakalalak, ngapakio nguna alalak, eringa, alotoma akitatakinet, nai emam pa ekote nen. Apupunit ikwa ka akurianu. Akuriana ayong paka akitodol ngina alilimiyorio ayong, alotoma nayiakae ngina ka Ayiakaun. Erworo ayong Akiyookino. ikwapei abalor Paulo ebe, “Emam nyaliokono ayong.” Emam nyikikamunito iyes ayong erworo idiobore ngini arono nginia ikamunit idiobore ikwapei ikwangin. Eyiai idiobore akitiyakin. Ido nait, ekau iwadio, atema ayong ebe, “Ekapolon Yesu, ani erai kalosio ayong aario, kimiek ayong atoyenu , aso acamit ayong alimokin ngitunga kang nguna ikamunito nu. Nai ani kerai idiobore ngini egelaana, kimiek ayong atoyenu.” Nai, emam idiobore abongokin.

Ekau kedau Ekuwuam aesikin ayong, apaki ngina edolit anus ngina ke esaa, atami ayong, kori ngace dang, atema ayong ebe, “Ekapolon, ani kerai ngun, nait, ebe alosi ayong atwanare, ka iriaka iyong kaapei ka ayong nakwap, ka - ka alosi ayong ayario ayakaun Lore tokona; nguna ani kerai ngun nguna iyookino. Iyookino ngun daadang. Aso,” atema ayong ebe, “Ani kerai ikes ngun, kimiek ayong atoyenu. Ikiyakiu Apedor Kon nabo neni kang, nait abuni ayong ayenuni meere alimokin ngitunga kang kori idiotunganan nguna ikamunito ngun, anerae iyiai iyong akitemokin adakae ayong jik.” Ka ayong ...ka emam idiobore abu kitiyakin. Ka abu ayong edar adio paki.
Nait atema ayong ebe, “Ekapolon Yesu, ani pakerai ikes ngun, ikes atemae iriamu iyong idiobore nguna kang akitiya, ka eponio ngun apukor nenikang ekau, nait ikiyakiuu Apedor Kon.” Ka abu jik akaya ayong alotoma nagule!

Abu ayong atoriamu akuwanakng, adiokiding, ikatakinit akitamaran ekek. Ekek ngolo angule ngina aperi agolokino. Ka ayiakar ayong Ebaibul engaara, ka ngun ...asiomi , emam nyayeni ayong, nai ayakas ngun toma, anupit ayong, Ngiromayon ekek 9, engaet ngolo esidion:
...kingolikisi ewuaik ayong neni Sion amoru nina iguwanakini ngitunga, ataaba ngina ibusonokini ikes nai itunganan ngini enuoi neni ka Keng nyirumete ngileec jik.
Ka atami ayong, “Erai ngun nguna egelaaka asiomi ayong ngun.” eringa Ekuwuam akainakinit ayong, alotoma nangule! Angolik ayong Ebaibul ka atowuo anen.
Abu ayong atolot neni ke edirisa. Arai nen ngisaa ngiomwon alotoma apaaran kori akilo. Ka abu ayong ekiyaa ngakanikang kidiama, ka atema ayong ebe, “Ekapolon Akuj, emam nyamisiunit ayong. Erai na akolongit ngina egelaana, anenikang. Ayiai ayong diyete akuwanakang, nooi.”
Atema ayong ebe, 'Ekapolon, nyo bo apolou a ngun? kimiekis ayong atosiom nabo, ani kerai Iyong.“ Nai tokona, esalacai nu egelaka. Ka abu ayong atolemu Ebaibul, atongaa inges. ayiakasi nen nabo, alotoma nakibois nginapei ngin, alimokinit Paulo Ngiyudayon ebe ikatakinito ikes dang ...tolimok Ngiromanin ebe ikatakinito Ngiyudayon acamun Ngun kan ngiticisio, nai erai ngun kan akiyiun ngini ikinupito iwon ngun.

-----
Anupit ayong ngun 'emalaikan ngolo ngikanikaarei' ngolo ka Apukokinio 10 erai emekiyakitono ngolo kekanisa ngolo ngikanikaarei ngolo ka Apukokinio 3:14. Totamunito. Nai tokona tocamikis ayong atosiomu. Kingolikis kori tosakutu neni apedori ayong akisiom. Nai tokona, erai lo emalikan ngolo ngikanikaarei.
Nai alotoma ngirua ngulu ke emalaika ngolo ngikanikaarei, (engaet 7) ngina egeikinia inges akutakin, emaikina akimuonon ka Akuj kiriakakina, ikwapei adaunia inges akisileerekin neni ngikeitiyak keng ngikaduarak.
Nai tokona, toyenutu iyes, erai lo emalikan. Ka erai emalaika ngolo ka atur ngina ngakanikaarei, anerae ebala anege ebe, erai inges, “emalaika ngolo ngikanikaarei,” ngolo ka tur ekanisa ngikanikaarei. eriamunitae ngun, ani erai kicamit iyong akingoliki ngae ...neni eyiai emalaika, erai Apukokinio 3:14 erai, “emalaika neni ke ekanisa Laodikia.”

-----
Ka totamunito, ekiyakitono lo erae emalaika ngolo ngikanikaarei, ka erae inges akiya ngakimunononiata dadang ka tocunak ikes iwapei. Toyenutu, ebe emalaika ngolo ngikanikarei erai inges atubokin Laodikia, ekanisa ngolo ebarit. “Abarit ayong, iyata alotoma ngiboro, ka emam idiobore eitanit.” Tema inges ebe, “ipapanit iyong icanana, ekangican emudukana ileri, ka emam nyiyeni ngun.” erai ngol Eemut keng.

Okoe Akuj, ikiyakikinai isua ekaduaran ngolo emam nyikuriana kaapei ka NGAKIRO NGUNA IRWORO EKAPOLON IKES NU, ebe kisileereu Akirot ngina ka Akuj ebuni alosit alotoma ngun ka akisuuda ebe ikiyakiunitai inges aneni ka Akuj. Ka ngolopite ebunio inges, ebuni inges atubokin ngaturio ngun. Kire jik ebuni. Ebuni inges asipokin ekanisa ngolo Laodika lo aremokin inges. Kire jik, ebuni inges. Etiyiata ikes ngun alotoma ngaturo dadang. Emam nyilocokin alotoma aturi na. Emaikina torai ngun ngunapei ngun.

Tosiomete alo akirot...
Erai Na Akitaanyunet Ngina Ka Asalunet, Ekapolon -A?

Ingolikia... Edou a ngolo Nakuj.

Totakanu nai akitoodikinet a Lokoku a Ituŋanan anakuj. Ikalounete ŋibukui daadaŋ anakwap iŋolikinete Lokoku a Ituŋanan ebuni alodowuon eyakar apedor ka akica ŋina apolon nooi.

Matayo 24:30