Awasia Apaki
kitiyanara.<< prev
next >>
Ngulu inyonyoikinitae alorua a ngulu ka awasia.
William Branham.Tosiomete alo akirot...
Ngulu inyonyoikinitae alorua a ngulu ka awasia.Matayo 24:23-24,
Apaki ngin ani ketema itunganan nenikus ebe, toanyua eyiai Kristo ne, kori ama, nyiyiut. Naarai enyounete atakristo ngulu aliokok ka ngikaduarak ngulu aliokok, itoodiunete ngakitaanunet nguna apolok ka ngaumonokineta, kotere aakitowolior, tar ngulu seuna, erai kepedor.Acamit ayong iyes toanyut anege alotoma Matayo 24, abu Yesu kisitiyia akirot ngin “Atakristo,” A -t -a -k -r -I -s -t -o, “Atakristo.” Meere, Kristo, nai “Atakristo,” ngulu alalak, meere epei bon. “Atakristo.” Anguna ngun, apolou ka Akirot ebe Kristo “Ngolo inyonyotoi.” Ka nait ani erai kerai “ngolo inyonyotoi,” emam nyarauni epei bon, nai ngikalalak ngulu inyonyotoi, “ngolo inyonyotoi.” Ingoli -a? Acepaki, ani erai kecamit Inges akibil ngun aso ikipedor iwon kori mati bon ikiyenu ngun ejok, epedor inges atemar ebe, “alotoma lorua ngulu ka awasia enyounete ngikaliokok ngulu, inyonyotoi.” Nai tokona, etakani esimit jik ngulu nyepedoro, ianyua, akirot ngina, “inyonyotoi.” Nai tocoik akirot ngina etupakinit, “ka ngikaduarak ngulu aliokok,” n -g -I -k -a -d -u -a -r -a -k, ngulu alalak.
Nai tokona, ngolo inyonyotoi, erai, “epei kaapei ka eemut.” Ka erot epei bon ngolo eyaunere eemut erai kan ipei ngolo inyonyotoi, ka eraun ngol ekaduaran, ngolo inyonyotoi, “enyounete ngikaliokok, ngiketatamak ngulu inyonyotoi.” Itatami ekaduaran ibore ngini erai eemut keng. Eketataman ngolo inyonyotoi, nai ngitunga ngulu inyonyotoi kaapei ka akitatam ngina ka aliokok. Ngolo inyonyotoi, “Atakristo,” ngulu alalak, “ngikaduarak,” ngulu alalak. Ka ani erai ekeyiai ibore ngini ikoni ikwaan Kristo, ngolo erai epei, nait epedorete co lugu araun “ngulu inyonyotoi,” erai ngin akec durasit ngina a ibore ngini itatamete ikes ebuni araun ngini egelaana, naarai erai ikes ngulu inyonyotoi, inyonyotoi.
Nai tokona,erai akitatam ngina ke Esabit, ikicamit isua akikatakin ayaun nu akitoodiun, kan Ngakigiret, meere kan ibore ngini adau ice tunganan alimun anguna ikamunito ngun, nai erai akisom Ngakigiret.
Ipedorete iyes atemar ebe, “lopite bo ali ipedorotor nu? Epedori ngolo inyonyotoi...? Nyo bo erai ikes?”
“Atakristo,” A -t -a -k -r -I -s -t -o. “Atakristo ngulu inyonyotoi, ka ngikaduarak ngulu aliokok.” Nguolo inyonyotoi, nai ngikaduarak ngulu aliokok! Ebala Yesu ebe, “etepi akiru neni a ngulu iyookino ka ngulu nyiyookino dang.” Nai tokona, epedori ice tunganan atemar nenikang ebe, “inupit iyong ebe akinyonyoi ngina ngitunga ngul erai apolou ngin akinyonyoi ngina a Ekuwuam Ngoloakuagan -a?” Ee, kire jik, Ekuwuam Ngoloakuagan ngolo ka Akuj ngolo akire eyiakaun kidiama nitunganan, ka nait ido torai ikes ngikaliokok. Nai tokona topupok ka acoikin ka kingolik ibore ngini elimuni Inges. “ka epote ikes akitoodiun ngakitaanyunet nguna apolok ka ngaumonokineta, kotere akitowolior, tar ngulu Seuna, erai kepedor.” Ka erai ikes ngulu inyonyotoi kaapei ka Ekuwuam ka Akuj Ngoloakuanga ngolo akire. Ayeni ayong ecalasi nu erai abangao nooi , nai ikilosi iwon akiya apaki ka esileereutu ngun kan Akirot, erai ngun kire jik, NGAKIRO NGUNA IRWORO EKAPOLON IKES NUTA, Akiyookino.-----
Matayo 5:45,
45 iKotere iraunete iyes ngidwe a Papakus a ngolo eyiai nadis: naarai itolomuni inges akolongkeng neni a ngikaronok ka ngikajokak, ka itetepi akiru neni a ngulu iyookino ka ngulu nyiyookino.
(Ebuni akiru neni a ngulu a ngikaronok ikwapei neni a ngulu ajokak.)Ngiburanian 6:7-8,
Naarai, (topupok) akwap... ngina amat akiru ngina etepenene ngaru nguna alalak, tosodi toraa ngidias ngulu ejoikinito ngul ngulu etakinio, eriamuni arerengu aneni ka Akuj:
Nai ani kera ngikukwa ka ngisugur, egerio, nabo eapikini akilamio, akewasia erai akicunyio.-----
Nai kisikuwan ngun kaapei ka Matayo 5:24 nabo. Tocoik, ebala Yesu ebe akiru ka akolong ngina ebuni neni ka akwap, ngina eyakiuni Akuj ebuni akitemokin akimuj ka ngiboro ikotere ngitunga ngulu ka akwap. Ka akiru iyakiunitai ikotere akimuj, ngidias. Nai etiriwae, edoan, ikwapei eyiakar lomanikor, idiauni ibore nginipei ngin. Akiru nginapei ngin ngina itopoloi ngikinyom erai nginapei kirua ngitopoloi edoan dang.-----
Nai, angun ngun, etepenene akiru neni angidias ngulu ka akwap, erai ngol ekabila ngolo akiru angina a Ekuwuaam ngolo einakini Akiyiar ngina Nyedaun, etepenete toma Lokanisa, naarai ikinyarit iwon inges ebe akiru ngina alalan lopite ngolo pei sek anapakio anguna ieteuni ka iceereo. Ka erai akiru, abukunio ngina ka Ekuwuam ka Akuj, kidiama Lokanisakeng.Toanyua, erai ibore ngini egelaana anege. Ingolikia? Ngolopite edoto ngikinyom toma nalup, emam nyikiyeni epite ngolo edoto ikes ina, erai ikes ngikuwa anakisunet. Nai eyia nen ngikinyom ngulu apotu tolot toma nalup, ka ngisugur, arai sek ngisugru anakisiaunet. Ka ngolo suguru euruuni ekabilakeng, nabo, itoodiun nen ebe eyiai sek toma nakisunet.
“Ka kotere ikes itowolioret ngulu Eseuna erai kepedor,”' naarai eriamunito ikes akiru nginapei ngin, ngarerengisio ngunapei ngun, itoodiunito ngakitaanyunet ngunapei ngun, ngaumonokineta ngunapei ngun. ingolikia? “itowoliorete, kori itowoliroete ngulu Eseuna erai kepedor.” Nai ,ekuwae emam nyepedor akingarakin anarakau ekuwae, ka emam nyepedor ekinyomit akingarakin anarakau ekinyomit; erai ibore ngini itoodiunit Ekasuban ngini kec daadang alotoma nakisiaunet. Erai ngul Ngiseuna. Akiru nginapei ngin!-----
Nai tokona, elomuni akolong nakwap ka kitokon ngikinyom. Nai , emam nyitokoni inges ikes daadang kaapei. Ikwapei elosio inges kingaren, napolore, erubakini inges itokoni paka ngina ebunio toma nakilem.
Aso erai ngun, nakuwarina, kaapei ka Ekanisa. Abu togeik alotoma lokiditeu keng, alokau alotoma natur ngina ka akirionut, neni ayiakar inges kwap ngina ngalup. Adau tokona apolore toma napolou. Ka ikipedori iwon akingolikin ngun, anapoloor, epite ngolo eyiakar Akuj alotoma loyikae juijui...
Emam nyipedor iyong akicanican eyiakae ka akwap. Ibore erai ationis ngin nakuwarina, ikitopori iwon ngibomuo, ka alokinga kama toma nanam, abilibil ngun ka aduwonokin ngun kaapei ka ngimuo ngulu ka atomic. Iyiai iyong abilbila nguna alala akitongoriana apaki daadang, alomanar tom keng. Itubutubi iyong ngikito kwap; ikiyayiete iyes ngikuwuamin. Ikiyolokis toma nangolol; ka ebuni akiwok.
Ebeit iyong toriamu erot ka Akuj ngolo kitiyaet ngiboro ka akiboi alotoma keng. Ikiyiakar iwon ngitunga ngulu idiniyorit toma lokanisae ka natukon; kingolikis ibore ngini ikiriamu iwon! Kiboi alotoma lorot ngolo adau Akuj ayaun.Nai, ingolikini iyong, “iyakini Inges akiru,” atobongosi nakirot yok, “neni a ngulu iyookino ka ngulu nyiyookino.” Ikilimokinit iyes Yesu anege tokona, alotoma Matayo 24, erauni ngin akitaanyunet alotoma apaki ngina ka awasia.
Nai, ani erai kerai akitaanyunet na bon ngina eyenunio alotoma ngirua ngulu ka awasi, nait ebuni araun ekau kedaun ngaario ngina Ngakipuceta ngun. ianyua? Erai akitaanyunet ngina ka awasia. Ngina ebuni ayiakun, ngolopite ityiakinotor ngiboro lugu, ebuni arun alotoma napaki ngina ka awasia, ka erauni akitaanyunet, tokona, aso nyepedorete ngulu Eseuna araun ngulu ibilerit alotoma loboro ngul. Itete iyes ngun? nait, ebeit kisileereunoi ngun, kisileereunoi.Tocoik, ikes daadang ngikinyom ka edoan eyiarete ikes kan akinyonyo nginapei ebunit Anakuj. Elelianete ikes daadang anguna ngun.
Atamunit ayong nu,akinyakar kau neni ka akitaanyunet na kama akolongit ya alotoma kai ngina aliban ngina kiriet. Abu ayong engolik akitapoet ngin ebuni. Ka ayiai nen akwap ngina eumokina, ka ayakauna egelaaka daadang. Ka anen abu a Ekayan ngolo esiaunan tolot kingaren. Acamit ayong akidar ngun alokingaren kus. Tocoik ibore ngini abu tolot kisiaun ekingaren, nait ani bore abu totupak ngun. ka ikwapei abunio Itunganan ngolo anapit elou ngolo akuanga bunio kingaren nakwap, a eekin ngikinyom, nait alokau Keng abu bu itunganan, ngolo anapit ngiloui ngulu kirionok, etakani erai ibore ngini etiono, kitiyia erono alokau Keng, abu to eekik edoan. Ka ikwapei etiyiakinotor nu, nait abu ayong engolik ngikinyom ngul daadang epolounete kidiama. Ka ikwapei apolounito ikes, epei arai eemue ka ngoloce arai etama.Ka anen abu bu akolong, ngolopite, atakania esibit ikes daadang apotu kijuuruto ngakes kec kwap, ka kingworosi ikotere akiru. Nait anen abu bu edoun ngolo eumokina nakwap daadang, ka abu akiru kilim. Ka apotu kinyom toyiarut kidiama ka temasi ebe, “Kituritetei a Ekapolon! Kituritetei a Ekapolon!” ka abu etama toyiaru topoloor kidiama ka tocelu, ebe “kituritetei a Ekapolon! Kituritetei a Ekapolon!” ibore nginipei ngin. Apotu ikes daadang totwakiyasi, ikes daadang elosete ayakar. Ka nait apotu ngikinyom potu ka abu akure tonyam. Ka naarai ayiakasi lomanikor epei, mana apei, nakibois apei, kwap ngina ka akinyalalu a ngina ngakipi ka ekuwuam, anen apotu ngikinyom topolout ka abu etama dang topolou alotoma ibore nginipei ngin. Tocoik, ngakipi ngunapei ka akinyonyo ngun apotu kitopolout ngikinyom ka kitopolout edoan.
Ekuwuam Ngoloakuangan ngolopie ngol ngolo enyonyoi Ekanisa, ngolo ainakini ikes akiitanit aiun ngitai, ngolo ainakini ikes apedor akitiyia ngakujuanisia, abu tobukok neni a ngulu nyiyookino ikwanginapei kwangin neni a ngulu iyookino. Ekuwuama ngolopei ngol! Nai tokona, emam nyipedori iyong akityiaun alorot a ece ka tomisiu Matayo 24:24. Ebala Inges ebe, “Enyounete atakristo ngulu aliokok,” ngikaliokok ngulu inyonyotoi. Inyonyotoi kaapei ka ibore ngini akire, nai erai ngikaduarak ngulu aliokoka nguna ngun, ngiketatamak ngulu aliokok nguna Ngun.
Nyo mono einakini itunganan ecamit araun eketataman ngolo aliokon a nguna ibore ngini erai Akiyookino? Nai tokonaa ikiriamuni iwon aneni ke emacar ke etiang alotom ngadakikae nguna kudo, ka ingolikinete iyes ngun erai edin. Ingolikia? Ngiketatamak ngulu aliokok. Erai bon erot ngolo ipedorio iyong akingolikinia ngun inges ngol.
-----
Tocoik, nai erai ibore ngini eurunete ikes inges ikilimokini iyong atiakatait. “Anguna ngakecraito” “Iyenunete iyes ikes.” Ebala Yesu ebe, Nyedeete ngitunga emusabibu alokuwa nguna ngaboborio, tar dang kiyookino ngaboborio alotoma lomusabibu. Epedorosi ngun, nai arait ebuni alimor inges. Nyo bo erai arait? Akirot, naarai arait ngina ngirua. Erai neni ikoni inges nen, akec kitatam. Akitatam ngina ainyoni? Akitatam ngina angirua, ani paki bo inges. akitatam ngina ngitunga, akitatam ngina ke edin, nai kori, Akirot ka Akuj ikotere apaki?
Nai tokona, adau apaki ayakar atipei, ngina ikipedoritor iwon ayakaunor apaki ngina awoyian. Nai anupit ayong ebe iyes ngulu iyiakasi nege, ka anupit ayong iyes ngulu alotoma ebuku, ipedorete akingolikin ibore ngini ekatakinit ayong alimoin iyes, naarai emam nyikiyai iyong apaki ngin a awoyian ikiboi anguna ngun.Nai ipedorete iyes akingolikin ngun ebe ebuni kinyonyo neni a ngulu nyiyookino, ngiketatama ngulu aliokok, ka einakini ikes itiyiaete kire jik ibore ngini pa alimokinit Akuj ikes akityia; nai epote ikes akitiyia ngun, adiopite daadang. Kanukiro? Emam nyepedorete ikes akingarakin angun. Lopite ali epedorito ngaboborio araun idiobore ngini egelaana nai ngaboborio? Emam nyekacitatai etiae ngolo ajokan ngolopite edo akiru neni a ngun, ebuni araun ngaboborio. Inges co alosikinet ngina ebalor Yesu ebe, “Epote ikes ayapikin ngun epedorete akitowolior ngulu Eseuna,” ngulu eyiakasi toma naliasit, “erai kepedor,” nai emam nyepedor. Emam ibore epedorete ngakima akitiya nai aurun ngakima; erai daadang nguna epedorete akityia ngun.
Tosiomete alo akirot...
Ngulu inyonyoikinitae alorua a ngulu ka awasia.
