Erai Yesu Kristo Akuj.
Akujuo Isileereunitoi.
William Branham.Tosiomete alo akirot...
Apukokino a Yesu Kristo.Apukokino 1:5,
Ka aneni a Yesu Kristo a ngolo erai ekayenan ngolo eyiunan, ka ngolo erai ekiyiae alotoma ngikatwak. Ka Ekapolon ngolo a ngikapolok ka akwap, neni Keng a ngolo abu itomina iwon, ka dang ngolo abu ikilota iwon a ngaokot Keng a elope.Apukokino 1:8,
Arai ayong Alupa ka Omega, ageunet ka asalunet, ngolo eyiai tokona, ka ngolo keyiai, ka ngolo ebunit, Akuj ngina etiron.Tokona ngalimununueata nugu dadang, “Inges ngolo eyiai, ka ”Inges ngolo keyiai,“ ka ”Ngolo ebunit,“ ”Ekayenan ngolo Eyiunan,“ ka ”Ekiyae alotooma ngikatwak,“ ka ”Ekapolon ngolo a ngikapolok ka akwap,“ ka ”Alupa ka Omega,“ ka ”Akuj ngina Etiron,“ erai ngimaeta kori ngikitamet ngulu A IPEI KA ITUNGANAN NGINIPEI NGIN,ngini erai Ekapolon Yesu Kristo, ngolo abu ikilota iwon anasecisia yok alotooma ngaokot Keng a Elope.
Abu Ekuwuam ka Akuj kirwor ikona aneni a Yokana ikotere itodiari apolou ngina ka arakau a Yesu Kristo Akuj; ka apukor Akujuwanut dang erai Akuj APEI bon. Alorwa a lu eyiai adiakaret ngina apolon noi. Erai ngina ka atemar ebe eyiakasi ngakujo ngauni akilo araut Akuj apei bon. Apukokinio na ikwapei ainakinia Yesu neni a Yokan, Inges Elope, erikinit adiakaret ngin. Meere kire atemar ebe, eyiakasi ngakujo ngauni, nai Akuj apei bon kaapei ka ngapision ngauni. Eyiai Akuj APEI ka ngimaeta keng ngiuni, papa, Lokoku, ka Ekuwuam ngolo Akuangan. Apukokino ngina apolon na, inges kolong ayiakatar ekanisa ngolo esiaunan, ido ebeit kinyakunae nabo alorwa a ngulu esidiok a lu kapei ke epite ngolo iyookino ngolo kibatisaet.
Tokona nyepote nai ngikaswomitok ngakiro ka Akuj ngulu a ngirwa a lu acamanar ka ayong anerai erai nugu nguna egiritae toma Lokitabo edio. “Akitatam ngin (ngina itaraunit ngakujo ngauni) eyiai cut toma lotau ka kiding akitatam ngina ka Akitutuket a ngina Mojong. Eyiai dang noi toma lotau ka kiding ngina ka Akitutuket a ngina Kitete. Epegarit Akitutuket ngina Kitete ikwapei epegaritor Akitutuket ngina Mojong dang atametait ngina ka atemar ebe, eyiakasi ngakujo ngauni akilo Akuj apei bon. Ido itatami Akitutuket ngina Kitete ecai kojokan ebe, erai papa Akuj. Erai Lokoku Akuj, erai Ekuwuamngolo Akuangan Akuj, ka dang ebe, ngulu-uni ngul, NYERAI etakane ngolo a itunganan a ngini erai ipei, nai erai etakane a ngitunga a ngiuni angulu ewaasi alotoma ayena kec ngina a kire neni a nginice kec. neni co ikiriamunia iwon akitatam ngina ebala ebe, erai Akuj apei nai torai alotoma ngitunga ngiuni.
Elimunito ikes nabo atemar ebe “Nyerai Akuj apei bon ikwapei eyiakar Alobaibul, nai ebe erai ngakujo ngauni alotooma Akuj apei. Nai ebe, erai ngin akimunono ngina ka akitatam a ngina itaraunit ngakujo ngauni.”
Ebe, ikote jik neni. Ikokinete ngitunga ngiuni eyiakaun tooma neni ka apei Kuj ai? Meere tar atemar bon ebe emam tar Ebaibul anguna angun, nait itoodiunit tar akicana aosou ngina angadam. Ngitunga ngiuni ngulu engelaaka, alotooma atakun ngina ngina angawat, itiyaunito ngakujo ngauni, kori angajep atwaniya akepolou ngina ajik.
Tokupoki mono ngakiro nu nabo, “Arai ayong Alupa ka Omega, Ageunet Ka Asalunet, ebala Ekapolon, Ngolo Eyiai, Ka Ngolo Keyiai, Ka Ngolo Ebunit, Akuj Ngina Etiron.” Erai lo Akuj. Meere lo ekadwaran ca pas, ngolo erai itunganan. Erai lo Akuj. ka nyerai inges Apukokino ngina a ngakujo a ngauni, nai Akuj APEI. Akuj Ngina Etiron.
Pa anupito ikes tooma nakujo ngauni anakisiakinet a ekanisa. Emam nyiriamuni iyong ekabila ngolo ka anupit a ngina ikoni ngin alokiding Ngikiakia. Alomuni akitatam ngin kedaun aturi ngina a ngikiakia; torau nai ibore ngini apolon ka akitatam alotooma ekansol ngolo abu toyiakaun Nisia. Abu akitatam ngina ka akujuwanut yau atyaka lowaitin ngiarei alo Nisia. Ka alotooma atyaka ngin pote ngikorin ngiarei. Abu epei toloma tooma poliesisim, akinup ngakujo ngauni, ka apotu nguluce tolomasi tooma uniterianisim. Eerobo erai ngun akau ka adio paki alotooma abunore, nait apotu kitiyata, ka ikiyakar iwon tar nakuwarina. Nai apukokinio kan ekuwuam neni a Yokana neni a ngikanisai, arai “Arai Ayong Ekapolon Yesu Kristo, ka arai Ayong ngun DADANG. Emam nabo Akuj ace.” Ka abu Inges kiwaak Akekipucet kidiama Napukokinio na.
Totamatama nu: Arai ngae papakeng a Yesu? Ebala alotooma Matayo 1:18 ebe, “Aponi inges toriamunae ka ikoku ngini a Ekuwuam a ngolo Akuangan.” Nai Yesu Elope, dang ebala ebe arai Akuj papa keng. Akuj papa, ka Akuj Ekuwuam ngolo Akuangan, ikwapei jui-jui elimununuere iwon ngakiro nguna apotiok nu, akitaraun Papa ka Ekuwuam IPEI. Kire eraaakasi ikes, anikemam keyiakatar Yesu Atapapa ngiarei. Nait toanyu iyong ebe abala Yesu ebe Inges ka Papa erai ipei-meere ngiarei. Ngun ikec itaraunito Akuj APEI.
Ikwapei eraakatar nu kire alotooma ngiemuto ka ngakigiret, eumokinito ngitunga neni keponiata ngauni. Abu toruwor ageunet ngina ka apetatait a ngina ka akitatam ka atukot a ngina a Nisia, alotooma ekaru 325 A.D. Akitatam ngina a ngakujo angauni na, (kire erai inges akirot ngina emam tar nyigiritae) arai ngina agongakina tooma nakujo nguna alalak nguna a Roma. Ayiakatar sek Ngiromayon Ngakujo nguna alalak nguna elipete ikes. Elipete sek ikes neni atapapa kec ikwa ngulu eyiakasi kiding Akuj ka ngitunga anguna ka akilipanakin ikes. Arai ngin akikalamiaret apei bon a nguna ka ainakin ngirorua neni angakujo anguna ngorok, kotere ikiyakaunor iwon ngikakuang anguna ka akitaraun nguna ke Ebaibul. Angun akilo ayakau ka Yupita, Benis, Mas, ka ngunace dang, ikiyakar iwon ata Paulo, Petero, Patima, Kristopa, kaluce, kaluce dang. Pa apedorit edin kec ngolo kapirit ngol etic alotooma Akuj apei bon. Aso apotu ikes totiakatiakaut inges kitaraut ngakujo ngauni, ido apotu ikes kitaraut ngikakwang ngulu eyiakasi kiding Akuj ka ngitunga a nguna ka akilipanakin ikes ikwa ngina kolong sek etaraunitotor ikes ata papa kec ngulu eyia kiding Akuj ka ngitunga ikotere ilipeneneete anguna kec.
Ameun anen, ationiki tokona ngitunga ayenun atemar eyiai Akuj apei bon, kaapei ka ngapision ngauni kori ngakitodianareta. Eyenete ikes atemar ebe, erai Akuj apei ikwa ngina eyiakar alotooma Ngakigiret, nai ecamito ikes akitaraun inges eemut ca kongin ngolo nyecai, ebe ikwaan Akuj ka ateni ngina a ngaraito; ngitunga ngiuni ngulu iriyian ka Akujuwanut kec dang erai ngina emorete ikes daadang iriyian. Nai ebala inges ka akilerer alotooma Apukokino ebe erai Yesu, “Ngolo Eyiai Tokona,” ka “Ngolo Keyiai,” ka “Ngolo Ebunit,” erai Inges “AlUpa ka Omega.” Inges atemar erai Inges “Ageun ka Asalunet” kori ERAI INGES IBORE DAADANG. Erai inges ibore daadang - Akuj ngina Etiron, erai Inges Aturot Ngina A Caron, Aturot Ngina Ka Akadipaalat, Etop Ngolo Ecai Ngolo Ka Ataparacu, Ateni Ngina IyoOkino, Papa, Lokoku, Ka Ekuwuam Ngolo Akuangan. Erai Inges Akuj ngina Etiron. AKUJ APEI.
Ebala alotoOma 1Timoteo ebe, 3:16, “Tomam apega epol noi akimunono ngina ka ayenut Akuj alope ngina erai Akuj kire: abu kilereu alotooma akuwuan, Kitojokai alotooma Ekuwuam, apotu ngimalaikan ka Akuj toanyut Inges, aponi tolimonokinae nguna Keng tooma Lobukui, aponi kiyiunae alotooma ngakwapin, kijaunae Inges tooma Nakibuses.” Ikec ngun nguna iworo Ebaibul. Emam nyirworo inges a ne idiobore ngini ikamunit itunganan ngini esiaunan ka ngini a ngiarei kori ngini a ngiuni. Ebala ebe, abu Akuj totakanu enapit akuwuan, Akuj apei. AKUJ APEI NGIN inges abu totakanu enapit akuwuan. Ebeit kikote neni. Abu Akuj bu alotoma etunganane. Pa abu nen kitarau inges AKUJ ACE. ARAI INGES AKUJ NGINAPEI NGIN. Arai na Apukokino alorwa a ngul, ka erai Apukokino tokona dang. Akuj Apei.
Atobongosi iwon kau ama Lobaibul, ido engolikisi epite ngolo keyiakar Inges Anageun ikwapei eyiakar apukokinio ngina abu kitoodiu nguna ikamunito akuwuan keng. Abu Jeoba ngolo apolon ngol totakanikin neni a ngidwe a Israel alopite a Epir a ngolo ka akim. Ikwa emalaika ngolo ka akitutuket ayiai inges toma epir ngol ka torikite Ngidwe ngulu a Israel a nginakolongit. Alotoma Eyakalu abu inges kiteyenia akebunore a edou a ngolo apolon. Ido apei kolongit abu inges totakanu enapit akuwuan ngina edouni abikirat, akuwuan ngina sek etemokinitoe anguna Keng. Akuj ngina kolong ayiai kidiama ngiemae a Ngidwe a Israel, abu tolem eema ngolo ka akuwuan a ngina a itunganan ka abu toyiakaun kiding yok ikwa itunganan. Nai arai AKUJ NGINAPEI NGIN.
Itatami e baibul atemar ebe, AYIAI AKUJ TOOMA KRISTO. Arai AKUWUAN Yesu. Ayiai Akuj ibooi alotooma keng ka akileleba, ANAKUWUAN. Mam nabo ekitamune ece ngolo ileere akilo ngol. Akimunono, ee. Nai akiyokino ngina a kire - ka nyepedori araut ibore ngini ileere. Pa kerai inges kolong sek ngauni, mam co tar tokona dang nyeraunete ngauni. AKUJ APEI. Ido abu Akuj nginapei ngin tonap akuwuan.
Ebala Yesu ebe, “Abuni ayong aneni ka Akuj, ka dang (abongori) neni ka Akuj.” Yokana 16:27-28. Erai ngun nguna erai ikes kire apotu totakanut. Abu Inges tongopia a nakwap alopite angolo ka Aketwanare, anukio, ka ayiarun, ka adokar keng Nakuj. Anen abu Paulo kiriamakin ka Inges lorot ngolo a Damasiko ido abu Inges kisirworik Paulo tema, “Saulo, Saulo, kaanukiro ikimanitor iyong Ayong?” tema Paulo, “Ngae iyong Ekapolon?” abu inges tema, “Ayong Yesu.” Arai Inges epir ngolo ka akim, akica ngina etumudukanan. Asir inges abobong, lopite ngolo sek erworitor inges. Abu tobongo lopitene ngolo sek ayiakar inges eringa nyenapa eema ngolo erai akuwan. Erai ngol epite ngolo abunio Yokana kingolikinia Inges. Yokana 1:18, “Emam itunganan ngini engolik Akuj ka adiopaki, nai lokoku ngolo donupei, ngolo eyiai natorobu a papa adau akiteyeniar Inges.” Toanyu iyong tokona neni ebookor Yokana ebe eyiai Yesu. Eyiai Inges natorobu a Papa.
Ebala alotoma Luka 2:11,
“Anerai nakwarina edoun anguna kus alore a Daudi eketeyiaran, ngolo erai Kristo Ekapolon.”
Aponi kidounoi Inges erai Kristo, kedaun ngirwa ngikanikauni ngina akepere Inges aponi tolimokinae ekiro Yesu, lopite ngolo sek alimokinitor ikes emalaika. Ekedounio ayong arai ngolo a Buranam. Kedaun akidoun ayong, aponi akainakin ekiro ngolo a William. Arai inges Kristo nai aponi inakinae inges ekiro alokwap a ne ngolo alokiding ngitunga. Eema ngolo alokinga ngolo eteete ngitunga daadang ngol, arai Yesu. Arai Inges Ekapolon ngolo ka akibuses, Akuj ngina etiron etakani enapit akuwuan. Erai Inges Akuj Papa, Lokoku, ka Ekuwuam ngolo Akuangan. Inges ngol dadang.Tosiomete alo akirot... Apukokino a Yesu Kristo.
Download (PDF)... Akujuo Isileereunitoi.
