Akimunono ya Kristo.
next >>
Ngai Melkisedek Lo?. Abu Akuj toduk alotoma Yesu.
Ngai Melkisedek Lo.
Akimunono ya Kristo.
William Branham.Tosiomete alo akirot...
Ngai Melkisedek Lo.Ngiburanian 7:1-3,
1 Anierae Melkisedek logo, ekabaka a Salem, esacaradooti ngolo ka Akuj angolo alokidiama, ngolo abu kiriamunos ka Aburaham ngina abungunio anakingol ngikabakai, ka kiserereng inges;
2 Ngolo abu Aburaham inak ingitomoneta adaadang; ngina esaunan alotooma akilocunio Ekabaka ka akiyookinio, ka kelunyar ngun Ekabaka a Salem, ngolo erai, Ekabaka ngolo ka aiyorit;
3 Ngolo emam papa, ngolo emam toto, ngolo emam iletonit ka emam ageunet ngina angarwa, kori ekisal ngolo ka akiyiar; nait itiyatai naput alokoku ka Akuj; ebooi erai esacardooti ngolo ruba.Totamatamata nguna aitunganan angini ka aumokin ayen, nguna ikamunito itiae ngolo ka aumokin akeekile alo! Ka naikona, akingiset inges nata ebe, “Ngai ekile lo?” Eyiakatar ngulu esiomito ngakiro keebaibul ngatamanakineta nguna egelegelea. Nait ameun angaario ngina angakipuceta angakankaarei, ekitaabo ngolo ka akimunono ngolo arai ngolo ka akimunono neniyok... Ikwanginapei eyakar alotooma Apukokinio 10:1 akitodol 7, akimunono daadang ngina igiritai lokitaabo logo, ngina iwuaitae ameun ananyameta ngulu apotu kilocokis ngiboro, ebeit yaunai nakilerer emalaika ngolo keekanisa ka anyamet angina esidion. Ngiai eyenete ebe iyookino nguna? Iyookino nguna, ebeit yaunai. Akimunono daadang ngina ke ekitaabo angolo ka akimunono ebeit apukokino neni ke ekeakea a Laudekia ngolo ka anyamet angin.
Ekite ebe eyai epeget ngolo alalan nguna ikamunito itunganan yen ka ngini ikimori iwony egeni, atami etemokino iwon olomasi toomakeng, oriputu ebe angaiboyeni. Naitkona, eyiakasi ngatamanakinet anguna eyiakatar ngitunga ngulu alalak anenikeng. Apei alotooma atamakinet angitunga inges, ngalimonoreta nguna nyitogogongiorito ngitunga nguluce, “erai ca inges eemut ngoloka aliokonu. Amam pa arai inges kire itunganan.”
Ka ebaakasi ngice, ebe “arai esacardoti. Arai inges asacardoti Melkisedek.” Ngina epatana ngin, ngina imiidikina ejok lowei ngolo edeparepite ngolo etiyiata ikec aloweia ngoloce aye, araianiearaieba akasi ikec ebe arai esacardoti. Emam nyepedori araun ngun, anierai alotooma engaet ngolo angiomwon ebala ebe arai inges itunganan, “Ekile” Ee, anguna ka araakau itunganan, mati iyiakatar inges ngipitesio ngulu etegelikina, erai “Ekile” Meere akinapet; nait itunganan! Emam pa arai inges ca ngakinapeta nguna ke esacardoonu, ka emam pa arai inges eemut ngolo ka aliokonu. Arai inges itunganan.
Ka itunganan yen erai ngini ruba. Kerae kirip iyong, “amamukatar papa. Amamukatar toto. Amamukatar esaa ngolo kisiakinia. Ka amamukatar esaa ngolo edaunor.” Ka neni arai inges eringa eyiari nakuwarna, anierai abala ebaibul, ebe, “amamukatar inges papa, kori toto, ageunet ngina angarwa kori ekisal ngolo ka akiyiar.” Eeebeit torai itunganan ngini ruba. Iyookinonguna a? Itunganan ngini ruba! Epedori araut epeitunganan bon, inges Akuj, anierai inges bon erai ngoloruba. Akuj!
Naitkona, alotooma timoteo ngolo keekingaren 6:15 ka 16, erai kicamito inges akisiom ngun ngicesai, eitanit ayong iyes tosioma nen. Naitkona, ibore ngini eciasitor ayong inges, ebe, erai inges Akuj, anierai inges bon itunganan ngini emam nyetwani. Ka naitkona, Akuj kilocokin torau itunganan; arai ibore ngini arai inges ngini, “Amam papa, amam toto, amam akisiakinet ngina ka akiyiar, amam ekisal ngolo angirwa.”
Naitkona ikiriam anakigirit ebe nguna itatameta ngitunga ngulu alalak nguna ebe, “ngayekauninieta nguna ka araakau itunganan ngauni aneni ka Akuj alotooma papa, lokoku ka ekuwuam ngolo akwuangan.” Ee, emam ngiyakaunotor iyong eyakae ngol pakirai iyong itunganan. Eyaikini itunganan akitiyaun itunganan. Abu ekejianakinan ngolo a Baptist, bu kai kang, ngisabito ngidi ngulu alunyarosi, ka abutema.“ Acamit ayong akiteten iyong akirot ngina ka Akuj papa, lokoku ka ekuwuam ngolo akwauangan adiopaki erai kiriamu iyong apak.” Kori be abu inges okonyarai ayong.
Abu ayong otema, “ayiakar ayong esaa tar tokona, anierai acamit ayong eketeteni, ka iwuaakisi idiobore daadang nawei, etiyata ngun.”
Ka abu nait inges bu, abu tema, “Lokaato Branham, itatami iyong ebe erai apeiKuj bon eyai.”
Abu otema, “Ee, malim.”
Abu inges tema, “ewa,” abu inges tema, “anupit ayong ebe erai apeiKuj bon eyiai, nait Akuj apei alotooma ngitunga ngiuni.”
Abu ayong otema, “Malim, tobongok nguna nabo.”
Abu inges tema, “Akuj apei, alotooma ngitunga ngiuni.”
Abu ayong otema, “Losukul ali ilosit iyong akisiom?” Toany iyong? Ka abu inges okolimoki ayong ebe losukul ngolo itatamere ngakiro nguna ke ebaibul. Abu ayong otema, “apedori ayong akinup ngun.Emam nyipedori iyong araakau itunganan emam eyiakae ngolo ka araakau itunganan. Ka erai kiyiakatar iyong eyiakae ngolo ka araakau etungan, iyiakatar iyong epite epei bon ngolo ke itunganan nenikon bon ke elope. Itiakara iyong, iborosit ngini donupei.”
Ka abu inges tema, “Ewa, emam tar nyepedorete ngulu esiomito ngakiro nguna ke ebaibul akitetemun ngun.”
Abu ayong otema, “erae alotooma apukokinio.”
Ka abu ingest ema, “Emam nyacamuni ayong apukokinio.”
Abu ayong otema, “Emam robo nait epite ngolo ebunio Akuj nenikon, anierai, 'iwuaitae anakonyen angikaosok, ka apukokin neni angingweya', apukokin, apukokinio, 'apukokin neni angingweya ngulu ecamunete, akisisaun.'” Ka abu ayong otema, “Emam nait epite ngolo ebunio Akuj nenikon; igolor iyong jik anenikeng.”
Ebaibul daadang erai apukokinio ka Akuj. Ekanisa daandang edukokinitai napukokinio ka Akuj. Emam eciepite ngolo yenunet Akuj, erae bon alotooma apukokinio. “Neni angini epukokini lokoku.” Apukokinio; Erai ibore daadang apukokinio. Ee, amamukau acamun apukokinio, inges atemar erai iyong ketataman ke ebaibul ngolo ililim, ka emam atametait angun akon.Naitkona, naitkona, ikiyanyu ebe itunganan logo “amam papa, amam toto, amam ageunet ngina angirwua kori ekisal ngolo ka akiyiar.” Arai Akuj, enmorphe.
Naitkona, ebunit akirot ngina nangajetangiyonanin, erai akepolou ebe, “akilocokin,” inges esitiyau, inges akilocokin bon, enmorphe, alotooma itunganan epei... tar akitodol nitungana nicie, akirot ngina angiyonanin naga, enmorphe, ewuoikinit... alemunio alotooma abolia angikaeok, ebe epeitunganan iloconokini eke sura, ainakin inges erai ngini itegelikina.
Ikwanginapei iyiakar alosukul, alotooma ngarwua nguna alunyarosi, anupit ayong, eringa Rebekah nyenapa eke digiri alosukul, ayiakatar apei alotooma ngaboliasio nguna a Shakespeare. Ka arai epeisapat akiloc ngikelowui ngapakio nguna alalak, anierai abolia inges ngiwaitin ngiarei kori ngiuni; nait, torai itunganan nginipei ngin. Abu tolom kinga, apeipak, arai inges itunganan ngini aronon nooi alotooma abolia; ani nabo elomuni aciepak, ayiakatar nabo eciepiteene. Ka naitkona akiroit ngina angiyonanin ngina ebala ebe, enmorphe,akepolou ebe abu inges “kilocok eke sura.”Ka nguna inges abu Akuj kitiya. Erai Akuj ngolo peingol alotooma ngapakio daadang. Akuj alotooma eyiakae ngolo a papa, ekuwuam, epir ngolo ka akim. Akuj ngolopei ngol inges abu torau akuwan ka kiboi alokiding yok, enmorphe, abu tolemuni ikotere eyanyunio inges. Ka naikon aAkuj ngolopei ngol inges ekuwuam ngolo akwuangan. Papa, lokoku, ngolo akwuangan... meere ngakujio ngauni; ngapision ngauni, ngitisicio ngiuni ngulu ka Akuj ka apei.
Abala ebaibul, “eyai Akuj apei,” meere ngauni. Nait arae epite ngolo inges isipiyori ikec... emam nyipedori iyong akiteten nugu toyiakatar ngakujio ngauni.Emam nyipedori iyong akitegialakin eyudayot nguna. Akalimokini ayong iyong nguna. Ngini eyeni ejok, eyeni inges ebe eyiai apeiKuj bon.
Toanyu, ikwa ibore ngini eyeunitae ka kigirigiritetei, engopit inges, kimukokinitete aburet loreetkeng. Nguna inges etiyiak Akuj nanyamet naga. Ewuaitae. Ewuaitae ngiboro lugu daadang, ka ebeit topukunoi ananyamet anaga. Naitkona, ebala ebaibul ebe eponio apukun anarwua anguna esidiok. Ikwuan ka ekayia animukorit ngikeeboro akitodol apak ngina elemaria inges akimuket ka kileereu nait.
Ka epite ngolo inges ayiakar ebaibul. Arai etic ka Akuj ngolo emukitoi. Ka ewuaitae emeun apetakinio ngina ka akwap, ka erai akimunono ngina irwanakinitae ngarwatin ngakankaarei. Ka abu Akuj kiikinite alotooma akolongit naga, ananyamet angina ke ekanisa alaoudekia, ebuni inges alemar aburet anibore angin jik ka ikiponi iwon aanyun inges. Nyo ibore nginiti ka asir!
Akuj, enmorphe, abukimukor alotooma epir ngolo ka akim. Akuj,enmorphe, alotooma itunganan ngolo anyaritae Yesu. Akuj, enmorphe, alotooma ekanisakeng. Akuj alokidiama yok, Akuj kaapei ka iwon,Akuj alotooma iwon; aumokina ngina ka Akuj.
Alokidiama ka ama, ekwang, amam itunganan apedori akitap inges; abu kiboikin lomoru, ka tar ngina etapia ibarasit emoru, eyiai atwanare. Abu nait totiyaunkwap ka abu kilocok eke ema, ka abu todokukwap ka kibooyoto ka iwon, abu torau epei alotooma iwon. “Ka ikipout iwon otinga inges,” ebala ebaibul ebe. Timoteo ngolo keepei 3:16, “Tomam epeget eumokina akimunono ngina ka akerit Akuj; anierai abu Akuj kitoodiun anakuwan, totinga ngayokokan.” Abu Akuj tonyamite akiring. Abu Akuj tomasite ngakipi. Abu Akuj tojotooro. Abu Akuj kigorite. Arai inges epei aneni yok. Ibus, isikwuanitai alobaibul! Arai ngol Akuj alokidiama iwon; Akuj kaiwon; naitkona erae Akuj alotooma iwon, ekuwuam ngolo akwuangan. Meereitunganan nginikiuniyet; itunganan nginipei ngin!
Abu Akuj totiyaun kwap ka torau akuwan, ka abu totwana atwanare, alotooma Kristo; ikotere inges iteseguni ekanisa, kotere elomari inges tooma, anguna ka akimor. Emina Akuj akimor. Arai ibore ngini esiaunia inges asubun itunganan, arai anguna ka akimor; ebooi Akuj bon kaapei ka ngimalaikan ngulu enyaritae ngikerobim.
Ka toanyu naitokona, abu inges kitiyau itunganan, ka abu itunganan kimasari. Ee abunai inges todoku kwap alakuni itunganan, anierai eminakinit Akuj emayio inges. Akiroit nginapei enyaritae Akuj ewuoikinit “Iborosit ngini emayio.”Ka yegeni ngini ebuni kiding yok, erai epir ngolo ka akim, ikwa ibore ngini iloconokin ngiyoktain, Akuj ngolopei ngol inges abala ebe, “Toyakaun akica,” ka abu akica toyakaun. Inges ngolopei ngol bien, nakolongit naga, ka ngikaur ka ngikaur.
Nai tokona, anakisiakinet ebooi Akuj bon, kaapei ka ngakeyia-kauninieta, ikwanginapei tete erworitor ayong ataparacu naga. Arai ngun ngaketameta. Amam ice-bore, Akuj caa bon, nait ayiakatar inges ngatameta. Ikwa ca ngina epedoria ngolo egeronokini ngakais akiboikin, alotooma ngaketameta, ka kigeroik ibore ngini etamakini inges, ka ibore ngini ebuni inges adukokin. Asubuni, naikona, emam nyepedori inges asubun. Epedori inges alemuni ibore ngini edaunitae asubun ka kitiyiak togelaaniar; anerae Akuj inges bon erai rot... inges bon epedori asubun. Nait etamakini inges ibore ngini kitiyiakina, ka ngaketameta-ngun, ngakeki itaneta ngun. Nai kona erae atametait, ka ebuni nait inges alimuni, ka torau nait akirot. Ka erae akirot atametait, ngina elimunere, erae akirot. Atametait ngina alimuni arae akirot, nait mati mono kirau atametait. Ee, arae ngipitesio ka Akuj; erauni nait atametait, ka nait akirot.
Toanyu. Ikec ngulu eyiakatar nakuwar-na, akiyiar ngina-ruba, ayiakasi kaapei ka inges ka ayia tooma keng, ayiakasi lotame-keng, eringa edio malaika ngeyiakauna, eringa etop nyeyiakauna, ngikerobim, kori idiobore icie. Ngin inges ibore ngini-ruba. Ka ani kiyiakatar iyong akiyiar nginaruba, eyiei iyong sek dang. Meere akon kuwan naga, nait epite ngolo ikiyeunitere iyong ka Akuj ngolo emam asalunet...
Ka ani pa kerae inges ngolo ngesalu-nunui, meere nait inges Akuj. Mati Akuj arae ngolo ngesalununui. Ikisalu-nunui iwon; erae inges ngolo ngesalununui. Ka arae inges ngolo eyiai nakiboisio daadang, ngolo iloit anaosou, ka ngolo ka apedor adaadang. Erae-nait pa kerae inges araun ngun daadang, emam nai nyepedori inges araun Akuj. Eyeni ngiboro daadang, ngakiboisio daadang, anierae eyiei inges nakiboisio daadang. Ake-kiloit anaosou einakinit inges ayiakau nakiboisio daadang. Arae inges ibore ngini eyiari; emam ngikuan inges ka ekuwuam ngolo ekusi. Erae inges ibore ngini eyiari; eboi alokai. Nait akiloit anaosou, ayenut ngiboro daadang, inges einakinit inges eyiei nakiboisio daadang, anerae eyeni inges idiobore daadang ngini itiya.
Emam ngeyekaun ekadesidesit eruapiruapi ngakekonyen nait torai ibore ngini ayieni inges. Ka ayieni inges eringa tar akwap ngeyiakauna, ngapakio ngayai iruapiruapia inges ngakekonyen, ka etiae ka asepae alotooma kec, eringa akwap ngeyiakauna. Erae ngun nguna ngesalunete. Emam ngepedorio iwon amisiikin angayok-tameta, nait erae ngol Akuj. Akuj ngolo ngesalu-nunui!
Tosiomete alo akirot... Ngai Melkisedek Lo.
