Nshiku ishikankala nganshi.

William Branham.
 

Belengeni ili buku...
Bulyo bushiku pa Kalbale.

Luka 23:33,
Bati bafike pa ncende iyo beta, “Pa cipanga,” awe epo batanikila Yesu ne fipondo, cimo ku kulyo, cimbi naco ku kuso.

Bwena ni bumo ubwa nshiku ishikankala nganshi isha nshiku shonse isho Lesa atalile ukuti buce pe sonde. Kabili nga yena ikankala nganshi ku mutundu wa bantu, Kalbale, ndetontonkanya cena cisuma kuli ifwe ukubwelelamo no kucecenta yena, kabili tumone fye ifyo yena ilepilibula kuli ifwe. Pantu, ndi uwashininkisha, pali ino ora iyo tuleikalamo, ifwe tulefwaya ubukankala ubuli bonse ubwa kwa Lesa uo twingeshiba. Kabili fyonse ifyo twingasanga, tuli pano ukusambilila pali yena, ukumona ifyo yaba kuli ifwe, kabili ifyo Lesa atucitile, no kumona ifyo Ena alaile ukutucitila ifwe. Kabili cilya e co twishila ku chalichi.

Ulya e mulandu wine kashimikila ashimikila, ulya e mulandu wine aalabelenga no kutontonkanya mu Malembo, no kufwaya ukuputwa, ni pa mulandu ena mubomfi wa cintu bwingi ku bantu bakwa Lesa. Kabili ena aleesha ukusanga icintu cimo ico cili... ico Lesa alingile ukusosa ku bantu Bakwe, icintu cimo ico cingabafwilisha. Nalimo, limbi kuti caba, cabembela mu membu shabo, lelo kuti bwaba ubwafwilisho ukubemya, pakutila bengaleka imembu shabo elyo kabili ukubemya ukubombela Shikulu. Kabili bakapyunga balingile ukufwaya ifi fintu.

Kabili buno bushiku, pakuba ubukankala nganshi, bumo pa nshiku shikalamba, lekeni tuolekeshe pa fintu fitatu ifyalekana lekana ifyo bulyo bushiku bwapilibwile kuli ifwe. Ifwe kuti twasenda imyanda. Lelo, muno lucelo, ninsala fye ifya lekana lekana fitatu, ifintu ifikankala nganshi ifyo tulefwaya ukulolekeshapo, pa nshita ishinono ishilekonkapo, ifyo Kalbale yapilibwile kuli ifwe. Kabili ndepepa ukutila cilya cili no kwebaula umubembu uuli onse uyo ulipo; cili no kulenga uwashila onse ukuya pa makufi yakwe; cilya cili no kulenga umuntu onse umulwele ukukusha icitetekelo cakwe kuli Lesa, no kwenda, ukuposhiwa; onse uwabwelela numa ukubwela, kabili no kuba nensoni umwine; no washila onse, asangalale, no kusenda ukwikata kupya ne subilo lipya.

Umo umukalamba, icintu icikankala ico Kalbale ipilibula kuli ifwe kabili ne sonde, lyaba, yali pwishishe ilipusho lya lubembu, umuku umo kabili na lyonse. Umuntu asangilwe no mulandu wa lubembu. Kabili ulubembu lwali ukukandwa uko umuntu nangu umo tengalipila. Ukukandwa kwali ukukalamba nganshi mpaka takwali nangu umo uwinga lipila ukukandwa. Mucine nalicetekela ukuti Lesa alashike cena ulya musango, ukuti ukukandwa kukaba ukukalamba nganshi icakutila takuli umuntu uwingalipila cena, pakutila Ena engacicicta, Umwine. Nomba, ukukandwa kwa lubembu kwali ni mfwa. Kabili ifwe bonse twafaylilwe mu lubembu, ukupangwa mu mampulu, ukwisa pe sonde, ukulanda ubufi. E ico kanshi takwali nangu umo muli ifwe uyo uwali uwalinga, atemwa, bena tekuti basange nangu umo pe sonde uyo wali uwalinga.

Kabili ulubembu talwatendekele pe sonde. Ulubembu lwatendekele mu Mulu. Lusifa ali... Lusifa, kasebanya, ali icibumbwa icasekwa, ku kusekwa kwakwe, ilyo ena talati apume sonde. Ulubembu lwatendekele mu Mulu, uko Lesa abikile ba Malaika, kabili na fimbipo, pa mulingo umo wine uo Ena abikile abantunse; ukwishiba, icimuti ca kwishiba, icimuti ca Mweo kabili ne cimuti ca kwishiba, uko muntu engasenda ukusala kwakwe. Kabili ilyo Lusifa apelwe ukuba uwantanshi, ukupanga ukusala kwakwe, ena alefwaya icintu cimo icawamisha ukucila ico Lesa akwete. Cilya catendeke ubwafya.

Kabili kulya kwali icifwaikwa pa lubembu. Icalefwaikwa cali ni mfwa. Imfwa yali ukukandwa. Kabili, cilya cili, ifwe kuti twaya mwi lyashi lyonse ilya ici, pantu nshacetekela ukutila kwaba kano fye imfwa imo. Kwaba fye Umweo umo. Ndecetekela umuntu uyo wakwata Umweo wa Muyayaya tekuti afwe. Kabili ndecetekela kwaba ukupwishishiwa umupwilapo ukwa ulyo mweo uyo ubembuka, pantu Baibele itila, “Umweo ubembuka, bwena mucine ukafwe.” Te muntu; “umweo ubembuka.” E ico, Satana mucine alingile ukufwa, umupwilapo konaulwa. Ifyo nshisumininshanya naba universalists abo abasosa ukutila Satana akapusushiwa! Ena alibembwike, kabili ena e ntendekelo ya lubembu. Kabili umweo wakwe walibembwike; kabili ena ali mupashi. Ulyo mupashi ukonaulwa umupwilapo, takuli nangu cimo icikashalako ica bwena.

Kabili ilyo lubembu lwapumine pe sonde, kulya mu ntendekelo, kwati fye umushiti wafita ukufuma mu myulu, lwena mubutuntulu lwalenge isonde ukufwe citu. Lwaposele icibumbwa conse, pe sonde, kabili ne fya lengwa fyonse fya kwa Lesa, muli bunkole. Umuntu ali muli bunkole bwa mfwa, ubulwele, ubwafya, amalanda. Ifya cifyalilwa fyonse fyawile pamo na cena. Ulubembu lwali umuti wakusendamika ulo mucine lwalengele isonde ukufwe citu. Elyo kabili twalikele pano, ababulesubilo, pa mulandu icibumbwa conse pe sondecalikumineko kuli lwena. Kabili onse uwafyalwa pe sonde ali kumineko kuli lwena. E ico, cena cali no kufumina ku Ncende imo uko kushali ulubembu. Lwena tekuti lufumine pe sonde. Umo muli ifwe tekuti alubule umubiye. Calingile ukufuma kuli Cimbi.

E ico kanshi, ilyo muntu aishibe ukutila ena aliipatwile ukufuma kuli Lesa wakwe, ena aishileba uwa kululumba. Bena balilile. Bena balilile. Bena balicucutike. Bena balilulwimbe, ukupita mu mpili kabili ukupita mu mufiswebebe, ukufwaya Umusumba uo kakula kabili kalenga ali ni Lesa. Pantu, ena alishibe ukutila nga ena akatala ukubwelelamo mu Mulola wakwa Lesa, ena kuti alanda cena ukupwishisha na Wene. Lelo takwali inshila nangu imo ukubwelelamo. Ena aishileba uwaluba. Ena taishibe ni nshila nshi iya kuyako, e ico ena aile fye, ukululumba, ukwesha ukusanga pa cifulo cimo ico ena engasanga kulya kunuma kuli ilye Ncende. Icintu cimo mukati ka ena camwebele ukutila ena aishile ukufuma ku- ku Ncende iyo iyali iyapwililika. Takuli umuntu muno muli ili bumba ililemoneka, muno lucelo, atemwa mwi bumba ilya tepu uwa magnetic, uukuli konse uko ikaya mwi sonde lyonse, takuli nangu umo kuno, atemwa ukuli konse, lelo uyo ufwaya ukupwililika.

Imwe mulakwata ifyakulipila fyenu ukulipilwa, ukutontonkanya, “Cilya cilepwishisha cena.” Ilyo mwakwata ifya kulipila fyenu ukulipilwa, lyena kuliko umuntu umo umulwele mu lupwa lwenu. Ilyo ubulwele bwaposhiwa, lyena mulakwata ifyakulipila ifingi ifya kulipila. Icintu cakubalilapo namwishiba, umushishi wenu ulesanguke mfwi, kabili lyena mulefwaya ukubwekela umwaice. Kabili kuliko icintu cimo inshita fye yonse, lyonse lyonse, kabili pa mulandu wa lilye tambe ilya lubembu. Lelo mu mutima wenu, pa mulandu wakutila mulefwaya cilya, cilangisha ukutila kwalibako Ukupwililika ku cifulo cimo. Kucifulo cimo, kuliko icintu cimo.

-----
Mukulekelesha, ubushiku bumo, bulya ni bulya bushiku pa Kalbale, kwaishile Umo uwaishile ukufuma ku Bukata. Umo, uwe Shina lyakwa Yesu Kristu, Umwana wakwa Lesa, Uyo waishile ukufuma ku Bukata, kabili Kalbale yalipangilwe. Bulya e bwali ubushiku ubo amakwebo yalipilwe, kabili ilipusho lya lubembu lyalipwishiwe umuyayaya. Kabili caiswile nshila kuli ici cintu ico twakwatilapo nsala ne cilaka. Caletele incende yakwikusha. Takwaba umuntu uyo watala ukupempula Kalbale, no kumona yena umusango yabelelemo, uyo uwingatala ukuba cimo cine. Ifintu fyonse ifyo ena atalile ukukabila atemwa alefwaya, fisangwa, ilyo ena afika pali ilye ncende.

Cali bushiku ubwali ubukankala nganshi, kabili icintu icali icikankala nganshi, catenkenye isonde. Catenkenye sonde, nge fyo talyatala sunkanishiwapo. Ilyo Yesu afwile pa Kalbale no kulipila ilipusho lya lubembu, ili sonde lya lubembu lyaishile kwata imfimfi. Akasuba kalingile pakati ka kasuba, kali no mwenso uwakututumya. Kabili amabwe yalitenshiwe, impili shalilepwike, kabili ne mibili iya fwa yafumine ukufuma mu nshishi.
Cinshi ico cacitile? Lesa aliishilemo, pa Kalbale. Ena afwantilwe ilye nama, iitwa Satana, umuyayaya. Nomba ena alikalipa nganshi ukutula lilya, pantu caletele Ulubuuto ku mutundu wa bantunse. Kabili uuli onse alishiba ukutila inama iyacenekwa ilaba ikali nganshi, ukulaenda enda ne numa yakwe iyakontoka. Nomba, Satana alipuminwe imfwila, pa Kalbale. Isonde lyashininkishe ukutila efyo cali.
Umutengo ukalamba nganshi uwatalile ukulipilwa, kabili Umo fye uyo uwingalipila wena, aliishile no kucicita pa Kalbale. Kulya eko umutengo ukalamba walipilwe. Cilya e cimo ica fintu.

Lesa alikwete cena. Takwali umuntu uwali uwalinga. Takwali umuntu uwali uwalinga. Takuli umuntu uwinga cicita. Kabili Lesa alishile, Umwine, kabili alengelwe umuntunse, no kwikala ubumi bwa buntu, ukupitila mu kukabila kwa buntu, kabili atanikwe pa Kalbale. Kabili kulya, ilyo Satana atontonkenye Ena tekuti acicite, Ena tekuti apite muli cena, Ena alipitile mu Gethsemane no bwesho bonse umuntu onse atalile ukucimfya. Ena apitile muli wena nga bantu fye bonse, lelo Ena alipile umutengo.

Kabili cilya e calengele isonde ukuba mumfimfi. Cali ngo muti wakusendamika, ku kutumbulwa. Ilyo doctor apela umuntu umuti wakusendamika, ena intanshi alamulenga ukufwo mutombo, ilyo ena talacita cena. Kabili ilyo Lesa apele u- ukutumbula ukwa Lukuta, isonde lyaishilekwata umuti wakusendamika, icifyalilwa cakwete musamfu. E mulandu wine! Lesa, mu mubili wa buntunse, alefwa. Yena yali ni ora ilyo isonde lwalelolela, nalyo line abengi muli bena tabaishibe cena.
Nge fyo cili ilelo, abengi balelolela pali ifi fintu, kabili nomba bena tabafimona fyena. Bene tabeluka inshila iyakufuminamo. Bena bacili baleesha ukufwaya ifyakwangala ne fintu ifye sonde, ukwesha ukusanga inshila yabo yakufuminamo.

Kwaliko, ifipampa fyakwishibishako ifingi ifyasontele kuli bulya bushiku, ifingi ifinshingwa ifikalamba. Cena cali mucinshingwa libela ku mwana wa mpaanga, ku ngo'mbe ilume, ku cipele , kabili fyonse ifi fintu, lelo nomba teti fyonaule cena. Cena tekuti conaule kulyo kwikatilila kwa mfwa, uko Satana akwete ili sonde.
Amabwe yene ayo ena aendelepo limo, uku no ku pe sonde, amabwe ya mingu! Lusifa ali umwana wa macaca, kabili ena aendele pe sonde ilyo lyali umulilo uwaleaka. Yalya mabwe yamo yene ayo yatalele, ilyo Yesu afwile pa Kalbale, yafumine ukufuma mwi sonde.

Umutengo walipilwe, kabili bunkole bwa kwa Satana bwaliputawilwe. Lesa abikile mu minwe ya muntu, inshila iya kubwelelamo iyo alelolela. Ena talingile ukulila nakabili. Kwapumine, ilyo Ena akontwele umongololo wakwa Satana, kulya pa Kalbale, no mongololo wa lubembu, uwa malwele! Kabili cilaleta umwina kufwa onse, pe sonde, ukubwekela mu Mulola wakwa Lesa, ne membu ukulekelelwa. Aleluya! Imembu shesu shaliyelelwa. Tati nakabili Satana atutalushe ukufuma kuli Lesa.

Kwaliba inshila iya cinkwete iyapangwa. Kuliko lamya ikele palya. Kuliko umushilwa wa ku Bukata, ukuleta umuntu onse ukwisa kuli ulya umushilwa. Ngo muntu ali uwaisulamo no lubembu, yasuntinkenye wene pakati. Wene kuti ayelelwa pali lulyo lubembu. Te cilya fye ceka, lelo lulyo lubembu nalulipililwapo. Owe! Imwe tamulingile ukusosa, “Nshili uwalinga.” Mucine, imwe tamuli, imwe tamwakatale ukuba. Lelo Ulya uwalinga asendele icifulo cenu. Imwe muli muntungwa. Imwe tamulingile ukululumba nakabili. Imwe tamulingile ukuba umwaume ufwaya amangalo kuno lubali pe sonde.

Kuli akafukauka akaisulamo Umulopa,
Ukufuma mu mishipe shipe yakwa Immanuele,
Uko ababembu besa pesamba lye lyeshi,
Balebuta tutu.

Imwe tamulingile ukuluba. Kwaba umusebo ukalamba, kabili Nshila, kabili yena itwa Nshila ya mushilo. Abakowela tabapita muli yena. Pantu, ena aleisa ukupitila mu kamfukumfuku, intanshi, kabili lyena ena engila mu musebo ukalamba.

Ena aonawile amaka yakwa Satana. Ena aiswile ifibi fya mu cifungo ica kumbo, ku muntu onse uyo uwaisalilwe, muli ili sonde, mu fifungo, ukutina ilyo afwile, ifyo imfwa ingaba kuli wene. Pa Kalbale, Ena aiswile filye fibi fya fifungo, alekele onse umufungwa ukuya umuntungwa. Tamulingile nakabili ukuletwa panshi ku lubembu. Imwe tamulingile ukupela ifilundwa fyenu ku lubembu, ukunwa, ukupepa fwaka, ukuteye ncuka, ukubepo bufi. Imwe kuti mwaba ababufumacumi, abalungama, aba cinshika. Kabili Satana tekuti acite akantu nelyo kamo palwa cena, pa mulandu na mwikatilila umushilwa, umushilwa wa Bumi uyo uwaikashiwa mu Cilibwe ca Kale. Tapali nangu cimo icingatensha imwe ukufuma kuli Cena. Takuli ifimwela ifingatensha imwe ukufuma kuli Cena. Takuli nangu cimo, takuli nangu ni mfwa ine, ifingatupatula ukufuma kukutemwa kwa kwa Lesa uko ukuli muli Kristu Yesu.

Cilya eco Kalbale yapilibwile. Abantu abo abali muli bunkole balengelwe abantungwa. Abantu abo abali munshita imo ku mwenso wamfwa teti nakabili batine mfwa. Umuntu uwalekabila Umusumba, uo kakula wabuko, kabili kalenga, Lesa kuti atintila mu musebo ukalamba, no kutonta icinso cakwe ukulosha ku Mulu, pantu ena muntungwa. Aleluya! Ena alilubulwa. Ena talingile ukululumba nakabili, pantu kuliko inshila iya kwishibilamo nga cakutila uli uwalungama atemwa iyo. Lesa alatupela Umweo. Imembu shesu shaliya. Bulyo bushiku pa Kalbale alipile amalipilo.

-----
Intanshi, tulingile ukufwaya ifyo bulyo bushiku bwapilibwile. Icabubili, tulingile ukumona ifyo bulyo bushiku bwatucitile, nomba, ifyo bwatucitile ifwe. Nomba, icacitatu, lekeni tulolekeshe ifyo tulingile ukucitila bulya bushiku. Ni cinshi ico tulingile ukucita?

Intanshi, ifwe tulingile ukulolekesha muli cena, pantu bwena bushiku bukalamba, ubukalamba nganshi pa nshiku shonse. Umutengo wa lubembu walipwishiwa. Amaka yakwa Satana yalionawilwe. Kabili nomba tulefwaya ukumona ifyo tulingile ukucita mu mbwekesha. Nomba, mu kubwela, ilyo Yesu afwile pa Kalbale, pa Kalbale bulya bushiku, Ena alipile fye umutengo pa membu shesu, lelo Ena nakabili alipile amalipilo no kupanga inshila ukutila ifwe twingakonka Wene; pantu ifwe, nga abena Adamu abo abalubulwa. Nge fyo Umupashi watungulwile Adamu (Adamu wa ntanshi) ku Mupashi, uyo wakwete ubutungulushi bwa fyacifyalilwa fyonse, lyena ifwe (Adamu wa cibili), atemwa abantu aba pe sonde na balubulwa kuli Kristu, ukufuma pa bushiku bwa Kalbale, kuti bakonka Wene.

Belengeni ili buku...
Bulyo bushiku pa Kalbale.

Eico, umuntu onse uwaba muli Kristu ninshi nomba aba umuntu mupya. Bumuntu bwakale bwapwa, nomba aba umupya.

2 Kolinti 5:17