Cebo ica Mweo konkana
Ukwabule ndalama kabili ukwabulo mutengo. Lesa uyo Wacindama mu Luse. Na ku kwiluka kobe we mwine wishintililako. Incende fye yeka ya kwa Lesa iya kupepelamo.
Ukwabule ndalama kabili ukwabulo mutengo.
Ukwabule ndalama kabili ukwabulo mutengo.
William Branham.Belengeni ili buku...
Ukwabule Ndalama Atemwa Ukwabulo Mutengo.Esaya 55:1-3,
1 Iye, mwebacilaka bonse, iseni ku menshi, abashaba ne ndalama; iseni, shiteni, mulye; ee, iseni, shiteni umwangashi … ishiba ukwabule ndalama kabili ukwabulo mutengo.
2 Cinshi ico mulingila silfere mucishili cilyo? kabili indalama shamukucucutika kwenu mucishili cacikushi? umfwisheni kuli ine, lyeni ne cisuma, no kuleka imyeo yenu ilemene ku fyanona.
3 Teyamikeni amatwi yenu, iseni na kuli ine: umfweni, ukuti mube aba mweo; kabili ndepinga kuli imwe icipingo ca muyayaya, ifya luse ifya cishinka ifyalailwe Dabidi.Kwaliba ifingi ifyakusansamusha mubushiku bwesu. Kwalibako ifingi ifyakubeleleka abantu ifyo twingeta “amangalo” kabili yena yaba ya bantu bonse, icimo conse. Kuli ifya kubeleka ifya abantu abacaice, amasha yapya na malila ya rock-na-roll, kabili ne nyimbo isho bakwata ishendela pamo nafyo. Kabili fyonse filabeleleka, ku kusansamusha. Nshilesakamana ifyo inga'nda ubsuma umwana akushiwamo, kabili ifyo ena asambilishiwa ukucita icalungama; nga ulyo mwana tasumine ukwishiba kwa Kufyalwa cipya cipya, inyimbo sha rock-na-roll shilatemuna amano yakwe bwangu bwangu fye ilyo ena aumfwa shena. Pa mulandu, muli wene, mwa fyalwa muli wene, ku cifyalilwa, umupashi wa buntunse. Kabili amaka yakwa ciwa yali yakalamba nganshi, ilelo, mpaka yalekata umupashi wa ulyo munono.
Kabili cipulemo ifyo cili no kucita ku bakalamba, lyena, abo abakana ukufyalwa Cipya cipya! Pantu, kano fye ubumi bwenu bwapilibulwa, kabili imwe mwapilibulwa no kufyalwa cipya cipya, mukati ka Bufumu bwakwa Lesa, icifyalilwa cenu nalyo line cicili ca fintu fya mwisonde, te mulandu ifyo mwaba aba bukapepa, kano fye cilya capilibulwa muli imwe. Kuti wapepa no kuba kapepa, lelo nalyo line cilya cili no kukwata amaka yamo ayakukula kuli imwe, pantu uyu muntu uwa kale uwalubembu ne fya kukabila fyakwe talati afwe muli imwe nakalya.
Lelo lekenifye umuku umo Kristu asende icipuna mu mutima wenu, filya fintu taficusha. Cena cikalamba nganshi.Teti numbule ishina lya mwaume, pantu teti njibukishe ishina lyakwe nomba, lelo mwebengi imwe mwala mwibukisha. Batila kwali icishi uko abaume baleya, mukusansa, kabili abanakashi kuti bafuma, mukwimba. Ne nyimbo shabo shali shakulembeleka nganshi, icakutila bacoba abalepita mupepi, mu mato, kuti baingilamo. Elyo kabili ifita ifyakusansa kuti bacita- kuti fyaikata aba bacoba ukwabulo ukwishiba, no kubepaya. Kabili umuntu umo umukalamba alefwaya ukupita mupepi. Kabili ena ali na ba coba bakwe ukumukakilila ku cimuti, kabili-kabili-kabili abikile icintu cimo mukanwa kakwe, e ico ena tekuti abilikishe; kabili-kabili ukubika ifyakucilika mu matwi yaba coba bakwe, pakutila bena beumfwa, no koba ukupita, ukumfwa cena. Kabili abanakashi balishile, baleshana kabili-kabili balebikisha, no kwimba, kabili, owe, cali icikalamba nganshi, mpaka ena alifikine inkanda pa fisansa fyakwe, ukubilikisha kuli ba coba bakwe, “Iseni kuno! Iseni kuno! Lelo bena balifililwe uku mumfwa, balikwete ifyacilike mu matwi yabo.
Kabili elyo aobele pa cifulo cimo uko bali no kukakula iyakwe, atemwa, ukukakula amaboko yakwe, kabili ali no kufumya ificilikilo mu matwi yabo. Kulya, ilyo aleenda mu misebo, aumfwile kemba uyo wali uwapulishamo nganshi ukucila cilya kulya lubali, ukutila ilyo aishilepita nakabili, batile, “Owe, we kasabanta mukalamba, bushe tukukake ku cimuti nakabili?”
Atile, “Iyo, nkakulula fye. Ningumfwa icintu cimo icikalamba nganshi, mpaka cilya teti cincushe nakabili.”
Ulya e musango cabelamo ku Mwinakristu uwafyalwa cipya cipya. Nabasanga icintu cimo icikalamba nganshi ukucila inyimbo sha rock-naroll ne fya kusansamusha fya ili sonde. Balasansamushiwa na Mupashi wa Mushilo. Caliba icikalamba nganshi, mpaka isonde lyalifwa kuli bena.Lelo ilyo mwaya kuli uku kusansamusha ukwa cabe cabe, mulingile ukwibukisha ukutila mulingile ukusenda indalama ishingi. Umulumendo uyo usenda cibusa wakwe umwanakashi kuli aya malila kabili na aya masha, kabili na fimbipo, ali no kulipila ishingi nganshi isho afola mu mulungu. Kabili abantu abakalamba abesha ukusanga insansa pakuya kufikulwa fya bwalwa, ukuyanwa ukufumyapo amalanda yabo aya mu mulungu, bena bali no kulipila indalama ishingi. Ni finshi ifyo bapoka ukufuma kuli cena? Tabasangamo nangu cimo lelo ukukalipwa kwamutima.
Kabili ibukisheni, imwe mulingile ukupwisha na Lesa ubushiku bumo pali cena. “Kabili icilambu ca lubembu ni Mfwa.” Tamukwatilapo nangu cimo pano pe sonde, kuli cena. kubengeshima kwa bufi. Ukunwa kulundako fye ubulanda. Ulubembu lulundako fye imfwa pa mfwa. No ku cencentwa kwenu ukwa kulekelesha kukaba kupatulwa kuli Lesa, Umuyayaya, muli Bemba wa Mulilo. Kabili imwe teti munonke nangu cimo, lelo ukulufya.
Elyo Lesa aisa nokwipusha ilipusho, “Cinshi ico muposela indalama shenu pali filya fintu ifishikusha? Cinshi mucicitila?”
Cinshi icilenga umuntu ukufwaya ukucicita? Bena balaposa shonse isho bakwata, shonse isho bengafola, ukushita ukunwa, ukufwika umwanakashi umo uo benda nankwe, atemwa imisango imo iyesonde, amangalo ya lunkumbwa.
Lelo balitweba muli Baibele, kabili baletwipusha ukwisa kuli Lesa, “No kushita insansa sha Muyayaya no Mweo wa Muyayaya, ukwabula indalama atemwa ukwabulo umutengo.”Filye fintu teti fikushe, kabili ne mpela ya fyena ni mfwa ya Muyayaya. Kabili waposelepo indalama shonse isho wingakolonganya, ukuba u- umukankala atemwa kasansamusha, atemwa umulumendo uwa nseko, atemwa fyonse ifyo wingaba, atemwa umukashana uwa lumbukwa, atemwa conse fintu cili. Cilamulengo ukuposa lonse ulo mwingakolonganya, ukucita cilya. Ukufwala ukwapulamo ukwamukufwala, kabili-kabili ukucita ifintu ifyo isonde licita, ukulobolola fye ceke wa kusekwa kwa Muyayaya.
Lesa atile, lyena, “Cinshi?” Ni cinshi ico tuli no kucita pa Bushiku bwa Bupingushi, ilyo tukepushiwa cinshi ico twacitile cilya? Ubwasuko bwesu bukaba shani? Ubwasuko bwa America mupya bukaba shani, abo abasosa ukutila bena ni nko ya Bwinakristu? Kabili kwaba indalama ishingi ishiposwa pa bwalwa, mu mwaka umo, ukucila ishiposwa ku fyakulya. “Cinshi muposela indalama shenu ku fintu fya musango ulya?” Lelo, ubuteko kuti bwamitwala imwe ku cifungo, pa ma dollars yasano ayalinga aya misonko ayo mwatumine nalimo ku kabungwe kamo ako akashabikilwe mu butantiko ukupokelela imisonko, ukutuma ba minshoni bamo ku fyalo fya kutali. Tukepushiwa ubushiku bumo “Cinshi imwe mwacitile cena?”
Ifwe tuli nko ya Bwinakristu, kabili ba billion balitumwa kuli balya bantu kulya lubali, ukutila tuleesha ukushita bu cibusa. Nomba balekana cena. E mulandu Kruschev atile, “Nga kwaliba Lesa, Ena akapyanga isano Lyakwe ubusaka nakabili.” Abasenshi kuti balanda insoselo sha musango uyu, ukuleta insoni pali ifwe. Ifyo caba cintu ca buwelewele! Kabili tulaita fwe bene Abenakristu.
Lesa atile, “Iseni, mushite Umweo wa Muyayaya, ukwabule ndalama, ukwabulo umutengo.” Ubumi, ukwikala umuyayaya, kabili tulafutatila inuma shesu pali Cena no kuseka mucinso Cakwe. Ni cinshi ico tuli no kucita pali bulya Bushiku? Ni cinshi icili no kuba…? Nga Lesa alatupela ifintu ifya kucita, no kutupela indalama, no kutulenga ukuba inko iya nonkesha pesamba lya myulu, lyena Lesa akesa twipusha ni cinshi ico twacitile na cena. Cinshi ico tuposela indalama shesu pa fintu ifishikusha? Te nko fye yeka, lelo cilya cikaba ku muntu umo umo; ukufuma ku ma kobili, ama dollars ba million, cila umo bakapelwa.
Ilyo abantu bepayana umo no mubiye: nabelengele ilyashi ili line fye, uko abalumendo babili balebomba mu nkambi ya kulunga. Umo akwete abana basano, ulya umbi akwete babili. Kabili umo uwa bena baishile mufumya incito. Kabili umo uwa balumendo uyo wakwete abana babili, atemwa alikwete abana basano, aumfwile ukutila alefwaikwa incito ukucila umo uwa bana babili; kabili aile mu kulunga pamo nankwe, no ku mulasa munuma.
Indalama, ulya e musango wa nko, ulya e musango wa myumfwile, ulya e musango wa mupashi uteka abantu.
Lyena kuti mwamona ifyo caba icikankala Ukufyalwa cipya-cipya kwingaba. “Mulingile ukufyalwa cipya cipya.” Cilingile ukuba. “Iseni kuli Ine, nokushita ukwabule ndalama.”
Teti ulande “Nshakwete indalama.” Ta mulefwaikwa indalama ishili shonse. Cena cipelwa fye ubupe.Belengeni ili buku...
Ukwabule Ndalama Atemwa Ukwabulo Mutengo.
