Icebo cakwa Shikulu cisa kuli bakasesema.

William Branham.

Belengeni mu ili buku...
Ifintu Ifilecitika Ukuletwa Palwalala ku Busesemo.

Bali mwebele imwe ba Pentecostal, amakumi yane na fisano, imyaka amakumi yasano iyapitapo. Ba nyinenwe na bashinwe, ilyo bena bali ba pentecostal abacine, baishile ukufuma mukabungwe no kutipa icintu kabili no kufuma muli cena. Lyena kwati ni mbwa ku malushi ya iko, yaile ukubwekela fye muli yena nakabili. Cacitile cintu cimo cine ico caipeye lulya lukuta, mwaipeye abenu mwebene ku cintu cimo cine. Nangu cimo ica kususha abantu mulya, nangu cimo ukususha cena, cena mibombele ya cintu ico icilecita cena.

Kabili, moneni, bena balilufishe ukumona ukushininkisha kwa ma busesemo ya Cebo cakwa Lesa ukufikilishiwa. Nga balya bashimapepo... Yena bali pekenye cenya filya fine fye umusango Mesaya ali no kwisa, balishibe ico cali no kucitika. Ama Fariseo balikwete amatontonkanyo yabo, ba Seduke, ama Herodians, na bonse, balikwete amano yabo. Lelo Ena taishile... Ena aishile ukupusana kuli cila umo muli bena, lelo filya fine ne Cebo. Yesu asosele icintu cimo cine epo cali: “Nga mwalinjishibe Ine, imwe nga mwalishibe ubushiku Bwandi. Nga mwalishibe, imwe kuti... Mwatila, 'Cisuma, Mose! Twalikwata Mose.'” Atile, “Cinshi, nga kuti mwacetekela Mose, imwe kuti mwacetekela Ine; pantu, ena alembele palwa Ine.”

Lelo, mwamona, ilyo Lesa aleshininkisha filya fine ifyo Ena alaile, bena bakwete cena umusango uwacindama ukutila Yesu alingile ukwisa, kabili i... Ndepilibula Mesiya. Mesiya ali no kwisa fye kwi bumba lyabo nga teifyo tali ni Mesiya. Cisuma, cena ni ulya musango, mupepi, ilelo, “ Nga imwe ta mulemona ukupula umwakumona kwandi, imwe tamulemona nakalya.” Mwamona, kabili e ico cilya cili-cilya cili fye umusango cena cili. Ifwe... Cilya cishinka. Ifwe twalipata ukutontonkanya filya, lelo cena mucine cine Cishinka.

Mu Bahebere 1:1, Lesa munshita sha kale alembele Baibele ku nshila Yakwe Umwine iyasalwa. Ena tatalile ukulemba Yena kuli bakasambilila wa fya bulesa, nangula Ena e lwila na bakasambilila wa fya bulesa. Takwatalile akuba inshita ilyo- ilyo bakasambilila wa fya bulesa batalile ukukwata ubwilulo ubwa Cebo cakwa Lesa. Ubwilulo bwisa fye kuli kasesema. Kabili inshila fye imo iyo tukatala ukufuma muli ici cimfulunganya caba kuli Lesa ukututumima ifwe ulya kasesema, filya fine fye, inshila fye yeka cili no kucitwa. Cena cali cetekelwa, ukulolelwapo, kabili- kabili ukufikilisha.

Mwamona, Yena tayalembelwe no muntu, lelo Yena yalembelwe na Lesa. Lyena li buku lya muntu, Lyena te buku lya muntu wafya bulesa. Lyena li Buku lyakwa Lesa, ilyo lyaba Ibuku lya busesemo ilyalembwa na bakasesema no kwilulwa kuli bakasesema. Baibele itila, “Icebo cakwa Shikulu cisa kuli bakasesema.” Filya fine!

Ifyo cawama cilya calondolwelwe, atemwa, ukumonekela ilyo Yesu aishile pe sonde, kabili Yohane ali ni kasesema uwa bulya bushiku, kabili ena alesesema. Batile, “Owe, ulepilibula ukusoso kutila Lesa ali no kwisa onaula utubungwe twesu utukalamba pano na fyonse ifi fintu? Kabili kuli no kubako inshita, ilyo ayesu amatempile tayakapepelwemo nakabili?”

Atile, “Kukesa isa inshita ilyo Lesa engakwata ilambo ukufuma ku Mwana wa mpaanga wakwa Lesa, umuntu.” Kabili atile ukuti- ukuti ali no kwishiba Wene ilyo Akesa. Kabili atile... Ena ali uwashininkisha nganshi pa mbila yakwe, atile, “Ena naiminina pakati kenu nomba kabili imwe tamwishibe cena.” Ena ali fye mukati kenu kabili imwe tamwishibe cena.

Kabili ubushiku bumo ilyo Yesu aendele, Yohane alilolekeshe pa mulu no kumona cilye cishibilo pa mulu Wakwe, atile, “Moneni, Umwana wa mpaanga wakwa Lesa uyo usenda ulubembu lwe sonde.” Pali miniti umo wine Yesu alishibe lyena ukutila Ena ali shininkishiwe ku cinso ca bantu. Nomba, Ena ali Cebo, bushe kuti twatwishika cilya? Baibele itila Ena ali Cebo, “Mukutendeka mwali Cebo, kabili Cebo ali pamo na Lesa, kabili Cebo ali ni Lesa. Kabili Cebo alengelwe ubuntunse no kwikala mukati kesu.” Kabili Uyu ali apa, Ici pano Icebo pe sonde (lolekesheni! ukupwililika!) ukwisa fye mu menshi kuli kasesema.

Cilya cishinka, Icebo lyonse cisa kuli kasesema Wakwe. E ico ifwe teti twenekele Cena ukwisa kuli bakasambilila wa fya bulesa. Ifwe teti twenekele Cena ukwisa ku filonganino. Cena ciiingile ukwishila mu munshila yakupitamo ya kwa Lesa iyo Ena atwebele ifwe kabela, kabili ilya e nshila fye yeka Cena cikatala ukwishilamo. Cena bakacipata, ukucisula, ukukanwa. Ilyo Cena caisa, Cena cikaposelwa kulubali lumo, ne fintu fyonse, lelo Lesa ali no kucicita nangu cibe fyo. Cena calikenwe muli Yesu Kristu, cena calikenwe muli Yohane, cali kenwe na Yeremia, cena calikenwe na Mose. Cena lyonse caba ulya musango. Lelo Lesa aendele fye mulya mwine mu nshila iyo Ena alaile Ena akacicita. Ee, mukwai, Ena tatala ukufilwa ukucicita umusango umo wine.

-----
Lolekesheni muli Baibele, mulemona uko, ni nshita nshi iyo tuleikalamo lyena, ilyo mwamona ifi fintu ifikalamba ukulengwa ukumonekela. Ilyo Lesa alaile ukucicita, Ena lyonse alacicita ku mpela ya cila nshita ilyo lukuta luleisa ku cifulo ce sonde, kabili lwaisa ku cilo caifulo icakupilibuka, kabili capilibuka ukufuma ku Cebo ukubwekela ku lubembu ne fintu ifye sonde. Ifya mwi sonde e lubembu. Baibele itila, “Nga mwatemwa isonde atemwa ifintu fya mwi sonde, ukutemwa kwa kwa Lesa takwaba muli imwe.”

Ukulanda mailo ubushiku, nalelanda palwa i- ilambo ilyo lyapelwe, Umwana wa mpaanga. Cali no kuba inshiku cinelubali, ukwimininako inshita sha nkuta cinelubali. Takwali no kubako intutumushi ukusangwa pakati ka bantu, takwali intutumushi pa nshiku cinelubali. Cilya cilepilibula ukutila takuli nangu cimo ukusankanishiwa na Cena, Cena mukate usahtutumuka, lyonse lyonse. Kabili tatulefwaya ifisumino, intutumushi ne fintu ukusankanishiwa na ifwe. Ifwe tatulefwaya isonde ukusankanishiwa pamo na ifwe. Cena cilingile ukuba Umukate ushatutumuka uwakwa Lesa, Icebo cakwa Lesa, Icebo cakwa Lesa icapwililika, icaba, “Umuntu akaba no mweo ku Cebo conse ico cifumina kukanwa kakwa Lesa.”

Imibombele yesu iya filonganino, no kupusana ne fintu, fyalibika intutumushi muli ifwe, kabili ici na cilya ne sonde lyonse na ma fashion. Kabili, owe, cena cili fye mupepi na Hollywood ukuli konse. Cena mukulekelesha cikesa mpaka cikaba kwati ni England kulya, ubwite bwa kucipailo ka komfwe nsoni. Mwe! Nge fyo munyina asosele, “Musango nshi wingabika isabi mu bwato?” Cilya cishinka.

Tulingile ukukwata Imbila nsuma ukushimikilwa mu mwisulo wa Yena, na maka yakwa Lesa ukushininkisha ukutila ukulingana no bulayo ubwa ilya nshita no kusuminisha ukutila cilya ni filya fine ubufwayo bwakwa Lesa. Kunse ka Cilya muli fye ba membala ba lukuta, te mulandu mubwingi ifyo muleesha, muleesha ukubombela Lesa umulimo. Imwe limbi kuti mwaya ku malila ya musango wa kubila ne mibilile, imwe limbi kuti mwaba aba cishinka nganshi ku lukuta; lelo kano fye kalya kabulungwa ka Mweo wa Muyayaya kalisontelwe kabela muli imwe, ukuba umwana mwaume atemwa umwana mwanakashi wakwa Lesa, imwe mukesakula icintu cimo icalemana; lelo tacatala ukuba uwacine, umwana mwaume wa cishinka atemwa umwana mwanakashi wakwa Lesa.

-----
Moneni, tulesanga ilelo ukuti abantu... Kwaba abantu abengi abashinga cetekela fye Cena, nangula abantu abaisushiwa na Mupashi. Ndi no ku mupela imwe cimo icili no kumilenga ukusakaminwa. Ulubatisho lwa Mupashi wa Mushilo tacilepilibula imwe mukengilamo, awe nakalya, te pali cilya, tacikwetepo icintu nangu nangu cimo ica kucita no mweo wenu. Lulya e lubatisho, mwamona. Uyu apa umweo wa mukati, muno mwine, ulya ulingile ukufuma kuli Lesa. Lelo nomba kunse imwe na mukwata amano yasano, kabili yasano kunse... iminshi ku wenu... ukulanshanya ne ng'anda yenu iya pe sonde. Mukati, imwe na mukwata umupashi, kabili mulya mwalikwata utushila tusano: kampingu wenu, kabili ukutemwa, kabili na fimbipo, utushila tusano kuli ulyo mupashi. Ibukisheni, muli ulyo mupashi imwe kuti mwabatishiwa no Mupashi wa kwa Lesa uwacine kabili nalyo line ukuluba. Cena mweo uyo uuli wa bumi, ulya wasontelwe na Lesa.

Bushe Yesu tasosele, “Abengi bakesa kuli Ine muli bulya bushiku, no kusosa, 'Shikulu, bushe nshatamfishe ifiwa, ukucite fikalamba, imilimo iyapulamo, ukusesema, ifya bupe fikalamba ifya kwa Lesa?'” Atile, “Fumeni kuli Ine, imwe mwe bacita amampulu, nshamwishibe. Abengi bakesa muli bulya bushiku.”

Bushe Kaifa taseseme? Ena ali ni ciwa. Tulesanga kulya... Kabili balya bashimapepo, balya abaume abakalamba, balingile ukuba intungulushi abakalamba muli shilye nshiku, no kupetama na fyonse ifyashala, lelo balifililwe ukumona Icebo cakwa Lesa Icine ukulengwa ukumonekela ku ntanshi yabo. Kuti twasenda fye ibumba lya bena abo nembele pano. Inga pali Balaam? Ena ali i... Mwatila, “Lesa apilibula amano Yakwe.” Ena tapilibula amano Yakwe!

Ilyo Balaam aile kunse nga kasesema, no kuya kulya lubali, bishop, kashimikila, conse ico mulefwaya ukumwita, ena ali umuntu umukalamba. Lelo ilyo aipwishe Lesa palwa kuya kulya no kutipa Israele; ena tabatemenwe bena icakwambilapo. E ico ilyo aipwishe ukuya, Lesa atile, “Wiyako!” Elyo bena batumine shimucindikwa umo, ibumba, bamo nalimo ba bishop atemwa ba presbyters, atemwa icintu cimo, kulya, amasambililo nayambi yamo, uku mupatikisha. Ena alibwelelemo no kwipusha Lesa nakabili. Imwe tamulingile ukwipusha Lesa umuku wa cibili! Ilyo Lesa asosa cena intanshi, cilya Eco! Imwe tamulingile ukulolela icintu icili conse.

Rebekah talolele ukusenda ubutantiko bwa cibili. Bena bali mwipwishe, batile, “Bushe kuti waya?”
“Lekeni wene asose.”
Atile, “Nalaya!” Ena ali uwaputwamo nganshi na Lesa. Wene aishileba umo uwa bana mfumu aba Baibele pa kubombela pa kutunta kwa Mupashi wakwa Lesa uyo waendele pali wene ukupokelela ico icali mucine icine, kabili wene acetekele cena.

Nomba tulesanga ukuti, Balaamu, mucine, ena tekuti amone. Aliile panse no kulolekesha pa bantu, atile, “Nomba, pali miniti fye! Ifwe tuli abakalamba, abantu abakulu kuno lubali, imwe muli fye ibumba ilyasalangana.” Mulemona? “Kabili ifwe bonse- ifwe bonse twalicetekela Lesa umo wine.” Cilya cishinka. Bonse bacetekele Lesa umo wine. Bonse bapepa Yehoba. Lolekesheni kwi lambo lyakwa Balaamu: ifipailo cinelubali, impendwa yakwa Lesa iyapwililika; ama chalichi cinelubali, mwamona; cinelubali basukusuku, ukulanda pa kwisa kwa kwa Shikulu. Mucishinka, ena ali fye uwa mafunde nge fyo Mose ali; lelo, mulemona, takwali ukushininkisha kwa Bulesa. Mulya, bena bali bonse babili bakasesema.

Lelo muli bukapyunga bwakwa Mose, kwaliko Intumba ya Mulilo iya kupapusha, Ulubuuto ulwa lebele ne nkambi. Kulya kwali ukundapwa kwa Bulesa, kwaliko ukubilikisha pa Mfumu mu nkambi, ifishibilo ifikalamba, ukundapwa kwa Bulesa, ne fipapwa ne fintu ifyabombelwe pakati kabo. Cena cali icishibilo ca kwa Lesa uwa mweo pakati ka bantu Bakwe. Mucishinka, bena bali bonse abalungama. Kabili Balaamu alyeseshe ukupatikisha abantu, no kubalowa muli cena. Lilali? lintu fye tabalafika ku Calo ca Bulayo. Ubushiku bumbi atemwa shibili, bena kuti baba mu Calo ca Bulayo.

Belengeni mu ili buku...
Ifintu Ifilecitika Ukuletwa Palwalala ku Busesemo.

Kale Lesa atumine bakasesema, ebalelanda amashiwi yakwe ku fikolwe fyesu mu misango iyingi, kabili pa nshita ishalekana lekana.

Nomba muli ishi nshiku shakupelekeshako, alituma Mwane uwatulandila amashiwi yakwe. Ni ku maka yakwa Mwane, Lesa abumbila ifintu fyonse. Uyu wine Mwane eo Lesa asonta ukuti pakulekelesha akabe e mwine wa fintu fyonse.

Bahibulu 1:1-2